ໃນໂອກາດທ້າຍປີ, ບັນດາບໍລິສັດທ່ອງທ່ຽວຫວຽດນາມ ໄດ້ສ້າງບັນດາລາຍການທ່ອງທ່ຽວໃຫມ່ ດ້ວຍຄວາມຫວັງຢາກຈະນຳມາເຊິ່ງຈຸດນັດພົບທີ່ໃຫມ່ອ່ຽມ ແລະ ດູດດື່ມໃຫ້ແກ່ແຂກທ່ອງທ່ຽວ. ມ້ຽນມາ ແມ່ນຫນຶ່ງໃນບັນດາສະຖານທີ່ທ່ອງທ່ຽວທີ່ຕອບສະຫນອງໄດ້ສິ່ງດັ່ງກ່າວ. ມາຢ້ຽມຢາມ ມ້ຽນມາ ນັກທ່ອງທ່ຽວມີຄວາມແປກປະຫລາດໃຈ ຕໍ່ລະບົບວັດວາອາຮາມ, ທາດຄຳຢູ່ທົ່ວທຸກແຫ່ງຫົນ ແລະ ສິ່ງນັ້ນ ໄດ້ສ້າງໃຫ້ປະເທດມ້ຽນມາ ມີຄວາມງາມດັ່ງໃນຝັນ ແລະ ເປັນເອກະລັກສະເພາະ.
ໃນຊຸມປີມໍ່ໆມານີ້ ຍ້ອນຊີວິດທາງດ້ານວັດຖຸຂອງປະຊາຊົນໄດ້ຮັບການປັງປຸງໃຫ້ດີຂຶ້ນຫລາຍແລ້ວ, ສະນັ້ນໄປທ່ອງທ່ຽວແມ່ນການເລືອກເຟັ້ນໃນໂອກາດບຸນປີໃຫມ່ປະຈຳຊາດເພື່ອພັກຜ່ອນຢ່ອນອາລົມ. ໂດຍກຳໄດ້ຄວາມຕ້ອງການເຫຼົ່ານັ້ນ, ບັນດາບໍລິສັດທ່ອງທ່ຽວ ໄດ້ສ້າງລາຍການທ່ອງທ່ຽວຕ່າງໆທີ່ດູດດື່ມ. ນອກຈາກບັນດາລາຍການທ່ອງທ່ຽວພາຍໃນປະເທດທີ່ມີຢູ່ແລ້ວ, ປີນີ້ ມ້ຽນມາ ໄດ້ກາຍເປັນສະຖານທີ່ເຊິ່ງໄດ້ຮັບການເລືອກເຟັ້ນຂອງບໍລິສັດທ່ອງທ່ຽວຕ່າງໆ. ທ່ານນາງ ບູ່ຍທິລືວມາຍ, ຫົວຫນ້າຫ້ອງການສຳພັດກັບຕະຫລາດ ຂອງບໍລິສັດຫຸ້ນສ່ວນທ່ອງທ່ຽວຫວຽດນາມ ໃຫ້ຮູ້ວ່າ:
“ ໃນໂອກາດບຸນປີໃຫມ່ປະຈຳຊາດປີນີ້ ທາງບໍລິສັດຈະຈັດບາງລາຍການທ່ອງທ່ຽວຢູ່ ມ້ຽນມາ. ປະຈຸບັນ, ມ້ຽນມາ ແມ່ນສະຖານທີ່ທ່ອງທ່ຽວທີ່ໃໝ່ອ່ຽມ, ເປັນຕົ້ນແມ່ນລາຍການທ່ອງທ່ຽວຊອກຮູ້ວັດທະນະທຳ. ມີຫຼາຍຄົນຢາກໄປທ່ອງທ່ຽວມຽນມາ ເພາະວ່ານີ້ແມ່ນດິນແດນແຫ່ງພຸດທະສາສະຫນາ ທີ່ມີວັດວາອາຮາມສວຍງາມຫລາຍແຫ່ງ.“
