(vovworld)- ປີ 2014, ການດຶງດູດ FDI ໄດ້ມີການຫັນປ່ຽນນັບທັງຄຸນນະພາບ ແລະ ຈຳນວນ ດ້ວຍຫລາຍໂຄງການໃຫຍ່ລົງທຶນເຂົ້າຂົງເຂດເຕັກໂນໂລຊີສູງ, ເຕັກໂນໂລຊີປຸງແຕ່ງ, ການຜະລິດ ແລະ ພັດທະນາພື້ນຖານໂຄງລ່າງ. ຫວຽດນາມ ໄດ້ ແລະ ພວມສ້າງສະພາບແວດລ້ອມແຫ່ງການດຳເນີນທຸລະກິດດີທີ່ສຸດ ເພື່ອດຶງດູດນັກລົງທຶນຕ່າງປະເທດ.
ໂຄງການSamsung ຢູ່ ທາຍງວຽນ
ພາບ:antt.vn
|
ໃນປີ 2014, ຫວຽດນາມ ໄດ້ມີ 1.427 ໂຄງການໃຫມ່ ແລະ ໂຄງການຈົດທະບຽນເພີ່ມທຶນ, ອັນໄດ້ຍົກຍອດຈຳນວນທຶນ FDI ມາຮອດປະຈຸບັນ ບັນລຸ 17 ຕື້ 330 ລ້ານ USD. ດ້ວຍໂຄງການທີ່ມີເງິນລົງທຶນ 3 ຕື້ USD ຢູ່ ທາຍງວຽນ ໃນເດືອນ 11/2014 ນັ້ນ ສເກົາຫລີ ໄດ້ລື່ນກາຍ ຍີ່ປຸ່ນ ກາຍເປັນນັກລົງທຶນໃຫຍ່ສຸດເຂົ້າຫວຽດນາມ. ບັນດານັກລົງທຶນຕ່າງປະເທດ ໄດ້ລົງທຶນເຂົ້າ 50 ແຂວງ, ນະຄອນ ໃນທົ່ວປະເທດ. ນຳຫນ້າກ່ຽວກັບການດຶງດູດເງິນລົງທຶນຂອງຕ່າງປະເທດ ນັ້ນແມ່ນບັນດາແຂວງຄື: ທາຍງວຽນ, ນະຄອນ ໂຮ່ຈິມີນ, ບັກນີງ, ດົງນາຍ, ບີງເຢືອງ, ຫາຍຟ່ອງ, ຮ່າໂນ້ຍ.
ສິ່ງທີ່ເປັນຫນ້າສົນໃຈໃນປີ 2014, ນັ້ນແມ່ນ ມີກຸ່ມບໍລິສັດຮ່ວມທຸລະກິດຈາກຫລາຍປະເທດ ຫລາຍແຫ່ງ ສືບຕໍ່ເປີດກວ້າງ, ເພີ່ມເງິນລົງທຶນ FDI ເຂົ້າໃນບັນດາຂົງເຂດເຕັກໂນໂລຊີສູງ, ອຸດສາຫະກຳປຸງແຕ່ງ, ການຜະລິດ… ພົ້ນເດັ່ນ ແມ່ນ 3 ໂຄງການໃຫຍ່ຂອງ ສເກົາຫລີ ຜະລິດໂທລະສັບມືຖື, ເຄື່ອງອາໄລ່ເອເລັກໂຕນິກ ນັ້ນແມ່ນ: ກຸ່ມບໍລິສັດເຕັກໂນໂລຊີສູງ Samsung ທາຍງວຽນ, ໂຄງການເອເລັກໂຕນິກ Samsung CE Complex ຢູ່ ນະຄອນ ໂຮ່ຈິມີນ ແລະ ໂຄງການ Samsung Display ຢູ່ແຂວງ ບັກນີງ. ບັນດາໂຄງການ FDI ລົງທຶນໃນຂົງເຂດເຕັກໂນໂລຊີສູງ ໄດ້ເຮັດໃຫ້ໂຄງປະກອບປະເພດສິນຄ້າສົ່ງອອກປ່ຽນແປງ, ປະກອບສ່ວນຊຸກຍູ້ການ ເຕີບໂຕເສດຖະກິດ. ສະເພາະ ກຸ່ມບໍລິສັດຜະລິດໂທລະສັບ ແລະ ຜະລິດຕະພັນເອເລັກໂຕນິກ ຢູ່ ບັກນີງ ແລະ ທາຍງວຽນ, ກຸ່ມບໍລິສັດ Samsung ໄດ້ລົງທຶນຈຳນວນເງິນ 6 ຕື້ USD ແລະ ສ້າງວຽກເຮັດງານທຳໃຫ້ແກ່ຄົນງານຫວຽດນາມ 60.000 ຄົນ. ແລະ ຈະມີປະມານ 35% ຈຳນວນໂທລະສັບມືຖືຂອງ Samsung ສະຫນອງໃຫ້ຕະຫລາດທົ່ວໂລກໄດ້ຮັບການປະກອບ ແລະ ຜະລິດຢູ່ຫວຽດນາມ ແລະ ຄາດວ່າ ຈະເພີ່ມຂຶ້ນປະມານ 50% ໃນອະນາຄົດໃກ້ໆນີ້. ບັນດາໂຄງການເຕັກໂນໂລຊີສູງຂອງບັນດາກຸ່ມບໍລິສັດຮ່ວມທຸລະກິດຈາກຫລາຍປະເທດ ໄດ້ ແລະ ພວມສ້າງເງື່ອນໄຂສ້າງຕັ້ງບັນດາວິສາຫະກິດອ້ອມຂ້າງ, ບັນດາວິສາຫະກິດອຸດສາຫະກຳສຳຮອງ. ປະສິດທິຜົນຂອງບັນດາໂຄງການ FDI ດັ່ງກ່າວໄດ້ປະກອບສ່ວນສ້າງແຫລ່ງຊັບພະຍາກອນມະນຸດສຳພັດກັບລະດັບສາກົນ. ທ່ານ ຫງວຽນວັນຈຸງ, ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນຫວຽດນາມ ຖືວ່າ:
“ໃນການດຶງດູດການລົງທຶນ, ຫວຽດນາມ ມີແຜນນະໂຍບາຍບໍ່ພຽງແຕ່ດຶງດູດການລົງທຶນດ້ວຍທຸກວິທີເທົ່ານັ້ນ ຫາກພຽງແຕ່ດຶງດູດບັນດາໂຄງການເຕັກໂນໂລຊີສູງ. ຕົວຢ່າງຄື: ໂຄງການກັ່ນຕອງນ້ຳມັນ, ຫລັງຈາກນັ້ນແມ່ນ ແມ່ນບັນດາໂຄງການອື່ນ, ບັນດາການບໍລິການຕິດພັນກັບກັ່ນຕອງນ້ຳມັນຈະ ມີການກະທົບສ້າງເປັນບັນດາວິສາຫະກິດອ້ອມຂ້າງຄື ບັນດາໂຄງການໃຫຍ່ພວມໄດ້ຮັບການຜັນຂະຫຍາຍກັບ ສເກົາຫລີ, ຍີ່ປຸ່ນ… ສະນັ້ນ ພວກເຮົາຄົ້ນຄ້ວາເພື່ອພັດທະນາອຸດສາຫະກຳສຳຮອງ, ນັ້ນແມ່ນສ້າງຕັ້ງເຂດອຸດສາຫະກຳສຳຮອງຈຳນວນຫນຶ່ງ.”
