(vovworld)- ນັບມື້ນັບມີນັກທ່ອງທ່ຽວຕ່າງປະເທດຫລາຍຄົນມາຢ້ຽມຢາມປະເທດມາເລເຊຍ ເພາະວ່າ ບໍ່ພຽງແຕ່ມີ ນະຄອນຫລວງ ກົວລາລຳເປີ ທີ່ສວຍງາມ, ໃຫຍ່ໂຕມະໂຫຖານ ແລະ ທັນສະໄຫມສ້າງຄວາມດູດດື່ມໃຫ້ແກ່ນັກທ່ອງທ່ຽວເທົ່ານັ້ນ ຫາກຍັງມີ Kota Kinababu ຊື່ງແມ່ນສະຖານທີ່ມີທິວທັດທະມະຊາດສວຍງາມ, ມີຄວາມສະຫງົບສຸກ ແລະ ໄດ້ຮັບການຂະຫນານນາມວ່າ “ແດນສະຫວັນຂອງເຂດເກາະ” ຕັ້ງຢູ່ແຄມຝັ່ງທະເລທາງທິດຕາເວັນຕົກຂອງ Sabah ຊື່ງແມ່ນສະຖານທີ່ມີສາຍພູ Kinabalu ທີ່ໃຫຍ່ໂຕມະໂຫຖານ.
ແດນສະຫວັນ Kota Kinabalu ຄືດັ່ງເກາະທີ່ສວຍງາມ, ໃຫຍ່ໂຕມະໂຫຖານ. ຢູ່ທີ່ນີ້ ທ່ານສາມາດອາບນ້ຳທະເລຫລືເຂົ້າຮ່ວມການລະຫລິ້ນຕ່າງໆຢູ່ຫາດຊາຍທະເລ ກໍຄືລ່າເນື້ອ, ຕີກອັບ, ອາບແດດຢູ່ບັນດາ ເຂດ resort. ມາຢ້ຽມຢາມ Kota Kinabalu, ນັກທ່ອງທ່ຽວຮູ້ສຶກວ່າຕົນເອງພວມຢູ່ເຂດບ້ານນາທີ່ສະຫງົບສຸກ.
ຍ້ອນເຫດນັ້ນ Kota Kinabalu ຊາວທ້ອງຖິ່ນເຄີຍເອີ້ນໂດຍຫຍໍ້ວ່າ KK, Kota Kinabalu ມີສະຖານທີ່ຫລາຍແຫ່ງ ພາຍໃນ ແລະ ນອກຕົວເມືອງ ກໍໄດ້ດຶງ ດູດນັກທ່ອງທ່ຽວມາຢ້ຽມຢາມເປັນຈຳນວນຫລວງຫລາຍ ແລະ ກໍແມ່ນສູນການຄ້າສຳຄັນຂອງພາກຕາເວັນອອກ ມາເລເຊຍ. ເອື້ອຍ ໂດຟານຫວີງຫາຍ, ເຮັດວຽກຢູ່ກົມໃຫຍ່ທ່ອງທ່ຽວ ມາເລເຊຍ ປະຈຳ ຫວຽດນາມ ໃຫ້ຮູ້ວ່າ:
“ນີ້ແມ່ນສະຖານທີ່ຊື່ງນັກທ່ອງທ່ຽວຫວຽດນາມ ບໍ່ທັນຮູ້ຈັກເຖິງ. ແຕ່ແຫ່ງນີ້ມີທິວທັດທຳມະຊາດສວຍງາມເພື່ອໃຫ້ບັນດາຄູບ່າວສາວມາຖ່າຍຮູບແຕ່ງງານ, ໄປ ຮານີມູນ, ທຸກຄົນມານີ້ເພື່ອຢ່ອນອາລົມ ແລະ ສູບອາກາດປອດໂປ່ງ. ກົມສົ່ງເສີມການທ່ອງທ່ຽວມາເລເຊຍ ໄດ້ເປີດສາຍການບິນໂດຍກົງເພື່ອປະຢັດເວລາ, ຈັດຕັ້ງບັນດາລາຍການບຸລິມະສິດໃຫ້ແກ່ນັກທ່ອງທ່ຽວ.”
ມີສະຖານທີ່ຫນຶ່ງອີກ ທີ່ສ້າງຄວາມປະທັບໃຈໃຫ້ແກ່ນັກທ່ອງທ່ຽວຜູ້ນິຍົມຢ້ຽມຊົມ ແລະ ອາບນຳ້ທະເລທີ່ຂຽວສະອາດ, ດຳນ້ຳຊົມຫີນປະກາລັງ, ເຂົ້າຮ່ວມບັນດາປະເພດກິລາໃຕ້ນ້ຳ. ມາແຫ່ງນີ້ ນັກທ່ອງທ່ຽວ ຈະໄດ້ເຫັນປະຈັກຕາບັນດາຫາດຊາຍທະເລທີ່ຮົກເຮື້ອເປົ່າຫວ່າງຍາກທີ່ຈະມີຢູ່ບອ່ນໃດໃນໂລກ. ພິເສດກວ່າ ເມື່ອໄດ້ອາບນ້ຳທະເລຢູ່ເກາະ Manukan, ຊື່ງແມ່ນເກາະມີຫາດຊາຍທະເລຂາວ, ນຳ້ທະເລຂຽວສະອາດ ດ້ວຍປາ, ຫີນປະກາລັງ ທຸກຊະນິດ ພ້ອມກັບບັນດາ resort ທັນສະໄຫມຫລາຍແຫ່ງ. ເຖິງຢ່າງໃດກໍຕາມ,ນັກທ່ອງທ່ຽວ ພຽງແຕ່ຢືນຢູ່ແຄມທະເລເພື່ອຮັບຊົມປາເທ່ົານັ້ນ ຫາກບໍ່ໄດ້ເອົາອາຫານໃຫ້ປາ ເພື່ອຮັບປະກັນສິ່ງແວດລ້ອມສະອາດໃຫ້ເກາະ. ນອກນັ້ນ ນັກທ່ອງທ່ຽວສາມາດເຂົ້າຮ່ວມປະເພດກິລາດຳນ້ຳ ເພື່ອຄົ້ນຫາມະຫາສະໝຸດຢູ່ຄວາມເລິກ 6-10 ແມັດ. ແລະ ບັນດາຫີນປະກາລັງທີ່ສວຍງາມ, ສີນທະເລມີສີສັນຫລາກຫລາຍບໍ່ພຽງແຕ່ດຶງດູດນັກທ່ອງທ່ຽວມາຢ້ຽມຢາມພຽງເທື່ອຫນຶ່ງເທົ່ານັ້ນ ຫາກຍັງເຮັດໃຫ້ຫລາຍຄົນຢາກກັບຄືນມາຢ້ຽມຢາມເກາະແຫ່ງນີ້ອີກຫລາຍຫນຶ່ງ. ອ້າຍ ຟານແທງເລີມ, ຜູ້ອຳນວຍການບໍລິສັດ Vietravel ໃຫ້ຮູ້ວ່າ:
“ Sabah ແມ່ນຫນຶ່ງໃນບັນດາເກາະທ່ອງທ່ຽວຊີວະພາບທີ່ດູດດື່ມ. ພວກເຮົາກໍຮູ້ໄດ້ວ່າ ແຫ່ງທີ່ລືຊື່ທີ່ສຸດຢູ່ທີ່ນີ້ແມ່ນຈອມພູ Kinabalu. ດ້ວຍທິວທັດທຳມະຊາດສວຍງາມ, ສະຖານທີ່ດຳນ້ຳຊົມຫີນປະກາລັງສວຍງາມກວ່າໝູ່ຢູ່ ພາກພື້ນ ອາຊີ, ນັ້ນແມ່ນຄວາມສາມາດບົ່ມຊ້ອນອັນໃຫຍ່ຫລວງຂອງຂະແຫນງທ່ອງທ່ຽວ ມາເລເຊຍ ແລະ ອາດຈະດຶງດູດນັກທ່ອງທ່ຽວມາຈາກຫວຽດນາມ ເປັນຈຳນວນຫລວງຫລາຍ. ນອກນັ້ນ ນັກທ່ອງທ່ຽວຈະໄດ້ດຳລົງຊີວິດພ້ອມກັບຊາວຊົນເຜົ່າສ່ວນຫນ້ອຍຢູ່ທີ່ນີ້ ເພື່ອສາມາດປຽບທຽບວັດທະນະທຳຂອງບັນດາເຜົ່າຫວຽດນາມກັບວັດທະນະທຳບັນດາເຜົ່າ ຢູ່ມາເລເຊຍ.”
ດຳນ້ຳຊົມຫີນປະກາລັງ
ພາບ:internet
|
ຄຽງຄູ່ກັນນັ້ນ ນັກທ່ອງທ່ຽວສາມາດເຂົ້າຮ່ວມບັນດາປະເພດກິລາພະຈົນໄພຢູ່ທະເລ. ນອກນັ້ນ ຢູ່ເທິງເກາະ ຍັງມີທາງຊອຍທຳມະຊາດຫລາຍສາຍ ເພື່ອໃຫ້ທ່ານຄົ້ນຫາ ແລະ ຮັບຊົມນົກທຸກປະເພດ. ພາຍຫລັງໄດ້ອາບນ້ຳທະເລແລ້ວ, ນັກທ່ອງທ່ຽວຈະໄດ້ຮັບປະທານອາຫານພື້ນເມືອງຂອງທ້ອງຖິ່ນ ແລະ ບັນດາເຍື່ອງອາຫານສິນທະເລສົດທີ່ແຊບນົວອີກດ້ວຍ.
ໄປທ່ອງທ່ຽວບໍ່ພຽງແຕ່ແມ່ນຄົ້ນຫາບັນດາສະຖານທີ່, ຢ້ຽມຊົມບັນດາທິວທັດທຳມະຊາດເທົ່ານັ້ນ ຫາກສຳຄັນກວ່າ ແມ່ນຊ່ວຍໃຫ້ພວກເຮົາເຂົ້າໃຈຕື່ມອີກກ່ຽວກັບວັດທະນະທຳບັນດາເຜົ່າ, ເຂດພາກຊື່ງພວກເຮົາໄດ້ໄປຜ່ານອີກດ້ວຍ.