(VOVWORLD) -ວັນບຸນເສື້ອຍາວເຫວ້ ຈະແມ່ນຈຸດທີ່ພົ້ນເດັ່ນເປັນເອກະລັກ ໃນງານ Festival ເຫວ້ 2020 ເຊິ່ງຖືກຈັດຂຶ້ນໃນຕົ້ນເດືອນກັນຍາ ປີ 2020. ບໍ່ພຽງແຕ່ເທົ່ານັ້ນ, ງານບຸນເສື້ອຍາວຈະແມ່ນເຫດການລຸລ່ວງ ໃນບັນດາງານບຸນປະຈຳປີໃນແຂວງ ເທື່ອທຽນເຫວ້. ຜ່ານນັ້ນໄດ້ປະກອບສ່ວນໂຄສະນາເຄື່ອງໝາຍ ແລະ ສີສັນວັດທະນະທຳຂອງເສື້ອຍາວ ເຫວ້ ກໍ່ຄືເສື້ອຍາວ ຫວຽດນາມ ໃນທົ່ວໂລກ. ເປົ້າໝາຍທີ່ ເຫວ້ ມຸ່ງໄປເຖິງນັ້ນແມ່ນເພື່ອອະນຸລັກຮັກສາຄວາມງາມທາງດ້ານວັດທະນະທຳຂອງເສື້ອຍາວ ຫວຽດນາມ, ພ້ອມກັນນັ້ນກໍ່ເປັນການໂຄສະນາທາງດ້ານວັດທະນະທຳ ແລະ ສ້າງຜະລິດຕະພັນທ່ອງທ່ຽວທີ່ເປັນເອກະລັກ

(VOVWORLD) -ນັບແຕ່ວັນທີ 24 ກໍລະກົດ ແຂກທ່ອງທ່ຽວ ເມື່ອມາຢ້ຽມຊົມສະຖານທີ່ປະຫວັດສາດຄຸກ ຮວ່າລໍ່ ຈະໄດ້ເຂົ້າຮ່ວມລາຍກາຍທ່ອງທ່ຽວຢ້ຽມຊົມໃນຍາມຄ່ຳຄືນ ດ້ວຍຊື່ທີ່ເອີ້ນວ່າ “ຄ່ຳຄືນສັກກາລະບູຊາ - ນ້ຳໃຈ ຫວຽດນາມ ສະຫວ່າງສະໄຫວ”. ໃນຕະຫຼອດໄລຍະການເດີນທາງ, ແຂກທ່ອງທ່ຽວຈະມີຄວາມປະທັບໃຈ ເປັນພິເສດ, ຈາກຄວາມເຈັບປວດຕໍ່ໜ້າການກະທຳທີ່ຮ້າຍກາດ ຂອງລະບອບຄຸກລ່າເມືອງຂຶ້ນ ຕະຫຼອດຮອດຄວາມນິຍົມນັບຖືຕໍ່ເຈດຈຳນົງ ທີ່ອົງອາດກ້າແກ່ນ, ຄວາມເສຍສະຫຼະຊີວິດຢ່າງພິລະອາດຫານຂອງບັນດານັກວິລະຊົນ ທີ່ໄດ້ເສຍສະຫຼະຊີວິດເພື່ອຊາດ. ເຊິ່ງຊື່ສຽງຮຽງນາມຂອງເຂົາເຈົ້າໄດ້ກາຍເປັນສ່ວນໜຶ່ງໃນປະຫວດສາດຂອງຊາດ

(VOVWORLD) -ເຂດປູຊະນີຍະສະຖານພໍ່ຕູ້ ຫງວຽນຊິງສັກ ແມ່ນສະຖານທີ່ຕັ້ງສຸສານຂອງພໍ່ຕູ້ ຫງວຽນຊິງສັກ (1862 - 1929) ເຊິ່ງແມ່ນບິດາຂອງປະທານ ໂຮ່ຈີມິນ. ເຂດປູຊະນີຍະສະຖານແຫ່ງນີ້ຖືກຕັ້ງຢູ່ຖະໜົນ ຟ້າມຫິວເລົ່າ ຕາແສງ 4 ນະຄອນ ກາວແຫຼ໊ງ ແຂວງ ດົ່ງທາບ. ນີ້ແມ່ນກຸ່ມປູຊະນີຍະສະຖານທີ່ເປັນເອກະລັກ ໄດ້ຮັບການຢັ້ງຢືນແມ່ນປູຊະນີຍະສະຖານລະດັບຊາດປີ 1992

