vovworld)- ແຂວງ ກວ໋າງນີງ ໄດ້ປະຕິບັດບັນດາການເຄື່ອນໄຫວສົ່ງເສີມການລົງທຶນຢ່າງມີປະສິດ ທິຜົນ, ຕັ້ງຫນ້າປະຕິຮູບລະບຽບການບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ຫນູນຊ່ວຍວິສາຫະກິດຢ່າງລຽນຕິດໃນໄລຍະ 2011-2015. ດ້ວຍບັນດາຄວາມມານະພະຍາຍາມນັ້ນແຂວງ ກວ໋າງນີ້ງ ໄດ້ສ້າງຂີດໝາຍພົ້ນເດັ່ນໃນການດຶງດູດເງິນລົງທຶນເພື່ອພັດທະນາ.
ປະຈຸບັນ ແຂວງ ກວ໋າງນີງ ມີ 104 ໂຄງການ FDI
ພາບ:internet
|
ຫນຶ່ງໃນບັນດາຈຸດພົ້ນເດັ່ນຂອງແຂວງ ກວ໋າງນີງ ນັ້ນແມ່ນດຶງດູດແຫລ່ງເງິນລົງທຶນໂດຍກົງຈາກຕ່າງປະເທດ (FDI). ໃນໄລຍະແຕ່ປີ 2012-2014, ແຂວງ ກວ໋າງນີງ ດຶງດູດແຫລ່ງເງິນລົງທຶນຈາກຕ່າງປະເທດໄດ້ 1,6 ຕື້ USD. ປະຈຸບັນ ແຂວງ ກວ໋າງນີງ ມີ 104 ໂຄງການ FDI ຍັງມີຜົນສັກສິດ ດ້ວຍຍອດເງິນລົງທຶນຈົດທະບຽນບັນລຸເກືອບ 5,1 ຕື້ USD, ໃນນັ້ນ ຈຳນວນເງິນລົງທຶນໄດ້ປະຕິບັດບັນລຸກວ່າ 3,6 ຕື້ USD. ບັນດາໂຄງການມີເງິນລົງທຶນຂອງຕ່າງປະເທດ ດ້ວຍຂອບຂະຫນາດໃຫຍ່ ແມ່ນບັນດາໂຮງງານຂອງກຸ່ມບໍລິສັດ Texhong ປະເທດຈີນ, ໂຮງງານໄຟຟ້າໃຊ້ພະລັງຄວາມຮ້ອນ ມົງເຢືອງ 2, ໂຮງງານ ຊີມັງ ທັງລອງ….
ສຳລັບການດຶງດູດແຫລ່ງເງິນລົງທຶນພາຍໃນປະເທດ, ໄລຍະ 2012-2014, ແຂວງ ກວ໋າງນີງ ດຶງດູດໄດ້ 198 ໂຄງການ ດ້ວຍຍອດຈຳນວນເງິນລົງທຶນບັນລຸກວ່າ 72.000 ຕື້ດົງ (ເທົ່າກັບ 3,8 ຕື້ USD). ໃນຈຳນວນເຫລົ່ານັ້ນ ມີຫລາຍໂຄງການແມ່ນກຳລັງຫນູນ, ປັບປຸງຄຸນນະພາບພື້ນຖານໂຄງລ່າງດ້ານບໍລິການ, ການຄ້າຂອງແຂວງ ຄື: ໂຄງການສວນສາທາລະນະ ດ້າຍເຢືອງ, ເຂດພັກຜ່ອນບຳລຸງສຸຂະພາບທັນສະໄຫມ ກວາງແຮງ, ສູນການຄ້າ Vincom Center ຮ້າລອງ, ໂຮງແຮມທັນສະໄຫມ Vinperl… ທ່ານ ຄຸກຕຽນຮ່າ, ຜູ້ອຳນວຍການຮ້ານຊັບພະສິນຄ້າ ແລະ ສູນການຄ້າ Big C ຮ້າລອງ ໃຫ້ຮູ້ວ່າ:
“ນະໂຍບາຍດຶງດູດແຫລ່ງເງິນລົງທຶນດ້ານການຄ້າຂອງ ແຂວງ ກວ໋າງນີງ ມີປະສິດທິຜົນທີ່ສຸດ, ສຸມໃສ່ເຂົ້າໃນການກໍ່ສ້າງພື້ນຖານໂຄງລ່າງດ້ານການຄ້າ. ພິເສດ ແມ່ນວຽກງານບຸກເບີກຫນ້າພຽງ ຂອງແຂວງ ມີປະສິດທິຜົນທີ່ສຸດ. ນີ້ແມ່ນປັດໄຈສຳຄັນເພື່ອດຶງດູດແຫລ່ງເງິນລົງທຶນຂອງບັນດາບໍ ລິສັດຕ່າງປະເທດທີ່ກ່ຽວຂ້ອງເຖິງຂົງເຂດການຄ້າ.”
