ເຂດເສດຖະກິດທາງທິດໃຕ້ Phu Yen
ພາບ:internet
|
(vovworld)- ເຂດເສດຖະກິດທາງທິດໃຕ້ Phu Yen ແຂວງ Phu Yen ໄດ້ຮັບການອະນຸມັດວາງແຜນກຳນົດສັງລວມຈາກນາຍົກລັດຖະມົນຕີນັບແຕ່ເດືອນ 10/2009. ພາຍຫລັງເກືອບ 2 ປີເຄິ່ງທີ່ສຸມໃສ່ລົງທຶນກໍ່ສ້າງພື້ນຖານໂຄງລ່າງເຕັກນິກ, ເຂດເສດຖະກິດນີ້ພວມນັບມື້ນັບໄດ້ຮັບຄວາມປາດຖະຫນາວ່າແມ່ນປະຕູໄຂອອກສູ່ທະເລຕາເວັນອອກຂອງເຂດຕອນໃຕ້ພາກກາງ ແລະ ເຂດໄຕງວຽນ. ເນື່ອງໃນໂອກາດລະນຶກ 37 ປີແຫ່ງວັນປົດປ່ອຍແຂວງ Phu Yen, ນັກຂ່າວ Hai Son ມີບົດຂຽນທີ່ພາດຫົວເລື່ອງວ່າ: Phu Yen ສຸມກຳລັງແຮງເພື່ອລົງທຶນພັດທະນາເຂດເສດຖະກິດທາງທິດໃຕ້.
ເຂດເສດຖະກິດທາງທິດໃຕ້ ແຂວງ Phu Yen ດ້ວຍເນື້ອທີ່ເກືອບ 21.000 ເຮັກຕາ, ຈາກນະຄອນ Tuy Hoa ແກ່ຍາວຮອດທ່າກຳປັ່ນ Vung Ro ຕິດກັບແຂວງ Khanh Hoa. ພາຍຫລັງສອງປີເຄິ່ງທີ່ຜັນຂະຫນາຍການກໍ່ສ້າງເຂດເສດຖະກິດນີ້ ມີກິດຈະກຳຫລາຍແຫ່ງໄດ້ນຳເຂົ້າໃຊ້ການຄື: ທ່າກຳປັ່ນ Vung Ro, ຂົວ Da Nong, ເສັ້ນທາງ Phuoc Tan - Bai Nga, ເຂດອຸດສາຫະກຳ Hoa Hiep ໄລຍະ1, ເຂດຕັ້ງຖິ່ນຖານຄືນໃຫມ່ Phu Lac. ເພື່ອມອບທີ່ດິນໃຫ້ແກ່ໂຄງການກໍ່ສ້າງເຂດເສດຖະກິດ, ມີກວ່າ 1000 ຄອບຄົວ ໃນນັ້ນສ່ວນຫລາຍຢູ່ບັນດາຕາແສງຄື Hoa Tam, Hoa Xuan Dong ແລະ Hoa Xuan Tay ເມືອງ Dong Hoa ໄດ້ປະບ່ອນຝັ່ງສາຍແຮ່ແຜ່ສາຍບືຂອງຕົນຍົກຍ້າຍໄປອາໄສທີ່ບ່ອນອື່ນ. ຢູ່ເຂດຕັ້ງຖິ່ນຖານຄືນໃຫມ່ Phu Lac ຕາແສງ Xuan Hoa Nam ເມືອງ Dong Hoa, ລຸງ Dang Van Ngoi ໃຫ້ຮູ້ວ່າ:
“ຢູ່ເຂດນີ້ ປະຊາຊົນລ້ຽງກຸ້ງມັງກອນ, ບາງຄອບຄົວຍອມເສຍປະໂຫຍດ ເພ່ືອຮັບໃຊ້ໃຫ້ແກ່ການພັດທະນາເສດຖະກິດຂອງແຂວງແມ່ນນຳມາເຊິ່ງຜົນປະໂຫຍດຫລາຍກວ່າ, ນັ້ນແມ່ນສິ່ງທີ່ປະຊາຊົນປາດຖະຫນາ. ພວກຂ້າພະເຈົ້າຫວັງວ່າ ໂຄງການຈະໄດ້ຮັບການກໍ່ສ້າງສຳເລັດໂດຍໄວ ແລະ ເມື່ອໂຮງງານກໍ່ສ້າງສຳເລັດຈະຮັບລູກຫລານຢູ່ Vung Ro ເຂົ້າເຮັດວຽກ.”
ທ່າກຳປັ່ນVung Ro
ພາບ:chinhphu.vn
|
ເຖິງວ່າ ພວມຢູ່ໃນໄລນະຕົ້ນຂອງການກໍ່ສ້າງ ແຕ່ເຂດເສດຖະກິດ Phu Yen ໃຕ້ ໄດ້ດຶງດູດນັກລົງທຶນພາຍໃນ ແລະ ຕ່າງປະເທດເປັນຈຳນວນຫລວງຫລາຍມາຊອກຫາ ແລະ ດຳເນີນທຸລະກິດຢູ່ Phu Yen. ເປັນຫນ້າສົນໃຈນັ້ນແມ່ນ ໂຄງການໂຮງງານກັ່ນນ້ຳມັນ Vung Ro ຂອງບໍລິສັດຮ່ວມທຸລະກິດ Technostar Management Limited ລາຊະອານາຈັກອັງກິດ ແລະ ບໍລິສັດ Telloil ຈຳກັດຂອງສະຫະພັນລັດເຊຍ ດ້ວຍຈຳນວນທຶນ 1,7 ຕື້ USD, ກໍ່ສ້າງໃນເນື້ອທີ່ 400 ເຮັກຕາ, ໃນນັ້ນ ມີກວ່າເຄິ່ງຫນຶ່ງແມ່ນເນື້ອທີ່ຫນ້ານ້ຳ, ແຕ່ລະປີໂຮງງານມີກຳລັງການຜະລິດ ອາຍແກສ,.ນ້ຳມັນສຳລັບຍົນອາຍພົ່ນ, ນ້ຳມັນແອັດຊັງ, ກະຊ່ວນໄດ້4 ລ້ານໂຕນ. ປະຈຸບັນ, ໂຄງການປະຕິບັດວຽກງານຊົດເຊີຍ, ຕັ້ງຖິ່ນຖານຄືນໃຫມ່ໃຫ້ແກ່ປະຊາຊົນ, ກະກຽມພື້ນທີ່ເພື່ອລົງມືກໍ່ສ້າງໃນເດືອນ 9 ຈະມາເຖິງ. ນອກນັ້ນ, ບໍລິສັດຫຸ້ນສ່ວນ Hiep Hoa Phat ຢູ່ນະຄອນ Ho Chi Minh ກໍພວມຜັນຂະຫຍາຍໂຄງການພື້ນຖານເຕັກນິກເຂດອຸດສາຫະກຳ Hoa Tam ດ້ວຍເນື້ອທີ່ກວ່າ 2.100 ເຮັກຕາ ລວມມີ 3 ເຂດຄື: ເຂດອຸດສາຫະກຳກັ່ນນ້ຳມັນ, ເຂດອຸດສາຫະກຳຫລາຍຂະແຫນງ ແລະ ທ່າກຳປັ່ນ Bai Goc. ທ່ານ Truong Phuoc Cuong, ຫົວຫນ້າຄະນະຄຸ້ມຄອງເຂດເສດຖະກິດ Phu Yen ໃຫ້ຮູ້ວ່າ: ນັກລົງທຶນໃຫ້ຄຳໝັ້ນໝາຍລົງມືກໍ່ສ້າງໂຄງການດ້ວຍຍອດຈຳນວນເງິນລົງທຶນກວ່າ 10.000 ຕື້ດົ່ງໃນໄຕມາດ 3 ປີນີ້. ທ່ານ Truong Phuoc Cuong ຍັງຢືນຢັນວ່າ:
“ນັບແຕ່ນີ້ຮອດປີ 2015, Phu Yen ມີ 3 ວຽກງານສຳຄັນ. ທີຫນຶ່ງແມ່ນ ເພີ່ມທະວີການລົງທຶນພື້ນຖານໂຄງລ່າງເຂດເສດຖະກິດ Phu Yen ໃຕ້ ບວກກັບການເລັ່ງລັດນັກລົງທຶນຍູ້ໄວການໂຄສະນາ, ດຶງດູດນັກລົງທຶນສືບຕໍ່ເຂົ້າມາລົງທຶນຢູ່ເຂດເສດຖະກິດ ແລະ ທີສາມ ແມ່ນບຸກເບີກຫນ້າພຽງ, ຕັ້ງຖິ່ນຖານຄົງທີ່, ເອົາໃຈໃສ່ເບິ່ງແຍງດູແລຊີວິດການເປັນຢູ່ໃຫ້ແກ່ປະຊາຊົນ.”