89% ຂອງຈຳນວນພົນລະເມືອງ ຢູ່ ມ້ຽນມາ ແມ່ນຖືສາສະຫນາພຸດ. ດັ່ງນັ້ນເຂົ້າເຈົ້າຈຶ່ງດຳລົງຊີວິດແບບສະຫງົບງຽບຢູ່. ນອກນັ້ນບັນດາຖ້ຽວລົດເມທີ່ແລ່ນປະຈຳສາຍທາງໃຫຍ່ຈຳນວນຫນຶ່ງແລ້ວ ບາງບໍລິສັດລົດ taxi ກໍນຳໃຊ້ລົດລຸ້ນເກົ່າ ຊຶ່ງໄດ້ຮັບການຜະລິດນັບແຕ່ທົດສະວັດທີ 50 ຂອງສັດຕະວັດກ່ອນ. ພາຫະນະສັນຈອນໄປມາໂດຍທົ່ວໄປຢູ່ທີ່ນີ້ແມ່ນລົດຖີບ, ລົດສາມລໍ້. ທຸກສິ່ງທຸກຢ່າງ ຢູ່ ມ້ຽນມາ ແມ່ນທຳມະດາ, ລຽບງ່າຍ. ສະນັ້ນ ຈຳນວນນັກທ່ອງທ່ຽວມາຢ້ຽມຢາມ ມ້ຽນມາ ບໍ່ຫລາຍປານໃດ. ເຖິງຢ່າງໃດກໍຕາມ, ລາຄາສຳຫຼັບລາຍການທ່ອງທ່ຽວຢູ່ ມ້ຽນມາ ພັດບໍ່ຖືກພໍປານໃດ, ສະນັ້ນຜູ້ທ່ີໄປທ່ອງທ່ຽວມ້ຽນມາ ສ່ວນຫລາຍແມ່ນບຸກຄົນທີ່ມັກຄົ້ນຫາແຫ່ງໃຫມ່ແທ້ໆ. ທ່ານນາງ ມາຍ ໃຫ້ຮູ້ວ່າ:
“ຈຳນວນນັກທ່ອງທ່ຽວໄປຢ້ຽມຢາມ ມ້ຽນມາ ບໍ່ຫລາຍປານໃດ, ເພາະວ່າການບໍລິການ, ພື້ນຖານໂຄງລ່າງ ຍັງຈຳກັດຢູ່, ບໍ່ເໝາະສົມກັບເງື່ອນໄຂທາງດ້ານເສດຖະກິດຂອງຊາວຫວຽດນາມເວົ້າລວມ. ເມື່ອທຽບກັບບັນດາລາຍການທ່ອງທ່ຽວຢູ່ໄທ, ລາຍການທ່ອງທ່ຽວ ມ້ຽນມາໃນໂອກາດບຸນປີໃຫມ່, ວັນພັກການ ພັດສູງພໍສົມຄວນ ແມ່ນປະມານ 700 USD.“
ມາຢ້ຽມຢາມ ມ້ຽນມາ ນັກທ່ອງທ່ຽວຄວນທ່ຽວຊົມເຂດໃຈກາງເມືອງ Yangon, ໄປຢາມວັດຄຳ Shwedagon ທີ່ມີຊື່ສຽງໃນໂລກ ເຊິ່ງມີອາຍຸ 2.500 ປີ, ວັດແຫ່ງນີ້ຖືກຟອກຄຳແທ້ປະມານ 60 ໂຕນ ແລະ ຍອດທາດກໍໄດ້ປະດັບເອ້ດ້ວຍເພັດມະນີ 5.448 ເມັດ, ພອຍ 2.317 ເມັດ, …ນອກນັ້ນ ນັກທ່ອງທ່ຽວສາມາດໄປຢ້ຽມຊົມ ຫນອງ Inle ເຊິ່ງມັນຈະເຮັດໃຫ້ນັກທ່ອງທ່ຽວຮູ້ສຶກສະບາຍໃຈ. ນີ້ແມ່ນຫນອງແຫ່ງໃຫຍ່ທີສອງຂອງ ມ້ຽນມາ, ຕັ້ງຢູ່ ລັດ Shan ທີ່ ຫ່າງຈາກໃຈກາງ Heho