ການລວບລວມບັນດາຈົດໝາຍທີ່ທ່ານຜູ້ຟັງ, ຜູ້ອ່ານຝາກມາໃນອາທິດຜ່ານມາ
(vovworld) - ອາທິດຜ່ານມາ, ພວກຂ້າພະເຈົ້າໄດ້ຮັບຈົດໝາຍຈາກເພື່ອນ ແກ້ວມີໄຊ, ປະຈຸບັນພວມເຮັດວຽກຢູ່ຄະນະຊາວໜຸ່ມແຂວງ ຫຼວງພະບາງ. ກ່ອນນີ້ເພື່ອນເຄີຍເປັນນັກສຶກສາສະຖາບັນການປົກຄອງຢູ່ ຫວຽດນາມ. ດັ່ງນັ້ນເພື່ອນຈຶ່ງນິຍົມກິນອາຫານ ຫວຽດນາມ ຫຼາຍເຍື່ອງ. ພິເສດ, ເມື່ອລະດູໜາວວຽນມາ, ອາກາດໜາວຈັດ ຍິ່ງມີອາຫານພິເສດຫຼາຍເຍື່ອງຄື: ຊີ້ນດາດ, ສາລີ, ມັນດ້າງ, ມັນຕົ້ນລວກ, ແຕ່ປີ້ງສາລີແມ່ນເຍື່ອງທີ່ເພື່ອນນິຍົມທີ່ສຸດ. ໃນລາຍການ ໂອ້ລົມກັບເພື່ອນລາວ ພາກນີ້, ກ່ອນທີ່ຈະແນະນຳບົດ“ປີ້ງສາລີ ຢູ່ ຮ່າໂນ້ຍ”. ພວກເຮົາຂໍລວບລວມບັນດາຈົດໝາຍທີ່ທ່ານຜູ້ຟັງ, ຜູ້ອ່ານຝາກມາໃນອາທິດຜ່ານມາ.
ອາທິດຜ່ານມາ, ພວກຂ້າພະເຈົ້າໄດ້ຮັບອີແມວຈາກທ່ານ ຫງວຽນວັນແຕ້ວ ທີ່ຕອບຄຳຖາມຂອງລາຍການພາກພາສາລາວໃນເດືອນ 1. ພວກຂ້າພະເຈົ້າຂໍແຈ້ງໃຫ້ທ່ານໄດ້ຮັບຊາບວ່າ: ຄຳຕອບທີ່ທ່ານຝາກມາລາຍການນັ້ນ ແມ່ນຖືກຕ້ອງ ແລະ ໄວກວ່າໝູ່. ພວກເຮົາຈະມີຂອງຂວັນສົ່ງໃຫ້ທ່ານໃນໄວໆນີ້. ສ່ວນທ່ານຜູ້ຟັງ, ຜູ້ອ່ານອື່ນໆ, ຈົ່ງຝາກຄຳຕອບມາລາຍການໂດຍໄວ ເພື່ອໄດ້ຮັບຂອງຂວັນ. ທ່ານຜູ້ຟັງ, ຜູ້ອ່ານສາມາດອ່ານຄືນຄຳຖາມໃນລາຍການຕິດຕໍ່ພົວພັນກັບຜູ້ຟັງໃນວັນທີ 2/1 ຢູ່ໜ້າແວບ vovworld.vn.
ໃນອາທິດ, ທ່ານນາງ ວຽງ ແກ້ວມະລີ ກໍ່ສົ່ງອີແມວມາລາຍການ, ໂດຍຍ້ອງຍໍຊົມເຊີຍບັນດາບົດຂຽນໃນໜ້າແວບ vovworld.vn ແລະ ທ່ານນາງມັກອ່ານ ແລະ ຟັງຂ່າວ, ບົດໃນໜ້າແວບນີ້ທີ່ສຸດ, ຍ້ອນວ່າຂ່າວ, ບົດຖືກອັບແດດໄວ ແລະ ຊັດເຈນ, ເນື້ອໃນສົມບູນ ແລະ ຕອບສະໜອງໄດ້ຄວາມຕ້ອງການດ້ານຂໍ້ມູນຂ່າວຂອງຜູ້ອ່ານ.
ສ່ວນເພື່ອນ ຫງວຽນຮ່ວາງນາມ, ນັກສຶກສາ ຫວຽດນາມ ທີ່ພວມຮ່ຳຮຽນຢູ່ ລາວ ໃຫ້ຮູ້ວ່າ: ໜ້າແວບຂອງພາກພາສາລາວ ວິທະຍຸກະຈາຍສຽງ ຫວຽດນາມ ໄດ້ສະຫງວນຂໍ້ມູນຂ່າວທີ່ມີປະໂຫຍດ, ຊ່ວຍໃຫ້ລາວໃນການຮ່ຳຮຽນພາສາລາວໄດ້ດີກວ່າ. ນອກນັ້ນ, ຜ່ານຂ່າວ, ບົດໃນໜ້າແວບເພື່ອນສາມາດຮູ້ໄດ້ສະພາບການພົ້ນເດັ່ນທັງຢູ່ພາຍໃນປະເທດ ຫວຽດນາມ ແລະ ຕ່າງປະເທດອີກດ້ວຍ.
*******************************************************************
ປີ້ງສາລີ ຢູ່ ຮ່າໂນ້ຍ
ເມື່ອຄວາມມືດມົວລົງມາ, ອາກາດຢູ່ນະຄອນຫຼວງ ຮ່າໂນ້ຍໃນລະດູໜາວຄືວ່າຍິ່ງໜາວເຢັນກວ່າອີກ. ລົມພັດແຮງ, ຢູ່ຕາມຖະໜົນຫົນທາງຜູ້ຄົນຮີບເຮັ່ງໄປມາກັບເມືອຄອບຄົວເພື່ອຫຼີກຄວາມໜາວນັ້ນ ກໍ່ແມ່ນເວລາທີ່ຜູ້ຂາຍປີ້ງສາລີ ກະກຽມເຄື່ອງຂອງ ເພື່ອເລີ່ມຕົ້ນວຽກງານລ້ຽງຊີບຂອງຕົນ.
ພາບປະກອບ
ເຕົາໄຟນ້ອຍໆອັນໜຶ່ງ, ຖ່ານ 2 – 3 ໂລ, ວີໄມ້ໄຜ່ອັນໜຶ່ງ, ສາລີມານໃຫຍ່ຖົງໜຶ່ງ. ເຖິງວ່າລົມພັດແຮງຢູ່ແລ້ວແຕ່ເມື່ອປີ້ງສາລີຍັງຕ້ອງໃຊ້ວີພັດຕື່ມອີກເພື່ອໃຫ້ຖ່ານໄໝ້ພໍດີເຮັດໃຫ້ສາລີສຸກລ້ວນໄດ້. ໃນເຕົາໄຟຂອງເອື້ອຍ ຮວາ, ເຊິ່ງແມ່ນຜູ້ໜຶ່ງທີ່ຂາຍປີ້ງສາລີຕາມຖະໜົນ ແບກມາຍ, ມີ ສາລີປີ້ງສຸກແລ້ວ 2, 3 ມານ, ສາລີປີ້ງສຸກຖືກປະໄວ້ຢູ່ທາງຂ້າງ ແລ້ວສືບຕໍ່ປີ້ງສາລີມານອື່ນຕື່ມອີກ, ຕ້ອງປີ້ງຕະຫຼອດຄືແນວນັ້ນ, ຖ້າມີແຂກມາຊື້, ພຽງແຕ່ປີ້ງຄືນໜ້ອຍໜຶ່ງກໍ່ໄດ້ ແຂກຈະບໍ່ຕ້ອງຖ້າດົນ, ຕ້ອງເຮັດຄືແນວນັ້ນຈຶ່ງຕອບສະໜອງຄວາມຕ້ອງການຂອງຜູ້ຊີ້ ແລະ ຂາຍສາລີໄດ້ຫຼາຍກ່ວາອີກ. ຟັງຊື່ໆຄືວ່າເຮັດງ່າຍໆແຕ່ບໍ່ແມ່ນຜູ້ໃດກໍ່ສາມາດປີ້ງສາລີໄດ້.
ເມື່ອປີ້ງສາລີແມ່ນບໍ່ໃຫ້ໄຟລຸກແຮງ, ດັ່ງນັ້ນຕ້ອງພັດວີຄ່ອຍໆໃຫ້ໄຟລຸກພໍດີ. ຖ້າໄຟລຸກແຮງສາລີຈະຖືກໄຟໄໝ້, ລຸກອ່ອນຕ້ອງໃຊ້ເວລາຫຼາຍສາລີຖືກຂາດນ້ຳຈະແຂງ ແລະ ບໍ່ແຊບອີກ.
