ទីក្រុងហាណូយគឺជាចំណុចភ្លឺស្វាងក្នុងការអនុវត្តបច្ចេកវិទ្យាព័ត៌មាន និងការផ្លាស់ប្តូរឌីជីថល

នេះជាការចែករំលែករបស់លោកស្រី Cu Thanh Nga រស់នៅឃុំ Thanh Tri ពេលឆ្លងកាត់ការបំពេញបែបបទរដ្ឋបាលនៅឃុំ និងសង្កាត់ថ្មី ក្នុងថ្ងៃទី ៣០ ខែកក្កដា។

ប្រជាជនធ្វើនីតិវិធីរដ្ឋបាលនៅឃុំ Thanh Tri ។ រូបថត៖ Kim Lieu/VOV 5

ការអនុវត្តបច្ចេកវិទ្យាព័ត៌មាន និងផ្លាស់ប្តូរឌីជីថលត្រូវបានចាត់ទុកថាជាគន្លឹះក្នុងការប្រតិបត្តិគំរូអាជ្ញាធរមូលដ្ឋាន ២ កម្រិតឱ្យមានប្រសិទ្ធភាព ដើម្បីឱ្យអាជ្ញាធរមានភាពជិតស្និទ្ធជាមួយប្រជាពលរដ្ឋយ៉ាងពិតប្រាកដ ប្រតិបត្តិការប្រកបដោយប្រសិទ្ធភាព។ ដោយសារប្រើប្រាស់ការអនុវត្តបច្ចេកវិទ្យាព័ត៌មាន និងការផ្លាស់ប្តូរឌីជីថល ការងារនៃការគ្រប់គ្រងនីតិវិធីរដ្ឋបាលសម្រាប់ប្រជាជន និងអាជីវកម្មត្រូវបានអនុវត្តយ៉ាងឆាប់រហ័ស។ លោក La Van Huy ប្រធានគណៈកម្មាធិការប្រជាជនឃុំ Thanh Tri បានបញ្ជាក់ថា៖ “ថ្មីៗនេះ ទីក្រុងបានចេញសារាចណែនាំលេខ ១១ ចុះថ្ងៃទី ២៤ ខែកក្កដា ដើម្បីដាក់ពង្រាយយុទ្ធនាការរយៈពេល ៤៥ ថ្ងៃ និងយប់ ដើម្បីជួយឧបត្ថម្ភដល់សកម្មភាពផ្លាស់ប្តូរឌីជីថលនៅក្នុងឃុំ និងសង្កាត់នៃដំណាក់កាលដំបូងនៃក្នុងប្រតិបត្តិការគំរូអាជ្ញាធរមូលដ្ឋានពីរកម្រិត។ រាល់ការងាររបស់កម្មាភិបាល បុគ្គលិកសុទ្ធតែមានជំនួយពី AI។ ចំណុចសេវារដ្ឋបាលសាធារណៈត្រូវតែឧបត្ថម្ភប្រជាជន នៅពេលដែលមានមនុស្សជាច្រើនមិនដឹងពីរបៀបដើម្បីធានាគណនីរបស់ខ្លួន។ យើងក៏មានក្រុមឆ្លើយតបយ៉ាងរហ័ស ដើម្បីដាក់ពង្រាយសំណើរយ៉ាងឆាប់រហ័ស ហើយប្រសិនបើមានលក្ខណៈសម្បត្តិគ្រប់គ្រាន់ គួរដាក់ពង្រាយដោយផ្ទាល់ទៅកាន់គ្រួសារ។ បច្ចុប្បន្ននេះយើងបានចាត់ឱ្យក្រុមចំនួនពីរដើម្បីដាក់ពង្រាយផ្ទាល់ដល់ប្រជាជន”។

