(vovworld)- ດ້ວຍຫົວຂໍ້ວ່າ “ໄວຫນຸ່ມນະຄອນຫລວງ ຮ່າໂນ້ຍ ຮ່ວມແຮງຮ່ວມໃຈເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ລາວ”, ຊາວຫນຸ່ມນະຄອນຫລວງ ຮ່າໂນ້ຍ 40 ຄົນ ໄດ້ທຳການເຄື່ອນໄຫວທີ່ມີຄວາມໝາຍຫລາຍຢ່າງໃນເວລາ 4 ວັນ (14-21/7/2015) ຢູ່ເມືອງ ໄຊທານີ ນະຄອນຫລວງ ວຽງຈັນ. ນີ້ແມ່ນລາຍການອາສາສະໝັກຂອງຄະນະຊາວຫນຸ່ມນະຄອນ ຮ່າໂນ້ຍ ຢູ່ ສປປ ລາວ ເພື່ອມຸ່ງໄປເຖິງການສະເຫລີມສະຫລອງ 53 ປີ ແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ລາວ (5/9/1962-5/9/2015) ແລະ 38 ປີແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18/7/1977-18/7/2015).
ທ່ານ ຫງວຽນແຄງບີງ, ຮອງເລຂາຄະນະຊາວຫນຸ່ມ ຮ່າໂນ້ຍ
ມອບຂອງຂວັນໃຫ້ພວກນ້ອງຢູ່ໂຮງຮຽນປະຖົມທອງມັງ
ພາບ:TTXVN
|
ເຂົ້າຮ່ວມລາຍການເຄື່ອນໄຫວອາສາສະໝັກ ຢູ່ເມືອງ ໄຊທານີ ຄັ້ງນີ້ ລວມມີບັນດານັກສຶກສາມະຫາວິທະຍາໄລການແພດ, ບັນດາທ່ານໝໍຫນຸ່ມຂຶ້ນກັບສະມາຄົມແພດໝໍຫນຸ່ມ ຮ່າໂນ້ຍ, ສະມາຊິກຄະນະຊາວຫນຸ່ມນະຄອນ ຮ່າໂນ້ຍ, ຜູ້ຊ່ຽວຊານກ່ຽວກັບການລ້ຽງ, ປູກຝັງ, ນັກສຶກສາດີເດັ່ນຂອງນະຄອນ. ຢູ່ເມືອງ ໄຊທານີ, ຄະນະຊາວຫນຸ່ມນະຄອນ ຮ່າໂນ້ຍ ໄດ້ຈັດຕັ້ງບັນດາການເຄື່ອນໄຫວອາສາສະໝັກ ດ້ວຍຍອດລາຍຈ່າຍຂຶ້ນເຖິງກວ່າ 1 ຕື້ ດົງຄື: ກວດ, ປິ່ນປົວພະຍາດ, ແຈກຢ່າຍຢຸກຢາໂດຍບໍ່ເສຍຄ່າໃຫ້ແກ່ປະຊາຊົນ 1000 ຄົນ ຢູ່ເມືອງ ໄຊທານີ, ມອບຂອງຂວັນ 10 ພູດໃຫ້ພວກນ້ອງເຍົາວະຊົນຢູ່ໂຮງຮຽນປະຖົມ ທອງມັງ, ມອບກິດຈະກຳຊາວຫນຸ່ມລວມມູນຄ່າ 11 ລ້ານກີບ ໃຫ້ໂຮງຮຽນປະຖົມທອງມັງ, ເຂົ້າຮ່ວມການບູລະນະສ້ອມແປງ, ຕິດຕັ້ງລະບົບໄຟຟ້າ, ປະກອບໂຕະຕັ່ງ, ເຄື່ອງລະຫລິ້ນ ແລະ ອຸປະກອນຮັບໃຊ້ການສິດສອນ ແລະ ຮ່ຳຮຽນໃຫ້ໂຮງຮຽນແຫ່ງຫນຶ່ງໃນບໍລິເວນເມືອງ, ຖ່າຍທອດວິທະຍາສາດເຕັກນິກກ່ຽວກັບການປູກຝັງ, ລ້ຽງສັດໃຫ້ພໍ່ແມ່ປະຊາຊົນ, ສອນວິທີຟ້ອນລວມໝູ່ໃຫ້ເຍົາວະຊົນ, ຝືກຊ້ອມກ່ຽວກັບທັກສະກັນການຕາຍດຶກນ້ຳແລະ ຖືກບາດເຈັບຈາກອຸປະຕິເຫດໃຫ້ພະນັກງານຮັບຜິດຊອບວຽກງານເຍົາວະຊົນ.
