ໃນ 6 ເດືອນຕົ້ນປີ 2016, ເສດຖະກິດຫວຽດນາມ ໄດ້ຮັບການກະທົບຫຼາຍຢ່າງຈາກການຊຸດຊົມຂອງບັນດາພື້ນຖານເສດຖະກິດໃຫຍ່ໃນໂລກ. ຢູ່ພາຍໃນປະເທດ, ຫວຽດນາມ ຖືກຜົນເສຍຫາຍຫຼາຍຢ່າງຈາກໄພທຳມະຊາດ, ໄພແຫ້ງແລ້ງຮ້າຍແຮງທີ່ສຸດໃນຮອບ 100 ປີຜ່ານມາ. ບັນດາແຂວງທາງພາກເໜືອ ປະສົບກັບສະພາບອາກາດໜາວຈັດ ເຮັດໃຫ້ສັດລ້ຽງນັບພັນໂຕຖືກລົ້ມຕາຍ, ຕົ້ນໄມ້ກະສິກຳຖືກເສຍຫາຍຢ່າງໜັກໜ່ວງ, ໃນຂະນະນັ້ນ, ບັນດາແຂວງທາງພາກໃຕ້ ຖືກນ້ຳທະເລຊຶມເຂົ້າ ເຮັດໃຫ້ການຜະລິດກະສິກຳຖືກຫຼຸດລົງ. ນັ້ນແມ່ນສາຍເຫດຕົ້ນຕໍ່ທີ່ເຮັດໃຫ້ເສດຖະກິດໃນ 6 ເດືອນຕົ້ນປີ 2016 ບັນລຸລະດັບເຕີບໂຕພຽງ 5,52%. ປະລິຍາເອກ ຫງວຽນຊວນແທ່ງ, ຜູ້ອຳນວຍການໂຄງການສິດສອນດ້ານເສດຖະກິດ Fullbright, ຖືວ່າ.
“ທ້າຍປີ 2015, ສະພາບມີຄວາມປະເອີບໃຈສົມຄວນຕໍໍ່ການຟື້ນຕົວຂອງລະດັບເຕີບໂຕ, ແຕ່ໃນ 6 ເດືອນຕົ້ນປີນີ້, ສະພາບເສດຖະກິດທົ່ວໂລກພັດເຕີບໂຕຢ່າງຊັກຊ້າ, ພິເສດແມ່ນການຄ້າທົ່ວໂລກຖືກຢຸດຕິໄວ້. ຢູ່ພາຍໃນປະເທດ, ກະສິກຳປະສົບກັບຄວາມຫຍຸ້ງຍາກ, ບາງເທື່ອອາດຈະບໍ່ມີການເຕີບໂຕໃນປີນີ້. ບົນພື້ນຖານນັ້ນ, ອາດເຫັນໄດ້ວ່າ ເຖິງວ່າມີບັນດາຄວາມມານະພະຍາຍາມປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ມີບັນດາສານ ແລະ ການຊີ້ນຳນຳພາຢ່າງຂ້ຽວຂາດຈາກລັດຖະບານກໍ່ຕາມ ແຕ່ໃນສະພາບເສດຖະກິດປະສົບກັບຄວາມຫຍຸ້ງຍາກໄດ້ຊີ້ໃຫ້ເຫັນວ່າ, ການເຕີບໂຕໃນປີ 2016 ຍາກທີ່ຈະບັນລຸໄດ້ຄາດໝາຍທີ່ໄດ້ວາງອອກ”.
ເຖິງຢ່າງໃດກໍ່ຕາມ, ດັດຊະນີໃຊ້ສອຍ CPI ພາຍໃນປະເທດໃນ 6 ເດືອນຜ່ານມາ ພັດບັນລຸລະດັບປະທັບໃຈແມ່ນກວ່າ 1,7% ສູງກວ່າຫຼາຍເມື່ອທຽບໃສ່ໄລຍະດຽວກັນຂອງປີ 2015. ພິເສດ, ດັດຊະນີການຜະລິດອຸດສາຫະກຳ (IIP) ຂອງກຸ່ມຂະແໜງອຸດສາຫະກຳປຸງແຕ່ງ, ມີລະດັບເຕີບໂຕແຮງແມ່ນກວ່າ 10%. ສະພາບການຈຳໜ່າຍຂອງຂະແໜງອຸດສາຫະກຳປຸງແຕ່ງ, ຜະລິດສືບຕໍ່ຮັກສາໄດ້ທ່າເພີ່ມຂຶ້ນ. ອັດຕາຂາຍຍ່ອຍສິນຄ້າ ແລະ ລາຍຮັບບໍລິການໃຊ້ສອຍໃນສັງຄົມເພີ່ມຂຶ້ນ, ບັນລຸລະດັບ 9,5%. ໃນຂະນະນັ້ນ, ໃນຊຸມເດືອນທ້າຍປີ 2016, ເມື່ອຫວຽດນາມ ເຂົ້າຮ່່ວມບັນດາສັນຍາການຄ້າເສລີຢ່າງຄົບຖ້ວນ, ຕະຫຼາດສົ່ງອອກຈະໄດ້ຮັບການເປີດກວ້າງ, ວົງເງິນສົ່ງອອກມີກາລະໂອກາດເຕີບໂຕຫຼາຍຢ່າງ, ພິເສດແມ່ນຜະລິດຕະພັນກະເສດ, ສິນໃນນ້ຳ. ກະຊວງອຸດສາຫະກຳການຄ້າ ຄາດຄະເນວ່າ ລະດັບເຕີບໂຕດ້ານການສົ່ງອອກຂອງທັງປີອາດຈະບັນລຸ 8,5%. ຈຸດພົ້ນເດັ່ນໃນ 6 ເດືອນຕົ້ນປີນີ້ຂອງເສດຖະກິດຫວຽດນາມ ແມ່ນການດຶງດູດການລົງທຶນໂດຍກົງຈາກຕ່າງປະເທດ (FDI) ເພີ່ມຂຶ້ນຢ່າງແຮງ. ຍອດຈຳນວນທຶນ FDI ໄດ້ຮັບການປະຕິບັດກວ່າ 7,2 ຕື້ USD, ເພີ່ມຂຶ້ນກວ່າ 15% ເມື່ອທຽບໃສ່ໄລຍະດຽວກັນຂອງປີ 2015. ຍອດທຶນ FDI ຈົດທະບຽນບັນລຸກວ່າ 11 ຕື້ USD, ເພີ່ມຂຶ້ນທົບ 2 ເທົ່າເມື່ອທຽບໃສ່ໄລຍະດຽວກັນຂອງປີ 2015. ນີ້ແມ່ນບັນດາສັນຍານຕັ້ງໜ້າໃຫ້ແກ່ການເຕີບໂຕຂອງເສດຖະກິດຂອງຫວຽດນາມ ໃນຊຸມເດືອນທ້າຍປີ 2016.