ບັນລຸໄດ້ຜົນງານໃນການດຶງດູດການລົງທຶນເພື່ອພັດທະນາ ຍ້ອນແຕ່ຊຸມປີ 2011, ກວ໋າງນີງ ໄດ້ສຸມໃສ່ປ່ຽນແປງຮູບແບບການເຕີບໂຕ, ຜັນຂະຫຍາຍບັນດາມາດຕະການດຶງດູດການລົງທຶນຄື: ສ້າງ ແລະ ປະກາດບັນດາແຜນຍຸດທະສາດ, ຫັນວິທີສົ່ງເສີມການລົງທຶນເປັນວິຊາສະເພາະໄປຄຽງຄູ່ກັບການປະ ຕິຮູບລະບຽບການບໍລິຫານ. ບັນດາໂຄງການທີ່ແຂວງ ກວ໋າງນີງ ເລືອກເຟັ້ນ ລ້ວນແຕ່ຕາມທິດມີຂອບຂະຫນາດໃຫຍ່ ແລະ ມີປະສິດທິຜົນ. ພິເສດ ການນຳແຂວງ ກວ໋າງນີງ ຍາມໃດກໍເປັນເຈົ້າການຈັດຕັ້ງບັນດາການພົບປະ, ຫນູນຊ່ວຍວິສາຫະກິດເປັນໄລຍະປະຈຳ ເພື່ອສືບຕໍ່ແກ້ໄຂຄວາມຫຍຸ້ງຍາກ, ຂໍ້ຕິດຂັດ. ນອກຈາກຈັດຕັ້ງບັນດາກອງປະຊຸມສົ່ງເສີມການລົງທຶນຂອບຂະຫນາດ ໃຫຍ່, ບັນດາອົງການກ່ຽວຂ້ອງຂອງແຂວງ ກໍຕັ້ງຫນ້າຜ່ານບັນດາການເຄື່ອນໄຫວພົວພັນແລກປ່ຽນດ້ານວັດທະນະ ທຳ ເພື່ອດຶງດູດການລົງທຶນຈາກ ຍີ່ປຸ່ນ, ອັງກິດ, ຈີນ, ສເກົາຫລີ. ເພື່ອດຶງດູດບັນດານັກລົງທຶນໃຫຍ່, ແຂວງ ກວ໋າງນີງ ສຸມໃສ່ລົງທຶນພື້ນຖານໂຄງລ່າງຢ່າງຄົບຊຸດ, ພິເສດຄື ເຂດອຸດສາຫະກຳທ່າກຳປັ່ນ ຫາຍຮ່າ, ເຂດອຸດສາຫະກຳ ດົງມາຍ, ເຂດອຸດສາຫະກຳ ຫວຽດຮືງ,ບັນດາເສັ້ນທາງຄົມມະນາຄົມຕົ້ນຕໍ. ແຂວງ ກວ໋າງນິງ ກໍໝູນໃຊ້ຮູບການຄູ່ຮ່ວມມືລະຫວ່າງພາກລັດ ແລະ ເອກະຊົນ ຫລື PPP ໃນການລົງທຶນກໍ່ສ້າງ, ນຳບັນດາກິດຈະກຳ ຂອງແຂວງເຂົ້າໃຊ້ການ. ທ່ານ ຫງວຽນວັນດອກ, ເລຂາຄະນະພັກແຂວງ ກວ໋າງນີງ ຢືນຢັນວ່າ:
“ທັດສະນະຂອງແຂວງ ປະຈຸບັນ ແມ່ນ: ສິ່ງໃດທີ່ວິສາຫະກິດ, ປະຊາຊົນລົງທຶນແລ້ວ, ລັດ ບໍ່ລົງທຶນອີກ. ອົງການໃດ, ວິສາຫະກິດໃດ ຄຸ້ມຄອງດີ, ແຂວງ ກໍມອບໃຫ້ອົງການ, ສ່ວນບຸກຄົນນັ້ນຄຸ້ມຄອງ. ສະນັ້ນ ການປະກອບສ່ວນຂອງບັນດານັກລົງທຶນ, ວິສາຫະກິດແມ່ນສິ່ງສຳຄັນທີ່ສຸດໃນການພັດທະນາເສດຖະກິດ ສັງຄົມຂອງແຂວງ.”
ກຸນແຈເພື່ອດຶງດູດການລົງທຶນຢ່າງແຮງຢູ່ແຂວງ ກວ໋າງນີງ ແມ່ນການປະຕິຮູບລະບອບນະໂຍບາຍ ແລະ ລະບຽບການບໍລິຫານ ໃນຂົງເຂດດຶງດູດການລົງທຶນ, ຊື່ງການສ້າງຕັ້ງຄະນະສົ່ງເສີມ ແລະ ຫນູນຊ່ວຍການລົງທຶນ IPA ໄດ້ຮັບຖືວ່າແມ່ນບາດກ້າວດີສົມຄວນ. IPA ກວ໋າງນີງ ເຄື່ອນໄຫວພາຍໃຕ້ການຊີ້ນຳ, ບໍລິຫານໂດຍກົງຂອງປະທານຄະນະກຳມະການປະຊາຊົນແຂວງ, ແກ້ໄຂບັນດາລະບຽບການຢ່າງກະທັດລັດ, ຈະແຈ້ງ, ໂປ່ງໃສ ຕາມກົນໄກປະຕູດຽວ, ເອົາໃຈໃສ່, ຫນູນຊ່ວຍໃຫ້ນັກລົງທຶນໃນລະດັບສູງສຸດ. ຕາມການຮັບຮູ້ແລ້ວ, ບັນດາລະບຽບການບໍລິຫານກ່ຽວກັບໂຄງການລົງທຶນຢູ່ແຂວງ ກວ໋າງນີງ ຫລຸດຜ່ອນເກືອບ 2/3 ເວລາ ເມື່ອທຽບໃສ່ການກຳນົດຂອງລັດຖະບານ. ແຂວງ ກວ໋າງນີງ ໄດ້ກໍ່ສ້າງ ແລະ ປະກາດໃຊ້ບາງນະໂຍບາຍບຸລິມະສິດໃຫ້ວິສາຫະກິດ, ນັກລົງທຶນຄື: ຫນູນຊ່ວຍ ແລະ ບຸລິມະສິດການລົງທຶນເຂົ້າໃນເຂດອຸດສາຫະກຳ, ເຂດເສດຖະກິດ, ປັບປຸງລາຄາເຊົ່າທີ່ດິນ, ຫນູນຊ່ວຍກ່ຽວກັບທຶນຮອນ. ພ້ອມກັນນັ້ນ ແຂວງ ໄດ້ຊີ້ນຳຢ່າງຂ້ຽວຂາດວຽກງານບຸກເບີກຫນ້າພຽງ, ເກັບຄືນບັນດາໂຄງການພວມໂຈະໄວ້, ສ້າງກອງທຶນທີ່ດິນມາໃຫ້ນັກລົງທຶນ .
ໂດຍຖືຄາດໝາຍ “ຮ່ວມແຮງຮ່ວມໃຈພ້ອມກັບວິສາຫະກິດ” ເປັນທິດນຳ, ດຳເນີນການປັບປຸງສະພາບແວດລ້ອມແຫ່ງການລົງທຶນຢ່າງສະດວກ, ການແກ້ງແຍ້ງຢ່າງສະເຫມີພາບ, ແຂວງ ກວ໋າງນີງ ໄດ້ ແລະພວມ ແມ່ນສະຖານທີ່ລົງທຶນອັນດູດດື່ມຂອງບັນດານັກລົງທຶນຢູ່ພາຍໃນ ແລະ ຕ່າງປະເທດ.