(vovworld)-ເມື່ອເຂົ້າປະຕູຫໍພິພິດທະພັນຊົນເຜົ່າວິທະຍາຫວຽດນາມ ພວກເຮົາຈະເຫັນຮູບປີກວ່າວພວມມຸ່ງໄປສູ່ທ້ອງຟ້າສີຂຽວ, ທີ່ເປັນສັນຍາລັກຂອງພາກພື້ນອາຊີຕາເວັນອອກສຽງໃຕ້. ນັ້ນແມ່ນຫໍພິພິດທະພັນອາຊີຕາເວັນອອກສຽງໃຕ້ ດ້ວຍສະຖາປັດຕະຍະກຳທັນສະໄຫມ ແລະ ເປັນເອກະລັກສະເພາະ ຫາກໍ່ໄດ້ຮັບການເປີດສະຫລອງໃນທ້າຍເດືອນ 11. ເມື່ອມາຢ້ຽມຢາມສະຖານທີ່ແຫ່ງນີ້, ນອກຈາກໄດ້ຮັບຊົມບັນດາວັດຖຸພັນຂອງບັນດາປະເທດອາຊຽນແລ້ວ, ນັກທ່ອງທ່ຽວຍັງໄດ້ເຈືອຈານໃນສະພາບແວດລ້ອມ ວັດທະນະທຳທີ່ເຕັມໄປດ້ວຍສີສັນຂອງບັນດາປະເທດອາຊີຕາເວັນອອກສຽງໃຕ້ອີກດ້ວຍ. ໃນລາຍການຊາຍຄາອາຊຽນພາກນີ້, ພວກເຮົາຂໍແນະນຳບົດທີ່ພາດຫົວເລື່ອງວ່າ: ສະຖານທີ່ເພື່ອຊອກຮູ້ວັດທະນະທຳອາຊີຕາເວັນອອກສຽງໃຕ້ຢູ່ ຮ່າໂນ້ຍ
ຫໍພິພິດທະພັນອາຊີຕາເວັນອອກສຽງໃຕ້
ພາບ:internet
|
ອາຄານ”ປີກວ່າວ” ລວມມີ 4 ຊັ້ນ ດ້ວຍເນື້ອທີ່ 7000 ຕາລາງແມັດ. ແຕ່ປະຈຸບັນ ພຽງນຳໃຊ້ຊັ້ນຫນຶ່ງ ດ້ວຍເນື້ອທີ່ວາງສະແດງກວ້າງ 500 ຕາລາງແມັດເທົ່ານັ້ນ. ເຖິງວ່າ ເນື້ອທີ່ບໍ່ກວ້າງປານໃດກໍຕາມ ແຕ່ໃນນັ້ນໄດ້ວາງສະແດງວັດຖຸພັນເກືອບ 400 ຢ່າງ ແລະ ຮູບພາບ 130 ແຜ່ນ ພ້ອມດ້ວຍຂໍ້ມູນຂ່າວສານອະທິບາຍ,ບົດຂຽນ, video.. ກ່ຽວກັບ 5 ຫົວເລື່ອງຕົ້ນຕໍໃນວັດທະນະທຳອາຊີຕາເວັນອອກສຽງໃຕ້ຄື: ຜ້າແພ, ຊີວິດປະຈຳວັນ, ຊີວິດສັງຄົມ, ສີລະປະການສະແດງ, ສາສະຫນາ.. ຮອງສາດສະດາຈານ, ດຣ ຫງວຽນຢູຍທ້ຽວ, ຮອງຫົວຫນ້າຫໍພິພິດທະພັນຊົນເຜົ່າວິທະຍາຫວຽດນາມ ແມ່ນຫນຶ່ງໃນບັນດາຜູ້ເສາະຫາຮຽບຮຽງວັດຖຸພັນທີ່ພວມນຳວາງສະແດງຢູ່ອາຄານປີກວ່າວໃຫ້ຮູ້ວ່າ:
“ເພື່ອມີບັນດາວັດຖຸພັນນຳວາງສະແດງໃນຫໍພິພິດທະພັນອາຊີຕາເວັນອອກສຽງໃຕ້, ຫໍພິພິດທະພັນຊົນເຜົ່າວິທະຍາຫວຽດນາມມີແຫລ່ງເອກະສານ ແລະ ວັດຖຸພັນຫລາຍຢ່າງ. ແຫລ່ງທຳອິດແມ່ນພວກຂ້າພະເຈົ້າຊອກຫາຢູ່ບັນດາປະເທດອາຊີຕາເວັນອອກສຽງໃຕ້ ດ້ວຍວັດທຸພັນກວ່າ 2000 ຢ່າງ, ອີກແຫລ່ງຫນຶ່ງ ໂດຍອົງການ Rokerfeller ຂອງອາເມລິກາ ມອບໃຫ້. ນອກນັ້ນ ຫໍພິພິດທະພັນຍັງມີວັດຖຸພັນຈຳນວນຫນຶ່ງໂດຍສ່ວນບຸກຄົນມອບໃຫ້. ”
ເມື່ອເຂົ້າອາຄານ, ບໍລິເວນທຳອິດທີ່ທ່ານຈະເຫັນນັ້ນແມ່ນເຂດວາງສະແດງ ຜ້າແພ ແລະ ຊີວິດປະຈຳວັນຄື: ໝວກ ຂອງແມ່ຍິງຊາວເຜົ່າ ອາຄາ ຢູ່ ລາວ, ກະພາເຮັດດ້ວຍ ໄມ້ໄຜ່ສູງເຖິງ 1,5 ແມັດຂອງຊາວ ຟິລີບປີນຫລືຫີບສີຂັດມັນຂອງ ມຽນມາ. ດ້ວຍແຖວຫນັງສືອະທິບາຍເປັນພາສາຫວຽດ, ພາສາອັງກິດ ແລະ ພາສາ ຝລັ່ງ. ນອກນັ້ນ ຜູ້ຊົມຍັງຍັງເຫັນຜ້າແພທີ່ເປັນເອກະລັກສະເພາະຂອງຫລາຍປະເທດຄື: ຜ້າແພເຮັດດ້ວຍໃຍກ້ວຍ ຂອງ ຟິລິບປີນ, ວິທີພິມລວດລາຍໃສ່ຜ້າແພດ້ວຍຂີ້ເຜິ້ງຂອງມາເລເຊຍ, ກີ່ຕຳ່ຫຸກຂອງຫວຽດນາມ, ລາວ, ໄທ ພ້ອມກັບເຄື່ອງປຸງແຕ່ງອາຫານ. ນາງ ໄດມອນ ວິລະນົນ, ນັກສຶກສາລາວ ຮຽນປີທີ 3 ສະຖາບັນການເມືອງການປົກຄອງ ມີຄວາມປະທັບໃຈທີ່ສຸດເມື່ອເຫັນ ຜ້າແພຂອງປະເທດຕົນໄດ້ນຳມາວາງສະແດງຢູ່ທີ່ນີ້.
ສຽງເພື່ອນໄດມອນ
ຕິດກັບເຂດວາງສະແດງຜ້າແພ ແມ່ນເຂດວາງສະແດງອຸປະກອນຮັບໃຊ້ການສະແດງສິລະປະຂອງບັນດາປະເທດຄື: ເຄື່ອງດົນຕີພື້ນເມືອງຂອງກຳປູເຈຍ, ມຽນມາ, ບຣູໄນ, ຟີລິບປີນ. ນອກນັ້ນຍັງມີບໍລິເວນສະແດງລະຄອນຕຸກກະຕາເງົາ, ຟ້ອນໜ້າກາກຂອງ Java ອິນໂດເນເຊຍ.
