ຄຳສັ່ງເລກທີ 1792 ຂອງລັດຖະບານ ວາງອອກຫວ່າງແລ້ວນີ້, ອີກຄັ້ງຫນຶ່ງໄດ້ເປັນການຢືນຢັນໃນການສືບຕໍ່ຄວບຄຸມການລົງທຶນຂອງລັດ, ຕາມນັ້ນແລ້ວ, ບັນດາກະຊວງ, ຂະແຫນງການ ແລະ ທ້ອງຖິ່ນຕ້ອງຫລຸດຜ່ອນການລົງທຶນຂອງລັດລົງຢ່າງວ່ອງໄວ, ລະດົມແຫລ່ງທຶນຂອງບັນດາພາກສ່ວນເສດຖະກິດພາຍໃນ ແລະ ຕ່າງປະເທດ ເພື່ອລົງທຶນເຂົ້າບັນດາໂຄງການພື້ນຖານໂຄງລ່າງເສດຖະກິດສັງຄົມ. ພິເສດແມນ ຈະບໍ່ຈັດແບ່ງທຶນໃຫ້ແກ່ບັນດາໂຄງການອາດຈະຫັນປ່ຽນຮູບການລົງທຶນໃໝ່. ຄຳສັ່ງດັ່ງກ່າວໄດ້ສະແດງໃຫ້ເຫັນຄວາມຕັດສິນໃຈໃນການແກ້ໄຂສະພາບຈັດແບ່ງທຶນບໍ່ມີຈຸດສຸມ, ບໍ່ບັນລຸປະສິດທິຜົນ ພ້ອມທັງເປີດຊ່ອງທາງດຶງດູດເງິນລົງທຶນໃຫມ່ໃຫ້ແກ່ບັນດານັກລົງທຶນພາກເອກະຊົນ.
ຕາມ ທ່ານ ບູ່ຍກວາງວີນ ລັດຖະມົນຕີກະຊວງແຜນການ ແລະ ການລົງທຶນຫວຽດນາມ ແລ້ວ, ດ້ວຍຄຳສັ່ງສະບັບນີ້, ຈະມີປະມານ 2/3 ໂຄງການ, ກິດຈະກຳທີ່ໄດ້ຮັບການອະນຸມັດລົງທຶນໃນໄລຍະ 2011 - 2015 ບໍ່ໄດ້ຮັບແຫລ່ງທຶນຈາກງົບປະມານຂອງລັດ. ບັນດາໂຄງການນີ້ສ່ວນຫລາຍແມ່ນບັນດາໂຄງການກໍ່ສ້າງເສັ້ນທາງຄົມ ມະນາຄົມ, ຊົນລະປະທານ, ໂຮງໝໍ, ໂຮງຮຽນ. ສະນັ້ນບັນດາຄວາມຫຍຸ້ງຍາກທີ່ເກີດມາຈາກ ສະພາບຂາດທຶນຮອນ ແລະ ການຫັນປ່ຽນຮູບການລົງທຶນນັ້ນ ແມ່ນບໍ່ສາມາດຫລີກລ້ຽງໄດ້. ເຖິງຢ່າງໃດກໍຕາມ, ໃນສະພາບຄືປະຈຸບັນ, ຕ້ອງຮັດກຸ່ມເລື່ອງຈັດແບ່ງທຶນ ເພື່ອສຸມທຸກແຫຼ່ງກຳລັງເຂົ້າໃນການສ້າງສຳເລັດບັນດາກິດ ຈະກຳໃຫຍ່ຈຳນວນຫນຶ່ງ ເພື່ອເສີມຂະຫຍາຍປະສິດທິຜົນກວ່າອີກ. ຍິ່ງໄປກວ່ານັ້ນ ນີ້ກໍແມ່ນທ່າອ່ຽງລວມຂອງໂລກ ເພື່ອ ຫລຸດຜ່ອນຄວາມຫຍຸ້ງຍາກໃຫ້ແກ່ງົບປະມານແຫ່ງລັດ ພ້ອມກັນນັ້ນ ກໍ່ເປັນການສ້າງກາລະໂອກາດໃຫ້ແກ່ບັນດານັກລົງທຶນອື່ນ. ເພາະສະນັ້ນ ຕາມລັດຖະມົນຕີ ບູ່ຍກວາງວີນ ແລ້ວ, ບັນດາກະຊວງ, ຂະແຫນງການ ຈາກຂັ້ນສູນກາງຕະຫລອດຮອດຂັ້ນທ້ອງຖິ່ນ ຈະຕ້ອງສືບຕໍ່ສ້າງກົນໄກ ເພື່ອລະດົມທຸກແຫລ່ງກຳລັງໃຫ້ແກ່ການລົງທຶນພັດທະນາ.
“ເພື່ອຕອບສະຫນອງການປະຕິບັດຄຳສັ່ງເລກທີ 1792 ຂອງປີ 2012 ກໍຄືໃຫ້ແກ່ຊຸມປີຕໍ່ໆໄປ ກະຊວງແຜນການ ແລະ ການລົງທຶນຫວຽດນາມ ຈະກວດກາຄືນບັນດາຂໍ້ກຳນົດກ່ຽວກັບຮູບການດຶງດູດການລົງທຶນຄື: PPP, BOT. … ບັນດາຮູບການດຶງດູດການລົງທຶນຈາກພາກເອກະຊົນ. ພິເສດແມ່ນໃນສະພາບການຫັນປ່ຽນຄືແນວນັ້ນ, ພວກເຮົາຄວນສ້າງກົນໄກຢ່າງສະດວກກວ່າ. ຊ້ຳບໍ່ໜຳ ລັດຕ້ອງມີຮູບການຫນູນຊ່ວຍທີ່ດີໃຫ້ແກ່ບັນດາວິສາຫະກິດພາກເອກະຊົນ.“
ຄຳສັ່ງດັ່ງກ່າວຂອງລັດຖະບານກໍໄດ້ຮັບຄວາມເຫັນດີເຫັນພ້ອມຈາກບັນດາກະ ຊວງ, ຂະແຫນງການ ແລະ ທ້ອງຖິ່ນ. ທ່ານ ໂຮ່ດຶກເຟີກ ປະທານຄະນະກຳມະການປະຊາຊົນແຂວງ ເຫງ້ອານ ໃຫ້ຮູ້ວ່າ: ທາງແຂວງຍາມໃດກໍພ້ອມແລ້ວທີ່ຈະສ້າງທຸກເງື່ອນໄຂອຳນວຍຄວາມສະດວກເພື່ອໃຫ້ບັນດານັກລົງທຶນປະຕິບັດບັນດາໂຄງການພັດທະນາເສດຖະກິດ ສັງຄົມ.
“ຢາກດຶງດູດການລົງທຶນຈາກບັນດານັກລົງທຶນພາກເອກະຊົນໃຫ້ໄດ້ນັ້ນ, ກ່ອນອື່ນໝົດຕ້ອງປະຕິຮູບລະບຽບການບໍລິຫານ. ຄຽງຂ້າງນັ້ນ ຕ້ອງສ້າງພື້ນຖານໂຄງລ່າງໃຫ້ ໄດ້, ເພີ່ມທະວີວຽກງານບຸກເບີກຫນ້າພຽງ ພ້ອມກັບການສະຫນອງແຫລ່ງຊັບພະຍາ ກອນມະນຸດ ແລະ ບັນດາກົນໄກນະໂຍບາຍເຮັດແນວໃດ ເພື່ອໃຫ້ນັກລົງທຶນເຫັນໄດ້ວ່າ ການລົງທຶນເຂົ້າແຂວງຂອງພວກຂ້າພະເຈົ້າມີຄວາມສະດວກ ແລະ ບັນລຸປະສິດທິຜົນ ສູງ.“
ເຖິງຢ່າງໃດກໍຕາມ, ຕາມທ່ານລັດຖະມົນຕີ ບູ່ຍກວາງວີນແລ້ວ, ເລື່ອງດຶງດູດຮູບການລົງທຶນນີ້ ພຽງແຕ່ນຳໃຊ້ສະເພາະໃຫ້ແກ່ບັນດາກິດຈະກຳ, ໂຄງການທີ່ສາມາດເກັບທຶນຄືນໄວ ຄືຢູ່ ຮ່າໂນ້ຍ, ນະຄອນ ໂຮ່ຈິມີນ ແລະ ແຂວງ, ນະຄອນໃຫຍ່ຈຳນວນຫນຶ່ງ ເທົ່ານັ້ນ. ບັນດາທ້ອງຖິ່ນພວມມີເງື່ອນໄຂຫຍຸ້ງຍາກ, ຍາກທີ່ຈະຫັນປ່ຽນຮູບການລົງທຶນ ແລະ ເລື່ອງກຳນົດຢ່າງແຫນ້ນແຟ້ນຄືແນວນັ້ນ ຈະສົ່ງຜົນສະທ້ອນບໍ່ດີເຖິງຊີວິດຂອງ ປະຊາຊົນໄດ້.
