(vovworld)- ໃນ 10 ປີແຫ່ງການແຮກສ່ຽວ, ໂຮງໝໍສູນກາງກອງທັບ 108 ແລະ ໂຮງໝໍ 103 ກອງທັບປະຊາຊົນລາວ ໄດ້ມີການເຄື່ອນໄຫວແລກປ່ຽນວິຊາສະເພາະ, ວິຊາການຫລາຍຢ່າງ, ແບ່ງປັນບັນດາບົດຮຽນ, ຄວາມກ້າວຫນ້າໃຫມ່ດ້ານການແພດເພື່ອປິ່ນປົວພະຍາດໃຫ້ທະຫານ ແລະ ປະຊາຊົນນັບມື້ນັບດີກວ່າ. ບັນດາການເຄື່ອນໄຫວນີ້ ຈະສືບຕໍ່ໄດ້ຮັບການປະຕິບັດໃນປີ 2016 ແລະ ຊຸມປີຕໍ່ໄປ, ສິ່ງດັ່ງກ່າວໄດ້ຢັ້ງຢືນໃນພິທີລົງນາມບົດບັນທຶກຊ່ວຍຈຳການຮ່ວມມື ໄລຍະ 2016-2020 ຫາກໍດຳເນີນໄປຢູ່ນະຄອນຫລວງ ວຽງຈັນ.
ໃນໄລຍະ 10 ປີຜ່ານມາ, ໂຮງໝໍສູນກາງກອງທັບ 108 ຫວຽດນາມ ແລະ ໂຮງໝໍ 103 ຂອງກອງທັບປະຊາຊົນລາວ ໄດ້ແລກປ່ຽນຄະນະພະນັກງານການແພດເປັນ 18 ຄັ້ງ. ນັບແຕ່ປີ 2006, ແຕ່ລະປີ ໂຮງໝໍ ສອງແຫ່ງດັ່ງກ່າວ ໄດ້ຈັດຕັ້ງການແລກປ່ຽນຄະນະ ປະຈຳໄລຍະ ເພື່ອສະຫລຸບການຮ່ວມມືປະຈຳປີ ແລະ ປຶກສາຫາລື ເປັນເອກະພາບບັນດາເນື້ອໃນການຮ່ວມມືໃຫ້ປີຕໍ່ໄປ. ແຕ່ປີ 2014, ໂຮງໝໍ 2 ແຫ່ງດັ່ງກ່າວ ໄດ້ເປັນເອກະພາບແຜນການເຄື່ອນໄຫວຮ່ວມມືໄລຍະ 2 ປີເທື່ອຫນຶ່ງ. ແຕ່ລະປີ ໂຮງໝໍ 103 ຂອງລາວ ໄດ້ສົ່ງພະນັກງານການແພດໄປຍັງໂຮງໝໍສູນກາງກອງທັບ 108 ເພື່ອບຳລຸງສ້າງ, ຍົກສູງຄວາມຮູ້ວິຊາສະເພາະ ແລະ ຖ່າຍທອດເຕັກນິກ. ໃນໄລຍະ 10 ປີຜ່ານມາ ມີທ່ານໝໍ, ພະນັກງານເຕັກນິກ ແລະ ພະຍາບານຂອງໂຮງໝໍ 103 ປະມານ 98 ຄົນຂຶ້ນກັບຂະແຫນງຕ່າງໆມາຮ່ຳຮຽນຢູ່ ຸໂຮງໝໍສູນກາງກອງທັບ 108. ພັນເອກ ຫງວຽນແທງຖາວ ສັງກັດໂຮງໝໍສູນກາງກອງທັບ 108 ໃຫ້ຮູ້ວ່າ:
“ເສນາຮັກ ຫວຽດນາມ ແລະ ລາວ ໄດ້ມີການພົວພັນເປັນຢ່າງດີມາແຕ່ດົນນານແລ້ວ, ບັນດາບາດກ້າວ, ເຕັກນິກ ຂອງຫວຽດນາມ ເມື່ອມີບັນດາເຕັກໂນໂລຊີໃຫມ່ ກໍໄດ້ຖ່າຍທອດໃຫ້ໂຮງໝໍ 103. ພວກເຮົາ ຍາມໃດກໍສ້າງເງື່ອນໄຂໃຫ້ເພື່ອນລາວເພື່ອພ້ອມກັນພັດທະນາ, ຍາມໃດກໍຊ່ວຍເຫລືອ ແລະ ສ້າງເງື່ອນໄຂໃຫ້ກັນເພື່ອນຳມາເຊິ່ງໝາກຜົນສູງສຸດ.”
