vovworld)-ໃນສະພາບເສດຖະກິດໂລກຊຸfໂຊມ, ສະພາບການພາຍໃນປະເທດປະສົບກັບຄວາມຫຍຸ້ງຍາກຢ່າງລຽນຕິດໃນເກືອບ 10 ປີຜ່ານມາ, ຂະແຫນງທ່ອງທ່ຽວ ໄທ ຍາມໃດກໍຖືກຈັດເຂົ້າໃນຈຳນວນ 10 ປະເທດນຳຫນ້າ ມີລະດັບພັດທະນາການທ່ອງທ່ຽວວ່ອງໄວທີ່ສຸດໃນໂລກ. ຈຳນວນນັກທ່ອງທ່ຽວຕ່າງປະເທດ, ໃນນັ້ນ ມີນັກທ່ອງທ່ຽວມາຈາກຫວຽດນາມ ກັບຄືນມາຢ້ຽມຢາມປະເທດນີ້ກວມອັດຕາສ່ວນກວ່າ50%.
ນັບແຕ່ຕົ້ນປີ 2015, ໄທ ໄດ້ປະຕິບັດບັນດາບັ້ນໂຄສະນາທ່ອງທ່ຽວຢ່າງຟົດຟື້ນ ດ້ວຍລາຍການໄຂງານມະໂຫລານການທ່ອງທ່ຽວ, ງານບຸນ. ແຕ່ລະປີ, ການເຄື່ອນໄຫວນີ້ດຳເນີນໄປໃນເດືອນ 6, ແຕ່ປີນີ້ ຖືກຈັດຂຶ້ນໄວກວ່າ ເພື່ອກະຕຸກຊຸກຍູ້ຄວາມຕ້ອງການໄປທ່ອງທ່ຽວ. ໄທ ໄດ້ວາງຈຸດໝາຍດຶງດູດນັກທ່ອງທ່ຽວໃຫ້ໄດ້ 27,8 ລ້ານເທື່ອຄົນ, ເພີ່ມຂຶ້ນ 12% ເມື່ອທຽບໃສ່ປີ 2014. ນອກນັ້ນ, ກົມໃຫຍ່ທ່ອງທ່ຽວໄທ ກໍເລີ່ມຕົ້ນຜັນຂະຫຍາຍການເຄື່ອນໄຫວຫລາຍຢ່າງ, ລະອຽດຄື: ລາຍການທ່ອງທ່ຽວ “ຄົ້ນຫາໄທ” ເພື່ອຊອກຮູ້ຊີວິດ ແລະ ວັດທະນະທຳຂອງຊາວໄທ. ຍ້ອນມີບັນດາການເຄື່ອນໄຫວກະຕຸກຊຸກຍູ້ຄວາມຕ້ອງການທ່ອງທ່ຽວດັ່ງກ່າວ ສະນັ້ນຈຳນວນນັກທ່ອງທ່ຽວສາກົນ, ໃນນັ້ນ ມີນັກທ່ອງທ່ຽວຫວຽດນາມມາຢ້ຽມຢາມ ໄທ ເພີ່ມຂຶ້ນຢ່າງບໍ່ ຢຸດຢັ້ງ. ທ່ານນາງ ທູເຮືອງ, ບໍລິສັດທ່ອງທ່ຽວ Vinatour ຂອງຫວຽດນາມ ໃຫ້ຮ້ວ່າ:
ວັດວາອາຮາມຢູ່ ໄທ ແມ່ນສິ່ງທີ່ດຶງດູດນັກທ່ອງທ່ຽວ
ມາຢ້ຽມຢາມເປັນຈຳນວນຫລວງຫລາຍ
ພາບ:dulich.vn
|
“ໄທ ແມ່ນຕະຫລາດທີ່ດູດດື່ມສຳລັບນັກທ່ອງທ່ຽວ ເພາະວ່າ ລາຍຈ່າຍຖືກ, ການໄປມາກໍສະດວກ ແລະ ນັກທ່ອງທ່ຽວສາມາດທັງໄປທ່ອງທ່ຽວທັງຊື້ເຄື່ອງຂອງ. ໄປທ່ອງທ່ຽວໃນຈຸດເວລາໃດກໍສະດວກ. ນັກທອ່ງທ່ຽວເຄີຍກັບຄືນຢ້ຽມຢາມໄທ ເປັນຫລາຍຄັ້ງ, ຊຳ້ບໍ່ໜຳ ເປັນຄັ້ງທີ 2,3“
