(vovworld) - ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີແມວ ໂທລະສັບ 156 ສະບັບຂອງທ່ານຜູ້ຝັງທີ່ມາຈາກ 37 ປະເທດໃນໂລກ. ໃນນັ້ນລາຍກະຈາຍສຽງພາກພາສາລາວ ໄດ້ຮັບອີແມວ, ໂທລະສັບ 4 ສະບັບຈາກທ່ານຜູ້ຟັງລາວ. ຍອນເວລາຖືກຈຳກັດ, ສະນັ້ນ, ໃນລາຍການໂອ້ລົມກັບເພື່ອນລາວ ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບຄຳຖາມຂອງເພື່ອນ ພອນໄຊ ແລະ ເພື່ອນ ສຸກມະລີວົງທີ່ໄດ້ຝາກມາລາຍການໃນອາທິດຜ່ານມາ.
ໃນອາທິດຜ່ານມາ, ເພື່ອນພອນໄຊ, ຢູ່ແຂວງ ວຽງຈັນ ໄດ້ສົ່ງອີແມວເຖິງລາຍການໂດຍຢາກຮູ້ວ່າ ຢູ່ຫວຽດນາມ ໄດ້ຈັດວັນບຸນ ຄຼິດສມາດ ຄືແນວໃດ? ບັນດາເພື່ອນໜູ່ມຫວຽດນາມ ມີຄວາມເອົາໃຈໃສ່ເຖິງວັນບູນນີ້ບໍ່?.
ເພື່ອນພອນໄຊ ທີ່ຮັກແພງ, ຢູ່ຫວຽດນາມ, ເຖິງວ່າບໍ່ແມ່ນວັນພັກການຢ່າງເປັນທາງການ, ແຕ່ວັນບຸນ ຄຼິດສມາດ ຄ່ອຍໆໄດ້ຮັບຖືວ່າເປັນວັນບຸນລວມ, ຕາມປົກກະຕິແມ່ນຈັດຕັ້ງໃນຄ່ຳຄືນວັນທີ 24 ແລະ ແກ່ຍາວຮອດວັນທີ 25/12. ມີບາງບໍລິສັດ, ອົງການຈັດຕັ້ງພາກເອກະຊົນ ຍັງຈັດໃຫ້ພະລາກອນໄດ້ພັກການໃນໂອກາດນີ້. ໃນຊຸມມື້ນີ້, ຕົ້ນແປກ Noel ໄດ້ປະດັບປະດາຢູ່ຫຼາຍບ່ອນ, ອາດຈະແມ່ນຕົ້ນແປກເຮັດດ້ວຍຢາງ ຫຼື ຕົ້ນແປກແທ້. ຢູ່ເທິງຕົ້ນແປກ ກໍໄດ້ປະດັບປະດາເຄື່ອງຂອງຫຼາຍຢ່າງ, ແຕ່ສ່ວນຫຼາຍຈະມີກະດິງຄູ່ໜຶ່ງ, ບັນດາກັບຂອງຂວັນສັນຍາລັກ ແລະ ດອກໄຟ. ຢູ່ບັນດານະຄອນໃຫຍ່ຄື: ຮ່າໂນ້ຍ, ເຫ້ວ, ດ່ານັ້ງ, ນະຄອນໂຮ່ຈິມິນ ແລະ ບັນດາເຂດເຊື່ອຖືສາສະໜາຄຼິດ ຕາມປົກກະຕິແມ່ນໄດ້ຈັດພິທີຕ້ອນຮັບວັນບຸນ ຄຼິດສມາດ ແລະ ປີໃໝ່ ດ້ວຍການເຄື່ອນໄຫວທີ່ອຸດົມສົມບູນຫຼາຍຢ່າງ. ວັນບຸນ ຄຼິດສມາດ ຢູ່ຫວຽດນາມ ແມ່ນໂອກາດດຳເນີນຊີວິດດ້ານວັດທະນະທຳປະຊາຄົມທີ່ອຶກກະທຶກຄຶກໂຄມ. ພິເສດແມ່ນໃນໂອກາດນີ້, ໄວໜຸ່ມມັກພາກັນໄປລະຫຼີ້ນຕາມເຂດບັນເທິງຕ່າງໆ. ໃນຄ່ຳຄືນວັນບຸນ ຄຼິດສມາດ, ບັນດາຄູ່ບາວສາວຮັກແພງກັນໄດ້ມອບຂອງຂວັນໃຫ້ກັນ, ເດັກນ້ອຍມີຄວາມກະຕືລືລົ້ນລໍ້ຖ້າພໍ່ເຖົ້າ Noel ປະກົດຕົວ, ຄອບຄົວເພື່ອນມິດພາກັນເຕົ້າໂຮມກິນດື່ມນຳກັນ ແລະ ພິເສດແມ່ນບັນດາຊາວຄຼິດ ໄດ້ກະກຽມເຂົ້າຮ່ວມພິທີບູຊາພະເຢຊູ ຢູ່ໂປດແຫ່ງຕ່າງໆ.
ການເຫຼື້ອມໃສບູຊາພະແມ່ 3 ພະນາງຂອງຊາວຫວຽດນາມ - ນີ້ແມ່ນຫົວເລື່ອງເຊິ່ງເພື່ອນ ສຸກມະລິວົງ ເອົາໃຈໃສ່ໃນອາທິດຜ່ານມາ. ໃນອີແມວສົ່ງເຖິງລາຍການ, ເພື່ອນ ສຸກມະລິວົງ ໄດ້ແບ່ງປັນວ່າ: ຂ້າພະເຈົ້າໄດ້ຮັບຊົມກ່ຽວກັບການເຫຼື້ອມໃສບູຊາພະແມ່ 3 ພະນາງຂອງຊາວຫວຽດນາມ ໃນໂອກາດໄປທ່ຽວຢູ່ຫວຽດນາມ, ຂ້າພະເຈົ້າເອງມີຄວາມປະທັບໃຈຕໍ່ຮູບການວັດທະນະທຳນີ້. ໃນໄລຍະຜ່ານມາ, ຂ້າພະເຈົ້າໄດ້ຮັບຂ່າວວ່າ ການເຫຼື້ອມໃສບູຊາພະແມ່ຂອງຊາວຫວຽດນາມ ນີ້ໄດ້ຮັບການຮັບຮອງເອົາເປັນມໍລະດົກບໍ່ມີຮູບຮ່າງຂອງມວນມະນຸດແມ່ນບໍ່? ແລະ ຜ່ານລາຍການ, ຂ້າພະເຈົ້າຢາກຮັບຟັງການຂັບຮ້ອງຕອນໜຶ່ງໃນການເຫຼື້ອມໃສບູຊາພະແມ່ຂອງຊາວຫວຽດນາມ ໄດ້ບໍ່?
ເພື່ອນ ສຸກມະລິວົງ ທີ່ຮັກແພງ, ການເຫຼື້ອມໃສບູຊາພະແມ່ 3 ພະນາງ ຂອງຊາວຫວຽດນາມ ແມ່ນຮູບການບູຊາພະແມ່ທີ່ມີມາແຕ່ສັດຕະວັດທີ 16. ແຕ່ດົນນານມາແລ້ວ, ຊາວຫວຽດນາມ ໄດ້ມີທັດສະນະວ່າ ທຸກໆປະກົດການໃນທຳມະຊາດຄື: ໄພແຫ້ງແລ້ງ ຫຼື ໄພນ້ຳຖ້ວມ, ດິນແດນຖືກແຕກແຫງໄຫມ້ຫລືດິນສັນດອນ, ຕົ້ນໄມ້ໃບຫຍ້າ, ສັດສາວາສິ່ງພັດທະນາຫຼືຖືກຫ່ຽວແຫ້ງກໍລ້ວນແຕ່ນອນໃນສິດຂອງພະແມ່. ສະນັ້ນ, ຖ້າຫາກໄດ້ຮັບການປົກປ້ອງ, ອຸ້ມຊູຈາກພະແມ່ຄືດັ່ງຜູ້ເປັນແມ່, ຊີວິດຂອງ ມະນຸດຈະໄດ້ຮັບປະກັນກວ່າ. ນີ້ແມ່ນທັດສະນະພິເສດຂອງຊາດຫວຽດນາມ ຫາກບໍ່ມີຢູ່ປະເທດໃດ. ນັ້ນກໍແມ່ນຄຸນຄ່າຕົ້ນຕໍ, ພົ້ນເດັ່ນຂອງການເຫຼື້ອມໃສບູຊາພະແມ່. ການເຫຼື້ອມໃສບູຊາພະແມ່ 3 ພະນາງ ຂອງຫວຽດນາມ ໄດ້ນຳມາບັນດາຄຸນຄ່າທົ່ວໂລກ ຍ້ອນບັນດາຄຸນຄ່າດ້ານປະຫວັດສາດ ແລະ ສີສັນວັດທະນະທຳຂອງຊາວຫວຽດນາມ. ຜ່ານນີ້ ຊາວຫວຽດນາມ ໄດ້ສະແດງໃຫ້ເຫັນທັດສະນະຂອງຕົນກ່ຽວກັບປະຫວັດສາດ, ມໍລະດົກວັດທະນະທຳ, ບົດບາດຂອງເພດໄວ ແລະ ສີສັນຊາດ. ການເຫຼື້ອມໃສບູຊາພະແມ່ 3 ພະນາງ ຕອບສະຫນອງໄດ້ຄວາມຕ້ອງການ ແລະ ຄວາມມຸ້ງຫວັງຂອງຊີວິດດ້ານຈິດໃຈຂອງຊາວຫວຽດນາມ. ວັນທີ 1/12/2016, ດ້ວຍຄວາມເຫັນດີເຫັນພ້ອມຂອງກອງປະຊຸມ, ຄະນະກຳມະການໄດ້ອອກມະຕິຮັບຮອງເອົາ “ການປະຕິບັດ ເຫຼື້ອມໃສບູຊາພະແມ່ຂອງຊາວ ຫວຽດນາມ” ແມ່ນມໍລະດົກວັດທະນະທຳບໍ່ມີຮູບຮ່າງເປັນຕົວແທນໃຫ້ມວນມະນຸດ” ຢ່າງເປັນທາງການ. ເລື່ອງສຳເນົາເອກະສານ “ການປະຕິບັດ ເຫຼື້ອມໃສບູຊາພະແມ່ຂອງຊາວ ຫວຽດນາມ” ໄດ້ຮັບການ ຮັບຮອງຈາກ UNESCO ວ່າແມ່ນ ມໍລະດົກວັດທະນະທຳບໍ່ມີຮູບຮ່າງເປັນຕົວແທນໃຫ້ມວນມະນຸດນັ້ນ ດ້ານໜຶ່ງໄດ້ປະກອບສ່ວນເພີ່ມທະວີທີຕັ້ງບົດບາດຂອງມໍລະດົກສຳລັບສັງຄົມ, ເຮັດໃຫ້ວັດທະນະທຳ ຫວຽດນາມ ແລະ ຂອງມະນຸດອຸດົມສົມບູນຂຶ້ນຕື່ມ, ອີກດ້ານອື່ນຈະເຮັດໃຫ້ວົງຄະນະຍາດ, ບັນດາຜູ້ປະຕິບັດການເຄື່ອນໄຫວຂອງມໍລະດົກມີຄວາມຮັບຮູ້ຢ່າງເລິກເຊິ່ງຕື່ມອີກກ່ຽວກັບມໍລະດົກຂອງຕົນເພື່ອໃຫ້ເຂົາເຈົ້າມີຄວາມເອກອ້າງທະນົງໃຈ ແລະ ຕັ້ງໜ້າກ່ວາໃນວຽກງານເຂົ້າຮ່ວມ ແລະ ພັດທະນາຄຸນຄ່າຂອງການເຫຼື້ອມໃສບູຊາພະແມ່.
ເພື່ອຕອບສະໜອງຕາມຄວາມຮຽກຮ້ອງຂອງເພື່ອນ, ເຊີນເພື່ອນ ສຸກມະລີວົງ ແລະ ທ່ານຜູ້ຟັງ ຮັບຟັງຕອນໜຶ່ງກ່ຽວກັບການເຫຼື້ອມໃສບູຊາພະແມ່ຂອງຊາວຫວຽດນາມ
(ຕອນໜຶ່ງກ່ຽວກັບການເຫຼື້ອມໃສບູຊາພະແມ່ຂອງຊາວຫວຽດນາ)
ດັ່ງກ່າວແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການ ເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບມາໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov5@gmail.com. ທ່ານຜູ້ຟັງກໍສາມາດເຂົ້າເວັບໄຊ vovworld.vn ຫຼື vov5.vn ເພື່ອແລກປ່ຽນຄຳເຫັນ ແລະ ຈຳວິຈານຂອງຕົນຜ່ານບັນດາລາຍການທີ່ໄດ້ລົງໃນເວັບໄຊດັ່ງກ່າວ.