(vovworld)- ມີກວ່າ 20 ເຫດການກິລາ ແລະ ການບັນເທິງໂລກ ຖືກຈັດຂຶ້ນຢູ່ເຂດກິລາປະສົມ ສິງກະໂປ, ເມື່ອສູນດັ່ງກ່າວເລີ່ມນຳເຂົ້າເຄື່ອນໄຫວໃນປີ 2014, ຈະນຳມາເຊິ່ງຜົນສຳເລັດໃຫ້ແກ່ປີທ່ອງທ່ຽວ ສິງກະໂປ. ຖ້າກອ່ນນີ້ສອງສາມປີ, ການທ່ອງທ່ຽວກິລາຍັງແມ່ນສິ່ງທີ່ໃຫມ່ອ່ຽມສຳລັບຊາວສິງກະໂປຫລາຍຄົນ,ມາຮອດ ປະຈຸບັນ ຄຽງຄູ່ກັບການທ່ອງທ່ຽວສົມທົບກັບການກວດ,ປິ່ນປົວພະຍາດ ແລະ ການສຶກສາແລ້ວ, ທ່ອງທ່ຽວກິລາ ໄດ້ກາຍເປັນຂົງເຂດສຳຄັນຂອງສະຫະສະມາຄົມທ່ອງທ່ຽວ ສິງກະໂປ.
ເຂດກິລາປະສົມສິງກະໂປ ລວມມີ: ສະຫນາມກິລາ ແລະ ບັນດາໂຮງກິລາໄດ້ຮັບການກໍ່ສ້າງໃຫມ່ຕາມຮູບແບບລັດ ແລະ ເອກະຊົນພ້ອມກັນເຮັດ. ເຫດການທຳອິດ ແມ່ນ ງານແຂ່ງຂັນຕີດອກປີກໄກ່ ສິງກະໂປ ເປີດກວ້າງປີ 2014 ຈະດຳເນີນໄປໃນເດືອນ 4/2014. ທ່ານ Lim Teck Yin, ຜູ້ອຳນວຍການບໍລິຫານ ສະພາກິລາສິງກະໂປ ໃຫ້ຮູ້ວ່າ:
ເຂດກິລາປະສົມ ສິງກະໂປ ຈະເປີດສະຫລອງ
ໃນເດືອນ 6/2014
ພາບ:internet
|
“ສະຖານທີ່ຈັດຕັ້ງເຫດການມີຫລາຍແຫ່ງກວ່າເມື່ອທຽບໃສ່ບັນດາສະຖານທີ່ອື່ນໃນໂລກ. ສິ່ງທ້າທາຍໃຫຍ່ສຸດປະຈຸບັນ ນັ້ນແມ່ນເຮັດແນວໃດເພື່ອຮັບປະກັນໃຫ້ເດີນຫຍ້າ ແລະ ບັນດາສະຫນາມກິລາເຄື່ອນໄຫວເປັນປະຈຳໄດ້. ”
ດ້ວຍເນື້ອທີ່ຂຶ້ນເຖິງ 35 ເຮັກຕາ ແລະ ລາຍຈ່າຍກໍ່ສ້າງກວ່າ 1 ຕື້ ໂດລາສະຫະລັດ, ເຂດກິລາປະສົມ ສິງກະໂປ ກາຍເປັນສະຖານທີ່ທ່ອງທ່ຽວແຫ່ງຫນຶ່ງເປັນຫນ້າສົນໃຈຂອງສິງກະໂປ ເມື່ອມີ ສູນການຄ້າແຫ່ງຫນຶ່ງມີເນື້ອທີ່ກວ້າງກວ່າ 4 ເຮັກຕາ. ສະຫນາມກິລາແຫ່ງຊາດແຫ່ງຫນຶ່ງ ປະກອບ 55.000 ບ່ອນນັ່ງ, ເຂດກິລາປະສົມ ສິງກະໂປ ຈະເປີດສະຫລອງໃນເດືອນ 6 ພ້ອມກັບເຫດການດຳເນີນງານມະຫາກຳກິລາ ສິງກະໂປ. ໃນໂອກາດນີ້ ບັນດານັກກິລາ ແລະ ກອງເຊຍ ຈະໄດ້ຊົມໃຊ້ບັນດາເງື່ອນໄຂພາຫະນະ ແລະ ບໍລິການບັນລຸມາດຕະຖານຂອງໂລກຄື: ລ່ອຍນຳ້, ແຂ່ງມ້າ, Rugby, ນັກກິລາເຕະບານ ທິມຊາດ ສິງກະໂປ ໃຫ້ຮູ້ວ່າ:
“ຂ້າພະເຈົ້າ ບໍ່ທັນມີໂອກາດໄດ້ເຂົ້າຮ່ວມການແຂ່ງຂັນຢູ່ສະຫນາມກິລາແຫ່ງຊາດເກົ່າເທື່ອ. ເມື່ອໄດ້ຮັບຂ່າວວ່າ ຈະໄດ້ເຂົ້າຮ່ວມການແຂ່ງຂັນຢູ່ສະຫນາມກິລາແຫ່ງຊາດໃຫມ່. ພວກຂ້າພະເຈົ້າດີໃຈຫລາຍ ສິ່ງດັ່ງກ່າວຈະປຸກລຸກກຳລັງໃຈໃຫ້ທິມຊາດກໍຄືຕົນເອງ.”