ປະມານ 10 ກິໂລແມດ. ອາກາດຢູ່ຫນອງແຫ່ງນີ້ ແມ່ນປອດໂປ່ງເຢັນສະບາຍ ຍ້ອນຕັ້ງຢູ່ໃນລະດັບສູງ 880 ແມດ ເມື່ອທຽບໃສ່ລະດັບນ້ຳທະເລ. ຖ້າຜູ້ໃດໄດ້ມີໂອກາດໄປຢ້ຽມຢາມ ມ້ຽນມາ ແລ້ວ ຈະບໍ່ສາມາດຫລົງລືມພາບພົດ, ຄວາມງາມແບບທຳມະຊາດຂອງປະເທດນີ້ໄດ້. ເອື້ອຍ ເຈີນ ຫນືງອກແອງ, ຮອງຫົວຫນ້າພະແນກທ່ອງທ່ຽວ ສັງກັດມະຫາວິທະຍາໄລເປີດ ຮ່າໂນ້ຍ ແບ່ງປັນວ່າ:
“ ສິງກະໂປ ແມ່ນປະເທດນ້ອຍ, ຂະຫຍັນຂັນເຄື່ອນ ທັນສະໄຫມ ແລະ ສວຍງາມ, ມາເລເຊຍແມ່ນປຽບເໝືອນນະຄອນ ໂຮ່ຈິມີນ, ສ່ວນ ມ້ຽນມາ ແມ່ນດິນແດນແຫ່ງສາສະຫນາພຸດ ດ້ວຍບັນດາວັດວາອາຮາມທີ່ຟອກຄຳ, ປະດັບປະດາດ້ວຍເພັດມະນີ, ສວຍງາມທີ່ສຸດ ແລະ ກໍ່ແມ່ນປະເທດເຂດຮ້ອນ. ຊາວ ມ້ຽນມາ ກໍ່ມີຄວາມຮັກແພງແຂກຄົນ ແລະ ສະຫນິດສະຫນົມຫຼາຍ.“
ເມື່ອໄປຢ້ຽມຊົມເຂດ Bagan ຊຶ່ງແມ່ນເມືອງຫລວງຂອງ ມ້ຽນມາ ທີ່ຫ່າງຈາກ Yagonໄປທາງທິດເໜືອ ປະມານ 600 ກິໂລແມດ. ດ້ວຍເນື້ອທີ່ 42 ຕາລາງກິໂລ ແມດ, ປະຈຸບັນ Bagan ຍັງມີວັດວາອາຮາມເຖິງ 2.217 ແຫ່ງ ໃນຈຳນວນວັດວາອາຮາມທັງໝົດ 13.000 ແຫ່ງ ທີ່ໄດ້ຮັບການກໍ່ສ້າງແຕ່ສະໄໝກ່ອນ. ຢູ່ 4 ຫລ່ຽມຂອງເຂດ Old Bagan ແມ່ນກິດຈະກຳ 4 ແຫ່ງທີ່ໃຫຍ່ໂຕຄື: ວັດ Shwezigon ທີ່ເກົ່າແກ່ກວ່າໝູ່, ວິຫານ Ananda ທີ່ສວຍງາມກວ່າໝູ່, ວິຫານ Thatbyinnyu ສູງກວ່າໝູ່, ແລະ ທາດ ປີລາມິດ Dhamayangyi ທີ່ໃຫຍ່ໂຕກວ່າໝູ່.
ມ້ຽນມາ ແມ່ນປະເທດທີ່ສວຍງາມແບບຮົກເຮຶ້ອທຳມະຊາດ, ຊາວ ມ້ຽນມາແມ່ນຄົນໃຈດີ ແລະມີຄວາມຮັກແພງແຂກຄົນຫຼາຍ . ຍ້ອນເຫດນັ້ນຈຶ່ງໄດ້ດຶງດູດນັກທ່ອງທ່ຽວມາຢ້ຽມຢາມ ມ້ຽນມາ./.