នាយករដ្ឋមន្ត្រី លោក ហ្វាម មិញ ជីញ អញ្ជើញចេញដំណើរទៅបំពេញទស្សនកិច្ចផ្លូវការនៅសហព័ន្ធរុស្ស៊ី

លោក Ivan Nesterov ទីប្រឹក្សាស្ថានទូតរុស្ស៊ីប្រចាំនៅវៀតណាម ជូនដំណើរលោកនាយករដ្ឋមន្ត្រីនៅអាកាសយានដ្ឋានណូយបៃ (រូបថត៖ ឡៃហ័រ/VOV)

នៅរសៀលថ្ងៃទី ២២ ខែមីនា (ម៉ោងក្នុងស្រុក) យន្តហោះពិសេសដែលដឹកនាយករដ្ឋមន្ត្រី លោកហ្វាម មិញ ជីញ និងគណៈប្រតិភូជាន់ខ្ពស់វៀតណាម បានចាកចេញពីទីក្រុងហាណូយ ដើម្បីបំពេញទស្សនកិច្ចផ្លូវការនៅសហព័ន្ធរុស្ស៊ី ចាប់ពីថ្ងៃទី ២២ ដល់ថ្ងៃទី ២៥ ខែមីនា តបតាមការអញ្ជើញរបស់នាយករដ្ឋមន្ត្រី មីខាអ៊ីល មីស៊ូស្ទីន នៃសហព័ន្ធរុស្ស៊ី។ នេះជាដំណើរទស្សនកិច្ចលើកដំបូងរបស់ថ្នាក់ដឹកនាំជាន់ខ្ពស់វៀតណាម ទៅកាន់សហ ព័ន្ធរុស្ស៊ី ក្នុងឆ្នាំ ២០២៦ ដែលជាការចាប់ផ្តើមនៃព្រឹត្តិការណ៍សំខាន់ៗ និងទំនាក់ទំនងកម្រិតខ្ពស់ជាបន្តបន្ទាប់។

ចំណុចសំខាន់នៃដំណើរទស្សនកិច្ចនេះគឺ ពង្រឹងទំនាក់ទំនងរវាងវៀត ណាមនិងសហព័ន្ធរុស្ស៊ី ជាពិសេសក្នុងទំនាក់ទំនងនយោបាយ និងដើម្បីពង្រីកកិច្ចសហប្រតិបត្តិការបន្ថែមទៀតរវាងវៀតណាមនិងសហព័ន្ធរុស្ស៊ី ក្នុងវិស័យសេដ្ឋកិច្ចនិងពាណិជ្ជកម្ម ជាពិសេសក្នុងវិស័យវិនិយោគ ថាមពល ប្រេង និងឧស្ម័ន។

នាយករដ្ឋមន្ត្រី លោក ហ្វាម មិញ ជីញ អញ្ជើញចេញដំណើរទៅបំពេញទស្សនកិច្ចផ្លូវការនៅសហព័ន្ធរុស្ស៊ី

ដំណើរទស្សនកិច្ចនេះ ធ្វើឡើងក្នុងបរិបទនៃបញ្ហាប្រឈមសន្តិសុខថាមពលសកល ដោយសារតែជម្លោះនៅមជ្ឈិមបូព៌ា រួមចំណែកដល់ការលើកកម្ពស់កិច្ចសហប្រតិបត្តិការទ្វេភាគីយ៉ាងទូលំទូលាយ ក្នុងវិស័យផ្សេងៗ ដោយដាក់មូលដ្ឋានគ្រឹះសម្រាប់កិច្ចសហប្រតិបត្តិការជាយុទ្ធសាស្ត្ររវាងប្រទេសទាំងពីរក្នុងវិស័យសំខាន់ៗជាច្រើន និងបង្កើតនូវរបកគំហើញក្នុងយុគសម័យថ្មីនៃការអភិវឌ្ឍ។ ភាគីទាំងពីរត្រូវបានគេរំពឹងថានឹងចុះហត្ថលេខាលើកិច្ចព្រមព្រៀងសំខាន់ៗ។ ក្នុងនោះ បង្កើនកិច្ចសហប្រតិបត្តិការក្នុងវិស័យថាមពល ជាពិសេសថាមពលនុយក្លេអ៊ែរ ប្រេង និងឧស្ម័ន។

ដំណើរទស្សនកិច្ចនេះទៅកាន់សហព័ន្ធរុស្ស៊ីលើកនេះរបស់លោកនាយករដ្ឋមន្ត្រី ហ្វាម មិញជីញ បង្ហាញយ៉ាងច្បាស់ពីសារៈសំខាន់ដែលប្រទេសទាំងពីរដាក់លើភាពជាដៃគូយុទ្ធសាស្ត្រដ៏ទូលំទូលាយ ដើម្បីផលប្រយោជន៍របស់ប្រជាជននៃប្រទេសទាំងពីរ និងសម្រាប់សន្តិភាព កិច្ចសហប្រតិបត្តិការ ស្ថិរភាព និងការអភិវឌ្ឍនៅក្នុងតំបន់ និងពិភពលោក៕