(vovworld)- ປີໃໝ່ 2015ໄດ້ວຽງນມາ, ນີ້ແມ່ນປີເຊິ່ງບັນດາປະເທດສະມາຊິກອາຊຽນ ພວມຮີບເຮັ່ງສຳເລັດບັນດາຈຸດໝາຍໄດ້ວາງອອກ ເພື່ອມຸ່ງໄປສູ່ປະຊາຄົມ ອາຊຽນ, ໃນນັ້ນມີ ຫວຽດນາມ ແລະ ໄທ. ເຖິງວ່າໄດ້ກາຍເປັນສະມາຊິກຂອງ ອາຊຽນ ໃນຈຸດເວລາທີ່ຕ່າງກັນ: ຫວຽດນາມ ເຂົ້າເປັນສະມາຊິກຂອງອາຊຽນ ປີ 1995, ສ່ວນໄທແມ່ນໜຶ່ງໃນ 5 ປະເທດຮ່ວມສ້າງຕັ້ງ ອາຊຽນ ເມື່ອປີ 1967, ການພົວພັນລະຫວ່າງ 2 ປະເທດພວມໄດ້ຮັບການຍູ້ແຮງຢ່າງບໍ່ຢຸດຢັ້ງ ແລະ ມີການປະກອບສ່ວນສຳຄັນຫຼາຍຢ່າງເຂົ້າໃນການສ້າງຕັ້ງ ແລະ ພັດທະນາຂອງປະຊາຄົມ ອາຊຽນ.
ທ່ານ ພັນຍາລັກ ພູນທັບ, ເອກອັກຄະລັດຖະທູດແຫ່ງລາຊະອານາຈັກໄທ ແລະ ທ່ານນາຍົກລັດຖະມົນຕີ ຫງວຽນເຕີນຢູງ
ພາບ:internet
|
ພ້ອມກັນມຸ່ງໄປສູ່ປະຊາຄົມ ອາຊຽນ ໃນປີ 2015, ການພົວພັນລະຫວ່າງ 2 ປະເທດ ຫວຽດນາມ-ໄທ ນັບມື້ນັບໄດ້ຮັບການເປີດກ້ວາງ. ຈາກການພົວພັນຄູ່ຮ່ວມມື, 2 ປະເທດໄດ້ເປັນເອກະພາບນຳກັນຍົກການພົວພັນ 2 ຝ່າຍຂຶ້ນລະດັບຄູ່ຮ່ວມມືຍຸດທະສາດໃນການຢ້ຽມຢາມ ໄທ ເມື່ອເດືອນ 6/2013 ຂອງທ່ານເລຂາທິການໃຫຍ່ ຫງວຽນຟຸຈ້ອງ. ນີ້ແມ່ນເຫດການມີຄວາມໝາຍປະຫວັດສາດ, ສ້າງທ່ວງທ່າທີ່ແຂງແຮງນຳການພົວພັນ ຫວຽດນາມ-ໄທ ຂຶ້ນລະດັບສູງໃໝ່. ເດືອນ 11/2014, ທ່ານນາຍົກລັດຖະມົນຕີ ປຣາຢຸດ ຈັນໂອຈາ ໄດ້ມາຢ້ຽມຢາມ ຫວຽດນາມ ຢ່າງເປັນທາງການ ແລະ ເປັນສັກຂີພິຍານພິທີລົງນາມໂຄງການດຳເນີນງານຜັນຂະຫຍາຍການພົວພັນຄູ່ຮ່ວມມືຍຸດທະສາດ ຫວຽດນາມ-ໄທ ໄລຍະປີ 2014-2018. ນີ້ແມ່ນພື້ນຖານສຳຄັນ ເພື່ອຜັນຂະຫຍາຍການຮ່ວມມື 2 ຝ່າຍຢ່າງແຮງ ລະຫວ່າງ ຫວຽດນາມ-ໄທ ໃນທຸກຂົງເຂດ. ໃນປີຜ່ານມາ, ເຖິງວ່າໄດ້ຮັບຜົນສະທ້ອນຈາກວິກິດການເສດຖະກິດໂລກກໍ່ຕາມ ແຕ່ການພົວພັນດ້ານການຄ້າ ລະຫວ່າງ 2 ປະເທດຍັງຄົງໄດ້ຮັບການພັດທະນາຢ່າງບໍ່ຢຸດຢັ້ງ. ຍອດວົງເງິນສົ່ງອອກ-ນຳເຂົ້າ ລະຫວ່າງ ຫວຽດນາມ ແລະ ໄທ ບັນລຸ 9,4 ຕື້ USD ໃນປີ 2013, ເພີ່ມຂຶ້ນ 10% ເມື່ອທຽບໃສ່ປີ 2012. ປະຈຸບັນ ຫວຽດນາມ ແມ່ນຄູ່ຮ່ວມມືດ້ານການຄ້າໃຫຍ່ອັນດັບ 2 ຂອງໄທໃນພາກພື້ນ ອາຊຽນ ແລະ ແມ່ນຄູ່ຮ່ວມມືດ້ານການຄ້າໃຫຍ່ອັນດັບ 9 ຂອງ ໄທ ໃນໂລກ. 2 ຝ່າຍວາງຄາດໝາຍຮອດປີ 2020 ວົງເງິນການຄ້າຈະເພີ່ມຂຶ້ນແມ່ນ 15 ຕື້ USD. ທ່ານເອກອັກຄະລັດຖະທູດແຫ່ງລາດຊະອານາຈັກໄທ ປະຈຳຮ່າໂນ້ຍ ພັນຍາລັກ ພູນທັບ ໃຫ້ຮູ້ວ່າ:
