(vovworld)- ງານວາງສະແດງກົນຈັກອຸດສາຫະກຳ VietNam Manufacturing Exhibition ຄັ້ງທີ 8 ປີ 2016 ໂດຍບໍລິສັດ Reed Tradex ຂອງໄທ ຈັດຕັ້ງ ຫວ່າງແລ້ວນີ້ຢູ່ ຮ່າໂນ້ຍ ໂດຍມີການເຂົ້າຮ່ວມຂອງວິສາຫະກິດກວ່າ 200 ແຫ່ງທີ່ມາຈາກ 20 ປະເທດ. ງານວາງສະແດງແມ່ນໂອກາດເພື່ອໃຫ້ບັນດາວິສາຫະກິດຜະລິດອຸດສາຫະກຳຢູ່ຫວຽດນາມ ພົບປະກັບບັນດາຄູ່ຮ່ວມມືຕ່າງປະເທດ ແນໃສ່ແລກປ່ຽນສິນຄ້າ ແລະ ຖ່າຍທອດເຕັກໂນໂລຊີນຳໃຊ້ໃນອຸດສາຫະກຳຫນູນຊ່ວຍ. ສຳລັບ ບັນດາວິສາຫະກິດໄທ, ນີ້ແມ່ນກາລະໂອກາດຊອກຫາບັນດາຄູ່ຮ່ວມມື ແລະ ເປີດກ້ວາງຕະຫລາດໃນຂົງເຂດຊື່ງໄທ ມີບົດຮຽນກວ່າຫວຽດນາມ.
ວິສາຫະກິດໄທເຂົ້າຮ່ວມງານວາງສະແດງ
|
ບໍລິສັດ SP Vision Technology ຈຳກັດ ຊື່ງແມ່ນບໍລິສັດສະຫນອງສະເພາະບໍລິການອອກແບບ, ຕິດຕັ້ງເຄື່ອງຈັກວັດແທກແສງ ແລະ ບໍລິສັດ Prolog Titanium ຜະລິດ ແລະ ສະຫນອງບັນດາປະເພດສິນຄ້າກ່ຽວກັບ Titan ແມ່ນ 2 ໃນຈຳນວນ 28 ບໍລິສັດຂອງໄທເຂົ້າຮ່ວມງານວາງສະແດງຄັ້ງນີ້. ແຕກຕ່າງກັນກັບບໍລິສັດອື່ນສ່ວນຫລາຍຂອງໄທທີ່ໄດ້ຮັບການລົງທຶນ ແລະ ຖ່າຍທອດເຕັກໂນໂລຊີຈາກຕ່າງປະເທດ ຜ່ານຮູບການສ້າງຕັ້ງໂຮງງານຢູ່ໄທ, ບໍລິສັດ SP Vision Technology ຈຳກັດ ແລະ ບໍລິສັດ Prolog Titanium ແມ່ນວິສາຫະກິດໂດຍຄົນໄທເປັນເຈົ້າຂອງ. ນອກຈາກຄວາມສາມາດສະຫນອງບໍລິການໃຫ້ຕະຫລາດພາຍໃນປະເທດແລ້ວ, ບໍລິສັດທັງສອງນີ້ພວມຊອກຫາກາລະໂອກາດດຳເນີນທຸລະກິດຢູ່ຫວຽດນາມ. ອ້າຍ ສົມພົງ ເລີດຜົນໄພໂຣດ, ຜູ້ອຳນວຍການຮັບຜິດຊອບການດຳເນີນທຸລະກິດຂອງບໍລິສັດ SP Vision Technology ແລະ ອ້າຍອະພິດເດັດ ກົງສີຣີເຣືອງ, ຜູ້ອຳນວຍການຮັບຜິດຊອບການດຳເນີນທຸລະກິດ ແລະ marketing ຂອງບໍລິສັດ Prolog Titanium ໃຫ້ຮູ້ວ່າ:
ສຽງອ້າຍສົມພົງ
ສຽງອ້າຍ ອະພິດເດັດ
ໂດຍກຳແຫນ້ນຄວາມຕ້ອງການເຊື່ອມຕໍ່ຂອງບັນດາວິສາຫະກິດ ແລະ ຄວາມຕ້ອງການກ່ຽວກັບເຕັກໂນໂລຊີກ້າວຫນ້າໃນການພັດທະນາຂະແຫນງອຸດສາຫະກຳຫຫນູນຊ່ວຍຂອງຫວຽດນາມ, ບໍລິສັດ Reed Tradex ຊື່ງແມ່ນອົງການຈັດຕັ້ງງານວາງສະແດງແຖວຫນ້າຂອງພາກພື້ນ ອາຊີຕາເວັນອອກສ່ຽງໃຕ້ ໄດ້ ເຂົ້າຮ່ວທງານວາງສະແດງ Vietnam Manufacturing Exhibition ມາຈັດຕັ້ງຢູ່ ຮ່າໂນ້ຍ ນັບແຕ່ປີ 2008, ເມື່ອຫວຽດນາມ ເລີ່ມສົນໃຈເຖິງການພັດທະນາອຸດສາຫະກຳຜະລິດເຄື່ອງປະກອບໃນການຜະລິດລົດໂອໂຕ, ລົກຈັກ….. ທ່ານ ດວງເດັດ ຢວຍຄວາມດີ, ຮອງຜູ້ອຳນວຍການບໍລິຫານ, ທັງເປັນຜູ້ອຳນວຍການໃຫຍ່ ຫວຽດນາມ, ບໍລິສັດ Reed Tradex ໃຫ້ຮູ້ວ່າ:
ສຽງທ່ານ ດວງເດັດ
ຕາມຕົວເລກສະຖິຕິຂອງສະຖານທູດ ໄທ ແລ້ວ: ມາຮອດປະຈຸບັນ ມີວິສາຫະກິດໄທ 2000 ແຫ່ງ ຢາກລົງທຶນ ແລະ ໄດ້ຈົດທະບຽນກັບສະຖານທູດໄທ ປະຈຳຫວຽດນາມ. ໃນ 2 ເດືອນຕົ້ນປີນີ້, ບັນດານັກລົງທຶນໄທ ໄດ້ລົງທຶນ 7 ຕື້ 880 ລ້ານ USD ເຂົ້າ 428 ໂຄງການຢູ່ຫວຽດນາມ. ເຂົາເຈົ້າສ່ວນຫລາຍສຸມໃສ່ລົງທຶນເຂົ້າໃນວິວັດການຜະລິດອຸດສາຫະກຳ ດ້ວຍ 220 ໂຄງການ, ມີມູນຄ່າ 7 ຕື້ USD, ໃນນັ້ນ ພົ້ນເດັ່ນແມ່ນບໍລິສັດ Thai Sumit ຊື່ງແມ່ນບໍລິສັດມີເງິນລົງທຶນຂອງຍີ່ປຸ່ນ, ຜະລິດສະເພາະເຄື່ອງອາໄຫລ່ລົດໂອໂຕໃຫຍ່ກວ່າໝູ່ຢູ່ໄທ. ທ່ານ ດວງເດັດ ຢວຍຄວາມດີ ໃຫ້ຮູ້ຕື່ມອີກວ່າ:
ສຽງທ່ານ ດວງເດັດ
ນອກຈາກ Thai Summit ແລ້ວ, ບັນດາບໍລິສັດມີເງິນລົງທຶນຂອງຕ່າງປະເທດຢູ່ໄທ ກໍສົນໃຈເຖິງຕະຫລາດຫວຽດນາມ. ບໍລິສັດ Interroll Thai ສະຫນອງສະເພາະລູກກິ້ງລຳລຽງຮັບໃຊ້ບັນດາໂຮງງານອຸດສາຫະກຳ ມີສຳນັກງານຕັ້ງຢູ່ ສະວິດ ມີ ໂຮງຈັກ 14 ແຫ່ງຢູ່ຫລາຍປະເທດໃນໂລກ ເລີ່ມຕົ້ນເປີດກວ້າງຕະຫລາດຢູ່ ຫວຽດນາມ ນັບແຕ່ 5 ປີກ່ອນນີ້. ທ່ານ ອຳນາດ ປະກອບສຸກ, ຜູ້ອຳນວຍການຮັບຜິດຊອບການພັດທະນາດຳເນີນທຸລະກິດຂອງບໍລິສັດ Interrol Thai ໃຫ້ຮູ້ວ່າ: ເພື່ອພັດທະນາຕະຫລາດຫວຽດນາມ. Interrol ໄດ້ເລີ່ມຮ່ວມມືກັບບໍລິສັດຂອງຫວຽດນາມ ເພື່ອຈຳຫນ່າຍຜະລິດຕະພັນ.
ງານວາງສະແດງVietnam Manufacturing Exhibition
|
ສຽງທ່ານ ອຳນາດ
ງານວາງສະແດງ Vietnam Manufacturing Exhibition ແມ່ນກາລະໂອກາດເພື່ອໃຫ້ວິສາຫະກິດຫວຽດນາມ ຖອດຖອນບົດຮຽນຈາກໄທໃນການພັດທະນາ ອຸດສາຫະກຳຜະລິດເຄື່ອງປະກອບ. ເພາະສະນັ້ນ ບັນດາອົງການຈັດຕັ້ງໄດ້ປະສານສົມທົບຈັດຕັ້ງເວທີປາໄສກ່ຽວກັບຜົນສະທ້ອນຂອງສັນຍາຄູ່ຮ່ວມມືເສດຖະກິດຍຸດທະສາດຂ້າມປາຊີຟີກ ແລະ ສັນຍາການຄ້າເສລີ ລະຫວ່າງຫວຽດນາມ - ພັນທະມິດ ເອີລົບ ເຖິງບັນດາຂະແຫນງ ອຸດສາຫະກຳຜະລິດເຄື່ອງປະກອບຫວຽດນາມ ໃນຂອບເຂດງານວາງສະແດງ. ບັນດາການເຄື່ອນໄຫວນີ້ ຈະສ້າງເງື່ອນໄຂໃຫ້ແກ່ວິສາຫະກິດສອງຝ່າຍແລກປ່ຽນ, ແບ່ງປັນບົດຮຽນ ແລະ ຊອກຫາກາລະໂອກາດການຮ່ວມມືໃນຂົງເຂດອຸດສາຫະກຳຜະລິດເຄື່ອງປະກອບ.