ເຖິງວ່າ ມີບາງໄລຍະ ຢູ່ ບາງກອກເກີດການແຫ່ຂະບວນປະທ້ວງກໍຕາມ ແຕ່ບັນດາສະຖານທີ່ທ່ອງທ່ຽວຍັງຄົງດຳເນີນໄປຢ່າງເປັນປົກກະຕິ. ນອກນັ້ນ ລັດຖະບານ ໄທ ປະຕິບັດບັນດາລາຍການສ້າງຄວາມໄວ້ເນື້ອເຊື່ອໃຈ ແລະ ດຶງດູດນັກທ່ອງທ່ຽວຄືນໃຫມ່ ຜ່ານການຍົກເລີກຄຳສັ່ງສະພາວະສຸກເສີນ, ເຊີນນັກຂ່າວຕ່າງປະເທດມາຢ້ຽມຢາມ ແລະ ໂຄສະນາ, ຜັນຂະຫຍາຍບ້ວງກະຕຸກຊຸກຍຸ້ຄວາມຕ້ອງການທ່ອງທ່ຽວ ຄື: ການທ່ອງທ່ຽວໃນເວລາ 2,3 ວັນ ລວມມີການໄປມາ, ກິນຢູ່ ໂດຍບໍ່ເສຍຄ່າ … ຄອ່ຍໆຊ່ວຍໃຫ້ໄທສ້າງພາບພົດຄືນໃຫມ່ໃນສາຍຕາຂອງນັກທ່ອງທ່ຽວ. ທ່ານນາງ ທູເຮືອງ ໃຫ້ຮູ້ວ່າ:
“ໃນປີຜ່ານມາ, ຈຳນວນນັກທ່ອງທ່ຽວຫວຽດນາມ ມາຢ້ຽມຢາມ ໄທ ເພີ່ມຂຶ້ນສູງ. ນັ້ນກໍແມ່ນຍ້ອນນະໂຍບາຍຂອງກົມໃຫຍ່ທ່ອງທ່ຽວໄທ ພ້ອມກັບການຫນູນຊ່ວຍຈາກລັດຖະບານໄທ, ການຮ່ວມມືລະຫວ່າງກົມໃຫຍ່ທ່ອງທ່ຽວໄທກັບບັນດາບໍລິສັດທ່ອງທ່ຽວ, ບັນດາສະຖານທີ່ທ່ອງທ່ຽວ. ນີ້ແມ່ນການຮ່ວມສຳພັນຄົບວົງຈອນ ສະນັັ້ນ ອາດຈະເວົ້າໄດ້ວ່າ ໄທໂຄສະນາການທ່ອງທ່ຽວດີທີ່ສຸດ.”
ຕະຫລາດນ້ຳ
ພາບ:dulich.vn
|
ຈຸດພົ້ນເດັ່ນອື່ນ ນັ້ນແມ່ນ ຊາວໄທແຕ່ລະຄົນ ລ້ວນແຕ່ມີສະຕິໃນການພັດທະນາການທ່ອງທ່ຽວລະດັບສາກົນໃຫ້ແກ່ປະເທດຕົນ. ຊາວໄທ ຫລາຍຄົນສາມາດເວົ້າພາສາອັງກິດໄດ້ ນັບທັງຜູ້ຂາຍອາຫານຢູ່ຕາມຖະຫນົນຕະຫລອດຮອດ ຜູ້ຂັບລົດຕຸກຕຸກ. ນອກນັ້ນ ຊາວໄທທຸກຄົນ ລ້ວນແຕ່ແມ່ນຜູ້ຮັກແພງແຂກແລະສະຫນິດສະຫນົມ ຍາມໃດກໍພ້ອມແລ້ວທີ່ຈະຊວ່ຍເຫລືອແຂກທ່ອງທ່ຽວ. ບັນດາບໍລິສັດທ່ອງທ່ຽວ ແລະ ຮ້ານອາຫານ, ໂຮງແຮມ ລ້ວນແຕ່ມີບໍລິການພິເສດເພື່ອຮັບໃຊ້ລູກຄ້າ. ທ່ານນາງ ນານທິດາ, ດຳເນີນທຸລະກິດໂຮງແຮມຢູ່ ໄທໃຫ້ຮູ້ວ່າ:
ສຽງທ່ານນາງ ນານທິດາ
ແຕ່ດົນນານມາແລ້ວ, ໄທໄດ້ຮັບການຂະຫນານນາມວ່າ ແມ່ນປະເທດມີໄມຕີຈິດສະຫນິດສະຫນົມ ແລະ ສ້າງໃຫ້ນັກທ່ອງທ່ຽວບັນດາອະນຸສອນຍາກທີ່ຫລົງລືມໄດ້. ຜູ້ໃດມີໂອກາດມາຢ້ຽມຢາມໄທ ລ້ວນແຕ່ຢາກກັບຄືນອີກ. ໂດຍສະເພາະບັນດາທິວທັດທຳມະຊາດສວຍງາມຢູ່ໄທ, ດິນຟ້າອາກາດອຳນວຍຄວາມສະດວກຕະຫລອດປີ, ພິເສດ ແມ່ນນະຄອນ ບາງກອກ ແລະ ຊຽງໃຫມ່ ແມ່ນ 2 ຕົວເມືອງຢືນອັນດັບຫນຶ່ງ ແລະ ອັນດັບສອງໃນຈຳນວນ 10 ຕົວເມືອງທ່ອງທ່ຽວດີສຸດຂອງ ອາຊີ ໂດຍວາລະສານ Travel and Leisure ຂອງອາເມລິກາ ເລືອກເຟັ້ນ.