(vovworld) - ກຳມະບານ - ອົງການຕາງໜ້າໃຫ້ແກ່ຊາວຜູ້ອອກແຮງງານ ຫວຽດນາມ ກ່ວາ 50 ລ້ານຄົນ, ໄດ້ ແລະ ພວມຜັນຂະຫຍາຍການເຄື່ອນໄຫວສັງຄົມຫຼາຍຢ່າງ, ໃນນັ້ນມີການເຄື່ອນໄຫວໜູນຊ່ວຍຊາວປະມົງຫາປາບົນທະເລ, ສ້າງຄວາມຮັ່ງມີຈາກອະຊີບການປະມົງ. ການໜູນຊ່ວຍນີ້ໄດ້ເປັນກຳລັງໜູນຊຸກຍູ້ໃຫ້ຂະແໜງຂຸດຄົ້ນສິນໃນນ້ຳຢ່າງແຮງ, ປະກອບສ່ວນບໍ່ໜ້ອຍເຂົ້າໃນແຜນນະໂຍບາຍພັດທະນາເສດຖະກິດທະເລຂອງ ຫວຽດນາມ, ພ້ອມທັງຢືນຢັນບົດບາດສັງຄົມຂອງອົງການກຳມະບານ. ເນື່ອງໃນໂອກາດວັນກຳມະກອນສາກົນ (1/5/2014), ວິທະຍຸກະຈາຍສຽງ ຫວຽດນາມ ຂໍ້ແນະນຳບົດຂຽນດ້ວຍຫົວຂໍ້ວ່າ “ອົງການກຳມະບານໜູນຊ່ວຍຊາວປະມົງຫາປາບົນທະເລ”.
ພາບປະກອບ
ເວລາການໄປຫາປາທະເລຄັ້ງທີ 3 ຢ່າງລຽນຕິດຫວ່າງແລ້ວຂອງຊາວປະມົງ ໂງດຶກເລີ້ຍ, ພ້ອມກັບຊາວປະມົງກ່ວາ 10 ຄົນໃນກຳ່ປັນ BD 093 – 02 TS, ໄດ້ຮັບຜົນສູງນັບແຕ່ຕົ້ນປີມານີ້. ພາຍຫຼັງ 3 ອາທິດທຳການຫາປາທະເລຢູ່ໝູ່ເກາະ ຮ່ວາງຊາ ກັບເມືອ, ກຳ່ປັນຂອງທ່ານ ເລີ້ຍ ໄດ້ເຂົ້າທຽບທ່າ ກູຍເຍີນ ດ້ວຍປາທູນາ ແລະ ສິນທະເລປະເພດອື່ນໆອີກ 7 ກ່ວາໂຕນ. ຄາດວ່າ, ພາຍຫຼັງລົບຄ່າໃຊ້ຈ່າຍທັງໝົດ, ຊາວປະມົງແຕ່ລະຄົນສ້າງລາຍຮັບໄດ້ກ່ວາ 10 ລ້ານດົ່ງ/ຄົນ. ທ່ານ ໂງດຶກເລີ້ຍ, ກັບຕັນເຮືອຂອງກຳ່ປັນ BD 093 – 02 TS, ຖືວ່າ: ປະສິດທິຜົນຈາກຮູບແບບຫາປາຕາມໜ່ວຍ, ສະມາອາຊີບປະມົງໄດ້ດຶງດູດຊາວປະມົງເຂົ້າຮ່ວມດ້ວຍຄວາມສະໝັກໃຈນັບມື້ນັບຫຼາຍ.
“ປີກ່າຍນີ້ ຂ້າພະເຈົ້າຫາປາພຽງຜູ້ດຽວ. ປີນີ້, ຂ້າພະເຈົ້າ ແລະ ອ້າຍນ້ອງພ້ອມກັນເຮັດ, ຂ້າພະເຈົ້າພ້ອມກັບກຳ່ປັນອື່ນອີກ 5 – 6 ລຳ ພ້ອມກັນໄປຫາປາຢູ່ທະເລ.”