ຕາມທ່ານປະລິຍາເອກ ຫງວຽນດຶກແທ່ງ, ຫົວໜ້າສະຖາບັນຄົ້ນຄວ້າເສດຖະກິດ ແລະ ນະໂຍບາຍ ແລ້ວ, ເພື່ອປະຕິບັດສຳເລດຄາດໝາຍເຕີບໂຕໃນປີ 2016, ຕ້ອງມີຄວາມມານະພະຍາຍາມຢ່າງໃຫຍ່ຫຼວງຈາກລັດຖະບານ, ບັນດາກະຊວງ, ຂະແໜງການ, ທ້ອງຖິ່ນ ແລະ ວິສາຫະກິດ. ລັດຖະບານຕ້ອງສ້າງນະໂຍບາຍຕິດພັນກັບການປະຕິຮູບລະບົບການບໍລິຫານພາກລັດ, ເພີ່ມທະວີການເຊື່ອມຕໍ່ລະຫວ່າງກະຊວງ, ຂະແໜງການ ເພື່ອແນໃສ່ຕອບສະໜອງຄວາມຕ້ອງການເຕີບໂຕໃໝ່ໃນການເຊື່ອມໂຍງ. ຈາກນັ້ນ, ນຳປະເທດຊາດຫຼີກລ້ຽງອອກຈາກລະດັບລາຍຮັບປາງກາງ ແລະ ລາຍຮັບເຊື່ອມໂຍງເຂົ້າກັບສາກົນ. ໃນຂະນະນັ້ນ, ບັນດາວິສາຫະກິດຫວຽດນາມ ຕ້ອງຂຸດຄົ້ນຢ່າງສຸດຂີດບັນດານະໂຍບາຍ, ຄຳໝັ້ນສັນຍາດ້ານເສດຖະກິດສາກົນ ຈາກບັນດາສັນຍາການຄ້າເສລີ. ທ່ານປະລິຍາເອກ ຫງວຽນດຶກແທ່ງ ຖືວ່າ.
“ບັນດາພື້ນຖານໃໝ່ນັ້ນແມ່ນບັນດາບັນຫາກ່ຽວກັບນະໂຍບາຍ, ການຈັດຕັ້ງປະຕິບັດນະໂຍບາຍ ແລະ ສ້າງເປັນກົງຈັກ, ກົນໄກເພື່ອວາງນະໂຍບາຍ ແລະ ປະຕິບັດນະໂຍບາຍນັ້ນຢ່າງມີປະສິດທິຜົນ, ຫຼຸດຜ່ອນສະພາບກະແຈກກະຈາຍລະຫວ່າງບັນດາກະຊວງ, ທ້ອງຖິ່ນ. ໃນນະໂຍບາຍນັ້ນ, ຕ້ອງຮັກສາໄດ້ກອບກົດໝາຍ, ໝາຍຄວາມວ່າມີລະບອບນະໂຍບາຍດີທີ່ສຸດ; ພ້ອມທັງ, ມີສະພາບແວດລ້ອມແຫ່ງການແກ່ງແຍ້ງໃຫ້ບັນດາວິສາຫະກິດ. ຕ້ອງມີສະພາແກ່ງແຍ້ງຈະແຈ້ງເພື່ອສະກັດນັ້ນແນວໂນມສິດຜູກຂາດ ຫຼື ແນວໂນມສົມຮູ້ຮ່ວມຄິດຜ່ານການພົວພັນສະໜິດສະໜົມ. ທີ່ 2 ແມ່ນບັນດາການປະຕິຮູບອື່ນໄປພ້ອມຄື ບັນຫາກ່ຽວກັບຄຸນນະພາບການອອກແຮງງານ, ວິທີການສ້າງແຫຼ່ງຊັບພະຍາກອນແຮງງານດ້ານອຸດສາຫະກຳ, ຊັບພະຍາກອນທີ່ມີຄຸນນະພາບສູງ”.