(vovworld)- ໃນຊຸມປີມໍ່ໆມານີ້, ຮອດຍາມເຊົ້າ ຊາວຮ່າໂນ້ຍເຄີຍພົບເຫັນຂະບວນລົດຖີບແລ່ນຕາມເສັ້ນທາງອ້ອມຫນອງ ໂຮ່ໄຕ ຊື່ງແມ່ນຫນອງແຫ່ງຫນຶ່ງທີ່ກ້ວາງກວ່າໝູ່ຢູ່ຮ່າໂນ້ຍ. ບັນດາຜູ້ທີ່ເຂົ້າຮ່ວມໃນຂະບວນລົດຖີບດັ່ງກ່າວ ແມ່ນສະມາຊິກຂອງ “ສະໂມສອນລົດຖີບຮຸ່ນເກົ່າຮ່າໂນ້ຍ”. ເຂົາເຈົ້ານິຍົມຂີ່ລົດຖີບຮຸ່ນເກົ່າ ທັງຫວນຄືນເຖິງອະດີດຕະການດ້ວຍອະນຸສອນຫຼາຍຢ່າງ ທັງແມ່ນວິທີຫັດກາຍເພື່ອຮັກສາສຸຂະພາບ. ໃນລາຍການສາລະຄະດີພາກນີ້ ພວກເຮົາຂໍແນະນຳ: ການຫລິ້ນລົດຖີບຮຸ່ນເກົ່າ ແລະ ຫວນຄືນອະນຸສອນຮ່າໂນ້ຍໃນເມື່ອກ່ອນ
ສະໂມສອນລົດຖີບຮ່າໂນ້ຍ
ພາບ:internet
|
ໂດຍໄດ້ຮັບການສ້າງຕັ້ງຂຶ້ນເມື່ອປີ 2007, ສະໂມສອນລົດຖີບຮ່າໂນ້ຍໃນເມື່ອກອນ ແລະ ປະຈຸບັນ ລວມມີ ສະມາຊິກ 70 ຄົນ, ເຂົາເຈົ້າແມ່ນຜູ້ນິຍົມລົດຖີບຮຸ່ນເກົ່າ. ໂດຍໄດ້ເປັນຄວາມຊິນເຄີຍແລ້ວ, ແຕ່ລະເຊົ້າ ບັນດາສະມາຊິກໃນສະໂມສອນ ເຄີຍນັດພົບກັນຢູ່ຖະຫນົນ ແທນນຽນ ແຄມຫນອງໂຮ່ໄຕ. ອ້າຍ ຫງວຽນວຽດບ໋າວ, ສະມາຊິກສະໂມສອນລົດຖີບໃນເມື່ອກ່ອນ ແລະ ປະຈຸບັນ ໃຫ້ຮູ້ວ່າ:
“ກ່ອນນີ້ ບັນດາລົດຖີບຮຸ່ນເກົ່ານີ້ມີມູນຄ່າສູງ. ພຽງແຕ່ຜູ້ໄປຕ່າງປະເທດ ແລະ ຜູ້ຮັ່ງມີຈື່ງສາມາດຊື້ໄດ້. ຍ້ອນມີຄວາມນິຍົມຫລິ້ນລົດຖີບຮຸ່ນເກົ່າຄືກັນ, ພວກຂ້າພະເຈົ້າຈຶ່ງສ້າງຕັ້ງສະໂມສອນ ເພື່ອເສາະຫາເຄື່ອງອາໄຫລ່ທີ່ຍັງຂາດມາແລກປ່ຽນໃຫ້ກັນເພື່ອປະກອບເປັນລົດຖີບຮຸ່ນເກົ່າທີ່ສົມບຸນ.”
