(vovworld)- ສຳລັບຊາວ ຫວຽດນາມ, ກາຈູ່ ແມ່ນຮູບການວັດທະນະທຳພື້ນເມືອງແລະ ໄດ້ຮັບການຮັບຮອງຈາກອົງການ UNESCO ວ່າແມ່ນມໍລະດົກວັດທະນະທຳບໍ່ມີຮູບຮ່າງ. ສ່ວນໃນສາຍຕາຂອງບັນດາເພື່ອນມິດໄທ, ກາຈູແມ່ນຮູບການສິລະປະລະດັບສູງທີ່ເປັນຫນ້າຊອກຮູ້, ຄົ້ນຫາ ແລະ ຄວນໄດ້ຮັບການອະນຸລັກຮັກສາໃຫ້ຄົນຮຸ່ນຫລັງ. ໃນລາຍການຊາຍຄາອາຊຽນພາກນີ້ ພວກເຮົາຂໍແນະນຳບົດທີ່ພາດຫົວເລື່ອງວ່າ: ເພື່ອນມິດໄທ ກັບ ເພງພື້ນເມືອງກາຈູຂອງຫວຽດນາມ
ນັກສິລະປິນຂັບກາຈູ່
|
ສຽງທ່ານນາງປະໄພສີ ເກດສະວາ
ທ່ານນາງ ປະໄພສີ ເກດສະວາ, ຫົວຫນ້າຫ້ອງການພົວພັນ ໄທ - ຫວຽດນາມ ຂຶ້ນກັບພະແນກຮ່ວມມືສາກົນ, ຫ້ອງການພົວພັນຕ່າງປະເທດ, ກົມປະຊາສຳພັນ PRD ໄດ້ແບ່ງປັນຄືດັ່ງກ່າວ ພາຍຫລັງໄດ້ຮັບຊົມລາຍການສະແດງຂັບກາຈູຂອງສະໂມສອນ ກາຈູ ຮ່າງເກງ, ນະຄອນ ຫາຍຟ່ອງ. ສຳລັບບັນດາເພື່ອນມິດໄທ, ເຖິງວ່າບໍ່ເຂົ້າໃຈກ່ຽວກັບທຳນອງຂອງບົດເພງກໍຕາມ, ແຕ່ລະວາດຟ້ອນລ້ວນແຕ່ເຮັດໃຫ້ເຂົາເຈົ້າຕົກສະເຫງີ້. ທ່ານ ມານິດ ພົມສຸກ, ຜູ້ຈັດທຳລາຍການ ສັງກັດສຳນັກງານກະຈາຍສຽງ ໂທລະພາບແຫ່ງປະເທດໄທ ໃຫ້ຂໍ້ສັງເກດວ່າ: ກາຈູ່ແມ່ນປະເພດສິລະປະທີ່ໂດດເດັ່ນ, ມີຫລັກການດ້ານການສຽງທີ່ເຄັ່ງຄັດ ແລະ ຮຽກຮ້ອງຜູ້ຂັບກາຈູ່ຕ້ອງປະຕິບັດຢ່າງເຂັ້ມງວດ. ພາຍຫລັງໄດ້ຮັບຟັງສຽງຂັບກາຈູ່ໂດຍນັກສິລະປີນຫວຽດນາມສະແດງ, ທ່ານ ມານິດ ພົມສຸກ ເວົ້າວ່າ: ທ່ານນິຍົມຊົມຊອບສຽງຂັບຮ້ອງທີ່ອອນຊອນຖຶກກັບຈັງຫວະຂອງບັນດານັກຮ້ອງທີ່ສຸດ.
ສຽງທ່ານມານິດ
ຄະນະນັກຂ່າວໄທ
|
ບໍ່ພຽງແຕ່ຮູ້ສຶກປະທັບໃຈກ່ຽວກັບດ້ານເຕັກນິກໃນການຂັບຮ້ອງຂອງບັນດານັກສິລະປິນຂັບກາຈູ່ເທົ່ານັ້ນ, ທ່ານ ມານິດ ພົມສຸກ ຍັງມີຄວາມສົນໃຈຕໍເຄື່ອງດົນຕີພື້ນເມືອງທີ່ປະກອບສ່ວນຊ່ວຍໃຫ້ກາຈູ່ຈັບອົກຈັບໃຈກວ່າ. ທ່ານ ມານິດ ພົມສຸກ ໃຫ້ຮູ້ວ່າ: ເຖິງວ່າ ກາຈູພຽງນຳໃຊ້ເຄື່ອງດົນຕີບໍ່ເທົ່າໃດປະເພດຄື: ກອງ, ເຄື່ອງດີດ ແລະ …ແຕ່ເຄ່ືອງດົນຕີແຕ່ລະປະເພດລ້ວນແຕ່ສາມາດປະສານສຽງສ້າງຄວາມດຶງດູດໃຈສະເພາະ.
ສຽງທ່ານ ມານິດ
ຜ່ານບັນດາການໂອ້ລົມກັບບັນດານັກສິລະປີນ, ນັກຮ້ອງຫວຽດນາມ, ບັນດາເພື່ອນມິດໄທ ມີຄວາມເຂົ້າໃຈຕື່ມອີກກ່ຽວກັບສິລະປະຂັບກາຈູ່ ກໍຄືວຽກງານອະນຸລັກຮັກສາ, ການສືບທອດກາຈູ່ໃຫ້ຄົນຮຸ່ນຫລັງກວ່າ . ນາງ ພັດທະນາພອນ ຣັດຕະນາດີລົກ ນາພູເກດ, ນັກຂ່າວໂທລະພາບ ສັງກັດສຳນັກງານວິທະຍຸ-ໂທລະພາບແຫ່ງປະເທດໄທ ຖືວ່າ:
ສຽງນາງ ພັດທະນາພອນ
ເຖິງວ່າເວລາຊອກຮູ້ສິລະປະຂັບກາຈູ່ບໍ່ມີຫລາຍ ແລະ ເພື່ອນມິດໄທແຕ່ລະຄົນລ້ວນແຕ່ມີຄວາມຮູ້ສຶກຕ່າງຫາກກ່ຽວກັບຈຸດທີ່ເປັນເອກະລັກສະເພາະຂອງຮູບການສິລະປະພື້ນເມືອງຫວຽດນາມ. ເຖິງຢ່າງໃດກໍຕາມ ເຂົາເຈົ້າລ້ວນແຕ່ມີຂໍ້ສັງເກດລວມວ່າ: ກາຈູ່ ແມ່ນແບບຢ່າງໃນການອະນຸລັກຮັກສາສີສັນວັດທະນະທຳຂອງຊາດຫວຽດນາມກໍຄືໃນວຽກງານສືບທອດປະເພດສິລະປະພື້ນເມືອງພິເສດສະເພາະນີ້.