ທ່ານໝໍຫນຸ່ມຮ່າໂນ້ຍກວດພະຍາດໃຫ້ປະຊາຊົນລາວ
ພາບ:vov
|
ການເຄື່ອນໄຫວ ມື້ທຳອິດ ຂອງຄະນະໄດ້ມີປະຊາຊົນນັບຮ້ອຍເທື່ອຄົນ ໃນນັ້ນ ສ່ວນຫລາຍແມ່ນຜູ້ອາຍຸສູງ ແລະ ບັນດາຄອບຄົວປະສົບກັບຄວາມຫຍຸ້ງຍາກຢູ່ເມືອງ ໄຊທານີ ໄດ້ຮັບການປິ່ນປົວ ແລະ ສະຫນອງຢຸກຢາໂດຍບໍ່ເສຍຄ່າ. ປະຊາຊົນຢູ່ທີ່ນີ້ ມີຄວາມປິຕິຊົມຊື່ນແລະ ຕື້ນຕັນໃຈເມື່ອໄດ້ຮັບການກວດພະຍາດ ແລະ ແນະນຳວິທີປ້ອງກັນພະຍາດຢ່າງສຸດຈິດສຸດໃຈຈາກບັນດາທ່ານໝໍຫນຸ່ມຫວຽດນາມ. ນາງ ສົມພອນ ທັນນະຄອນ ແລະ ເພື່ອນເລຊັກກະທຳ ຢູ່ ບ້ານທອງມັງ ເມືອງ ໄຊທານີ ເວົ້າວ່າ:
ສຽງນາງ ສົມພອນ ແລະ ເພື່ອນ ເລຊັກກະທຳ
ນັບແຕ່ ປີ 2007, ຄະນະຊາວຫນຸ່ມ ນະຄອນ ຮ່າໂນ້ຍ ໄດ້ປະຕິບັດບັນດາການເຄື່ອນໄຫວອາສາສະໝັກ ຢູ່ ນະຄອນຫລວງ ວຽງຈັນ. ໃນ 8 ປີຜ່ານມາ, ຄະນະຊາວຫນຸ່ມ ນະຄອນ ຮ່າໂນ້ຍ, ຍາມໃດກໍຮັກສາບັນດາການເຄື່ອນໄຫວພົບປະແລກປ່ຽນ, ແລກປ່ຽນບົດຮຽນ, ເປີດກວ້າງຫລາຍເນື້ອໃນການເຄື່ອນໄຫວອາສາສະໝັກ ແລະ ຮ່ວມມືກັບ ຄະນະຊາວຫນຸ່ມ ນະຄອນຫລວງ ວຽງຈັນ ໃນຫລາຍຂົງເຂດ, ຕອບສະຫນອງຄວາມຕ້ອງການຂອງຊາວຫນຸ່ມເຍົາວະຊົນນະຄອນຫລວງ ວຽງຈັນ. ການເຄື່ອນໄຫວອາສາສະໝັກນີ້ ບໍ່ພຽງແຕ່ມີຄວາມໝາຍແທດຈິງຕໍ່ປະຊາຊົນເທົ່ານັ້ນ ຫາກຍັງແມ່ນໂອກາດເພື່ອໃຫ້ບັນດາສະມາຊິກໃນຄະນະມີຄວາມເຂົ້າໃຈກ່ຽວກັບຊີວິດ ແລະ ອາລົມຈິດຂອງປະຊາຊົນລາວກວ່າ. ດຣ ຟ້າມຍືຫາຍ, ຮອງປະທານສະມາຄົມແພດໝໍຫນຸ່ມ ຮ່າໂນ້ຍ, ຮອງຫົວຫນ້າຄະນະຊາວຫນຸ່ມອາສາສະໝັກ ຮ່າໂນ້ຍ ແບ່ງປັນວ່າ: ເມື່ອກວດພະຍາດໃຫ້ປະຊາຊົນລາວ, ອ້າຍຮູ້ສຶກມີຄວາມໃກ້ຊິດສະຫນິດສະຫນົມຄືດັ່ງພໍ່ແມ່ພີ່ນ້ອງຢູ່ບ້ານເກີດເມືອງນອນຂອງຕົນ.
