ໂດຍແມ່ນເຂດດິນແດນໃນແຫຼມແຫ່ງໜຶ່ງຢູ່ຕອນໃຕ້ສຸດຂອງຫວຽດນາມ, ແຫຼມ ກາເມົາ ແມ່ນເຂດດິນແດນທີ່ສັກກະລະບູຊາໃນຈິດໃຈຂອງຊາວຫວຽດນາມ. ມາຢ້ຽມຢາມແຫຼມ ກາເມົາ ແມ່ນຢ້ຽມຢາມເຂດທະເລ ແລະ ປ່າດົງທີ່ກວ້າງໃຫຍ່ໄພສານຂອງພາກໃຕ້ .
(ພາບ : vietnamtravellook.com)
ປະຈຸບັນມາຢ້ຽມຢາມແຫຼມກາເມົາ ແມ່ນສະດວກຫລາຍແລ້ວ ເມື່ອໃສ່ທຽບກັບຊຸມປີກ່ອນນີ້. ຄາວນັ້ນ ຈາກເທດສະບານຕ້ອງເດີນທາງດ້ວຍທາງບົກກວ່າ 50 ກິໂລແມດ ຂ້າມເຮືອບັກ ເດີ່ມກຸງ ເຖິງ ນຳກັນ ແລ້ວ, ຈ້າງກຳປັ່ນນ້ອຍ ຫລື ເຮືອເລວໄປຕໍ່ຈຶ່ງໄປຮອດແຫຼມກາເມົາໄດ້. ປະຈຸບັນ ຢູ່ທ່າກຳປັ່ນ ນະຄອນ ກາເມົາ, ແຕ່ລະວັນມີກຳປັ່ນດ່ວນ ດ້ວຍລາຄາ 8 ໂດລາສະຫະລັດ/ຄົນ ທີ່ຂົນສົ່ງນັກທ່ອງທ່ຽວໄປເຖິງເຂດແຫຼມກາເມົາຢ່າງ ງ່າຍດາຍ.
ຂີ່ກຳປັ່ນດ່ວນຈາກນະຄອນໂຮ່ຈິມີນໄປເຖິງ ແຫຼມກາເມົາ ຕ້ອງເສຍເວລາເກືອບ 3 ຊົ່ວໂມງ ດ້ວຍທາງນ້ຳຍາວກວ່າ 100 ກິໂລແມດ ເລາະລຽບຕາມລຳແມ່ນ້ຳອັນກວ້າງໃຫຍ່, ສອງເບື້ອງແມ່ນສີຂຽວອຸ່ມທຸ່ມຂອງປ່າຄາມແລະ ບັນດາຫລັງຄາເຮືອນຕັ້ງຢູ່ແຄມແມ່ນ້ຳ, ນັກທ່ອງທ່ຽວຈະໄດ້ຊົມແລະ ຮູ້ສຶກໄດ້ຄວາມສະຫງົບສຸກຂອງເຂດ.
“ນີ້ແມ່ນແມ່ນ້ຳກາເມົາ. ຢູ່ແມ່ນ້ຳລຳນີ້ ປະຊາຊົນ ລ້ຽງກຸ້ງ. ນັກທ່ອງທ່ຽວມາຢ້ຽມຢາມຫລາຍ. ສະນັ້ນມື້ໃດກໍມີແຂກໄປມາຕະຫຼອດ. ບາງເທື່ອເຂົາເຈົ້າເໝົາເຮືອເລວເປັນລຳ. ແຂກສ່ວນຫລາຍແມ່ນໄປເຖິງ ແຫຼມ ກາເມົາ.“
ບັນດາກັບຕັນເຮືອເລວຢູ່ທີ່ນີ້ ລ້ວນແຕ່ແມ່ນ ປຊຊ ດຳລົງຊີວິດຕິດພັນກັບແມ່ນ້ຳ, ສະນັ້ນ ເຂົາເຈົ້າມີຄວາມຊຳນິຊຳນານໃນການຂັບເຮືອເລວ,ສ້າງຄວາມຮູ້ສຶກທີ່ສະຢອງໃຈ ໃຫ້ແກ່ນັກທ່ອງທ່ຽວ..ການດຳລົງຊີວິດຂອງ ປຊຊ ຢູ່ທີ່ນີ້ ສ່ວນຫລາຍແມ່ນເຄື່ອນໄຫວຢູ່ເທິງຫນ້ານ້ຳ, ກຳປັ່ນພຽງແຕ່ແວ່ເຂົ້າແຫຼມກາເມົາກໍສາມາດແລກປ່ຽນສິນຄ້າທຸກປະເພດໄດ້.
ນັກທ່ອງທ່ຽວຕ້ອງເສຍເວລາເກືອບ 3 ຊົ່ວໂມງ ຈຶ່ງສາມາດເຂົ້າທຽບທ່າກຳປັ່ນໄດ້. ສິ່ງທີ່ສ້າງຄວາມປະທັບໃຈທີ່ສຸດສຳລັບນັກທ່ອງທ່ຽວເມື່ອມາຮອດແຫ່ງນີ້ນັ້ນແມ່ນ ຄວາມຮັກແພງແຂກຄົນ ຂອງຊາວ ກາເມົາ. ພາຫະນະຫນຶ່ງດຽວທີ່ນັກທ່ອງທ່ຽວອາດຈະນຳໃຊ້ເພື່ອເດີນທາງເຖິງຫລັກໝາຍອະທິປະໄຕຂອງປະເທດຊາດຫວຽດນາມ ນັ້ນແມ່ນລົດຈັກ, ດ້ວຍລາຄາ 5 - 10 ໂດລາສະຫະລັດ/ຄົນ. ທຸກສິ່ງທຸກຢ່າງຢູ່ທີ່ນີ້ ລ້ວນແຕ່ຮົກເຮື້ອເປົ່າຫວ່າງ ນັບທັງຊາວ ກາເມົາ ຕະຫລອດຮອດທິວທັດທຳມະຊາດ. ໂດຍໄດ້ເຫັນປະຈັກຕາຫລັກໝາຍອະທິປະໄຕຂອງປະເທດຊາດ, ອ້າຍ ຟານແອງ ພ້ອມດ້ວຍເພື່ອນຮ່ວມງານມາຈາກແຂວງ ເລີມດົງ ລ້ວນແຕ່ມີຄວາມຮູ້ສຶກອອນຊອນຈົນສະທ້ານໃຈ
“ນີ້ເປັນຄັ້ງທຳອິດຂ້າພະເຈົ້າມາຢ້ຽມຢາມແຫ່ງນີ້. ໂດຍແມ່ນຊາວຫວຽດນາມແລະໄດ້ຮັບຟັງກ່ຽວກັບ ແຫຼມກາເມົາ ມາແຕ່ດົນນານແລ້ວ ແຕ່ເມື່ອມາແຫ່ງນີ້ຈຶ່ງເຫັນປະເທດຊາດຂອງຕົນແມ່ນຍາວອີ່ຫຼີ. ເດີນທາງປະມານ 800 ກິໂລແມດ, ເຖິງວ່າຫ່າງໄກຫລາຍ ແຕ່ເມື່ອມາແຫ່ງນີ້ ແລະ ເຫັນປະຈັກຕາເຂດແຫຼມ ກາເມົາ ກໍໄດ້ຊ່ວຍບັນເທົາ ຄວາມອິດເມືອ່ຍໃນການເດີນທາງຍາວໄກໄດ້ສ່ວນໃດສ່ວນໜຶ່ງ . ຜ່ານຫນັງສືພິມ, ວາລະສານແລະຂໍ້ມູນຂ່າວສານຕ່າງໆ ຂ້າພະເຈົ້າບໍ່ນຶກເຫັນໄດ້. ແຕ່ເມື່ອມາເຖິງແຫ່ງນີ້ຈຶ່ງຮູ້ສຶກໄດ້ວ່າໝົດເຂດດິນແຫ່ງ ສັກກະລະບູຊາຂອງປະເທດຊາດ.“
(ພາບ : vietbao)
