(vovworld) - ເມື່ອຍາມສາຍັນດວງຕາເວັນຄ້ອຍຄ່ຳ, ໄຟແສງສີຈາກຮ້ານຂາຍເຄື່ອງ, ຮ້ານອາຫານ,ໂຮມແຮມ, ວີນລາ ຢູ່ ທົ່ວນະຄອນດາລາດໄດ້ສ້າງເປັນສີສັນຫລາກຫລາຍທີ່ງາມຕາ. ແລະ ໃນຍາມຄ່ຳຄືນ ອາກາດຢູ່ ດາລາດກໍຫນາວກວ່າ, ເວລານັ້ນ ນັກທ່ອງທ່ຽວ ທັງຍ່າງເລາະຫລິ້ນລຽບຕາມຖະຫນົນສາຍຕ່າງໆ ທັງຮັບປະທານອາຫານຫຼາຍເຍື່ອງທີ່ເປັນເອກະລັກສະເພາະຂອງ ດາລາດ ນັ້ນແມ່ນສິ່ງທີ່ສ້າງຄວາມປະທັບໃຈສຳລັບນັກທ່ອງທ່ຽວເມື່ອມາຢ້ຽມຢາມ ນະຄອນ ດາລາດ ແຂວງ ເລີມດົ່ງ.
ຕະຫລາດກາງຄືນຢຸ່ ດາລາດ
|
ດາລາດ ແມ່ນນະຄອນທີ່ສວຍງາມ ດ້ວຍດອກໄມ້ນາໆສີ, ພູປ່າແປກທີ່ຂຽວສົດງົດງາມ ພ້ອມດ້ວຍຫນອງນ້ຳໃສເຢັນແລະກະແສລົມສ້າງເປັນຄື້ນທີ່ໜ້າສະອອນ, ເພື່ອຄົ້ນຫານະຄອນ ດາລາດ, ນັກທ່ອງທ່ຽວສາມາດເຂົ້າຮ່ວມບັນດາລາຍການທ່ອງທ່ຽວຢ້ຽມຢາມຊານກຳແພງ, ຢ້ຽມຢາມໝູ່ບ້ານດອກໄມ້, ຫລືລາຍການທ່ອງທ່ຽວປີນພູ, ຄົ້ນຫານ້ຳຕົກຕາດ. ພາຍຫຼັງໄປຢ້ຽມຢາມຫລາຍແຫ່ງເປັນເວລາມື້ຫນຶ່ງ ກໍອິດເມື່ອຍແລ້ວ, ຍາມກາງຄືນຈະແມ່ນຊ່ວງເວລາທີ່ນັກທ່ອງທ່ຽວມັກທີ່ສຸດ. ແລະ ສິ່ງທີ່ເປັນເອກະລັກສະເພາະຂອງ ດາລາດ ໃນຍາມກາງຄືນ ນັ້ນແມ່ນ ອາກາດຫນາວ ແຕ່ໄດ້ຮັບປະທານອາຫານ ສົດຮ້ອນໆພິເສດຂອງ ດາລາດ ແມ່ນສິ່ງທີ່ດຶງດູດນັກທ່ອງທ່ຽວທີ່ສຸດ. ອ້າຍ Justin Colebrissi ນັກທອ່ງທ່ຽວມາຈາກ ອາເມລິກາ ໃຫ້ຮູ້ວ່າ:
“ຂ້າພະເຈົ້າມັກ ດາລາດຫລາຍ. ເມື່ອທຽບໃສ່ ນະຄອນ ໄຊງ່ອນ, ດາລາດ ແມ່ນນະຄອນສວຍງາມກວ່າ, ປະຊາຊົນຢູ່ທີ່ນີ້ມີຄວາມຮັກແພງແຂກທີ່ສຸດ ແລະ ອາກາດຢູ່ດາລາດກໍເຢັນສະບາຍ. ພິເສດ ແມ່ນບັນດາເຍື່ອງອາຫານໃນຕະຫລາດກາງຄືນຢູ່ ດາລາດ ແມ່ນແຊບຫລາຍ.”
ເມື່ອມາຢ້ຽມຢາມ ດາລາດ ສ່ວນຫລາຍນັກທ່ອງທ່ຽວເວົ້າວ່າ: “ມາຢ້ຽມຢາມ ດາລາດ ຫາກບໍ່ໄປຕະຫລາດກາງຄືນເພື່ອຄົ້ນຫາອາຫານການກິນຢູ່ທີ່ນີ້ໝາຍຄວາມວ່າບໍ່ທັນຮູ້ດາລາດເທື່ອ. ຢູ່ ໄຊງ່ອນ, ເມື່ອຍາມຄ່ຳຄືນ ທຸກຄົນເຄີຍອອກຖະຫນົນ ຫລື ເຂົ້າຮ້ານບັນເທິງ ຮັບຟັງເພງ, ດົນຕີ, ຢູ່ ຮ່າໂນ້ຍ ນັກທ່ອງທ່ຽວມັກຍ່າງເລາະຫລີ້ນຢູ່ຄຸ້ມຖະຫນົນເກົ່າ ສ່ວນຢູ່ ດາລາດ ນັກທ່ອງທ່ຽວເຄີຍໄປຕະຫລາດໃຈກາງນະຄອນ ທັງຮັບຊົມຕົວເມືອງໃນຍາງກາງຄືນ ແລະ ໄດ້ຮັບປະທານບັນດາເຍື່ອງອາຫານພິເສດຂອງ ດາລາດ.
