(vovworld) - ໄປຄຽງຄູ່ກັບລາຍການທ່ອງທ່ຽວຊີວະພາບ, ທ່ອງທ່ຽວວັດທະນະທຳ, ລາຍການທ່ອງທ່ອງກັບຄືນສະຫນາມຮົບເກົ່າພວມແມ່ນຮູບການທ່ອງທ່ຽວດຶງດູດນັກທ່ອງທ່ຽວເປັນຈຳນວນຫລວງຫລາຍ. ສິ່ງທີ່ມີຄວາມໝາຍສຳລັບນັກທ່ອງທ່ຽວແຕ່ລະຄົນ ນັ້ນແມ່ນບໍ່ພຽງແຕ່ໄດ້ໄປຢ້ຽມຢາມ, ຄົ້ນຫາເທົ່ານັ້ນ ຫາກນີ້ຍັງແມ່ນໂອກາດເພື່ອໃຫ້ເຂົາເຈົ້າສະແດງຄວາມຮູ້ບຸນຄຸນ ຕໍ່ບັນດາເພ່ືອນຮ່ວມກົມກອງ, ນັກຮົບທີ່ໄດ້ເສຍສະຫລະຊີວິດເພື່ອຊາດອີກດ້ວຍ.
ນັບແຕ່ປີ 2005 ເປັນຕົ້ນມາ, ຄະນະກຳມະການປະຊາຊົນແຂວງ ກວ໋າງຈີ້ ໄດ້ສົມທົບກັບກອງທຶນພັດທະນາການທ່ອງທ່ຽວກັບຄືນສະຫນາມຮົບເກົ່າ ແລະ ເພື່ອນຮ່ວມກົມກອງ, ຂຶ້ນກັບບໍລິສັດ MTV ທ່ອງທ່ຽວ ແລະ ສົ່ງເສີມການລົງທຶນຈຳກັດ ຈັດຕັ້ງລາຍການທ່ອງທ່ຽວກັບຄືນສະຫນາມຮົບເກົ່າ ແລະ ບັນລຸໄດ້ໝາກຜົນອັນດີງາມ. ທ່ານ ຟານຄັກຫາຍ, ຮອງປະທານກອງທືນດັ່ງກ່າວໃຫ້ຮູ້ວ່າ: ບັນດາສະຖານທີ່ມາຢາມໃນລາຍການທ່ອງທ່ຽວຢ້ຽມຢາມສະຫນາມຮົບເກົ່າແມ່ນອຸດົມສົມບູນ ແລະ ຕັ້ງຢູ່ທັງສາມພາກຂອງປະເທດ. ນັບແຕ່ດ້ຽນບຽນຝູ, ຕວຽນກວາງ, ນະຄອນຫລວງ ຮ່າໂນ້ຍ ຕະຫລອດຮອດ ຮ່າມຣົ່ງ ແຂວງແທນຮ່ວາ, ທາງສາມແຍກດົ່ງໂລກ ແຂວງຮ່າຕິ້ງ, ແຄແຊນ ແຂວງກວ໋າງຈີ້ ແລະ ກູຈີ (ນະຄອນໂຮ່ຈິມິນ). ທ່ານ ຟານຄັກຫາຍໃຫ້ຮູ້ວ່າ: ນອກຈາກຮັບໃຊ້ນັກທ່ອງທ່ຽວພາຍໃນ ແລະ ຕ່າງປະເທດແລ້ວ, ກອງທຶນດັ່ງກ່າວຍັງສ້າງເງື່ອນໄຂສະດວກໃຫ້ແກ່ບັນດານັກຮົບເກົ່າ, ຄອບຄົວຍາດຕິພິ່ນ້ອງຂອງທະຫານເສຍອົງຄະ, ນັກຮົບເສຍສະຫລະຊີວິດເພື່ອຊາດໄປຢ້ຽມຢາມສະຫນາມຮົບເກົ່າ.
“ລາຍການທ່ອງທ່ຽວກັບຄືນສະຫນາມຮົບເກົ່າແມ່ນມີຄວາມໝາຍ ດ້ານຈິດວິນຍານ. ນັ້ນແມ່ນຄວາມຕ້ອງການໃນຊີວິດການເປັນຢູ່ທາງດ້ານຈິດໃຈຂອງປະຊາຊົນ. ກອງທຶນພັດທະນາການທ່ອງທ່ຽວກັບສະຫນາມຮົບເກົ່າ ທັງເຊື່ອມຕໍ່ ທັງຊອກຫາໄດ້ຈຸດທີ່ແຕກຕ່າງກັນຂອງແຕ່ລະພາກ, ເຂດ.”
ທາງສາມແຍກດົ່ງໂລກ
ພາບ: internet |
ປະຈຸບັນ, ກວ໋າງຈີ້ ແມ່ນທ້ອງຖິ່ນທີ່ມີສະຖານທີ່ທ່ອງທ່ຽວຫລາຍກວ່າໝູ່ໃນລາຍການທ່ອງທ່ຽວກັບຄືນສະຫນົບຮົບເກົ່າ ເພາະວ່າ ເມື່ອສົງຄາມຜ່ານພົ້ນໄປ, ສະຫນາມຮົບອັນດຸເດືອດໃນເມື່ອກ່ອນໄດ້ສ້າງເປັນເຂດປູຊະນີ ຍະສະຖານ, ຮ່ອງຮອຍແຫ່ງສົງຄາມປະຕິວັດກວ່າ 430 ແຫ່ງ. ເຂົ້າຮ່ວມລາຍການທ່ອງທ່ຽວນີ້, ນັກທ່ອງທ່ຽວໄດ້ໄປຢ້ຽມຢາມກຸ່ມປູຊະນີຍະສະຖານ 2 ຟາກຝັ່ງແມ່ນ້ຳ ຮຽ່ນເລືອງ - ເບນຫ໋າຍ, ກຳແພງເກົ່າ ກວ໋າງຈີ້, ອູມົງ ຫວີງມົກ. ນອກນັ້ນ ນັກທ່ອງທ່ຽວຍັງໄດ້ເຂົ້າຮ່ວມບັນດາງານບຸນວັດທະນະທຳ, ລາຍການສິລະປະກ່ຽວກັບສະຫນາມຮົບເກົ່າ, ງານບຸນປ່ອຍດອກໄມ້ລົງແມ່ນ້ຳແທກຫານ..ພ້ອມກັບລະບົບປູຊະນີຍະສະຖານປະຫວັດສາດສົງຄາມ, ບັນດາງານບຸນປະຕິວັດນີ້ໄດ້ເຮັດໃຫ້ຄຸນຄ່າດ້ານຈິດວິຍານມີຊີວິດຊີວາກວ່າ ແລະ ເຮັດໃຫ້ນັກທ່ອງທ່ຽວມີຄວາມຕື້ນຕັນໃຈຢ່າງເລິກເຊິ່ງກວ່າ. ທ່ານ ເຈີນຫືວເຟືອງ, ຜູ້ອຳນວຍການບໍລິສັດຫຸ້ນສ່ວນທ່ອງທ່ຽວເຊປົນໃຫ້ຮູ້ວ່າ: ລາຍການທ່ອງທ່ຽວກັບຄືນສະຫນາມຮົບເກົ່າ ນອກຈາກຕິດພັນກັບການທ່ອງທ່ຽວວັດທະນະທຳ, ຊີວະພາບແລ້ວ, ຍັງຄົງມີລັກສະນະດ້ານຈິດວິນຍານອີກດ້ວຍ, ອັນໄດ້ສ້າງ ສ້າງ ວຍ, ອັນໄດ້ສີມການລົງທຶນ ຄວາມສົນໃຈຈາກບັນດາປະເທດ ອາຊີ. ສະນັ້ນ ລາຍການທ່ອງທ່ຽວກັບຄືນສະຫນາມຮົບເກົ່າ, ທ່ອງທ່ຽວຈິດວິນຍານພວມກາຍເປັນທ່າອ່ຽງ.ໃນປະຈຸບັນ.
“ຈຳນວນນັກທ່ອງທ່ຽວພາຍໃນ ແລະ ຕ່າງປະເທດມາຢ້ຽມຢາມ ກວ໋າງຈີ້ ນັບມື້ນັບຫລາຍ, ໃນນັ້ນ ມີນັບຮົບເກົ່າ ຫວຽດນາມ ແລະ ລຸ້ນຫນ່ມ. ເຂົາເຈົ້າລ້ວນແຕ່ແບ່ງປັນວ່າ ມາຢ້ຽມຢາມສະຫນາມຮົບເກົ່າ ບໍ່ພຽງແຕ່ໄດ້ໄປທ່ອງທ່ຽວເທົ່ານັ້ນ ຫາກຍັງແມ່ນໂອກາດເພື່ອສະແດງຄວາມຮູ້ບຸນຄຸນຕໍ່ຜູ້ທີ່ໄດ້ເສຍສະ ຫລະຊີວິດເພື່ອຊາດ. ອາດເວົ້າໄດ້ວ່າ ແຂວງ ກວ໋າງຈີ້ ພວມແມ່ນຈຸດນັດພົບຂອງນັກທ່ອງທ່ຽວ, ນັກຮົບເກົ່າພາຍໃນແລະ ຕ່າງປະເທດຫລາຍຄົນ.”
