ທ່ານຮອງນາຍົກລັດຖະມົນຕີ ຫງວຽນຊວນຟຸກຕີກອງໄຂງານບຸນ (vovworld) - ວັນທີ 13/2 ໝາຍເຖິງວັນທີ 6 ຂອງບຸນເຕັດປີວອກ, ພຸດທະສາສະນິກະຊົນ , ພະສົງສາມະເນນ, ປະຊາຊົນທ້ອງຖີ່ນ, ແຂກທ່ອງທ່ຽວພາຍໃນ ແລະ ຕ່າງປະເທດທີ່ມາຈາກທຸກສາລະທິດໄດ້ເຂົ້າຮ່ວມພິທີໄຂງານບຸນວັດ ບ໋າຍດິ໋ງ, ຢູ່ແຂວງ ນິງບິ່ງ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ແລະ ທ່ານລັດຖະມົນຕີກະຊວງການເງິນ ດິງຕ໋ຽນຢຸງ ໄດ້ຕີກອງໄຂງານບຸນ; ພ້ອມທັງພ້ອມກັບປະຊາຊົນ ແລະ ນັກທອງທ່ຽວຖະຫວາຍທູບທຽນ, ເຂົ້າຮ່ວມພິທີປ່ອຍນົກ, ພາວະນາຂໍໃຫ້ປະເທດຊາດມີຄວາມສັນຕິພາບ, ປະຊາຊົນມີຄວາມອິ່ມໜຳສຳລານ ແລະ ຢູ່ເຢັນເປັນສຸກ.
ແລະ ກໍ່ໃນຕອນເຊົ້າວັນທີ 13/2, ນັກທ່ອງທ່ຽວທີ່ມາຈາກທຸກສາລະທິດນັບພັນຄົນ ໄດ້ເຂົ້າຮ່ວມພິທີໄຂງານບຸນວັດ ເຮືອງ, ຄາດວ່າ, ງານບຸນວັດ ເຮືອງປີນີ້ ຈະຕ້ອນຮັບແຂກກວ່າ 1,5 ລ້ານເທື່ອຄົນ. ປີນີ້, ຄະນະຈັດຕັ້ງງານບຸນວັດ ເຮືອງ ໄດ້ລະດົມເຮືອນ້ອຍ 4 ພັນກວ່າລຳມາຮັບໃຊ້ປະຊາຊົນທີ່ເຂົ້າຮ່ວມງານບຸນ.
ຕອນຄຳ່ວັນທີ 12/2, ຄະນະຈັດຕັ້ງບັນດາງານບຸນໃຫຍ່ນະຄອນ ໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 227 ປີ ແຫ່ງວັນໄຊຊະນະ ດົ໋ງດາປະຫວັດສາດ (1789-2016) ດ້ວຍລາຍການສະແດງທີ່ມີຫົວຂໍ້ວ່າ: ບົດເພງວິລະຊົນຍາມລະດູບານໃໝ່ດັງກ້ອງກັງວາງຕະຫຼອດໄປ. ລາຍການວາດພາບຮູບພາບເຈົ້າຊີວິດ ກວາງຈູງ - ຫງວຽນເຫ້ວ ແລະ ໄຊຊະນະອັນສະຫງ່າອົງອາດໃນລະດູບານໃໝ່ປີ 1789, ອັນໄດ້ເຮັດໃຫ້ຜູ້ຊົມເຫັນໄດ້ນຳ້ໃຈຮັກຊາດ, ຄວາມພິລະອາດຫານຂອງປະຊາຊົນ ຫວຽດນາມ.
ຢູ່ເມືອງ ຫຼີເຊີນ, ວັນທີ 12/2, ແຂວງ ກວາງຫງາຍ ໄດ້ເປີດບຸນຊ່ວງເຮືອທີ່ເປັນມູນເຊື້ອ ເພື່ອອາໄລຫາບັນພະບຸລຸດ ແລະ ພາວະນາຂໍໃຫ້ປະເທດຊາດມີສັນຕິພາບ, ປະຊາຊົນມີຊີວິດອິ່ມໜຳສຳລານ ແລະ ມີຄວາມຜາສຸກ.
ແຕ່ວັນທີ 1-5 ຂອງບຸນເຕັດ, ມີແຂກທ່ອງທ່ຽວປະມານ 150.000 ເທື່ອຄົນໄດ້ມາຢ້ຽມຢາມ ວັນທ໋ຽວກວົກຕືຢາມ, ເຊິ່ງແມ່ນມະຫາວິທະຍາໄລແຫ່ງທຳອິດຂອງຫວຽດນາມ. ປີນີ້, ສູນເຄື່ອນໄຫວວັດທະນະທຳ ວິທະຍາສາດ ວັນມ໋ຽວ - ກວົກຕືຢ໋າມ ຈັດຕັ້ງການເຄື່ອນໄຫວຫຼາຍຢ່າງເພື່ອຮັບໃຊ້ແຂກມາຢ້ຽມຢາມເຊັ່ນ: ບຸນສິລະປະຂຽນໜັງສື, ລະຄອນຕຸກກະຕານຳ້, ຟ້ອນສິງໂຕ, ຈັດການເຈລະຈາກ່ຽວກັບບົດກະວີ…