ບັນດາໜ່ວຍ, ສະມາຊີບຫາປາທະເລ ເຊິ່ງຊາວປະມົງ ໂງວັນເລີ້ຍ ແລະ ຊາວປະມົງອື່ນໆເຂົ້າຮ່ວມນັ້ນໄດ້ຮັບການສ້າງຕັ້ງຂຶ້ນຈາກແຜນນະໂຍບາຍໂດຍສະຫະພັນໃຫຍ່ແຮງງານ ຫວຽດນາມ ປຸກລະດົມນັບແຕ່ປີ 2011, ເພື່ອແນໃສ່ສ້າງຮູບແບບຕິດພັນຊາວປະມົງຕິດພັນກັບທະເລ. ມາຮອດປະຈຸບັນ, ໄດ້ມີ 22 ສະມາຊີບຫາປາໄດ້ຮັບການສ້າງຕັ້ງຂຶ້ນຢູ່ 8 ທ້ອງຖີ່ນ, ດ້ວຍກຳ່ປັນ 739 ລຳ ແລະ ມີຊາວປະມົງເຂົ້າຮ່ວມກ່ວາ 3.094 ຄົນ. ຈາກຜົນສຳເລັດຂອງຮູບແບບນີ້, ສະຫະພັນໃຫຍ່ແຮງງານ ຫວຽດນາມ ມີແຜນການພັດທະນາສະມາຊີບຫາປາ ຫວຽດນາມ ໃຫ້ກາຍເປັນສະມາຊິກຂອງສະມາຊີບຫາປາສາກົນ. ທ່ານ ດັ້ງງອກຕູ່ງ, ປະທານ ສະຫະພັນໃຫຍ່ແຮງງານ ຫວຽດນາມ, ໃຫ້ຮູ້ວ່າ:
“ສະມາຊີບຫາປາ ຫວຽດນາມ ຈະເຂົ້າຮ່ວມສະມາຊີບຫາປາ ສາກົນ ເພື່ອສະແຫວງຫາການສະໜັບສະໜູນຂອງສາກົນ. ຊາວປະມົງຜູ້ໃດຂອງພວກເຮົາປະສົບກັບເຄາະຮ້າຍ, ກຳ່ປັນລຳໃດໃນສະມາຊິກຂອງສະມາຊີບຖືກຈົມນ້ຳ, ສະມາຊີບຫາປາສາກົນ, ອົງການກຳມະບານສາກົນຈະອອກສຽງ ແລະ ມີການຊ່ວຍເຫຼືອຢ່າງແນ່ນອນ. ດັ່ງນັ້ນ, ບໍ່ພຽງແຕ່ຮ່ວມສຳພັນກັບສະມາຊີບຫາປາ ພາຍໃນປະເທດເທົ່ານັ້ນ, ຫາກຍັງຕ້ອງຮ່ວມສຳພັນໃນຂອບຂະໜາດສາກົນອີກດ້ວຍ.”
ພາບປະກອບ
ນອກຈາກເລື່ອງປຸກລະດົມຊາວປະມົງເຂົ້າຮ່ວມບັນດາໜ່ວຍ, ສະມາຊີບຫາປາ, ຕາມແຜນນະໂຍບາຍຂອງສະຫະພັນໃຫຍ່ແຮງງານ ຫວຽດນາມ, ອົງການກຳມະບານທຸກຂັ້ນ ຍັງຜັນຂະຫຍາຍການເຄື່ອນໄຫວຕ່າງໆ, ໃນນັ້ນມີການປຸກລະດົມແຫຼ່ງເງິນຂອງບັນດາສະມາຊິກກຳມະບານ ແລະ ບັນດາອົງການຈັດຕັ້ງ, ສ່ວນບຸກຄົນອື່ນໆເພື່ອຊ່ວຍເຫຼືອຊາວປະມົງຜ່ານລາຍການສົ່ງຂໍ້ຄວາມສະໜັບສະໜູນ “ແຫແຫ່ງຄວາມຮັກແພງໃຫ້ແກ່ຊາວປະມົງຮ່ວາງຊາ, ເຈື່ອງຊາ”. ທ່ານດັ້ງງອກຕູ່ງ, ປະທານສະຫະພັນໃຫຍ່ແຮງງານ ຫວຽດນາມ, ໃຫ້ຮູ້ວ່າ:
“ເພື່ອແນໃສ່ສ້າງເງື່ອນໄຂໃຫ້ຊາວປະມົງສາມັກຄີຫາປາຢູ່ເຂດທະເລແລ້ວ, ພວກຂ້າພະເຈົ້າຍັງປຸກລະດົມປະຊາຊົນພາຍໃນປະເທດຊ່ວຍເຫຼືອຊາວປະມົງ, ຕົວຢ່າງຄື ການປຸກລະດົມລາຍການ “ແຫແຫ່ງຄວາມຮັກແພງໃຫ້ແກ່ຊາວປະມົງ ຮ່ວາງຊາ, ເຈື່ອງຊາ”. ຈາກຈຳນວນເງິນທີ່ຊາວ ຫວຽດນາມ, ບັນດາວິສາຫະກິດສະໜັບສະໜູນກອງທຶນນີ້ ພວກຂ້າພະເຈົ້າໄດ້ຊື້ ແຫ, ອຸປະກອນຕິດຕໍ່ກັບດິນຕໍ່ແຜ່ນ, ຊື້ບັດປະກັນໃຫ້ຊາວປະມົງເພື່ອໃຫ້ຊາວປະມົງສືບຕໍ່ຕິດພັນກັບທະເລ”
