(vovworld) - ບົດລາຍງານຄວາມສາມາດແກ່ງແຍ້ງຂັ້ນແຂວງປີ 2015 (PCI) ທີ່ຫ້ອງການການຄ້າ ອຸດສາຫະກຳຫວຽດນນາມ (VCCI) ຫາກໍ່ປະກາດຂຶ້ນ. ນີ້ບໍ່ພຽງແຕ່ເປັນການຄົ້ນຄວ້າ, ສຳຫຼວດມີລັກສະນະທາບທາມເທົ່ານັ້ນ, ຫາກຍັງໄດ້ຮັບຖືວ່າ ເປັນໄມ້ຫຼາວັດແທກຢ່າງຈະແຈ້ງທີີ່ສຸດໃຫ້ບັນດາຄວາມມານະພະຍາຍາມຂອງອຳນາດການປົກຄອງທ້ອງຖິ່ນໃນການປັບປຸງສະພາບແວດລ້ອມແຫ່ງການລົງທຶນ, ຍົກສູງກຳລັງແກ່ງແຍ້ງຂັ້ນແຂວງ. ໝາກຜົນທີ່ປະກາດໃນປີນີ້ໄດ້ຊີ້ໃຫ້ເຫັນວ່າ, ມີບາງທ້ອງຖິ່ນໄດ້ບືນຕົວຂຶ້ນທີ່ຕັ້ງສູງໃນຕາຕະລາງຈັດອັນດັບ. ນັກຂ່າວ ຫວຽດຮ່າ ມີບົດເຕື້ອງເຖິງບັນຫານີ້.
ໃນຕາຕະລາງຈັດອັນດັບປີນີ້, ເປັນຄັ້ງທຳອິດທີ່ແຂວງ ວິ້ງຟຸກ ນອນໃນ top 5 ທ້ອງຖິ່ນທີ່ມີກຳລັງແກ່ງແຍ້ງ, ດຶງດູດການລົງທຶນສູງກວ່າໝູ່ໃນທົ່ວປະເທດ. ເມື່ອຫວນຄືນໄລຍະທາງຂອງທ້ອງຖິ່ນ ອາດຈະເຫັນໄດ້ການບຸກທະລຸຢ່າງແຮງ. ປີ 2012, ແຂວງ ວິ້ງຟຸກ ຢືນອັນດັບທີ 10 ໃນຕາຕະລາງຈັດອັນດັບ, ແຕ່ປີ 2013 ຖືກຕົກລົງອັນດັບທີ 34. ດ້ວຍຄວາມຕັດສິນໃຈຍົກສູງທີ່ຕັ້ງອັນດັບໃນຕາຕະລາງຈັດອັນດັບ, ຍາດແຍ່ງສະພາບແວດລ້ອມແຫ່ງການລົງທຶນທີ່ດີໃຫ້ວິສາຫະກິດຄືນໃໝ່, ຮອດປີ 2013, ວິ້ງຟຸກ ຖືກຈັດອັນດັບທີ 26 ແລະ ປີ 2015 ຖືກຈັດໃນ top ທຳອິດ. ທ່ານ ເດື່ອງຈ້ອງຄາງ, ຮອງປະທານສະມາຄົມວິສາຫະກິດວິ້ງຟຸກ ໃຫ້ຮູ້ກ່ຽວກັບການກຳນົດບົດບາດສຳຄັນຂອງວິສາຫະກິດໃນການພັດທະນາເສດຖະກິດສັງຄົມຢູ່ທ້ອງຖິ່ນ, ການນຳແຂວງຍາມໃດກໍ່ໃກ້ຊິດແກ້ໄຂຂໍ້ຕິດຂັດ, ຄວາມຫຍຸ້ງຍາກໃຫ້ວິສາຫະກິດທຳການເຄື່ອນໄຫວຢ່າງທັນການ.
“ເພື່ອໃຫ້ສະພາບແວດລ້ອມແຫ່ງການລົງທຶນນັບມື້ນັບມີຄວາມດູດດຶ່ມກວ່າ, ການນຳແຂວງ ວິ້ງຟຸກ ແລະ ບັນດາອົງການທີ່ກ່ຽວຂ້ອງໄດ້ເອົາໃຈໃສ່ເຖິງວິສາຫະກິດເປັນປະຈຳ. ແຕ່ລະງວດລ້ວນແຕ່ສຳຫຼວດວິສາຫະກິດແຕ່ 50 – 90 ແຫ່ງ ເພື່ອຮັບຟັງເຂົາເຈົ້າສ່ອງແສງຫຍັງແດ່ກ່ຽວກັບຂໍ້ຫຍຸ້ງຍາກ, ຕິດຂັດ, ບັນດາຂໍ້ສະເໜີ, ບັນດາອົງການຂອງລັດໄດ້ຮັບໃຊ້ວິສາຫະກິດຮອດລະດັບໃດ. ແລ້ວເງື່ອນໄຂໃຫ້ບັນດານັກລົງທຶນຕ່າງປະເທດ, ບັນດານະໂຍບາຍກ່ຽວກັບທີ່ດິນ, ບັນດາລະບຽບການບໍລິຫານ… ຍາມໃດທາງແຂວງກໍຮັບຟັງຄຳເຫັນຈາກຝ່າຍວິສາຫະກິດ ຕໍ່ຈາກນັ້ນກໍ່ມີທິດທາງການແກ້ໄຂ”.