ກຳແພງເກົ່າ ກວ໋າງຈີ້
ພາບ: internet
|
ກອງທຶນພັດທະນາການທ່ອງທ່ຽວກັບຄືນສະຫນາມຮົບເກົ່າ ແລະ ເພື່ອນຮ່ວມກົມກອງໃຫ້ຮູ້ວ່າ:ໄລຍະຈະມາເຖິງ ເພື່ອເຮັດໃຫ້ຮູບແບບທ່ອງທ່ຽວນີ້ພັດທະນາກວ່າອີກ, ກອງທຶນຈະຂະຫຍາຍອອກສູ່ບັນດາແຂວງຢູ່ໄຕບັກ, ພາກກາງ, ໄຕງວຽນ, ນະຄອນໂຮ່ຈິມິນ ແລະ ບັນດາແຂວງເຂດທົ່ງພຽງແມ່ນ້ຳຂອງ. ທ່ານ ຟານຄັກຫາຍ ຮອງປະທານກອງທຶນດັ່ງກ່າວໃຫ້ຮູ້ວ່າ:
“ພວກຂ້າພະເຈົ້າເຊື່ອມຕໍ່ບັນດາທ້ອງຖິ່ນນຳກັນເພື່ອຈັດລາຍການທ່ອງທ່ຽວກັບຄືນສະຫນາມຮົບເກົ່າ, ແລະ ຈະສົມທົບກັບທ້ອງຖິ່ນເຫຼົ່ານັ້ນເພື່ອເລື່ອກເຟັ້ນບັນດາສະຖານທີ່, ລາຍການທີ່ມີຄວາມໝາຍຢ່າງແທ້ຈິງ. ນອກນັ້ນ ພວກຂ້າພະເຈົ້າຍັງສົມທົບກັບການໂຄສະນາພາຍໃນປະເທດ, ພິເສດແມ່ນຢູ່ບໍລິສັດທ່ອງທ່ຽວອື່ນໆເພື່ອໃຫ້ເຂົາເຈົ້າຮັບຊາບ. ຕົວຢ່າງຄື: ເມື່ອເວົ້າເຖິງ ກວ໋າງຈີ້ ແມ່ນເວົ້າເຖິງກຳແພງເກົ່າ ກວ໋າງຈີ້, ແມ່ນ້ຳແທກຫານ, ແຄແຊນ, ເສັ້ນທາງເລກ 9 ພາກໃຕ້ຂອງລາວ..... ເມື່ອເວົ້າເຖິງພາກກາງ ແມ່ນເວົ້າເຖິງ ຂົວຮ່າມຣົ່ງ, ຈວງບົ່ນ, ດົ່ງໂລກ. ເຊື່ອມຕໍ່ຄືແນວນັ້ນ ເພື່ອໃຫ້ບັນດາບໍລິສັດທ່ອງທ່ຽວ, ນັກຮົບໃນທົ່ວປະເທດລ້ວນແຕ່ຮູ້ຈັກເຖິງ ເພື່ອໃຫ້ເຂົາເຈົ້າເລືອກເຟັ້ນລາຍການທ່ອງທ່ຽວທີ່ເໝາະສົມ.”
ກັບຄືນສະຫນາມຮົບເກົ່າ ບໍ່ພຽງແຕ່ຊ່ວຍໃຫ້ນັກທ່ອງທ່ຽວ, ນັກຮົບເກົ່າຫວນຄືນໄລຍະອັນສະຫງ່າອົງອາດຂອງຊາດເທົ່ານັ້ນ ຫາກຍັງແມ່ນໂອກາດເພື່ອສະແດງຄວາມຮູ້ບຸນຄຸນຕໍ່ຜູ້ໄດ້ເສຍສະຫຼະຊີວິດເພື່ອຍາດເອົາໄຊຊະນະໃຫ້ປະເທດຊາດ. ພິເສດ ແມ່ນສຶກສາມູນເຊື້ອໃຫ້ຄົນລຸ້ນຫນຸ່ມ ແລະ ຊ່ວຍໃຫ້ເພື່ອນມິດສາກົນເຂົ້າໃຈຕື່ມອີກກ່ຽວກັບປະຫວັດສາດຂອງຊາດຫວຽດນາມ ກໍຄືບັນດາແບບຢ່າງນັກຮົບທີ່ໄດ້ເສຍສະຫລະຊີວິດເພື່ອເອກະລາດ, ເສລີພາບຂອງປະເທດຊາດ.