ໃນອາທິດຜ່ານມາ, ພະແນກກະຈາຍສຽງບັນດາລາຍການພາກພາສາຕ່າງປະເທດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີເມວ 372 ສະບັບ ແລະ ໂທລະສັບຫຼາຍສາຍ ຈາກທ່ານຜູ້ຟັງທີ່ມາຈາກ 39 ປະເທດ ແລະ ເຂດແຄ້ວນ. ໃນນັ້ນ, ລາຍການພາກພາສາລາວ ໄດ້ຮັບຈົດໝາຍ, ອີເມວ 12 ສະບັບຈາກທ່ານຜູ້ຟັງລາວ.

ວັນປົດປ່ອຍພາກໃຕ້ຫວຽດນາມ, ໂຮມປະເທດຊາດເປັນເອກະພາບ ແລະ ສະເຫຼີມສະຫຼອງ 135 ປີແຫ່ງວັນກຳມະກອນສາກົນ (ພາບປະກອບອີນເຕີແນັດ)

ມີຜູ້ຟັງລາວ ບາງທ່ານໄດ້ໂທລະສັບ, ສົ່ງຂໍ້ຄວາມມາຫາລາຍການອວຍພອຍເນື່ອງໃນໂອກາດສະເຫຼີມສະຫຼອງ 46 ປີແຫ່ງວັນປົດປ່ອຍພາກໃຕ້ຫວຽດນາມ, ໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2021) ແລະ ສະເຫຼີມສະຫຼອງ 135 ປີແຫ່ງວັນກຳມະກອນສາກົນ (01 ພຶດສະພາ 1886 – 01 ພຶດສະພາ 2021). ໃນນັ້ນ, ທ່ານ ເພັດມະລີ ໄດ້ແບ່ງປັນວ່າ: ເນື່ອງໃນໂອກາດສະເຫຼີມສະຫຼອງ 46 ປີແຫ່ງວັນປົດປ່ອຍພາກໃຕ້ຫວຽດນາມ ໂຮມປະເທດຊາດເປັນເອກະພາບ, ຂ້າພະເຈົ້າຂໍອວຍພອນໃຫ້ການນຳພັກ, ລັດ ແລະ ປະຊາຊົນຫວຽດນາມ ຍາດໄດ້ໄຊຊະນະຫຼາຍກວ່າອີກໃນພາລະກິດແຫ່ງການພັດທະນາ ແລະ ປົກປັກຮັກສາປະເທດຊາດ.

        ສ່ວນເພື່ອນ ຮ່ວາງແມ້ງເຢືອງ, ຢູ່ແຂວງ ເງະອານ ໄດ້ສົ່ງຂໍ້ຄວາມມາຫາລາຍການແບ່ງປັນວ່າ: ຜ່ານການຮັບຟັງຂ່າວປະຈຳວັນ, ຂ້າພະເຈົ້າຮູ້ໄດ້ວ່າ ປະຈຸບັນສະພາບການໂລກລະບາດໂຄວິດ-19 ຢູ່ ລາວ ພວມມີການຜັນແປຢ່າງສັບສົນ ແລະ ແຜ່ລະບາດໃນຫຼາຍແຂວງຂອງລາວ. ເພື່ອນປາດຖະໜາວ່າ, ພໍ່ແມ່ປະຊາຊົນຊາວຫວຽດນາມ ອາໄສຢູ່ລາວ ກໍ່ຄືພໍ່ແມ່ປະຊາຊົນລາວ ຈົ່ງພ້ອມກັນຮ່ວມແຮງຮ່ວມໃຈ ປະຕິບັດການປ້ອງກັນ, ສະກັດກັ້ນໂລກລະບາດຢ່າງເຂັ້ມງວດເພື່ອຍູ້ໂລກລະບາດໃຫ້ຖອຍໄປໂດຍໄວ.

        ເພື່ອນ ມາລີ ວົງສາ, ອະດີດນັກສຶກສາລາວ ເຄີຍຮ່ຳຮຽນຢູ່ຫວຽດນາມ ໄດ້ສົ່ງຂໍ້ຄວາມມາຫາລາຍ ຢາກຊອກຮູ້ການເຄື່ອນໄຫວລະຫວ່າງ 2 ປະເທດໃນອາທິດຜ່ານມາພິເສດແມ່ນຢູ່ຫວຽດນາມ. ນອກນັ້ນ, ເພື່ອນຢາກຮູ້ຂໍ້ມູນກ່ຽວກັບການເຄື່ອນໄຫວແລກປ່ຽນການຄ້າລະຫວ່າງ 2 ປະເທດໃນຊຸມເດືອນຕົ້ນປີ 2021.