ແຂວງ ທ໋າຍງວຽນ ກໍ່ແມ່ນຈຸດພົ້ນເດັ່ນໃນການປັບປຸງສະພາບແວດລ້ອມແຫ່ງການລົງທຶນ, ນັບແຕ່ຖືກຈັດອັນດັບທີ 57/63 ແຂວງ, ນະຄອນ ໃນປີ 2011, ປີ 2015 ທ໋າຍງວຽນ ໄດ້ບືນຕົວຂຶ້ນໃນອັນດັບທີ 7/63 ແຂວງ, ນະຄອນ. ທ່ານ ຍື້ວັນເຕີມ, ຮອງປະທານຜູ້ປະຈຳການຄະນະກຳມະການປະຊາຊົນແຂວງທ໋າຍງວຽນ ຖືວ່າ, ຜ່ານບັນດາດັດຊະນີ PCI, ອຳນາດການປົກຄອງທ້ອງຖິ່ນເຫັນໄດ້ບັນດາສິ່ງຈຳກັດ, ອ່ອນດ້ອຍເຊິ່ງຕ້ອງໄດ້ຮັບການແກ້ໄຂ, ປ່ຽນໃໝ່ເພື່ອໜູນຊ່ວຍວິສາຫະກິດເຄື່ອນໄຫວ. ກົງກັນຂ້າມ, ດັດຊະນີ PCI ສູງຂຶ້ນ ຈະຊ່ວຍໃຫ້ທ້ອງຖິ່ນດຶງດູດນັກລົງທຶນໄດ້ຫຼາຍ. ຄືປີ 2015, ພາຍຫຼັງບືນຕົວຂຶ້ນໃນອັນດັບທີ 8 ໃນຕາຕະລາງຈັດອັນດັບ PCI (ປີ 2014), ເສດຖະກິດທ໋າຍງວຽນ ໄດ້ມີບາດກ້າວພັດທະນາກະໂດດຂັ້ນ, ດ້ວຍລະດັບເຕີບໂຕບັນລຸກວ່າ 25%. ການດຶງດູດເງິນລົງທຶນໂດຍກົງຈາກຕ່າງປະເທດກໍ່ໄດ້ເພີ່ມຂຶ້ນຢ່າງແຮງ. ມາຮອດປະຈຸບັນ, ນອກຈາກກຸ່ມບໍລິສັດ Samsung ແລ້ວ, ທ໋າຍງວຽນ ຍັງມີກວ່າ 80 ໂຄງການໄດ້ຈົດທະບຽນລົງທຶນ ແລະ ຍົກຍອດຈຳນວນທຶນຈົດທະບຽນຢູ່ທ້ອງຖິ່ນຂຶ້ນເຖິງ 7,1 ຕື້ USD. ທ່ານ ຍື້ວັນເຕີມ ໃຫ້ຮູ້ວ່າ.
“ປະຈຸບັນ, ກຸ່ມບໍລິສັດ Samsung ໄດ້ລົງທຶນຢູ່ທ໋າຍງວຽນ 6 ຕື້ USD, ປ່ອຍເງິນໄດ້ກວ່າ 5 ຕື້ USD. ປະຈຸບັນ, ເຂົາເຈົ້ານຳໃຊ້ຄົນງານກວ່າ 70.000 ຄົນ, ສ້າງບາດກ້າວບຸກທະລຸໃນການເຕີບໂຕເສດຖະກິດຂອງທ໋າຍງວຽນ. ປະຈຸບັນ, ທ໋າຍງວຽນ ພວມປະຕິບັດກົນໄກປະຕູດຽວ ແລະ ປະຕູດຽວໃນການເຊື່ອມຕໍ່, ພວກຂ້າພະເຈົ້າໄດ້ປະຕິບັດດີພໍສົມຄວນ ແລະ ໃນແຕ່ລະປີລ້ວນແຕ່ມີການຕີລາຄາເພື່ອຖອດຖອນບົດຮຽນ. ທັດສະນະຂອງການນຳແຂວງ ແມ່ນ ຫັນບັນດາລະບຽບການບໍລິຫານເປັນງ່າຍດ່າຍ, ສ້າງເງື່ອນໄຂສະດວກໃຫ້ແກ່ວິສາຫະກິດ”.