ຍັງມີສະຖານທີ່ອີກແຫ່ງຫນຶ່ງທີ່ສ້າງຄວາມປະທັບໃຈຢູ່ເຂດ ແຫຼມກາເມົາ ນັ້ນແມ່ນປ່າສະຫງວນແຫ່ງຊາດ ແຫຼມກາເມົາ. ແຕ່ລະປີ ເນື້ອທີ່ຫນ້າດິນຂອງປ່າສະຫງວນແຫ່ງຊາດນີ້ ຍາມໃດກໍໄດ້ຮັບການຂະຫຍາຍອອກກວ້າງແບບທຳມະຊາດ, ແຕ່ລະປີ ແຫຼມກາເມົາຂະຫຍາຍອອກໄດ້ນັບສີບແມດ. ນີ້ກໍແມ່ນເຂດປ່າຊາຍເລນມີລະບົບຊີວະນາໆພັນ ດ້ວຍບັນດາຕົ້ນໄມ້ທີ່ເໝາະສົມກັນສະພາບນ້ຳເຄັມ ແລະ ມີທັງສັດນ້ຳຫລາຍປະເພດຄື: ງູ, ເຕົ່າ, ປານ້ຳຈືດ,ປູ, ບໍ່ສະເພາະເທ່ົານັ້ນ ປ່າສະຫງວນແຫ່ງຊາດຍັງແມ່ນກຳແພງກັນຄຶ້ນທະເລ, ລົມ ພາຍຸຈາກທະເລພັດເຂົ້າ. ທ່ານລີຮ່ວາງຕຽນ ປະທານຄະນະກຳມະການ ປຊຊ ຕາແສງ ເດີດໝຸຍໃຫ້ຮູ້ວ່າ:
“ ຊາວຫວຽດນາມໝົດທຸກຄົນ ໃຜໆກໍ່ຢາກມາຢ້ຽມຢາມແຫຼມກາເມົາ ຈັກຄັ້ງຫນຶ່ງ, ຢາກຊົມທິວທັດທຳມະຊາດທ່ີສວຍງາມຂອງເຂດດິນແດນແຫ່ງນີ້. ເດີດໝຸຍ ມີປ່າສະຫງວນແຫ່ງຊາດ, ເຂດນິເວດວິທະຍາຂອງໂລກ, ແມ່ນສະຖານທີ່ທ່ອງທ່ຽວພັກຜ່ອນບຳລຸງສຸຂະພາບ, ຄົ້ນຄ້ວາວິທະຍາສາດ. ຄຽງຂ້າງນັ້ນ ເດີດໝຸຍ ຍັງມີຫາດຊາຍເຫລືອງເມື່ອທຽບກັບເຂດທົ່ງພຽງແມ່ນ້ຳຂອງ, ຫາດຊາຍທະເລຄາຍລອງກໍມີຄວາມສາມາດບົ່ມຊ້ອນ ແລະ ທ່າໄດ້ປຽບໃຫຍ່ໃນການດຶງດູດປຊຊ ພາຍໃນ ແລະ ນອກແຂວງມາຢ້ຽມຢາມ.“
ຊີວິດການເປັນຢູ່ຂອງ ປຊຊ ຢູ່ທີ່ນີ້ ລ້ວນແຕ່ອີງໃສ່ທະເລ ແລະ ປ່າ. ເມື່ອມາຢາມຄອບຄົວໃດ, ນັກທ່ອງທ່ຽວລ້ວນແຕ່ໄດ້ຮັບການຕ້ອນຮັບຢ່າງສະຫນິດສະຫນົມ ຄືດັ່ງລູກຫລານຫ່າງໄກບ້ານເກີດເມືອງນອນຫາກໍກັບເມືອ ແລະ ໄດ້ຮັບປະທານອາຫານພິເສດຂອງເຂດດິນແດນແຫ່ງນີ້.