(vovworld)- Thai Express, Sawasdee, Baan Thai, Vijit Thai, Thai Elephant, Gusto Thai.. ແມ່ນບັນດາຮ້ານອາຫານໄທໃນຈຳນວນສີບໆແຫ່ງຢູ່ ຮ່າໂນ້ຍ ຊື່ງຜູ້ມັກອາຫານໄທ ເຄີຍເວົ້າເຖິງ. ຮ້ານອາຫານແຕ່ລະແຫ່ງ ລ້ວນແຕ່ມີຈຸດພິເສດສະເພາະ, ແຕ່ໄດ້ສ້າງຄວາມປະທັບໃຈໃຫ້ແກ່ຜູ້ຮັບປະທານ, ດ້ວຍລົດຊາດທີ່ແຊບນົວຂອງອາຫານໄທ. ໃນລາຍການຊາຍຄາອາຊຽນພາກນີ້ ເຊີນທ່ານພ້ອມກັບບັນນາທິການ ວິທະຍຸ ກະຈາຍສຽງຫວຽດນາມ ຄົ້ນຫາເຍື່ອງອາຫານທີ່ເປັນເອກະລັກສະເພາະຂອງໄທ ຢູ່ ຮ້ານ ອາຫານ Sawasdee.
ຮ້ານອາຫານ Sawasdee
|
ໂດຍຕັ້ງຢູ່ເຮືອນເລກທີ 52 ຖະຫນົນ ຫລີເທືອງກຽດ, ຊື່ງແມ່ນຖະຫນົນຢູ່ໃຈກາງນະຄອນຫລວງ ຮ່າໂນ້ຍ, ຮ້ານອາຫານ Sawasdee ໄດ້ຮັບການຮູ້ຈັກຈາກຜູ້ນິຍົມອາຫານໄທຫລາຍຄົນ, ຍ້ອນວີວງາມ, ສະອາດ, ດ້ວຍ ສະຖາປັດຕະຍະກຳທີ່ເປັນເອກະລັກສະເພາະ, ພິເສດແມ່ນອາຫານແຊບເຕັມໄປດ້ວຍລົດຊາດໄທ.
ເມື່ອມາຮ້ານອາຫານ Sawasdee ທ່ານຈະຮູ້ສຶກປະທັບໃຈເມື່ອເຫັນດອກ ກ້ວຍໄມ້ຫຼາຍເຕົ້າທີ່ຫອ້ຍເທິງຕົ້ນໄມ້ຕໍ່ຫນ້າຮ້ານ ພ້ອມກັບ ຮູບປັ້ນສິລະປະໃນວາດ ຟ້ອນພື້ນເມືອງໄທ. ເມື່ອຂ້າມປະຕູເຂົ້າຮ້ານ, ທ່ານຈະໄດ້ຕ້ອນຮັບດ້ວຍການ ຄຳນັບເປັນພາສາໄທທີ່ອ່ອນຫວານຂອງຜູ້ບໍລິການໃນຊຸດອາພອນພື້ນເມືອງໄທ. ໃນຮ້ານໄດ້ຮັບການປະດັບປະດາດ້ວຍວັດຖຸທີ່ເປັນສັນຍາລັກໃຫ້ແກ່ພື້ນຖານວັດທະນະທຳໄທ. ພິເສດ, ໃນຫ້ອງກິນ ທ່ານຈະເຫັນຮູບຄວັດແກະສະຫຼັກທີ່ເປັນເອກະລັກສະເພາະຂອງໄທ, ເທິງໂຕະວາງໂຖດອກກ້ວຍໄມ້ທີ່ສວຍງາມ. ເພື່ອປະດັບປະດາຮ້ານອາຫານທີ່ເຕັມໄປດ້ວຍສີສັນວັດທະນະທຳໄທ, ແລະ ສວຍງາມເພື່ອຮັບໃຊ້ແຂກມາຮັບປະທານອາຫານໄທ, ເອື້ອຍ ບີກຖູຍ, ຜູ້ຄຸ້ມຄອງຮ້ານອາຫານ Sawasdee ໃຫ້ຮູ້ວ່າ:
“ບັນດາຮູບແກະສະຫຼັກ, ຮູບພາບ, ນັບທັງລວດລາຍທີ່ປະດັບປະດາໃນຮ້ານ ອາຫານ Sawasdee. ພວກຂ້າພະເຈົ້າລ້ວນແຕ່ເອົາມາຈາກໄທ ສ່ວນ ໂຕະ, ຕັ່ງ, ປະຕູ, …. ລ້ວນແຕ່ເຮັດຕາມແບບໄທ. ໂດຍບັນດານັກຈິດຕະການທີ່ມີຄວາມຮູ້ກ່ຽວກັບສະຖາປັດຕະຍະກຳໄທເຮັດເອງ.”
ບັນດາເຍື່ອງອາຫານຢູ່ຮ້ານ Sawasdee ລ້ວນແຕ່ໄດ້ຮັບການປຸງແຕ່ງໃຫ້ເໝາະກັບລົດຊາດຂອງແຂກ, ແຕ່ຍັງຄົງຮັກສາລົດຊາດພິເສດສະເພາະຂອງອາຫານໄທໄວ້ໄດ້. ຕາມເອື້ອຍ ບີກຖູຍ ແລ້ວ, ເຄື່ອງປຸງອາຫານລ້ວນແຕ່ນຳເຂົ້າຈາກໄທ.