ດ້ວຍເລື່ອງທົ່ວລະບົບກຳມະບານພ້ອມກັບຊາວປະມົງໄປຫາປາທະເລ, ມາຮອດປະຈຸບັນໂຄງການ “ແຫແຫ່ງຄວາມຮັກແພງໃຫ້ແກ່ຊາວປະມົງຮ່ວາງຊາ, ເຈື່ອງຊາ” ໄດ້ຮັບຈຳນວນເງິນ ແລະ ອຸປະກອນທີ່ມີມູນຄ່າກ່ວາ 3,4 ຕື້ດົ່ງ ແລະ ໃນເບື້ອງຕົ້ນໄດ້ໜູນຊ່ວຍ ບັນດາຄອບຄົວຊາວປະມົງ, ສະມາຊິກຂອງສະມາຊີບຫາປາຢູ່ແຂວງ ກວາງຫງາຍ, ຟູ໋ອຽນ, ບິ່ງທ້ວນ, ບິ່ງດິ້ງ, ກວາງນາມ... ທີ່ປະສົບເຄາະຮ້າຍບົນທະເລ 2,3 ຕື້ດົ່ງ. ກໍ່ໃນຮອບເວລາ 3 ປີ, ກອງທຶນ “ນ້ຳໃຈຄຳ” ຂອງສະຫະພັນໃຫຍ່ແຮງງານ ຫວຽດນາມ ໄດ້ຜັນຂະຫຍາຍການເຄື່ອນໄຫວແທດຈິງ, ຂົນຂວາຍກຳມະກອນຜູ້ອອກແຮງງານໃນທົ່ວປະເທດໜູນຊ່ວຍຊາວປະມົງຊື້ອຸປະກອນຕິດຕໍ່ກັບເຂດດິນຕໍ່ແຜ່ນ, ຊື້ແຫ, ຊື້ບັດປະກັນກຳ່ປັນທີ່ມີມູນຄ່າຂຶ້ນເຖິງ 50 ລ້ານດົ່ງ/ ລຳ... ກອງທຶນນີ້ຍັງມີແຜນນະໂຍບາຍສືບຕໍ່ໜູນຊ່ວຍຊາວປະມົງຫັນກຳ່ປັນຫາປາເປັນທັນສະໄໝ ຕາມໂຄງການໃໝ່ຂອງລັດຖະບານ. ທ່ານ ເຈີ່ນຢູຍເຟືອງ, ປະທານກອງທຶນ “ນ້ຳໃຈຄຳ”, ໃຫ້ຮູ້ວ່າ:
“ດ້ວຍໂຄງການຫັນກຳ່ປັນຫາປາເປັນທັນສະໄໝ, ດ້ານໜຶ່ງ ພວກຂ້າພະເຈົ້າໄດ້ນຳຊາວປະມົງເຂົ້າສະມາຊີບຫາປາ ເພື່ອສະໜັບສະໜູນຊ່ວຍເຫຼືອເຊິ່ງກັນ ແລະ ກັນ, ດ້ານໜຶ່ງອີກແມ່ນຊ່ວຍຊາວປະມົງປະຕິບັດບັນດາລະບຽບການກູ້ຢືມສິນເຊື່ອໃຫ້ໄດ້ ເພື່ອຫັນພະຫະນະ, ອຸປະກອນຫາປາໃຫ້ທັນສະໄໝ.”
ເລື່ອງຈັດຕັ້ງເພື່ອໃຫ້ຊາວປະມົງອອກແຮງງານ, ທຳການຜະລິດຕາມຮູບແບບສະມາຊີບຫາປາແມ່ນການເຄື່ອນໄຫວເບິ່ງແຍງດູແລ, ປົກປັກຮັກສາສິດ, ຜົນປະໂຫຍດຂອງຊາວປະມົງຂອງສະຫະພັນໃຫຍ່ແຮງງານ ຫວຽດນາມ ຢ່າງແທດຈິງ. ດ້ວຍການເຄື່ອນໄຫວນີ້, ອົງການກຳມະບານ ໄດ້ ແລະ ພວມປະຕິບັດໜ້າທີ່ການເມືອງສຳຄັນຂອງຕົນເປັນຢ່າງດີ, ພ້ອມທັງຢືນຢັນບົດບາດສັງຄົມ, ມະນຸດຊາດຢ່າງເລິກເຊິ່ງ, ປະກອບສ່ວນປະຕິບັດຍຸດທະສາດພັດທະນາເສດຖະກິດທະເລຂອງ ຫວຽດນາມ.