ທ່ານ Georg Wischel ເອກອັກຄະລັດຖະທູດ ເຢຍລະມັນປະຈຳ ອິນໂດເນເຊຍ
ພາບ:TTXVN
|
(vovworld)- ວັນທີ 7/2, ໃນການພົບປະກັບທ່ານເລຂາທິການໃຫຍ່ ອາຊຽນ ຢູ່ ສຳນັກງານຂອງຄະນະເລຂາ ອາຊຽນ, ຢູ່ ອິນໂດເນເຊຍ, ທ່ານ Georg Wischel ເອກອັກຄະລັດຖະທູດ ເຢຍລະມັນປະຈຳ ອິນໂດເນເຊຍ ຢືນຢັນອີກຄັ້ງຫນຶ່ງເຖິງຄຳໝັ້ນສັນຍາຂອງລັດຖະບານ ເຢຍລະມັນ ສະຫນັບສະຫນູນວິວັດການເຊື່ອມໂຍງມຸ່ງໄປເຖິງປະຊາຄົມ ອາຊຽນ ໃນປີ 2015. ທ່ານເອກອັກຄະລັດຖະທູດ ເຢຍລະມັນ ເນັ້ນຫນັກວ່າ ເຢຍລະມັນ ແມ່ນຫນຶ່ງໃນບັນດາຄຸ່ຮ່ວມມືພັດທະນາສຳຄັນທີ່ສຸດຂອງ ອາຊຽນ. ທ່ານໃຫ້ຮູ້ວ່າ: ລັດຖະມົນຕີກະຊວງການຮ່ວມມືເສດຖະກິດ ແລະ ພັດທະນາ ເຢຍລະມັນ ໄດ້ໃຫ້ຄຳໝັ້ນໝາຍອຸປະຖຳຈຳນວນເງິນ 6 ລ້ານເອີໂຣ ເພື່ອຊ່ວຍເຫລືອບັນດາປະເທດ ກຳປູເຈຍ, ລາວ, ມ້ຽນມາ, ຫວຽດນາມ ເພື່ອຮັດແຄບຊ່ອງຫວ່າງການພັດທະນາກັບ 6 ປະເທດສະມາຊິກເກົ່າຂອງກຸ່ມ. ທ່ານ Georg Wischel ຊີ້ແຈງວ່າ ການຮ່ວມມືດັ່ງກ່າວກໍຄືການຢ້ຽມຢາມຄະນະເລຂາ ອາຊຽນ ຂອງລັດຖະມົນຕີການຕ່າງປະເທດ ເຢຍລະມັນ Guido Westerwelle ໃນອາທິດຈະມາເຖິງ ເປັນຂີດໝາຍແຫ່ງບາດກ້າວສຳຄັນໃນການພົວພັນລະຫວ່າງ ອາຊຽນ ແລະ ເຢຍລະມັນ ພວມຫັນຈາກການສຳພັດກັບຂະແຫນງມຸ່ງໄປເຖິງການພົວພັນພັນທະມິດຍຸດທະສາດ.