ເຂດເສດຖະກິດ Phu Yen ໃຕ້ມີຄວາມສະດວກກ່ຽວກັບທາງຄົມມະນາຄົມ. ນອກຈາກທາງຫລວງ 1A ແລະ ເສັ້ນທາງແຄມທະເລແລ້ວ, ແຂວງ Phu Yen ຍັງມີເສັ້ນທາງຫລວງເລກທີ 29, 25 ເຊື່ອມຕໍ່ກັບເຂດ ໄຕງວຽນ ພວມໄດ້ຮັບການຍົກລະດັບ, ເປີດກວ້າງ, ທາງອຸມົງໃຕ້ດິນກີ່ວ Ca ກໍໄດ້ລົງມືກໍ່ສ້າງຢ່າງມີປະສິດທິຜົນ. ແລະ ໃນໄລຍະອັນສັ້ນໆເທົ່ານັ້ນ, ເຂດເສດຖະກິດ Phu Yen ໃຕ້ ແລະ ເຂດເສດຖະກິດ ເວີນຟອງ ແຂວງ Khanh Hoa ຈະເຊື່ອມໂຍງເຂົ້າກັບສາກົນ ແລະ ກາຍເປັນສູນກາງທ່ອງທ່ຽວຂອງທົ່ວປະເທດ. ຄະນະກຳມະການປະຊາຊົນແຂວງ Phu Yen ໄດ້ປະກາດໃຊ້ແຜນການລົງທຶນ, ກໍ່ສ້າງພື້ນຖານໂຄງລ່າງຢູ່ເຂດເສດຖະກິດ Phu Yen ໃຕ້ ໄລຍະ 2011 - 2015. ທ່ານ Huynh Tan Viet ຮອງເລຂາຄະນະພັກແຂວງ, ປະທານສະພາປະຊາຊົນແຂວງ Phu Yen ໄດ້ຢືນຢັນວ່າ:
“ໂຄງການບຸກທະລຸກ່ຽວກັບການສ້າງພື້ນຖານໂຄງລ່າງ ແມ່ນຫນຶ່ງໃນບັນດາໂຄງການຈຸດສຸມຂອງຄະນະພັກແຂວງ. ຖ້າຫາກໂຄງການນີ້ໄດ້ຮັບການກໍ່ສ້າງສຳເລັດ ຈະປະກອບສ່ວນສ້າງວຽກເຮັດງານທຳໃຫ້ແກ່ປະຊາຊົນ, ມີແຫລ່ງລາຍຮັບງົບປະມານຫຼວງຫຼາຍ.”
ໃນອະນາຄົດ, ໂຄງການສາຍທາງລົດໄຟເຂດເສດຖະກິດ Phu Yenໃຕ້ - Buon Ma Thuot ດ້ວຍຄວາມຍາວ 160 ກິໂລແມດ ຈະໄດ້ຮັບການຜັນຂະຫຍາຍໃນພາຍພາກຫນ້າ, ເມື່ອສາຍທາງຫລວງເລກທີ 29 ໄດ້ຮັບການລົງທຶນຍົກລະດັບ ຈະສັ້ນກວ່າປະມານ 60 ກິໂລແມດ ຈາກແຂວງ Phu Yen ໄປ Dac Lac. ນີ້ແມ່ນປະຕູທາງອອກໃນການຄ້າຂາຍສິນຄ້າ, ປະກອບສ່ວນສ້າງຕ່າຫນ່າງຄົມມະນາຄົມທາງບົກໃນເຂດສາມຫລ່ຽມພັດທະນາ ຫວຽດນາມ ລາວ ກຳປູເຈຍສຳເລັດຜົນ ປະກອບສ່ວນບໍ່ຫນ້ອຍເພື່ອໃຫ້ເຂດເສດຖະກິດ Phu Yen ໃຕ້ ນັບມື້ນັບພັດທະນາ.
Bui Hang