ບັນດາເຍື່ອງອາຫານໃນຍາມຄ່ຳຄືນສ່ວນຫລາຍແມ່ນເຍື່ອງອາຫານສົດໆຮ້ອນໆ ທີ່ແຊບນົວ ເຮັດໃຫ້ນັກທ່ອງທ່ຽວເມື່ອໄດ້ຮັບປະທານແລ້ວຈະຮູ້ສຶກມີຄວາມອົບອຸ່ນກວ່າ. ເອື້ອຍລວານ, ຜູ້ຂາຍເຕົາຮູ້ ຢູ່ ຕະຫລາດກາງຄືນ ດາລາດ ມາເປັນເວລາກວ່າ 10 ປີ ໃຫ້ຮູ້ວ່າ:
“ຢູ່ ຕະຫລາດ ດາລາດນີ້ ຂາຍອາຫານຫລາຍເຍື່ອງ. ນັກທ່ອງທ່ຽວສາມາດໄປຕະຫລາດນັບແຕ່ເວລາ 5 ໂມງ ຮອດ 9,10 ໂມງກາງຄືນ. ອາຫານແຕ່ລະເຍື່ອງລ້ວນແຕ່ມີຈຸດພິເສດສະເພາະ. ເຕົາຮູ້ແມ່ນອາຫານພິເສດຂອງ ດາລາດ. ນັກທ່ອງທ່ຽວມາຢ້ຽມຢາມ ດາລາດ ສ່ວນຫລາຍມັກກິນອາຫານເຍື່ອງນີ້.”
ນອກຈາກ ເຕົາຮູ້ ແລ້ວ, ຢູ່ ດາລາດ ຍັງມີອາຫານອີກເຍື່ອງຫນື່ງທີ່ນັກທ່ອງທ່ຽວມັກກິນ ນັ້ນແມ່ນ ແບນຈາງ. ປ້າ ຫງວຽນທິກີມແອງ ຜູ້ຂາຍເຂົ້າໜົມຢູ່ ຕະຫລາດດາລາດ ໃຫ້ຮູ້ວ່າ:
“ ແບນຈາງ ແມ່ນອາຫານໂດຍຊາວດາລາດປຸງແຕ່ງເອງ. ຂ້າພະເຈົ້າເຄີຍຂາຍແບນຈ່າງແຕ່ 3 ໂມງແລງຮອດ 11 ໂມງກາງຄືນ. ອາຫານປະເພດນີ້ ສ່ວນຫລາຍຂາຍໃຫ້ນັກທ່ອງທ່ຽວ, ຊາວດາລາດເຄີຍຊື້ກີນໃນວັນສຸກວັນເສົາ. ບາງຄົນເອີ້ນເຍື່ອງອາຫານປະເພດນີ້ ແມ່ນ pizza ດາລາດ.”
ແບນຈາງ (pizza ດາລາດ)
ພາບ:internet
|
ຍັງມີອາຫານອີກເຍື່ອງຫນຶ່ງທີ່ນັກທ່ອງທ່ຽວຢາກກີນທີ່ສຸດເມື່ອໄປຢ້ຽມຢາມຕະຫລາດໃນຍາມກາງຄືນ ນັ້ນແມ່ນບັນດາຮ້ານອາຫານປີ້ງ. ແຕ່ລະຮ້ານຂາຍທຸກປະເພດຄື: ຊີ້ນງົວປີ້ງ, ໝູປີ້ງ, ໄກ່ປີ້ງ.... ບັນດາເຍື່ອງອາຫານຢູ່ຕະຫລາດກາງຄືນ ດາລາດ ບໍ່ພຽງແຕ່ດຶງດູດນັກທ່ອງທ່ຽວດ້ວຍລົດຊາດເທົ່ານັ້ນ ຫາກລາຄາກໍຖືກອີກດ້ວຍ. ສະນັ້ນ ນັກທ່ອງທ່ຽວມາຢ້ຽມຢາມ ດາລາດ ລ້ວນແຕ່ຖືວ່າ ດ້ວຍລາຄາຖືກຄືແນວນັ້ນ, ຍາກທີ່ຈະຊື້ອາຫານເຍື່ອງນັ້ນຢູ່ ນະຄອນ ໂຮ່ຈິມິນ ຫລື ຮ່າໂນ້ຍໄດ້. ນີ້ກໍແມ່ນສິ່ງທີ່ດຶງດູດນັກທ່ອງທ່ຽວມາຢ້ຽມຢາມ ດາລາດ ນັບມື້ນັບຫລາຍ.