ສະມາຊິກສະໂມສອນລົດຖີບແຕ່ລະຄົນເຖິງວ່າຈະມີອາຊີບ ແລະ ເກັ່ນອາຍຸແຕກຕ່າງກັນກໍ່ຕາມ ແຕ່ເຂົາເຈົ້າລ້ວນແຕ່ເມົາມົວກັບລົດຖີບຮຸ່ນເກົ່າ. ນອກຈາກຂີ່ລົດຖີບເພື່ອຫັດແອບ ຮັກສາສຸຂະພາບແລ້ວ, ນີ້ຍັງແມ່ນໂອກາດເພື່ອໃຫ້ເຂົາເຈົ້າພົບປະກັນ, ແບ່ງປັນຄວາມເມົາມົວຕໍ່ລົດຖີບຮຸ່ນເກົ່າ. ທ່ານ ເລວັນມູ່ຍ, ສະມາຊິກສະໂມສອນດັ່ງກ່າວໃຫ້ຮູ້ວ່າ:
“ຂ້າພະເຈົ້າເຂົ້າຮ່ວມສະໂມສອນ ເພື່ອຫວນຄືນອະນຸສອນກ່ຽວກັບຮ່າໂນ້ຍໃນເມື່ອກ່ອນ, ໃນຄາວຂ້າພະເຈົ້າຍັງເປັນເດັກນ້ອຍ. ນອກນັ້ນ ຂີ່ລົດຖີບກໍແມ່ນຮູບການຫັດກາຍເພື່ອຮັກສາສຸຂະພາບອີກດ້ວຍ. ແຕ່ລະເຊົ້າຂີ່ລົດຖີບອອ້ມຫນອງໂຮ່ໄຕ ຂ້າພະເຈົ້າຮູ້ສຶກສະບາຍໃຈທີ່ສຸດ ຍ້ອນອາກາດຢູ່ທີ່ນີ້ປອດໂປ່ງແລະເຢັນສະບາຍຫຼາຍ.”
ລົດຖີບຍີ່ຫໍ້ Lion ຂອງຝລັ່ງຜະລິດເມື່ອປີ 1925
ປະຈຸບັນມີລາຄາ 2.500 USD
|
ບັນດາຍີ່ຫໍ້ລົດຖີບຮຸ່ນເກົ່າທີ່ມີຊື່ສຽງໃນເມື່ອກ່ອນ ນັ້ນແມ່ນ: Peugeot, Mercier, Aviac, Marila, Sterling…ແລະ ລົດຖີບແບບນີ້ສ່ວນຫລາຍແມ່ນມີລາຄາສູງ. ເພື່ອມີລົດຖີບຄັນຫນຶ່ງທີ່ສົມບູນ ແມ່ນຕ້ອງລໍຖ້າ, ເສາະຫາ, ເກັບກຳເຄື່ອງອາໄຫລ່ທີ່ຍັງຂາດມາປະກອບເທື່ອລະໜ້ອຍໃຫ້ເປັນລົດຖີບ. ທ່ານ ຫງວຽນແທນກົງ, ສະມາຊິກສະໂມສອນລົດຖີບຮຸ່ນເກົ່າຮ່າໂນ້ຍໃນເມື່ອກອ່ນ ແລະ ປະຈຸບັນ ໃຫ້ຮູ້ວ່າ:
“ຂ້າພະເຈົ້ານິຍົມຫລິ້ນລົດຖີບຮຸ່ນເກົ່າແຕ່ຄາວຍັງນ້ອຍ. ເວລານັ້ນ ລົດຖີບຍີ່ຫໍ້ Peugeot ຂອງຝລັ່ງ ແພງຫລາຍ, ບໍ່ແມ່ນຄອບຄົວໃດກໍຊື້ໄດ້. ໃນຊຸມປີຂອງສະໄຫມເກື້ອກຸນ ຢາກມີລົດຖີບຄັນຫນຶ່ງເພື່ອນຳໃຊ້ໃນຊີວິດປະຈຳວັນກໍ່ບໍ່ແມ່ນເລື່ອງງ່າຍ. ຕ້ອງຫາເງິນເພື່ອຊື້ເຄື່ອງອາໄຫລ່ແຕ່ລະຢ່າງ ຈົນຮອດເວລາຄົບຖ້ວນແລ້ວຈຶ່ງນຳມາປະກອບເປັນລົດຖີບໄດ້”.
ລົດຖີບຍີ່ຫໍ້ Peugeot ມີລາຄາກວ່າ 3.000 USD.
|
ຮູບພາບລົດຖີບກ່ອນນີ້ 50- 60 ປີ ແລ່ນພ້ອມກັບລົດລາງປະເພດຕ່າງໆຢູ່ຕາມຖະຫນົນສາຍຕ່າງໆໃນນະຄອນຫຼວງ ຮ່າໂນ້ຍ. ດ້ວຍຄວາມນິຍົມລົດຖີບຣຸ່ນເກົ່າ, ບັນດາສະມາຊິກສະໂມສອນ ລົດຖີບຮຸ່ນເກົ່າຮ່າໂນ້ຍ ໃນເມື່ອກອ່ນ ແລະ ປະຈຸບັນ ພວມປະກອບສ່ວນຮັກສາຄວາມງາມຂອງນະຄອນຫລວງໄວ້. ນີ້ກໍ່ແມ່ນວິທີເພື່ອໃຫ້ເຂົາເຈົ້າຄົ້ນຄິດຫຼາຍກວ່າກ່ຽວກັບຄຸນຄ່າຕ່າງໆໃນຊີວິດສັງຄົມ.