ຄຽງຄູ່ກັບຈຸດປະສົງຍົກລະດັບກິລາ, ເຂດກິລາປະສົມ ຈະພັດທະນາຂະບວນການກິລາວົງຄະນາຍາດຢ່າງແຂງແຮງ. ຢູ່ນອກ ບັນດາສະຫນາມກິລາ ແມ່ນບັນດາເຂດໄດ້ຮັບການກໍ່ສ້າງດ້ວຍຂອບຂະຫນາດໃຫຍ່ ຮັບໃຊ້ກິລາຫລາຍປະເພດ. ໃນຊຸມວັນທ້າຍສັບປະດາ, ຊາວ ສິງກະໂປ ຈະມີໂອກາດເຂົ້າຮ່ວມລາຍການຝືກແອບກິລາໂດຍບໍ່ເສຍຄ່າ ດ້ວຍຫົວຂໍ້ວ່າ: “ມື້ທ້າຍສັບປະດາກັບກິລາ”. ທ່ານ Low Teo Ping, ປະທານ ສະຫະພັນ Rugby ສິງກະໂປ ໃຫ້ຮູ້ວ່າ:
“ໃນງານແຂ່ງຂັນ Rugby ຊີງຊະນະເລີດ ສະຫະພັນກິລາແຫ່ງຊາດ ມີກອງເຊຍ ເກືອບພັນຄົນ ມາຊົມ ເພື່ອລະດົມກຳລັງໃຈໃຫ້ນັກກິລາ. ທຸກຄົນ ພວມລໍຄອຍບັນດາເຫດການໃຫຍ່. ທຸກສິ່ງທຸກຢ່າງໄດ້ກຽມພ້ອມເພື່ອຕ້ອນຮັບເຫດການທີ່ມີລະດັບສາກົນ.”
ປີນີ້, ມີງານແຂ່ງຂັນໂລກຫລາຍຄັ້ງ ຈະດຳເນີນໄປຢູ່ ສິງກະໂປຄື: ງານແຂ່ງຂັນ Rugby ລະດັບສະໂມສອນໂລກ, ງານແຂ່ງຂັນເທນນິດຍິງ ໂລກ(WTA Championships), ງານແຂ່ງຂັນລະດັບສາກົນ, ແນ່ນອນວ່າ ປີນີ້ ຈະແມ່ນປີບຸກທະລຸໃຫ້ແກ່ຂະແຫນງທ່ອງທ່ຽວ ສິງກະໂປ. ຕາມບັນດາຕົວເລກ ຂອງສະຫະພັນທ່ອງທ່ຽວ ສິງກະໂປ, ໃນປີ 2008 ແມ່ນທຳອິດທີ່ຈັດຕັ້ງງານແຂ່ງຂັນຂັບລົດໂອໂຕ F1 ໄດ້ ດຶງດູດນັກທ່ອງທ່ຽວມາຢ້ຽມຢາມປະເທດນີ້ປະມານ 40.000 ຄົນ, ສ້າງລາຍຮັບຕື່ມອີກໃຫ້ແກ່ຂະແຫນງທ່ອງທ່ຽວ ສິງກະໂປ ກວ່າ 7% ເມື່ອທຽບໃສ່ປີ 2007 ຍ້ອນມີ 2000 ຮູບການບໍລິການ. ເປັນທີ່ຈະແຈ້ງແລ້ວວ່າ ເຂດກິລາປະສົມ ສິງກະໂປ ໄດ້ຮັບການສ້າງຕັ້ງຂຶ້ນ ທັງຕອບສະຫນອງຄວາມຕ້ອງການການເຝີກແອບກິລາຂອງບັນດານັກກິລາພາຍໃນປະເທດ ທັງຕອບສະຫນອງການຈັດຕັ້ງເຫດການກິລາບັນເທິງຂອງພາກພື້ນ ແລະ ໂລກ ຜ່ານນັ້ນ ຊຸກຍູ້ເສດຖະກິດສິງກະໂປ ພັດທະນາ.