“ຖ້າຫາກໃຊ້ເຄື່ອງປຸງອາຫານຂອງ ຫວຽດນາມ, ອາຫານຈະບໍ່ມີລົດຊາດຂອງໄທ. ເຖິງວ່ານຳເຂົ້າຈາກໄທລາຄາແພງກວ່າ, ແຕ່ພວກຂ້າພະເຈົ້າກໍ່ພະຍາຍາມຊື້ມາເພື່ອຮັບປະກັນໃຫ້ອາຫານທັງແຊບທັງມີລົດຊາດຂອງໄທ. ພໍ່ຄົວຂອງຮ້ານກໍແມ່ນຄົນໄທ.”
ດ້ວຍສະບຽງອາຫານສົດ, ເຄື່ອງເທດ, ຢາສະໝຸນໄພ, ແຕ່ຜ່ານສີມືທີ່ຄ່ອງແຄ້ວ ຂອງພໍ່ຄົວ, ໄດ້ປຸງແຕ່ງເປັນອາຫານຫຼາຍເຍື່ອງທີ່ພົ້ນເດັ່ນຂອງໄທຄື: ຊີ້ນຈຸ່ມ, ຕົ້ມຢຳກຸ້ງ, ທັງມີລົດຫອມຂອງຫົວຂີງ ແລະ ຜັກກະຣຸດ, ທັງເຜັດອີກ . ເຍື່ອງອາຫານ ກາຣີ ທັງມີລົດຊາດມັນແລະຫວານຂອງກະທິ. ສ່ວນລາບ ແລະ ຕຳ່ສົ້ມ ມີລົດຊາດຂອງຜັກຫອມປະເພດຕ່າງໆ. ພາຍຫລັງຄາບອາຫານ, ແຂກເຄີຍກິນນຳ້ຫວານໄທ, ຊື່ງໄດ້ຮັບການປຸງແຕ່ງຈາກແປ້ງມັນຕົ້ນປຽກ, ກະທິ ແລະ ໝາກໄມ້ຫລາຍຊະນີດ. ເພ່ືອນ ຈູງຢູງ, ຊື່ງແມ່ນຜູ້ທີ່ເຄີຍຮັບປະທານອາຫານຢູ່ ຮ້ານ Sawasdee ແບ່ງປັນວ່າ:
“ເຍື່ອງອາຫານທັງໝົດຂອງໄທ ບໍ່ພຽງແຕ່ແຊບນົວ, ມີລົດຊາດຕ່າງກັບອາຫານຂອງປະເທດອື່ນເທົ່ານັ້ນ ຫາກຍັງມີທາດບຳລຸງລ້ຽງຫຼາຍອີກຄື: protein ຈາກສິນທະເລ, …. ຈາກໃບໄມ້ ແລະ ໝາກໄມ້, vitamin ແລະ ຫົວນຳ້ມັນຈາກບັນດາເຄື່ອງເທດ. ພິເສດ ອາຫານໄທບໍ່ມັນປານໃດ, ສະນັ້ນ ມັນຈະດີທີ່ສຸດຕໍ່ສຸຂະພາບ.”
ມາຮັບປະທານອາຫານຢູ່ ຮ້ານ Sawasdee ບໍ່ພຽງແຕ່ມີຊາວຫວຽດນາມເທົ່ານັ້ນ ຫາກຍັງມີຊາວຕ່າງປະເທດອີກດ້ວຍຄື: ລາວ, ໄທ ແລະ ປະເທດຈຳນວນຫນື່ງ. ມາແຫ່ງນີ້ເຂົາເຈົ້າທັງໄດ້ຮັບປະທານອາຫານທີ່ແຊບນົວ, ທັງແມ່ນໂອກາດເພື່ອພົບປະກັບເພື່ອນມິດ ແລະ ຊອກຮູ້ກ່ຽວກັບວັດທະນະທຳຂອງໄທອີກດ້ວຍ. ແຂກລາວຜູ້ໜຶ່ງມາຮັບປະທານອາຫານຢູ່ທີ່ນີ້ ໃຫ້ຮູ້ວ່າ:
ອາຫານຢູ່ Sawasdee
|
ສຽງແຂກລາວ
ອາຫານການກິນ ແມ່ນປັດໄຈສຳຄັນໃນການໂຄສະນາວັດທະນະທຳຂອງແຕ່ລະປະເທດ. ບັນດາເຍື່ອງອາຫານໄທມີໜ້າຢູ່ ຮ່າໂນ້ຍ ບໍ່ພຽງແຕ່ຊ່ວຍໃຫ້ປະຊາຊົນຫວຽດນາມ ຮູ້ຈັກເຖິງວັດທະນະທຳຂອງໄທເທົ່ານັ້ນ ຫາກຍັງປະກອບສ່ວນເຮັດໃຫ້ອາຫານການກິນຢູ່ຮ່າໂນ້ຍນັບມື້ນັບອຸດົມສົມບູນກວ່າອີກດ້ວຍ