ຫາງສຽງສາກົນສືບຕໍ່ເຜີຍແບການກະທຳລະເມີດກົດໝາຍຂອງຈີນຢູ່ທະເລຕາເວັນອອກ
ບັນດາຜູ້ຊ່ຽວຊານສາກົນເຂົ້າຮ່ວມການພົບປະແລກປ່ຽນກ່ຽວກັບ
ເລື່ອງຈີນຕັ້ງຮ້ານເຈາະນຳ້ມັນທີ່ຜິດກັບກົດໝາຍສາກົນ.
(ພາບ: HC)
(vovworld) -ໃນຊຸມມື້ຜ່ານມາ, ສື່ມວນຊົນ ແລະ ບັນດາຜູ້ຊ່ຽວຊານສາກົນໄດ້ຍົກອອກບັນດາຫຼັກຖານທີ່ຢັ້ງຢືນວ່າເລື່ອງຈີນຕັ້ງຮ້ານເຈາະນຳ້ມັນ ແລະ ສົ່ງກຳ່ປັ່ນເຖິງທະເລຕາເວັນອອກ ແມ່ນການກະທຳທີ່ຝືນກັບກົດໝາຍສາກົນ. ໃນບົດຂຽນຂອງຕົນ, ເມື່ອວັນທີ 23/6, ທ່ານ Andre່ Bouny, ປະທານຄະນະກຳມະການສາກົນໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊີນ ຫວຽດນາມໄດ້ເນັ້ນໜັກວ່າ “ຍຸດທະສາດແຜ່ອຳນາດ“ຂອງຈີນ, ແມ່ນການນຳໃຊ້ກຳລັງອາວຸດເພື່ອຢືດຄອງໝູ່ເກາະຮ່ວາງຊາ ຂອງຫວຽດນາມ ໃນຊຸມປີ 1956 ແລະ 1974. ບົດຂຽນກໍ່ເຕື້ອງເຖິງແຜນທີ່ຂອງຈີນທີ່ແຕ້ມໃນທ້າຍສະໄໝລາດຊະວົງຊິງ (1644-1912) ແລະ ໄດ້ຮັບການພິມຈຳໜ່າຍເມື່ອປີ 1904. ໃນນັ້ນກຳນົດເຂດໃຕ້ສຸດຂອງຈີນແມ່ນຢູ່ເກາະໄຮໜານ ໂດຍບໍ່ມີໝູ່ເກາະຮ່ວາງຊາ ແລະ ເຈື່ອງຊາຂອງຫວຽດນາມ. ທ່ານຢືນຢັນວ່າ, ຕາມສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ, ເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມບໍ່ແມ່ນເຂດທີ່ມີການຂັດແຍ້ງກັນ. ດັ່ງນັ້ນເດືອນ 6/2012, ບໍລິສັດນຳ້ມັນອາຍແກດໄຮຢາງຂອງຈີນ ເປີດການປະມູນສຳຫຼວດ, ຂຸດຄົ້ນນຳ້ມັນຢູ່ເຂດດັ່ງກ່າວຈຶ່ງບໍ່ມີບໍລິສັດຕ່າງປະເທດໃດເຂົ້າຮ່ວມການປະມູນ. ຜູ້ຂຽນກໍ່ລົງພິມຮູບພາບຈຳນວນໜຶ່ງສະແດງໃຫ້ເຫັນວ່າ, ບັນດາລັດຫວຽດນາມໄດ້ກຳນົດ ແລະ ປະຕິບັດອະທິປະໄຕຂອງຕົນທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊານັບແຕ່ກ່ອນມາຮອດປະຈຸບັນ.
ໃນວັນດຽວກັນ, ໜັງສືພິມ Deutsche Welle ຂອງເຢຍລະມັນ, ກໍ່ລົງພິມໃຫ້ຂໍ້ສັງເກດກ່ຽວກັບເລື່ອງຈີນນຳເອົາຮ້ານເຈາະນຳ້ມັນຕື່ມອີກ 4 ຮ້ານເຂົ້າເຂດທະເລຕາເວັນອອກ. ດຣ Ian Storey, ສະມາຊິກຂັ້ນສູງສະຖາບັນຄົ້ນຄ້ວາອາຊີຕາເວັນອອກສ່ຽງໃຕ້ຖືວ່າ, ສິ່ງດັ່ງກ່າວສະແດງໃຫ້ເຫັນຄວາມຕັດສິນໃຈຂອງຈີນໃນການຢັ້ງຢືນອະທິປະໄຕຂອງຕົນຢູ່ທະເລຕາເວັນອອກ, ຕາມທ່ານແລ້ວ, ຈີນຢາກຢັ້ງຢືນອັນທີ່ເອີ້ນວ່າ “ສິດປະຫວັດສາດ“ ສຳລັບຊັບພະຍາກອນຢູ່ໃນເສັ້ນລີນງົວ 9 ຕອນນັ້ນ ແມ່ນຖືກບັນດາຜູ້ຊ່ຽວຊານດ້ານກົດໝາຍສາກົນຖືວ່າບໍ່ເໝາະສົມກັບສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS).