ຕາມຕົວເລກສະຖິຕິຂອງກະຊວງແຜນການ ແລະ ການລົງທຶນແລ້ວ, ໃນ 7 ເດືອນຜ່ານມາ, ທົ່ວປະເທດມີ 2068 ໂຄງການລົງທຶນໂດຍກົງຈາກຕ່າງປະເທດ ໄດ້ຮັບໜັງສືຢັ້ງຢືນລົງທຶນໃໝ່ ແລະ ເພີ່ມເງິນລົງທຶນ ດ້ວຍຍອດຈຳນວນທຶນຈົດທະບຽນບັນລຸເກືອບ 13 ຕື້ USD, ເພີ່ມຂຶ້ນຢ່າງແຮງນັບທັງດ້ານຈຳນວນໂຄງການ ແລະ ຈຳນວນທຶນໃຫ້ຄຳໝັ້ນສັນຍາ ເມື່ອທຽບໃສ່ໄລຍະດຽວກັນຂອງປີ 2015. ປະຈຸບັນ, ວິສາຫະກິດລົງທຶນໂດຍກົງຈາກຕ່າງປະເທດ ໄດ້ປະກອບປະມານ 20% ຍອດຈຳນວນລາຍຮັບງົບປະທານຂອງລັດ ແລະ 20% GDP ຂອງຫວຽດນາມ. ການປະກອບສ່ວນຂອງພາກສ່ວນວິສາຫະກິດນີ້ ບໍ່ພຽງແຕ່ເພື່ອໃຫ້ການເຕີບໂຕເທົ່ານັ້ນ, ຫາກຍັງສ້າງທ່າແຮງໃຫ້ຫວຽດນາມ ໃນວິວັດແຫ່ງການເຊື່ອມໂຍງເຂົ້າກັບເສດຖະກິດໂລກອີກດ້ວຍ. ແຕ່ນີ້ຍັງບໍ່ທັນປະກົດການທີ່ຕັ້ງໜ້າໜຶ່ງດຽວຂອງແຫຼ່ງທຶນ FDI. ຕາມສະມາຄົມວິສາຫະກິດລົງທຶນຕ່າງປະເທດແລ້ວ, ນັບແຕ່ຕົ້ນປີມາຮອດປະຈຸບັນ, ກຸ່ມລົງທຶນໂດຍກົງຈາກຕ່າງປະເທດໄດ້ພົ້ນເດັ່ນຂຶ້ນ ແມ່ນກຳລັງໜູນເຕີນໂຕຢ່າງແຮງຂອງພື້ນຖານເສດຖະກິດ, ສະແດງອອກຜ່ານການປ່ອຍເງິນລົງທຶນເພີ່ມຂຶ້ນຢ່າງແຮງເຊິ່ງບໍ່ເຄີຍມີມາ. ໂດຍລະອຽດແມ່ນ, ປີ 2015, ການເຕີບໂຕທຶນ FDI ປະຕິບັດບັນລຸກວ່າ 12%, ສູງທີ່ສຸດໃນຮອບເວລາ 15 ປີຜ່ານມາ. ພິເສດແມ່ນປີ 2016 ນີ້, ພຽງຄິດໄລ່ຮອດທ້າຍເດືອນ 7, ຈຳນວນຕົວເລກນີ້ໄດ້ເພີ່ມຂຶ້ນ 15,5% ເມື່ອທຽບໃສ່ໄລຍະດຽວກັບຂອງປີ 2015. ທ່ານ ຫງວຽນວັນຕ່ວານ, ຮອງປະທານສະມາຄົມວິສາຫະກິດລົງທຶນຕ່າງປະເທດ ໃຫ້ຮູ້ວ່າ.
“ທ່າອ່ຽງດຶງດູດການລົງທຶນຈາກຕ່າງປະເທດຂອງປີ 2016 ແມ່ນໝາກຜົນຕັ້ງໜ້າຂອງການເຊື່ອມໂຍງ. ການປ່ອຍເງິນໄດ້ຊີ້ໃຫ້ເຫັນວ່າ, ນັກລົງທຶນຕ່າງປະເທດມີຄວາມອຸ່ນອ່ຽນໃຈ ຍ້ອນເມື່ອຈົດທະບຽນ ເຂົາເຈົ້າຍັງສາມາດຖອນຄືນໄດ້, ແຕ່ເມື່ອເຂົາເຈົ້າໄດ້ປ່ອຍເງິນແລ້ວ ໝາຍຄວາມວ່າເຂົາເຈົ້າໄດ້ນຳເອົາເງິນ, ຊັບສົມບັດເຂົ້າແລ້ວ. ການປ່ອຍເງິນເພີ່ມຂຶ້ນສະແດງໃຫ້ເຫັນວ່າ ການດຶງດູດຕ່າງປະເທດລົງທຶນເຂົ້າຫວຽດນາມ ແມ່ນດີກວ່າຢ່າງແທ້ຈິງ, ນັ້ນແມ່ນສິ່ງທີ່ພວກເຮົາປາດຖະໜາ ແລະ ມີຄວາມຫວັງ”.
ເຖິງຢ່າງໃດກໍ່ຕາມ, ນອກຈາກບັນດາໝາກຜົນທີ່ໜ້າປະທັບໃຈ, ການດຶງດູດ FDI ພວມປະສົບກັບຄວາມຫຍຸ້ງຍາກຫຼາຍຢ່າງ, ພ້ອມກັບຜົນຮ້າຍທີ່ຫຍໍ້ທໍ້ກ່ຽວກັບສິ່ງແວດລ້ອມ ກໍຄືໝາກຜົນການດຳເນີນທຸລະກິດ. ຕາມການຄົ້ນຄວ້າຜົນກະທົບຕໍ່ສິ່ງແວດລ້ອມ ຂອງກຸ່ມລົງທຶນໂດຍກົງຈາກຕ່າງປະເທດເຂົ້າຫວຽດນາມ ຂອງສະຖາບັນຄົ້ນຄວ້າຄຸ້ມຄອງເສດຖະກິດສູນກາງ ທີ່ປະກາດຫວ່າງແລ້ວນີ້, ແຕ່ປີ 2011 ຮອດປີ 2015, ນັບມື້ນັບມີວິສາຫະກິດຫຼາຍແຫ່ງມີເຕັກໂນໂລຊີຕ່ຳ, ໃຊ້ພະລັງງານຫຼາຍ, ປ່ອຍສິ່ງເສດເຫຼືອຫຼາຍຄື: ຕ່ຳແຜ່ນຕັດຫຍິບ, ທາດເຄມີ, ເອເລກໂຕນິກ, ເຈ້ຍ, ຂາງ - ເຫຼັກກ້າ… ເປີດກວ້າງການລົງທຶນເຂົ້າຫວຽດນາມ. ທ່ານຮອງສາດສະດາຈານ, ປະລິຍາເອກ ໂຕຈຸງແທ່ງ, ມະຫາວິທະຍາໄລເສດຖະກິດ ຖືວ່າ, ເມື່ອບັນດາວິສາຫະກິດຕ່າງປະເທດເຂົ້າຫວຽດນາມ ນຳເອົາເຕັກໂນໂລຊີເກົ່າ, ບໍ່ພຽງແຕ່ສົ່ງຜົນສະທ້ອນເຖິງສິ່ງແວດລ້ອມເທົ່ານັ້ນ, ຫາກລັກສະນະແຜ່ຂະຫຍາຍດ້ານເຕັກໂນໂລຊີຈາກບັນດາວິສາຫະກິດດັ່ງກ່າວກໍ່ເກືອບຄືວ່າບໍ່ມີ.
“ຕາມຕົວເລກຂອງກະຊວງແຜນການ ແລະ ການລົງທຶນແລ້ວ, ຜ່ານໄລຍະ 25 ປີແຫ່ງການດຶງດູດ FDI ໄດ້ເຫັນວ່າ, 80% ເຕັກໂນໂລຊີຂອງພາກພື້ນ FDI ເຂົ້າຫວຽດນາມ ແມ່ນເຕັກໂນໂລຊີປານກາງ, ເຕັກໂນໂລຊີສູງກວມເອົາພຽງ 6 %. ດ້ວຍເລື່ອງວິສາຫະກິດ FDI ລົງທຶນເຂົ້າຫວຽດນາມ ຕົ້ນຕໍ່ແມ່ນໝູນໃຊ້ຊັບພະຍາກອນ, ກຳມະກອນລາຄາຖືກ ສິ່ງທີ່ຈະແຈ້ງແລ້ວວ່າ ພວກເຮົາຕ້ອງຍອມຮັບ, ຖ້າຫາກພວກເຮົາຍັງຢາກອີ່ງໃສ່ FDI ເພື່ອເຕີບໂຕ, ຍ້ອນປະຈຸບັນ FDI ພວມລົງທຶນຄືດັ່ງເຕັກໂນໂລຊີຕ່ຳ, ມູນຄ່າເພີ່ມຕ່ຳ.”
