ເມື່ອໂອກາດບູນເຕັດ (ໝາຍເຖິງບຸນປີໃໝ່ປະຈຳຊາດ), ລະດູບານໃຫມ່ວຽນມາ, ພໍ່ແມ່ພີ່ນ້ອງຊາວຫວຽດນາມ ອາໄສ ຢູ່ ຕ່າງປະເທດກໍ່ພາກັນກັບຄືນເມືອປະເທດ. ເພື່ອເຂົ້າຮ່ວມບັນຍາກາດຄຶກຄື້ນມ່ວຍຊື່ນຂອງບຸນເຕັດ, ນັບທັງຖືເປັນໂອກາດເພື່ອໄປຢ້ຽມຊົມທິວທັດທຳມະຊາດທີ່ສວຍສົດງົດງາມຂອງບ້ານເກີດເມືອງນອນ. ໂດຍກຳແຫນ້ນຄວາມຕ້ອງການນີ້,ບັນດາບໍລິສັດທ່ອງທ່ຽວຫວຽດນາມ ໄດ້ຈັດຕັ້ງຫຼາຍລາຍການທ່ອງທ່ຽວເພື່ອຮັບໃຊ້ໃຫ້ແກ່ພໍ່ແມ່ຊາວຫວຽດນາມອາໄສຢູ່ຕ່າງປະເທດ.
ນະຄອນໂຮ່ຈິມີນ ແມ່ນສະຖານທີ່ຕ້ອນຮັບຊາວຫວຽດນາມອາໄສຢູ່ຕ່າງປະເທດກັບເມືອຕ້ອນຮັບບຸນເຕັດຫລາຍທີ່ສຸດ. ນອກຈາກຄວາມຕ້ອງການກັບເມືອຢື້ຢາມຖາມຂ່າວຍາດຕິພີ່ນ້ອງ ພາຍຫລັງທີ່ໄດ້ພັດພາກຈາກກັນມາເປັນເວລາຫລາຍປີແລ້ວ, ເຂົາເຈົ້າຍັງໄປທ່ຽວຊົມບັນດາທັດສະນີຍະພາບທີ່ສວບງາມອີກດ້ວຍ. ລາຍການທ່ອງທ່ຽວໄລຍະສັ້ນຄື: ນະຄອນ ໂຮ່ຈິມີນ - ເຈົາດົກ - ອານຢາງ ຫລື ນະຄອນ ໂຮ່ຈິມີນ - ຟູກວັກ, ນະຄອນ ໂຮ່ຈິມີນ - ກົນດ໋າວ ແມ່ນບັນດາລາຍການທ່ີພໍ່ແມ່ຊາວຫວຽດນາມອາໄສຢູ່ຕ່າງປະເທດເລືອກເຟັ້ນຫລາຍກວ່າໝູ່. ທ່ານ ຫງວຽນເທ໋ວີງ, ຮອງຜູ້ອຳນວຍການ ບໍລິສັດທ່ອງທ່ຽວ Saigontourist ໃຫ້ຮູ້ວ່າ: ໃນແຕ່ລະປີ ຈຳນວນຊາວຫວຽດນາມອາໄສຢູ່ຕ່າງປະເທດກວມປະມານ 20-30% ຈຳນວນແຂກທ່ອງທ່ຽວຂອງບໍລິສັດ.