“ເມື່ອກວດພະຍາດໃຫ້ພໍ່ແມ່ປະຊາຊົນຢູ່ທີ່ນີ້, ຜູ້ມາກວດພະຍາດສ່ວນຫລາຍແມ່ນຜູ້ອາຍຸສູງ ເຄີຍເກີດອາການຄວາມດັນເລືອດສູງ ສະນັ້ນ ພວກຂ້າພະເຈົ້າໄດ້ແນະນຳໃຫ້ພໍ່ແມ່ວິທີປ້ອງກັນພະຍາດ ແລະ ຫລີກລ້ຽງອາການອຳມະພຶກ-ອຳມະພາດ. ນອກນັ້ນ ກໍເຕືອນໃຫ້ພໍ່ແມ່ປະຊາຊົນກ່ຽວກັບບັນດາພະຍາດອາດຈະຖືກແຜ່ລາມໃນວົງຄະນາຍາດກໍຄືໃຫ້ຄຳປຶກສາເພື່ອໃຫ້ພໍ່ແມ່ປະຊາຊົນຮູ້ຈັກວິທີປ້ອງກັນ. ການເຄື່ອນໄຫວຂອງພວກຂ້າພະເຈົ້າ ນອກຈາກກວດ ແລະ ປິ່ນປົວພະຍາດໃຫ້ພໍ່ແມ່ປະຊາຊົນແລ້ວ ຍັງເປັນການຮັດແຫນ້ນສາຍພົວພັນສະຫນິດຕິດພັນກັບປະຊາຊົນລາວອີກດ້ວຍ, ນີ້ກໍແມ່ນຄວາມເປັນກຽດຂອງພວກຂ້າພະເຈົ້າ.”
ບັນດາການເຄື່ອນໄຫວມີຄວາມໝາຍແທດຈິງຂອງຄະນະຊາວຫນຸ່ມນະຄອນ ຮ່າໂນ້ຍ ໄດ້ຮັບການຕີລາຄາສູງຈາກ ອຳນາດການປົກຄອງ ແລະ ປະຊາຊົນເມືອງໄຊທານີ. ທ່ານ ຈັນທະລາ ອິນທາລາຊີ, ເລຂາຄະນະພັກ, ປະທານຄະນະກຳມະການປະຊາຊົນເມືອງ ໄຊທານີ ໃຫ້ຮູ້ວ່າ: ນີ້ແມ່ນຄັ້ງທີ 4 ຄະນະຊາວຫນຸ່ມນະຄອນ ຮ່າໂນ້ຍ ມາ ເມືອງນີ້ ເພື່ອດຳເນີນບັນດາການເຄື່ອນໄຫວອາສາສະໝັກ. ການກວດ ແລະ ປິ່ນປົວພະຍາດ, ສະຫນອງຢຸກຢາ, ແນະນຳໃຫ້ປະຊາຊົນປ້ອງກັນໂລກລະບາດ, ປ້ອງກັນຕ້ານອຸປະຕິເຫດ, ປະດັບປະດາ, ສ້ອມແປງບູລະນະໂຮງຮຽນ… ມີຄວາມໝາຍຢ່າງແທດຈິງ ນີ້ກໍແມ່ນສິ່ງທີ່ປະຊາຊົນເມືອງ ໄຊທານີ ຕ້ອງການ.
ສ່ວນທ່ານ ບຸນຕາ ເທບພະບົງ, ເລຂາຄະນະບໍລິຫານງານຊາວຫນຸ່ມນະຄອນ ວຽງຈັນ ຕີລາຄາວ່າ: ບັນດາການເຄື່ອນໄຫວອາສາສະໝັກຂອງຄະນະຊາວຫນຸ່ມນະຄອນ ຮ່າໂນ້ຍ ໃນຊຸມປີຜ່ານມາແມ່ນມີຄວາມໝາຍອັນໃຫຍ່ຫລວງຫລາຍຢ່າງ.
ສຽງທ່ານບຸນຕາ
ການເຄື່ອນໄຫວຂອງໄວຫນຸ່ມນະຄອນຫລວງ ຮ່າໂນ້ຍ ແມ່ນໂອກາດເພື່ອໃຫ້ຊາວຫນຸ່ມນະຄອນຫລວງ ສະແດງຄວາມສາມັກຄີມິດຕະພາບລະຫວ່າງຫວຽດນາມ ແລະ ລາວເວົ້າລວມ ແລະ ຊາວຫນຸ່ມອະນຸຊົນ ນະຄອນຫລວງກໍຄືປະຊາຊົນ, ຊາວຫນຸ່ມເມືອງ ໄຊທານີ ນະຄອນຫລວງ ວຽງຈັນເວົ້າສະເພາະ. ໂດຍສືບທອດມຸນເຊື້ອຂອງຄົນລຸ້ນກ່ອນ ພ້ອມກັບຈິດໃຈປະຈັນບານອາສາສະໝັກຂອງໄວຫນຸ່ມ, ບັນດາຊາວຫນຸ່ມນະຄອນຫລວງ ຮ່າໂນ້ຍ ໄດ້ປະກອບສ່ວນເພີ່ມພູນຄູນສ້າງ, ຮັດແຫນ້ນນ້ຳໃຈສາມັກຄີມິດຕະພາບແບບພິເສດລະຫວ່າງສອງຊາດຫວຽດນາມ ແລະ ລາວກວ່າອີກ.