ແຄມທະເລຍາຈາງ
ພາບ:vov
|
(vovworld) - ທຳມະຊາດໄດ້ດົນບັນດານໃຫ້ນະຄອນ ຍາຈາງ ແຂວງ ແຄງຮ່ວາ ຢູ່ພາກກາງຫວຽດນາມ ຫາດຊາຍທະເລແຫ່ງຫນຶ່ງ, ຊື່ງແມ່ນຫນຶ່ງໃນບັນດາຫາດຊາຍທີ່ສວຍງາມທີ່ສຸດຢູ່ ຫວຽດນາມ. ແຕ່ວ່າ ໃນທ່າອ່ຽງພັດທະນາ, ຍາຈາງ ພວມຖືກຜົນກະທົບຢ່າງແຮງຈາກການພັດທະນາດ້ານການຄ້າ. ເພື່ອແກ້ໄຂສະພາບການນີ້, ແຂວງ ແຄງຮ່ວາ ກໍ່ຄືນະຄອນ ຍາຈາງ ພວມຍື່ນສະເໜີຮ່າງແຜນກຳນົດ ຕໍ່ລັດຖະບານເພື່ອແກ້ໄຂສະພາບການຄ້າຂາຍຢູ່ແຄມທະເລ. ດ້ວຍແຜນນະໂຍບາຍນີ້, ແຂວງ ແຄງຮ່ວາ ຫວັງວ່າຈະຟື້ນຟູຄວາມງາມດັ້ງເດີມຂອງຫາດຊາຍແຫ່ນີ້ຄືນໃໝ່ ໃຫ້ແກ່ອ່າວຍາຈາງ.
ມາຢ້ຽມຢາມນະຄອນ ຍາຈາງ ໃນຊຸມປີມໍ່ໆມານີ້, ບໍ່ພຽງແຕ່ນັກທ່ອງທ່ຽວພາຍໃນປະເທດເທົ່ານັ້ນ ຫາກນັກທ່ອງທ່ຽວທີ່ມາຈາກຕ່າງປະເທດ ກໍ່ລ້ວນແຕ່ມີຄວາມແປກປະຫລາດໃຈຕໍ່ການພັດທະນາຢ່າງກະໂດດຂັ້ນຂອງພື້ນຖານໂຄງລ່າງ ແລະ ການບໍລິການທ່ອງທ່ຽວ, ເປັນຕົ້ນແມ່ນລະບົບຄົມມະນາຄົມທີ່ສະດວກສະບາຍ ແລະ ທັນສະໄຫມ, ໃນນັ້ນ ເສັ້ນທາງເຈີນຟູ ລຽບຕາມແຄມທະເລ ຍາຈາງ ໄດ້ຮັບຕີລາຄາວ່າ ແມ່ນຫນຶ່ງໃນບັນດາເສັ້ນທາງສວຍງາມກວ່າໝູ່ຢູ່ ຫວຽດນາມ. ພ້ອມກັບລະບົບຄົມມະນາຄົມ, ຍັງມີກິດຈະກຳບໍລິການທ່ອງທ່ຽວຫລາຍແຫ່ງ, ບັນດາໂຮງແຮມທັນສະໄຫມໄດ້ຮັບການກໍ່ສ້າງຂຶ້ນ ເຮັດໃຫ້ໂສມຫນ້າຂອງນະຄອນມີການປ່ຽນແປງຢ່າງເຫັນໄດ້ຊັດ.
ຫາດຊາຍທະເລຍາຈາງ
ພາບ:intetnet
|
ນັກທ່ອງທ່ຽວມາຢ້ຽມຢາມ ຍາຈາງ ລ້ວນແຕ່ມີຄວາມເພຶ່ງພໍໃຈ ຍ້ອນໄດ້ອາບນ້ຳທະເລ, ຕາກແດດໂດຍບໍ່ເສຍຄ່າ ແລະ ສິ່ງທີ່ດູດດື່ມກວ່າໝູ່ນັ້ນແມ່ນຄວາມໃກ້ຊິດສະຫນິດສະໜົມຂອງຊາວທ້ອງຖິ່ນ. ເພື່ອຕອບສະຫນອງຄວາມຕ້ອງການຂອງນັກທ່ອງທ່ຽວ ແລະ ຮັບໃຊ້ໃຫ້ແກ່ຂະແຫນງເສດຖະກິດການທ່ອງທ່ຽວ, ຄະນະກຳມະການປະຊາຊົນແຂວງ ແຄງຮ່ວາ ໄດ້ຍື່ນສະເຫນີຮ່າງແຜນສັງລວມກ່ຽວກັບການດັດປັບນະຄອນ ຍາຈາງ ຕໍ່ລັດຖະບານ. ຕາມແຜນຜັງຮອດປີ 2025, ແຄມທະເລທາງທິດຕາເວັນອອກຂອງເສັ້ນທາງ ເຈີນຟູ ຈະກໍ່ສ້າງສວນສາທາລະນະ, ສະຫນາມຫລວງ, ຫາດຊາຍທະເລ ແລະ ແມ່ນເສັ້ນທາງຕົ້ນຕໍຂອງນະຄອນທີ່ມີທິວທັດທຳມະຊາດສວຍງາມ. ແຂວງ ແຄງຮວ່າ ກໍພວມຮຽກຮ້ອງບັນດານັກລົງທຶນເຂົ້າຮ່ວມການກໍ່ສ້າງສູນປົກຄອງໃຫມ່, ຕາມຮູບການກໍ່ສ້າງ - ມອບໂອນ (BT), ສ່ວນບັນດານັກລົງທຶນຈະໄດ້ນຳໃຊ້ເນື້ອທີ່ດິນຢູ່ສູນປົກຄອງເກົ່າ, ເພື່ອເຮັດການບໍລິການທ່ອງທ່ຽວໃຫ້ຖືກຕ້ອງຕາມແຜນກຳນົດ, ພ້ອມກັນນັ້ນກໍ່ອະນຸຍາດໃຫ້ນັກລົງທຶນຈຳນວນຫນຶ່ງຄົ້ນຄ້ວາ, ບູລະນະບັນດາກິດຈະກຳໃນປະຈຸບັນຕາມທິດ: ສວນສາທາລະນະ ສົມທົບກັບບັນດາກິດຈະກຳບໍລິການສາທາລະນະ ທີ່ຮັບໃຊ້ໃຫ້ນັກທ່ອງທ່ຽວ ແລະ ວົງຄະນາຍາດ. ທ່ານ ບູ່ຍຢູ໋ງໂຮ້ຍ, ສະຖາປະນິກ ແຂວງ ແຄງຮ່ວາຖືວ່າ:
“ປະຈຸບັນ, ເລື່ອງຫັນບາງກິດຈະກຳດຳເນີນທຸລະກິດທ່ອງທ່ຽວທະເລໃນໄລຍະກ່ອນເປັນເຂດຕົວເມືອງແມ່ນເໝາະສົມທີ່ສຸດ. ຂ້າພະເຈົ້າຖືວ່າ: ສະພາບການກໍ່ສ້າງທີ່ກະແຈກກະຈາຍຈະຖືກຢຸດຕິໄວ້ ເພື່ອໃຫ້ຊາວນະຄອນໄດ້ຊົມໃຊ້ສິດຜົນປະໂຫຍດຂອງຕົນ.”
ແຄມທະເລ ຍາຈາງ ແມ່ນໂສມຫນ້າຂອງນະຄອນ, ສະນັ້ນ ເລື່ອງວາງແຜນກຳນົດຟື້ນຟູຄວາມງາມແບບທຳມະຊາດຄືນໃໝ່ໃຫ້ແກ່ບໍລິເວນແຄມທະເລນັ້ນແມ່ນການພັດທະນາການທ່ອງທ່ຽວແບບຍືນຍົງ. ນັກກະວີ ຢາງນາມ, ອະດີດຮອງປະທານຄະນະກຳມະການປະຊາຊົນແຂວງ ແຄງຮ່ວາ ຖືວ່າ:
“ສຳລັບ ຍາຈາງແລ້ວ, ສິ່ງສຳຄັນໃນປະຈຸບັນ ນັ້ນແມ່ນບັນຫາບຸກເບີກຫນ້າພຽງ ສ້າງເປັນບໍລິເວນທີ່ມີບັນຍາກາດປອດໂປ່ງແລະສະຫວາດສະເຫວີຍ, ຖ້າບໍ່ປະຕິບັດໄດ້ ຄວາມງາມຂອງນະຄອນຈະຄ່ອຍໆຖືກສູນເສຍໄປ, ຊ້ຳບໍ່ໜຳ ປະຊາຊົນຈະບໍ່ມີໂອກາດໄດ້ມາແຫ່ງນີ້ເພື່ອລະຫລິ້ນ, ອາບນ້ຳທະເລອີກ.”
ເລື່ອງວາງແຜນກຳນົດ ແລະ ປະດັບປະດານະຄອນຕາມທິດ: ຂຽວ, ສະອາດ ແລະ ສວຍງາມ ນັ້ນຈະເປັນການຟື້ນຟູຄວາມງາມ, ທິວທັດທຳມະຊາດທີ່ສວຍງາມ ຢູ່ ແຄມທະເລຄືນໃໝ່ໃຫ້ແກ່ນະຄອນທະເລ, ເພື່ອຮັບໃຊ້ປະຊາຊົນ ແລະ ນັກທ່ອງທ່ຽວ ກໍ່ຄືເຮັດໃຫ້ຫາດຊາຍທະເລ ແລະ ອ່າວຍາຈາງ ສົມເປັນໜຶ່ງໃນຈຳນວນອ່າວ 29 ແຫ່ງທີ່ສວຍງາມກວ່າໝູ່ຢູ່ໃນໂລກ.
ໂຕຕວັນ