ໃນໄລຍະຜ່ານມາ ສອງໂຮງໝໍດັ່ງກ່າວໄດ້ຜັດປ່ຽນກັນຈັດຕັ້ງກອງປະຊຸມວິທະຍາສາດ ເປັນ 4 ຄັ້ງແລ້ວ. ພິເສດ ຢູ່ກອງປະຊຸມວິທະຍາສາດເສນາຮັກ ຫວຽດນາມ - ລາວ ຄັ້ງທີ 4 ໄດ້ຮັບການຈັດຕັ້ງຂຶ້ນຢູ່ໂຮງໝໍ 103 ກອງທັບປະຊາຊົນລາວ ໃນອາທິດຜ່ານມາ, ສອງຝ່າຍໄດ້ເປັນເອກະພາບຈະຈັດຕັ້ງກອງປະຊຸມຄືດັ່ງກ່າວເປັນ 2 ປີເທື່ອຫນຶ່ງ. ສາດສະດາຈານ, ດຣ, ພົນຈັດຕະວາ ມາຍຮົ່ງບາງ, ຜູ້ອຳນວຍການໂຮງໝໍສູນກາງກອງທັບ 108 ໃຫ້ຮູ້ວ່າ:
“ຜ່ານກອງປະຊຸມວິທະຍາສາດ ແລະ ບົດລາຍງານທີ່ກອງປະຊຸມຄັ້ງນີ້, ຜູ້ຮ່ວມງານສອງປະເທດ, ສອງໂຮງໝໍ ຈະສືບຕໍ່ຍົກສູງລະດັບຄວາມຮູ້ວິຊາສະເພາະ, ພັດທະນາເຕັກນິກ, ພິເສດ ແມ່ນເຕັກນິກໃຫມ່, ເຕັກນິກສູງ, ໝູນໃຊ້ເຂົ້າການປິ່ນປົວພະຍາດ ແລະ ຜ່ານການພັດທະນາວິຊາສະເພາະດ້ານເຕັກນິກ ຈະຊອກຮູ້ໄດ້ບັນດາຫົວຂໍ້ຄົ້ນຄ້ວາໃຫມ່, ມີປະໂຫຍດ.”
ພິທີລົງນາມບົດບັນທຶກຊ່ວຍຈຳການຮ່ວມມືລະຫວ່າງສອງໂຮງໝໍ
|
ໃນປີ 2016, ໂຮງໝໍສູນກາງກອງທັບ 108 ຂອງຫວຽດນາມ ຈະບຳລຸງໃຫ້ທ່ານໝໍ 8 ຄົນ ໃຫ້ໂຮງໝໍ 103 ຂອງລາວ. ນອກນັ້ນ ໂຮງໝໍສູນກາງກອງທັບ 108 ສືບຕໍ່ ຮັບຄົນເຈັບ ໂດຍໂຮງໝໍ 103 ຂອງລາວສົ່ງມາ. ເມື່ອຕີລາຄາກ່ຽວກັບໝາກຜົນການຮ່ວມມືໃນ 10 ປີຜ່ານມາ, ພັນເອກ ດຣ ຄຳແພງ ພູມມາແກ້ວ, ຜູ້ອຳນວຍການໂຮງໝໍ 103 ລາວ ໃຫ້ຮູ້ວ່າ:
ສຽງທ່ານ ຄຳແພງ ພູມມາແກ້ວ
ເລື່ອງລົງນາມໃນບົດບັນທຶກຊ່ວຍຈຳການຮ່ວມມືໄລຍະ 2016-2020, ແຜນການປີ 2016 ອີກຄັ້ງຫນຶ່ງຢັ້ງຢືນສາຍພົວພັນຮ່ວມມືລະຫວ່າງ ໂຮງໝໍສູນກາງກອງທັບ 108 ແລະ ໂຮງໝໍ 103 ກອງທັບປະຊາຊົນ ລາວ ມີປະສິດທິຜົນທີ່ສຸດ. ໃນອະນາຄົດ, ຂະແຫນງເສນາຮັກ ສອງປະເທດ ຈະພັດທະນາກວ່າອີກ ແລະ ແນ່ນອນວ່າ ຈະນຳມາເຊິ່ງໝາກຜົນແທດຈິງເພື່ອຮັບໃຊ້ທະຫານ ແລະ ປະຊາຊົນສອງປະເທດ.