ເອື້ອຍ ຮວາ ແມ່ນຄົນທຸກຍາກຢູ່ນະຄອນຫຼວງ ຮ່າໂນ້ຍ, ຍາມເຊົ້າເອື້ອຍຂາຍຜັກຢູ່ຕະຫຼາດ, ຕອນຄ່ຳເອື້ອຍຂາຍປີ້ງສາລີເພື່ອຫາເງິນຕື່ມອີກ. ໂດຍຕ່າງກັບຕົ້ມສາລີທີ່ຂາຍໃນທຸກເດືອນໃນປີ, ປີ້ງສາລີ ພຽງແຕ່ຂາຍໃນລະດູໜາວເທົ່ານັ້ນ. ເອື້ອຍຮວາ ໃຫ້ຮູ້ຕື່ມອີກວ່າ:
ເອື້ອຍເລີ່ມຂາຍປີ້ງສາລີແຕ່ເດືອນ 10, ດ້ວຍລາຄາມານລະ 10.000 ດົ່ງ. ຫາກຳໄລບໍ່ໄດ້ຫຼາຍ. ຖ້າຂາຍລາຄາແພງແຂກຈະບໍ່ມາຊື້. ເອື້ອຍຂາຍປີ້ງສາລີແຕ່ລະມື້ໄດ້ປະມານແຕ່ 30 – 40 ມານ.
ເມື່ອນັ່ງໃກ້ໆກັບເຕົາໄຟ, ໄດ້ເຫັນປະຈັກຕາການປີ້ງສາລີ, ແລະໄດ້ດົມກິນຫອມຂອງສາລີນັ້ນ, ຜູ້ໃດກໍ່ຮູ້ສຶກທັງອົບອູ່ນແລະຢາກກິນຕື່ມອີກ. ນາງ ຮ່າ, ແຂກທີ່ເຄີຍຊື້ປີ້ງສາລີຂອງເອື້ອຍ ຮວາ, ໃຫ້ຮູ້ວ່າ:
ນ້ອງມັກໄດ້ນັ່ງໃກ້ເຕົາໄຟ, ທັງກິນ ແລະ ລົມກັນກັບເອື້ອຍ ຮວາ ຍ້ອນຮູ້ສຶກອົບອູ່ນຫຼາຍ. ພາຍຫຼັງກິນແລ້ວນ້ອງກໍ່ຊື້ສາລີຕື່ມອີກເພື່ອມອບໃຫ້ພໍ່ແມ່ກິນນຳ, ເຖິງວ່າລາຄາສາລີແພງ, ມານໜຶ່ງເທົ່າກັບລາຄາເຂົ້າເຄິ່ງກິໂລກຼາມກໍ່ຕາມ, ແຕ່ຍ້ອນແຊບຫຼາຍນ້ອງຍັງ ຊື້ຢູ່.
ອາຫານຂອງນະຄອນຫຼວງ ຮ່າໂນ້ຍ ມີຫຼາຍເຍື່ອງ, ແຕ່ລະເຍື່ອງມີລົດຊາດພິເສດສະເພາະ ດັ່ງນັ້ນຈຶ່ງມີຫຼາຍຄົນມັກກິນສາລີຍາມລະດູໜາວ. ເພາະວ່າກິນປີ້ງສາລີເຂົາເຈົ້າຮູ້ສຶກຄືວ່າ ທັງແຊບທັງອົບອຸ່ນກວ່າ. ຄ່ຳຄືນອາກາດໜາວຈັດຫຼາຍ ແຕ່ ພວກເອື້ອຍຕ້ອງຂາຍປີ້ງສາລີຮອດເວລາ 11, 12 ໂມງ. ເຖິງວ່າເງິນຫາ ໄດ້ບໍ່ຫຼາຍປານໃດກໍ່ຕາມ ແຕ່ຈະຊ່ວຍໃຫ້ຊີວິດຂອງພວກເອື້ອຍໄດ້ດີກວ່າສ່ວນໃດສ່ວນໜຶ່ງ.