ជាមួយនឹងបាវចនានៃការបង្កើនការបម្រើប្រជាជន និងអាជីវកម្មឱ្យកាន់តែប្រសើរឡើង ចាប់តាំងពីចុងខែកក្កដា ឆ្នាំ ២០២៥ ទីក្រុងបានដាក់ពង្រាយយុទ្ធនាការ "៤៥ ថ្ងៃនិងយប់ ដើម្បីជួយឧបត្ថម្ភដល់សកម្មភាពផ្លាស់ប្តូរឌីជីថលនៅក្នុងឃុំ និងសង្កាត់ ក្នុងដំណាក់កាលដំបូងនៃប្រតិបត្តិការគំរូអាជ្ញាធរមូលដ្ឋានពីរកម្រិត"។ កម្មាភិបាល បុគ្គលិកឃុំ សង្កាត់ត្រូវបានបណ្តុះបណ្តាលលើខ្លឹមសារជាច្រើនទាក់ទងនឹងបែបបទរដ្ឋបាលដែល រួមចំណែកលើកកម្ពស់សមត្ថភាពប្រើប្រាស់ប្រព័ន្ធសេវាសាធារណៈតាមអ៊ីនធឺណិត។ ឃុំ និងសង្កាត់ក៏បានបង្កើតយន្តការគាំទ្របច្ចេកទេសដ៏មានប្រសិទ្ធភាពផងដែរ ដូចជាប្រព័ន្ធគាំទ្រ ២៤/២៤ និងក្រុម Zoom ថេរតាមតំបន់។ លោក Vuong Tien Quyen កម្មាភិបាលទទួលឯកសារ និងផ្តល់លទ្ធផលបម្រើសេវារដ្ឋបាលសាធារណៈឃុំ Ngoc Hoi បានឲ្យដឹងថា៖ “បច្ចុប្បន្ន បុគ្គលិកជំនាញ និងថ្នាក់ដឹកនាំឃុំ ក៏សិក្សាឯកសារជាប្រចាំ ដើម្បីអនុវត្ត និងប្រើប្រាស់កម្មវិធីឱ្យមានប្រសិទ្ធភាពបំផុត។ ដើម្បីដោះស្រាយរាល់បែបបទរដ្ឋបាលសាធារណៈ យើងត្រូវធ្វើការទាំងយប់ទាំងថ្ងៃ ហើយទទួលបានលទ្ធផលទាន់ពេលវេលា”។

ទន្ទឹមលើការកែលម្អសមត្ថភាពនៃក្រុមផ្លាស់ប្តូរឌីជីថលនៅក្នុងជួរផ្លាស់ប្តូរឌីជីថលក្នុងក្បាលម៉ាស៊ីនរដ្ឋបាល ហើយឃុំនិងសង្កាត់ក៏រៀបចំឧបករណ៍ និងហេដ្ឋារចនាសម្ព័ន្ធបណ្តាញ នៅមជ្ឈមណ្ឌលសេវាកម្មរដ្ឋបាលសាធារណៈផងដែរ; កំណត់រចនាសម្ព័ន្ធ និងផ្តល់គណនីអ្នកប្រើប្រាស់សម្រាប់កម្មាភិបាល និងបុគ្គលោកលើប្រព័ន្ធប្រតិបត្តិរួម។ លោក Pham Van Tinh អនុប្រធានការិយាល័យចុះបញ្ជីដីធ្លីទីក្រុងហាណូយ បានឲ្យដឹងថា៖ “ទាក់ទងនឹងហេដ្ឋារចនាសម្ព័ន្ធបច្ចេកទេស ខ្សែបញ្ជូន និងទិន្នន័យ យើងបានប្រគល់ជូនគណៈកម្មាធិការប្រជាជននៅថ្នាក់ឃុំ ដើម្បីដំណើរការជាបន្តបន្ទាប់ដោយមិនមានការរំខាន។ យើងក៏បានបណ្តុះបណ្តាល និងបង្វឹកដល់កម្មាភិបាលសុរិយោដីថ្នាក់ឃុំ ក្នុងការប្រើប្រាស់ប្រព័ន្ធសូហ្វវែរ ទាក់ទងនឹងការងារគ្រប់គ្រងដីធ្លី ដើម្បីឱ្យប្រតិបត្តិការក្នុងឃុំចំនួន ១២៦ធានាបាននូវសេវាល្អ ទៅតាមតម្រូវការរបស់ប្រជាជន”។