(ທີ່ພິທີລົງນາມ)

ເພື່ອນ ມາລີ ວົງສາ ທີ່ຮັກແພງ! ຍ້ອນຜົນສະທ້ອນຈາກໂລກລະບາດໂຄວິດ- 19, ສະນັ້ນການເຄື່ອນໄຫວພົວພັນລະຫວ່າງ 2 ປະເທດຈຳກັດຢູ່ ແຕ່ຢູ່ຫວຽດນາມ ຍັງມີການພົບປະລະຫວ່າງທ່ານລັດຖະມົນຕີກະຊວງອຸດສາຫະກຳການຄ້າຫວຽດນາມ ຫງວຽນຮົ່ງຢຽນ ແລະ ທ່ານເອກອັກຄະລັດຖະທູດລາວ ປະຈຳຫວຽດນາມ ແສງເພັດ ຮຸ່ງບຸນຍວງ, ການພົບປະນີ້ແມ່ນເພື່ອແນໃສ່ແລກປ່ຽນ, ເປັນເອກະພາບບັນດາມາດຕະການເພີ່ມທະວີການຮ່ວມມື 2 ຝ່າຍໃນຂົງເຂດການຄ້າ, ອຸດສາຫະກຳ ແລະ ພະລັງງານ.

        ທີ່ການເຮັດວຽກ, ທ່ານລັດຖະມົນຕີ ຫງວຽນຮົ່ງຢຽນ ແລະ ທ່ານເອກອັກຄະລັດຖະທູດລາວ ແສງເພັດ ຮຸ່ງບຸນຍວງ ໄດ້ເປັນເອກະພາບນຳກັນວ່າ: ໃນຂົງເຂດການຄ້າ, ຮັບປະກັນການຂົນສົ່ງສິນຄ້າໃຫ້ເປັນປົກກະຕິ, ສົມທົບກັນຕິດຕາມ, ແລກປ່ຽນຂໍ້ມູນ ແລະ ຊຸກຍູ້ບັນດາອົງການທີ່ມີໜ້າທີ່ລະຫວ່າງ 2 ປະເທດຮັກສາຮູບແບບເຮັດລະບຽບການພາສີໃນສະພາບປ້ອງກັນ, ສະກັດກັ້ນໂລກລະບາດຢູ່ບັນດາເຂດຊາຍແດນທາງບົກລະຫວ່າງຫວຽດນາມ - ລາວ, ບໍ່ປະໃຫ້ການຂົນສົ່ງສິນຄ້າຖືກຜົນສະທ້ອນຍ້ອນໂລກລະບາດ. ກ່ຽວກັບເລື່ອງສ້າງໃຫ້ສົມບູນແບບ ແລະ ປະຕິບັດບັນດາກອບກົດໝາຍດ້ານການຄ້າລະຫວ່າງ 2 ປະເທດ, 2 ຝ່າຍໄດ້ເປັນເອກະພາບຊຸກຍູ້ວຽກງານເຈລະຈາສັນຍາບັບປຸງສັນຍາການຄ້າລະຫວ່າງຫວຽດນາມ - ລາວ ປີ 2015 ໃຫ້ໄດ້ນຳເຂົ້າເຄື່ອນໄຫວ ແລະ ສຳເລັດໂດຍໄວ, ຮັບໃຊ້ການລົງນາມໃນປີ 2021. ໃນຂອບເຂດການເຮັດວຽກ, ທ່ານເອກອັກຄະລັດຖະທູດ ແລະ ທ່ານລັດຖະມົນຕີ ຫງວຽນຮົ່ງຢຽນ ໄດ້ລົງນາມໃນບົດບັນທຶກການເຮັດວຽກກ່ຽວກັບບັນດາມາດຕະການເພີ່ມທະວີການພົວພັນຮ່ວມມືໃນຂົງເຂດການຄ້າ, ອຸດສາຫະກຳ ແລະ ພະລັງງານ.

        ຕໍ່ໜ້າສະພາບການຜັນແປທີ່ສັບສົນຂອງໂລກລະບາດໂຄວິດ-19 ຢູ່ລາວ, ທ່ານລັດຖະມົນຕີ ຫງວຽນຮົ່ງຢຽນ ໄດ້ມອບໃຫ້ສະຖານທູດລາວ ປະຈຳຫວຽດນາມ ຜ້າອັດປາດ-ອັດດັງຂ້້າເຊື້ອຈຳນວນໜຶ່ງ ເພື່ອສົ່ງໃຫ້ຍາດຕິພີ່ນ້ອງ, ມອບຜ້າອັດປາກ-ອັດດັງໃຫ້ແກ່ກະຊວງອຸດສາຫະກຳ ແລະ ການຄ້າລາວ ແລະ ກະຊວງພະລັງງານ ແລະ ບໍ່ແຮ່ລາວ.