ເພື່ອຕອບສະໜອງຄວາມຕ້ອງການຂອງສະພາບການໃໝ່, ພິເສດແມ່ນໃນສະພາບຫວຽດນາມ ເຊື່ອມໂຍງເຂົ້າກັບພື້ນຖານເສດຖະກິດສາກົນນັບມື້ນັບເລິກເຊິ່ງກວ່າ, ທ່ານ ໂດ້ເຍີດຮ່ວາງ, ຫົວໜ້າກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນ ຖືວ່າ, ຕ້ອງຜັນຂະຫຍາຍການຄົ້ນຄວ້າໂດຍໄວ, ຕີລາຄາຢ່າງພາວະວິໄສກ່ຽວກັບການລົງທຶນໂດຍກົງຈາກຕ່າງປະເທດ ເພື່ອມີບັນດານະໂຍບາຍເໝາະສົມ, ຍົກສູງປະສິດທິຜົນຂອງແຫຼ່ງທຶນດັ່ງກ່າວ.
“ແບ່ງຂັ້ນຄຸ້ມຄອງແມ່ນແຜນນະໂຍບາຍທີ່ຖືກຕ້ອງ, ແຕ່ການຄຸ້ມຄອງພາຍຫຼັງການແບ່ງຂັ້ນແມ່ນຫຍັງ ແລະ ກຳນົດການແບ່ງຂັ້ນຄືແນວໃດ, ຂ້າພະເຈົ້າຄິດວ່າ ພວກເຮົາຕ້ອງພິຈາລະນາຄືນໃຫມ່ ແລະ ຕ້ອງມີການປ່ຽນໃໝ່. ທີ່ 2, ໃນມະຕິສະບັບຕ່າງໆຫວ່າງແລ້ວນີ້ຂອງລັດຖະບານ ກໍ່ໄດ້ຍົກອອກກ່ຽວກັບການຄຸ້ມຄອງການລົງທຶນຈາກຕ່າງປະເທດຢ່າງຈະແຈ້ງ. ພວກເຮົາກໍ່ໄດ້ເຕື້ອງເຖິງຢ່າງຈະແຈ້ງວ່າ ຕ້ອງເຮັດແນວໃດເພື່ອດຶງດູດເງິນລົງທຶນຕ່າງປະເທດ ທີ່ມີຜົນປະໂຫຍດໃຫ້ແກ່ຫວຽດນາມ ຢ່າງແທ້ຈິງ, ມີຜົນປະໂຫຍດຢ່າງຍາວນານໃຫ້ແກ່ການພັດທະນາຢ່າງໝັ້ນຄົງຂອງຫວຽດນາມ, ໃນນັ້ນມີບັນຫາສິ່ງແວດລ້ອມ, ຄວາມຮັບຜິດຊອບຕໍ່ສັງຄົມ ກໍຄືການຄຸ້ມຄອງບັນດາການລະເມີດກົດໝາຍຂອງນັກລົງທຶນຕ່າງປະເທດ”.
ເພື່ອໃຫ້ແຫຼ່ງເງິນລົງທຶນໂດຍກົງຈາກຕ່າງປະເທດເປັນກຳລັງໜູນໃຫ້ແກ່ການພັດທະນາເສດຖະກິດຂອງປະເທດຢ່າງແທ້ຈິງ, ສ້າງການແຜ່ລາມອອກຢ່າງກວ້າງຂວາງໃຫ້ບັນດາວິສາຫະກິດພາຍໃນປະເທດ, ເພີ່ມທີ່ຕັ້ງບົດບາດຂອງຫວຽດນາມ ໃນແຜນທີ່ເສດຖະກິດໂລກ, ບັນດານັກຊ່ຽວຊານດ້ານເສດຖະກິດຖືວ່າ, ໃນໄລຍະ 2016 – 2020, ບັນດານະໂຍບາຍດຶງດູດການລົງທຶນຈາກຕ່າງປະເທດ ຕ້ອງມຸ່ງໄປເຖິງບັນດາຂົງເຂດລະອຽດ, ບຸລິມະສິດໃຫ້ບັນດາການເຄື່ອນໄຫວຜະລິດ ສ້າງມູນຄ່າເພີ່ມ ຫຼື ໃຫ້ບຸລິມະສິດແກ່ບັນດາໂຄງການລົງທຶນໃຫ້ຂະແໜງອຸດສາຫະກຳສູງ. ພິເສດ, ດຶງດູດເງິນລົງທຶນໂດຍກົງຈາກຕ່າງປະເທດ ຕ້ອງເໝາະສົມກັບແຕ່ລະຂະແໜງ, ພາກສ່ວນກ່ຽວກັບເງື່ອນໄຂເສດຖະກິດ, ພູມຊາດ, ແຫຼ່ງຊັບພະຍາກອນ ແລະ ມີການດຶງດູດບັນດາວິສາຫະກິດພາຍໃນປະເທດເຂົ້າຮ່ວມລະບົບມູນຄ່າທົ່ວໂລກ.