ສຽງທີ່ທ່ານຮັບຟັງຜ່ານໄປແລ້ວນັ້ນແມ່ນຕອນຫນຶ່ງໃນພິທີງານບຸນຂອງຜູ້ເຊື່ອຖືສາສະຫນາອິດສະລາມຢູ່ ອິນໂດເນເຊຍ. ເມື່ອເຂົ້າຢ້ຽມຊົມຫໍພິພິດທະພັນອາຊີຕາເວັນອອກສຽງໃຕ້, ນອກຈາກໄດ້ຮັບຊົມບັນດາວັດຖຸພັນແລ້ວ, ນັກທ່ອງທ່ຽວຍັງໄດ້ຮັບຊົມຮູບພາບວັດທະນະທຳປະເທດຕ່າງໆ. ນີ້ກໍ່ແມ່ນສະຖານທີ່ຊື່ງເພື່ອນ ຟ້າມທິແອງງວຽດ, ນັກສຶກສາປີທີ 4, ມະຫາວິທະຍາໄລແທງເຄີຍມາຢ້ຽມຢາມ, ຊອກຮູ້. ເພື່ອນ ຟ້າມທິແອງງວຽດ, ໃຫ້ຮູ້ວ່າ:
“ໄປຢ້ຽມຊົມຫໍພິພິດທະພັນຢູ່ທີ່ນີ້ແມ່ນມີປະໂຫຍດສຳລັບນ້ອງຫລາຍ, ພິເສດແມ່ນບັນດາເພື່ອນນັກສຶກສາພະແນກຄົ້ນຄ້ວາກ່ຽວກັບຝ່າຍຕາເວັນອອກວິທະຍາ. ຕາມທຳມະດາ ພວກນ້ອງເຄີຍຊອກຮູ້ຂໍ້ມູນຂ່າວກ່ຽວກັບຊົນເຜົ່າ, ວັດທະນະທຳບັນດາປະເທດທາງອິນເຕີແນັດ, ແຕ່ມາຢ້ຽມຊົມແຫ່ງນີ້ ໄດ້ເຫັນປະຈັກຕາຫຼາຍສິ່ງຫຼາຍຢ່າງ, ມັນມີຜົນປະໂຫຍດທີ່ສຸດໃຫ້ແກ່ການຮຳ່ຮຽນຂອງພວກນ້ອງ.”
ຕາມຮອງສາດສະດາຈານ, ດຣ ຫງວຽນຢູຍທ້ຽວ, ຮອງຜູ້ອຳນວຍການຫໍພິພິດທະພັນຊົນເຜົ່າວິທະຍາ ແລ້ວ, ຕົ້ນປີ 2014, ຊັ້ນ 2 ຂອງອາຄານນີ້ຈະໃຊ້ເຂົ້າໃນການວາງສະແດງກ່ຽວກັບຊົນເຜົ່າວິທະຍາອາຊີຂອງ ສາດສະດາຈານ Kaneko Kazushige, ພາບແກ້ວ ອິນໂດເນເຊຍຂອງຜົວເມຍ ດຣ Rosalia Sciortino, ວັດທະນະທຳໂລກຂອງ ສາດສະດາຈານ ເລແທ່ນຄູຍ. ສ່ວນຢູ່ຊັ້ນ 3 ຈະວາງສະແດງຫົວເລື່ອງໃດໜຶ່ງ ກໍຄື ວາງສະແດງບັນດາວັດຖຸພັນຂອງຫໍພິພິດທະພັນແຫ່ງຕ່າງໆຢູ່ ອາຊີຕາເວັນອອກສຽງໃຕ້ ແລະ ໂລກ. ສະນັ້ນ ຫໍພິພິດທະພັນຊົນເຜົ່າວິທະຍາຈະແມ່ນສະຖານທີ່ດູດດື່ມສຳລັບບັນດາຜູ້ນິຍົມຊອກຮູ້ວັດທະນະທຳອາຊີຕ