“ຊາວຫວຽດນາມອາໄສຢູ່ຕ່າງປະເທດ ນັກທ່ອງທ່ຽວຈຸດສຸມຂອງ Saigontourist. ເຄື່ອງໝາຍການຄ້າ ຂອງ Saigontourist ໄດ້ຮັບຄວາມໄວ້ເນື້ອເຊື່ອໃຈຈາກ ຊາວຫວຽດນາມອາໄສຢູ່ຕ່າງປະເທດແລ້ວ. ສະນັ້ນ, ບັນດາລາຍການທ່ອງທ່ຽວທາງໄກຄື ລົງເຂດທົ່ງພຽງແມ່ນ້ຳຂອງ, ເຈົາດົກ, ຟູກວັດ, ອານຢາງ ຫລື ໄປດາລາດ, ດາຫນັງ, ເຫ້ວ, ຮ່າໂນ້ຍນັ້ນ ມີນັກທ່ອງທ່ຽວເຊິ່ງແມ່ນຊາວຫວຽດນາມອາໄສຢູ່ຕ່າງປະເທດເຂົ້າຮ່ວມຫຼາຍພໍສົມຄວນ. ແລະ ເມື່ອໄປທ່ອງທ່ຽວເຂົາເຈົ້າມັກເຊີນຍາດຕິພີ່ນ້ອງໄປນຳ, ສະນັ້ນ ບາງເທື່ອໃນຖ້ຽວຫນຶ່ງ ໄດ້ມີແຂກທ່ອງທ່ຽວມາຈາກ 5 ທະວີບ ຄື: ອົດສະຕາລີ, ອາເມລິກາ,ການາດາ, ເຢຍລະມັນ.. “
ຕາມທ່ານ ວີງແລ້ວ, ຈຳນວນ ຊາວຫວຽດນາມອາໄສຢູ່ຕ່າງປະເທດ ເຄີຍເຂົ້າຮ່ວມບັນດາລາຍການທ່ອງທ່ຽວທົ່ວໄປທີ່ຮັບໃຊ້ໃຫ້ແກ່ໝົດທຸກຄົນ. ເພາະວ່າເຂົາເຈົ້າຢາກເຈືອຈານເຂົ້າກັບເຂົ້າກັບທຸກຄົນ. ເພື່ອເຂົ້າໃຈກ່ຽວກັບຊີວິດການເປັນຢູ່, ແລະການພັດທະນາຂອງຫວຽດນາມໄດ້ຢ່າງເລິກເຊິ່ງ. ເຖິງຢ່າງໃດກໍຕາມ, ເພື່ອຮັບປະກັນໃຫ້ການໄປທ່ຽວຊົມທັດສະນີຍະພາບສຳເລັດຜົນ ທາງບໍລິສັດພວກຂ້າພະເຈົ້າໄດ້ເອົາໃຈໃສ່ເຖິງຄຸນນະພາບຂອງຜູ້ນຳທ່ຽວ.
“ເຂົາເຈົ້າໄປທ່ຽວເພື່ອຢາກເຈືອຈານເຂົ້າກັບທຸກຄົນ ສະນັ້ນ ການເບິ່ງແຍງດູແລນັກທ່ອງທ່ຽວກໍ່ຄືກັນ. ສະນັ້ນ, ຜູ້ນຳທ່ຽວຕ້ອງໄດ້ຮັບການບຳລຸງສ້າງຢ່າງລະອຽດ ເພື່ອເຂົ້າໃຈໄດ້ຄວາມນິຍົມ, ຄວາມຊິນເຄີຍຂອງນັກທ່ອງທ່ຽວ, ໃນການກິນ, ດື່ມ ຫລື ຊອກຮູ້ວັດທະນະທຳ, ງານບຸນຕ່າງໆ, ເພື່ອຕອບສະຫນອງຄວາມຕ້ອງການຂອງເຂົາເຈົ້າ“
ໃນໄລຍະຜ່ານມາ, ບໍລິສັດຫຸ້ນສ່ວນທ່ອງທ່ຽວ Thanh Nien (ຊາວຫນຸ່ມ) ນະຄອນ ໂຮ່ຈິມີນ ກໍ ໄດ້ຮັບສັ່ງຈ່ອງລາຍການທ່ອງທ່ຽວຫຼາຍລາຍການຈາກຊາວຫວຽດນາມອາໄສຢູ່ປະເທດ ຕ່າງໆ ໃນໂອກາດບັນປີໃຫມ່ປະຈຳຊາດ. ທ່ານ ເລວັນຮຸ່ງ ຜູ້ອຳນວຍການບໍລິສັດຫຸ້ນສ່ວນທ່ອງທ່ຽວ ຊາວຫນຸ່ມ ໃຫ້ຮູ້ວ່າ:
“ບາງເທື່ອມີ ຊາວຫວຽດນາມອາໄສຢູ່ຕ່າງປະເທດຫລາຍຄອບຄົວ ກັບເມືອປະເທດນັບເປັນເດືອນ, ເຂົາເຈົ້າໄປຢ້ຽມຢາມ ຍາຈາງ, ເຫວ້ ແລະ ຮ່າໂນ້ຍ. ໃນປີນີ້ ຊາວຫວຽດນາມອາໄສຢູ່ຕ່າງປະເທດເຂົ້າຮ່ວມລາຍການທ່ອງທ່ຽວຂອງພວກເຮົາ ກວມປະມານ 20 - 25% . ລາຍການທ່ອງທ່ຽວ ຟານທຽດ ໃນເວລາ2 ວັນ, ພັກຜ່ອນຢູ່ໂຮງແຮມ 3 ດາວ ແມ່ນມີລາຄາ 1.4 ລ້ານ/ ຄົນ. ໄປນີງຈື້ 3 ວັນ ມີລາຄາເກືອບ 2 ລ້ານ/ຄົນ, ຍາຈາງ ແມ່ນ 2.6 ລ້ານ/ຄົນ, ສ່ວນໄປຢ້ຽມຢາມ ດາລາດແມ່ນ 1.8 ລ້ານ/ຄົນ.“
ພໍ່ແມ່ຊາວຫວຽດນາມອາໄສຢູ່ຕ່າງປະເທດເຂົ້າຮ່ວມ“ລາຍການບຸນປີໃໝ່ຢູ່ບ້ານເກີດເມືອງນອນ
ປີນີ້ ລາຄາກໍ່ເພີ່ມຂຶ້ນ ສະນັ້ນ ລາຍການທ່ອງທ່ຽວພາຍໃນປະເທດກໍເພີ່ມຂຶ້ນແຕ່ 15 -20%. ເຖິງວ່າ ລາຄາເພີ່ມຂຶ້ນ ແຕ່ຈຳນວນນັກທ່ອງທ່ຽວຈົດທະບຽນເຂົ້າຮ່ວມລາຍການກໍ່ບໍ່ຫລຸດລົງເມື່ອທຽບໃສ່ປີກ່ອນເທື່ອ. ຕາມທ່ານ ຮຸ່ງແລ້ວ, ຄວາມຕ້ອງການໄປທ່ຽວຊົມທັດສະນີຍະພາບ, ພິເສດ ແມ່ນບັນດາລາຍການທ່ອງທ່ຽວດ້ານຈິດວີນຍານ ໄດ້ຮັບຄວາມນິຍົມຈາກ ຊາວຫວຽດນາມອາໄສຢູ່ຕ່າງປະເທດທີ່ສຸດ.
“ລາຍການທ່ອງທ່ຽວຟານທຽດ 2 ວັນ, ນີງຈື້ 3 ວັນ, ເຈົາດົກ, ຮ່າຕຽນ 3 ວັນ, ຟູກວັກ 3 ວັນ, ດາລາດ - ເຫ້ວ- ຮ່າໂນ້ຍ 4ວັນ , ລາຍການ ທ່ອງທ່ຽວ ຍາຈາງ - ດາລາດ, ເຫ້ວ 5ວັນ, ຮ່າໂນ້ຍ 6 ວັນ. ການເດີນທາງກໍ່ຄ້າຍຄືຊຸມປີກ່ອນ ແຕ່ບັນດາສະຖານທີ່ທ່ອງທ່ຽວພັດປ່ຽນແປງ ແລະ ເພີ່ມເຕີມ. ໂອກາດນີ້ ພໍ່ແມ່ນປະຊາຊົນມັກນຸ່ງໂສ້ງເສື້ອງາມເພື່ອໄປທ່ອງທ່ຽວ, ສະນັ້ນ ທາງບໍລິສັດບໍ່ສາມາດຈັດຕັ້ງລາຍການທ່ອງທ່ຽວຄືໃນລະດູຮ້ອນໄດ້.“
ລາຍການທີ່ດືງດູດນັກທ່ອງທ່ຽວເຂົ້າຮ່ວມຫລາຍທີ່ສຸດໃນລະດູນີ້ ແມ່ນລາຍການທ່ອງທ່ຽວເຫນືອ - ໃຕ້, ໄປຄົ້ນຫາທຸກແຫ່ງຂອງປະເທດຊາດ.ໂດຍກຳໄດ້ຄວາມປະສົງຂອງນັກທ່ອງທ່ຽວແມ່ນຢາກຊອກຮູ້, ຄົ້ນຫາບ້ານເກີດເມືອງນອນ. ບັນດາບໍລິສັດທ່ອງທ່ຽວຄື: Fiditiur, ເບນແທ່ນ tourist, Nimbus, Festival ລ້ວນແຕ່ຈັດລາຍການທ່ອງທ່ຽວເຫນືອ - ໃຕ້ ຕ້ອນຮັບລະດູບານໃຫມ່ ດ້ວຍລາຍການແກ່ຍາວແຕ່15 -18 ວັນ. ເມື່ອເຂົ້າຮ່ວມລາຍການນີ້, ນັກທ່ອງທ່ຽວຈະໄດ້ເຈືອຈານ ແລະ ມີຄວາມເຂົ້າໃຈຕື່ມອີກກ່ຽວກັບບັນຍາກາດ ແລະ ປະເພນີຕ້ອນຮັບບຸນປີໃໝ່ປະຈຳຊາດຂອງປະຊາຊົນຢູ່ທັງ 3 ພາກຂອງປະເທດຊາດ/.
ລານແອງ