ប្រជាជនធ្វើនីតិវិធីរដ្ឋបាលនៅឃុំ Ngoc Hoi ។ រូបថត៖ Kim Lieu/VOV 5

ដោយសារការផ្សព្វផ្សាយកម្មវិធីព័ត៌មានវិទ្យា រហូតមកដល់ពេលនេះ ចំនួន ៨០% នៃបែបបទរដ្ឋបាលក្នុងឃុំ និងសង្កាត់ចំនួន ១២៦ ត្រូវបានដោះស្រាយតាមប្រព័ន្ធអ៊ីនធឺណិត។ លោក Truong Viet Dung អនុប្រធានគណៈកម្មាធិការប្រជាជនទីក្រុងហាណូយបានមានប្រសាសន៍ថា ក្នុងការអនុវត្តយុទ្ធនាការ “៤៥ថ្ងៃ យប់ ដើម្បីគាំទ្រសកម្មភាពផ្លាស់ប្តូរឌីជីថលនៅតាមឃុំ និងសង្កាត់ក្នុងដំណាក់កាលដំបូងនៃប្រតិបត្តិការគំរូអាជ្ញាធរមូលដ្ឋានពីរកម្រិត” ទីក្រុងបានប្រមូលផ្តុំនិស្សិតជំនាញបច្ចេកវិទ្យាមកពីសាកលវិទ្យាល័យ និងបណ្ឌិត្យសភាក្នុងតំបន់ ដើម្បីគាំទ្រដល់មូលដ្ឋាននានាក្នុងការពន្លឿនដំណើរការផ្លាស់ប្តូរឌីជីថល។

“យើងកំពុងសម្របសម្រួលជាមួយមហាវិទ្យាល័យពហុបច្ចេកទេស ដើម្បីជួយឧបត្ថម្ភអាជ្ញាថរក្នុងតំបន់ក្នុងការផ្លាស់ប្តូរឌីជីថល។ យើងរៀបចំប្រព័ន្ធឡើងវិញ។ ជំនួសឲ្យការដែល ប្រជាជនត្រូវទៅរកអាជ្ញាធរ គឺអាជ្ញាធរទៅរកប្រជាជន ហើយស្តាប់មតិពីប្រជាជន”។

ការផ្លាស់ប្តូរឌីជីថលតាមគំរូអាជ្ញាធរពីរកម្រិត មិនត្រឹមតែជួយរក្សាសកម្មភាពគ្រប់គ្រងជាបន្តបន្ទាប់នៅពេលផ្លាស់ប្តូរព្រំដែនរដ្ឋបាលប៉ុណ្ណោះទេ ប៉ុន្តែថែមទាំងបង្កើតរដ្ឋបាលទំនើបប្រកបដោយតម្លាភាព សំដៅដល់ការពេញចិត្តរបស់ប្រជាជន និងអាជីវកម្ម។ ទីក្រុងហាណូយកំពុងធ្វើឲ្យប្រព័ន្ធនេះមានភាពល្អឥតខ្ចោះជាបណ្តើរៗ លើកកំពស់សមត្ថភាពបុគ្គលិក ហើយទន្ទឹមនឹងនោះវិនិយោគលើហេដ្ឋារចនាសម្ព័ន្ធព័ត៌មានវិទ្យា ដើម្បីឲ្យអាជ្ញាធរមូលដ្ឋានអាចប្រតិបត្តិការប្រកបដោយប្រសិទ្ធភាព រួមចំណែកលើកកម្ពស់ការអភិវឌ្ឍសេដ្ឋកិច្ចសង្គមរបស់ទីក្រុង៕