“ເປັນທີ່ຈະແຈ້ງແລ້ວວ່າ ສຳຫຼັບບັນດາແຂວງເຂດພູດອຍຕິດກັບຊາຍແດນ ຄວາມສາມາດຫັນປ່ຽນຮູບການລົງທຶນເຂົ້າບັນດາກິດຈະກຳແມ່ນຫນ້ອຍສຸດ. ເພາະສະນັ້ນ ລັດຈະເອົາໃຈໃສ່ແກ້ໄຂບັນຫານີ້. ດ້ວຍການຫນູນຊ່ວຍຫລາຍກວ່າ ລົງທຶນຫຼາຍກວ່າບັນດາແຂວງ, ນະຄອນອື່ນໆ. ເຖິງຢ່າງໃດກໍຕາມ, ຖ້າຫາກບັນດາທ້ອງຖິ່ນນີ້ ຈັດແບ່ງທຶນແບບກະຈັດກະຈາຍ ແມ່ນຕ້ອງປະຕິບັດຕາມຫລັກການລວມ.“
ເປັນຄັ້ງທຳອິດ, ທີ່ກົນໄກມອບໝາຍຫນ້າທີ່ພ້ອມກັບຄວາມຮັບຜິດຊອບຂອງ ສ່ວນບຸກຄົນໃນການອະນຸມັດ, ກວດກາໂຄງການກໍຄືຈັດແບ່ງທຶນໃຫ້ແກ່ໂຄງການຖືກເຕື້ອງເຖິງໃນຄຳສັ່ງ. ຕາມນັ້ນແລ້ວ, ບຸກຄົນໃດມີສິດອຳນາດ ແຕ່ປະໃຫ້ໂຄງການຜັນຂະຫຍາຍໃນໄລຍະຍາວ, ກໍ່ໃຫ້ເກີດການຮົ່ວໄຫລ ແມ່ນຕ້ອງຮັບຜິດຊອບນັບທັງດ້ານບໍລິຫານ ແລະ ເສດຖະກິດ. ຈຸດໃຫມ່ຫນຶ່ງອີກໃນຄຳສັ່ງເລກທີ 1792 ຂອງລັດຖະບານນັ້ນແມ່ນ ກະຊວງແຜນ ການ ແລະ ການລົງທຶນ ຫວຽດນາມ ຕ້ອງປະກາດແຜນການລະອຽດ ໃນການຈັດແບ່ງຍອດເງິນລົງທຶນໃຫ້ແກ່ໄລຍະ 3 - 5 ປີຈະມາເຖິງ, ແທນໃຫ້ການສ້າງແຜນການແບບຢູ່ໃນທ່າຮັບໃຫ້ແຕ່ລະປີ ເຊິ່ງເຄີຍປະຕິບັດມາກ່ອນນີ້. ບົນພື້ນຖານນັ້ນ, ບັນດາກະຊວງ, ຂະແຫນງການ ແລະ ທ້ອງຖິ່ນ ຕ້ອງຕົກລົງດ້ວຍຕົນເອງໃນການຈັດແບ່ງ, ນຳໃຊ້ແຫລ່ງທຶນໃຫ້ເໝາະສົມ, ມີປະສິດທິຜົນ. ເຖິງຢ່າງໃດກໍຕາມ, ເລື່ອງຈັດແບ່ງນີ້ ຕ້ອງມີການຄວບຄຸມຈາກສູນກາງເພື່ອບໍ່ປະໃຫ້ເກີດສະພາບການລົງທຶນແບບກະແຈກກະຈາຍຄືໃນເມື່ອກອ່ນອີກ.
ຕາມບັນດາຜູ້ຊ່ຽວຊານດ້ານເສດຖະກິດແລ້ວ, ຄຳສັ່ງເລກທີ 1792 ຈະເຮັດໃຫ້ການຈັດແບ່ງທຶນມີຈຸດສຸມກວ່າເມື່ອທຽບກັບກ່ອນນີ້ຢ່າງແນ່ນອນ ອັນຈະສ້າງບາດກ້າວບຸກທະລຸ, ເລີ່ມຕົ້ນໃຫ້ແກ່ການສ້າງໂຄງປະກອບການລົງທຶນຂອງລັດ. ຄຳສັ່ງກໍ່ສະແດງໃຫ້ເຫັນວ່າ ລັດຖະບານພ້ອມແລ້ວທີ່ຈະເປີດຊ່ອງທາງລົງທຶນໃໝ່ໃຫ້ແກ່ບັນດານັກລົງ ທຶນພາຍໃນ ແລະ ຕ່າງປະເທດ ເພື່ອສາມາດເຂົ້າຮ່ວມບັນດາໂຄງການຊຶ່ງກອ່ນນີ້ມີພຽງແຕ່ລັດລົງທຶນເທົ່ານັ້ນ.
ແມ້ງຮຸ່ງ