ສຽງທ່ານ ພັນຍາລັກ ພູນທັບ
ບໍ່ພຽງແຕ່ເອົາໃຈໃສ່ເປັນພິເສດເຖິງການຮ່ວມມືໃນຂົງເຂດເສກຖະກິດ, ທ່ອງທ່ຽວເທົ່ານັ້ນ, ໄທ ຍັງຖືເປັນສຳຄັນເລື່ອງເພີ່ມທະວີການຮ່ວມມືກັບ ຫວຽດນາມ ເພື່ອດຶງດູດແຂກທ່ອງທ່ຽວ. ເຖິງຢ່າງໃດກໍ່ຕາມ, ສອງປະເທດຍັງບໍ່ທັນຂຸດຄົ້ນຄວາມສາມາດບົ່ມຊ້ອນໃນຂົງເຂດນີ້ໄດ້ໝົດເທ່ືອ. ຕາມທ່ານເອກອັກຄະລັດຖະທູດແລ້ວ, ສອງປະເທດຕ້ອງສົມທົບກັນຢ່າງແຂງແຮງ, ມີປະສິດທິຜົນກ່ວາອີກ ເພື່ອໃຫ້ການຮ່ວມມືດ້ານການທ່ອງທ່ຽວ ແມ່ນຂົງເຂດປາຍແຫຼມໃນການພົວພັນລະຫວ່າງ ສອງ ປະເທດ.
ສຽງທ່ານ ພັນຍາລັກ ພູນທັບ
ເພື່ອມຸ່ງໄປເຖິງເລື່ອງການສ້າງຕັ້ງປະຊາຄົມ ອາຊຽນ ໃນປີ 2015, ຫວຽດນາມ -ໄທ ມີຫຼາຍເລື່ອງຕ້ອງໄດ້ປະຕິບັດ. ສິ່ງນີ້ຮຽກຮ້ອງໃຫ້ຕ້ອງມານະພະຍາຍາມບໍ່ພຽງແຕ່ແມ່ນຂອງ 2 ລັດຖະບານເທົ່ານັ້ນ ຫາກຍັງແມ່ນການປະກອບສ່ວນຂອງປະຊາຊົນໝົດທຸກຄົນຂອງ 2 ປະເທດອີກດ້ວຍ. ໃນນັ້ນ, ການເພີ່ມທະວີຄວາມເຂົ້າໃຈ, ການພົບປະແລກປ່ຽນປະຊາຊົນ ລະຫວ່າງ ຫວຽດນາມ ແລະ ໄທ ແມ່ນປັດໃຈສຳຄັນຊ່ວຍເພີ່ມທະວີການພົວພັນ ລະຫວ່າງ 2 ປະເທດ ແລະ ແມ່ນປັດໄຈສຳຄັນເພື່ອຮັດແໜ້ນນ້ຳໃຈມິດຕະພາບໃນກຸ່ມອາຊຽນ. ໄທ ແລະ ຫວຽດນາມ ມີລາຍການຮ່ວມມືນຳກັນຫຼາຍໂຄງການຄື: ລາຍການພົບປະແລກປ່ຽນຊາວໜຸ່ມ 2 ປະເທດ. ໃນນັ້ນ, ແຕ່ງຕັ້ງການຄະນະຊາວໜຸ່ມໄປຊອກຮູ້, ຮຳ່ຮຽນ ກ່ຽວກັບວັດທະນະທຳຂອງ 2 ປະເທດ. ທ່ານເອກອັກຄະລັດຖະທູດ ພັນຍາລັກ ພູນທັບ ໃຫ້ຮູ້ວ່າ:
ສຽງທ່ານ ພັນຍາລັກ ພູນທັບ
ດ້ວຍຄວາມຕັດສິນໃຈ ແລະ ຄວາມມານະພະຍາຍາມລວມຂອງການນຳ ແລະ ປະຊາຊົນ 2 ປະເທດ, ທ່ານເອກອັກຄະລັດຖະທູດ ພັນຍາລັກ ພູນທັບ ເຊື່ອໝັ້ນວ່າ: ການພົວພັນ ຫວຽດນາມ-ໄທ ໃນຊຸມປີຈະມາເຖິງຈະສືບຕໍ່ພັດທະນາແຂງແຮງກ່ວາອີກ ຖືກກັບລັກສະນະການພົວພັນຄູ່ຮ່ວມມືຍຸດທະສາດ, ຕອບສະໜອງຜົນປະໂຫຍດ ແລະ ຄວາມປາດຖະໜາຂອງປະຊາຊົນ 2 ປະເທດ, ເພື່ອສັນຕິພາບ, ຮ່ວມມື ແລະ ວັດທະນາຖາວອນຢູ່ອາຊີຕາເວັນອອກສ່ຽງໃຕ້ ແລະ ໃນໂລກ ກໍ່ຄືມຸ່ງໄປເຖິງການສ້າງຕັ້ງປະຊາຄົມ ອາຊຽນ ໃນທ້າຍປີ 2015ນີ້./.