ໃນປີ 2014, ບັນດາໂຄງການ FDI ຊື່ງບັນດາວິສາຫະກິດ ຍີ່ປຸ່ນ ລົງທຶນເຂົ້າຫວຽດນາມ ກໍມີການຫັນປ່ຽນດ້ວຍລະບົບມູນຄ່າເພີ່ມຂອງບັນດາຜະລິດຕະພັນ. ການເພີ່ມຂຶ້ນບັນດາໂຄງການຂອງຍີ່ປຸ່ນ ໄດ້ປະກອບສ່ວນຊຸກຍູ້ບັນດາຂະແຫນງອຸດສາຫະກຳສຳຮອງ ກໍຄືການຖ່າຍທອດເຕັກໂນໂລຊີໃຫ້ແກ່ບັນດາວິສາຫະກິດທ້ອງຖິ່ນ. ທ່ານ ຟານຫືວທັງ, ອະດີດຫົວຫນ້າກົມລົງທຶນຕ່າງປະເທດ, ສັງກັດກະຊວງແຜນການ ແລະ ການລົງທຶນ ໄດ້ໃຫ້ຂໍ້ສັງເກດວ່າ:
“ເລື່ອງບັນດາວິສາຫະກິດຍີ່ປຸ່ນ ລົງທຶນ ປະຈຸບັນກວມ 86% ໃນຍອດຈຳນວນເງິນລົງທຶນເຂົ້າບັນດາຂະແຫນງອຸດສາຫະກຳປຸງແຕ່ງ, ການຜະລິດ ແມ່ນເໝາະສົມກັບຈຸດປະສົງລົງທຶນ ຊື່ງຫວຽດນາມ ໄດ້ວາງອອກນັບແຕ່ຫົວທີ. ນັ້ນແມ່ນ ຍົກສູງຄຸນນະພາບກະແສທຶນ FDI ເຂົ້າຫວຽດນາມ.”
ປີ 2014 ກໍເປັນຂີດໝາຍຫັນປ່ຽນສຳຄັນໃນໂຄງປະກອບດຶງດູດ FDI. ມີຫລາຍກຸ່ມບໍລິສັດ, ນັກລົງທຶນໃຫຍ່ ມາຈາກ ສເກົາຫລີ, ຍີ່ປຸ່ນ, ສິງກະໂປ… ໄດ້ມາຫວຽດນາມ ຊອກຫາກາລະໂອກາດລົງທຶນເຂົ້າໃນບັນດາຂົງເຂດກໍ່ສ້າງພື້ນຖານໂຄງລ່າງ, ພະລັງງານ, ຄົມມະນາຄົມ, ທ່າກຳປັ່ນ, ສະຫນາມບິນ… ກຸ່ມບໍລິສັດ Samsung ຂອງ ສເກົາຫລີ ພວມຊຸກຍູ້ການລົງທຶນກໍ່ສ້າງສາງສະສົມນ້ຳມັນ ຢູງກວັດ, ໂຄງການກໍ່ສ້າງໂຮງງານໄຟຟ້າໃຊ້ພະລັງຄວາມຮ້ອນ ງີເຊີນ 2 ຢູ່ ແຂວງ ແທງຮວາ. ໃນຂະນະນັ້ນ Marubeni, Mitsubishi ແລະ Sumitomo ແມ່ນບັນດາກຸ່ມບໍລິສັດໃຫຍ່ຂອງຍີ່ປຸ່ນ ກໍເອົາໃຈໃສ່ເຖິງບັນດາໂຄງການໄຟຟ້າໃຊ້ພະລັງຄວາມຮ້ອນ ຫວູງອາງ 2, ເວີນຟອງ 1 ແລະ ປາດຖະຫນາຢາກຍູ້ໄວລະດັບຄວາມໄວບັນດາໂຄງການນີ້.
ໝາກຜົນດຶງດູດ FDI ໃນປີ 2014 ບັນລຸ 17,33 ຕື້ USD ໃຫ້ເຫັນວ່າ ໄດ້ມີການຫັນປ່ຽນສຳຄັນໃນການຍົກສູງຄຸນນະພາບ ແລະ ປະສິດທິຜົນກະແສທຶນ FDI ເຂົ້າຫວຽດນາມ. ໝາກຜົນບັນລຸໄດ້ໃນການດຶງດູດ FDI ໃນສະພາວະພື້ນຖານເສດຖະກິດໂລກບໍ່ທັນຟື້ນຕົວ ໄດ້ຢືນຢັນໃຫ້ເຫັນນະໂຍບາຍຂອງລັດຖະບານຫວຽດນາມ ແມ່ນຕັດສິນໃຈປັບປຸງສະພາບແວດລ້ອມແຫ່ງການລົງທຶນ ອັນໄດ້ນຳມາເຊິ່ງປະສິດທິຜົນໃຫ້ແກ່ພື້ນຖານເສດຖະກິດ.