        ກ່ຽວກັບການແລກປ່ຽນການຄ້າລະຫວ່າງ 2 ປະເທດ: ໃນໄລຍະ 3 ເດືອນຕົ້ນປີ 2021, ຍອດວົງເງິນຂາອອກ-ຂາເຂົ້າຂອງຫວຽດນາມ ກັບລາວ ບັນລຸ 338,6 ລ້ານ USD, ເພີ່ມຂຶ້ນ 22,5% ເມື່ອທຽບໃສ່ໄລຍະດຽວກັນຂອງປີ 2020. ວົງເງິນສົ່ງອອກຂອງຫວຽດນາມ ໄປລາວ ບັນລຸ 159,6 ລ້ານ USD, ເພີ່ມຂຶ້ນ 6,4% ເມື່ອທຽບໃສ່ໄລຍະດຽວກັນຂອງປີ 2020, ກວມເອົາ 2,4% ໃນຍອດການສົ່ງອອກຂອງຫວຽດນາມໄປຍັງອາຊຽນ. ບັນດາສີນຄ້າຕົ້ນຕໍ່ທີ່ຍົກອອກລວມມີ: ເຫຼັກກ້າ, ເຄື່ອງຈັກ, ອຸປະກອນ…

        ກ່ຽວກັບການຮ່ວມມືດ້ານເສດຖະກິດ: ວົງເງິນນຳເຂົ້າຂອງຫວຽດນາມ ຈາກລາວ ບັນລຸ 197 ລ້ານ USD, ເພີ່ມຂຶ້ນ 41,7% ເມື່ອທຽບໃສ່ໄລຍະດຽວກັນຂອງປີ 2020, ກວມເອົາ 1,7% ໃນຍອດວົງເງິນນຳເຂົ້າຈາກອາຊຽນ. ບັນດາຜະລິດຕະພັນນຳເຂົ້າຕົ້ນຕໍແມ່ນ: ຢາງພາລາ ໄມ້ ແລະ ຜະລິດຕະພັນຈາກໄມ້, ຝຸ່ນຫຼາຍຊະນິດ… ການນຳເຂົ້າເກີນດຸນຂອງຫວຽດນາມ ຈາກລາວບັນລຸ 19,4 ລ້ານ USD, ຫຼຸດລົງ 182% ເມື່ອທຽບໃສ່ໄລຍະດຽວກັນຂອງປີ 2020.

        ເພື່ອນ ຫງວຽນແທັງຮ່າ, ຊາວຫວຽດນາມ ພວມດຳລົງຊີວິດຢູ່ລາວ ຢາກຊອກຮູ້ແຫຼ່ງຂໍ້ມູນກ່ຽວກັບການເຄື່ອນໄຫວເຂົ້າ-ອອກເມືອງລະຫວ່າງ ຫວຽດນາມ - ລາວ ໃນຊ່ວງເວລາເກີດໂລກລະບາດນີ້.

        ເພື່ອນ ຫງວຽນແທັງຮ່າ ທີ່ຮັກແພງ! ສະຖານທູດຫວຽດນາມ ປະຈຳລາວ ໄດ້ມີແຈ້ງການກ່ຽວກັບສະພາບໂລກລະບາດໂຄວິດ-19 ຢູ່ລາວ ແລະ ເລື່ອງພົນລະເມືອງຫວຽດນາມ ຈົດທະບຽນກັບເມືອປະເທດ. ແຈ້ງການຊີ້ແຈ້ງວ່າ: ສະພາບໂລກລະບາດໂຄວິດ-19 ຢູ່ລາວ ເວົ້າລວມ ແລະ ນະຄອນຫຼວງວຽງຈັນ ເວົ້າສະເພາະພວມມີການຜັນແປທີ່ສັບສົນ, ຈຳນວນຜູ້ຕິດເຊື້ອໄດ້ເພີ່ມຂຶ້ນຢ່າງໄວໃນຊຸມມື້ມໍ່ໆມານີ້. ຕໍ່ໜ້າສະພາບການດັ່ງກ່າວ, ສະຖານທູດຫວຽດນາມ ປະຈຳລາວ ສະເໜີໃຫ້ພົນລະເມືອງຫວຽດນາມ ທີ່ພວມດຳລົງຊີວິດ, ອອກແຮງງານ ແລະ ຮ່ຳຮຽນຢູ່ລາວ ປະຕິບັດບັນດາຂໍ້ກຳນົດຂອງລາວ ແລະ ຫວຽດນາມ ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ຢ່າງເຂັ້ມງວດ, ປະຕິບັດການແຍກຫ່າງສັງຄົມ, ບໍ່ອອກຈາກເຂດຢູ່ອາໄສຖ້າບໍ່ມີຄວາມຈຳເປັນໃນເວລາປິດລ້ອມ. ກໍລະນີພົນລະເມືອງຫວຽດນາມ ມີຄວາມຫວັງຢາກກັບເມືອປະເທດ, ສືບຕໍ່ຈົດທະບຽນຢູ່ສະຖານທູດຫວຽດນາມ ແລະ ສະຖານກົງສູນໃຫຍ່ຫວຽດນາມ ປະຈຳລາວ.