(VOVWORLD) -ດ້ວຍຈຳນວນວັດຖຸພັນກວ່າໜຶ່ງໝື່ນຢ່າງ ກ່ຽວກັບເຂດ ເຕິຍງວຽນ ໃນນັ້ນຫຼາຍກວ່າໝູ່ແມ່ນບັນດາປະເພດເຄື່ອງປັ້ນດິນເຜົາບູຮານ, ນັກສະສົມ ຫວໍມິງລວນ ຢູ່ນະຄອນ ບວມມາທ້ວດ ແຂວງ ດັກລັກ ພວມຝັກໃຝ່ຄວາມຫວັງສ້າງຊຸດສະສົມເຄື່ອງປັ້ນດິນເຜົາ ເພື່ອເກັບຮັກສາຄຸນຄ່າວັດທະນະທຳຂອງເຂດ ເຕິຍງວຽນ ໃຫ້ຄົນລຸ້ນຫຼັງ. ຫວໍມິງລວນ ຍັງມີຄວາມຫວັງຢາກສ້າງແຫ່ງນີ້ກາຍເປັນຫໍພິພິທະພັນກ່ຽວກັບເຂດ ເຕິຍງວຽນ ຜ່ານເຄື່ອງປັ້ນດິນເຜົາສິລະປະກຳ

(VOVWORLD) -ໂດຍຖືກຕັ້ງຢູ່ຖະໜົນ ຟູ່ດົ່ງທຽນເວືອງ ນະຄອນ ດ່າລາດ ແຂວງ ເລິມດົ່ງ, ວັດ ວ້ານແຮັ້ງ ແມ່ນສະຖານທີ່ບູຊາທີ່ເຄັ່ງຂຶມ ທີ່ສະຫງວນໃຫ້ແກ່ພະສົງສຳມະເນນ ພຸດທະສາສະນິກກະຊົນແຂກສາລະທິດ ທີ່ມານະມັດສະການໄຫວ້ບູຊາ ແລະ ຍັງໄດ້ຮັບຖືວ່າແມ່ນໜຶ່ງໃນບັນດາກິດຈະກຳວັດທະນະທຳທີ່ເປັນເອກະລັກ ສະແດງໃຫ້ເຫັນສະຖາປັດຕະຍາກຳ ພິເສດສະເພາະຂອງພຸດທະສາສະໜາ. ຢູ່ແຫ່ງນີ້ຍັງເກັບຮັກສາບັນດາຮູບພາບ ເຮັດດ້ວຍຫີນແກ້ວ ພ້ອມກັບບັນດາວັດຖຸບູຮານ ເຊິ່ງພະອາຈານໃຫຍ່ ທິກວຽນແທັງ ເຈົ້າອະທິການວັດໄດ້ເກັບກຳ ໃນໄລຍະກວ່າ 30 ປີທີ່ຜ່ານມາ

(VOVWORLD) -ເທດສະບານເມືອງ ມົກເຈົາ ແຂວງ ເຊີນລາ ແຕ່ດົນນານມາແລ້ວ ໄດ້ມີຊື່ສຽງແມ່ນດິນແດນດ້ວຍເນື້ອທີ່ ດອກຜັກກາດຂາວ ແລະ ທົ່ງຊາຂຽວອຸ່ມທຸ່ມທີ່ກວ້າງໃຫຍ່ໄພສານ. ເມື່ອບໍ່ດົນມານີ້ ໃນແຜນທີ່ທ່ອງທ່ຽວ ມົກເຈົາ ຍັງປາກົດມີບ້ານ ນ່າກ່າ ເຊິ່ງແມ່ນແຫ່ງມີຮ່ອມພູປູກໝາໝັ້ນທີ່ງົດງາມ. ນ່າກ່າ ໃນປັດຈຸບັນພວມເຂົ້າສູ່ລະດູໝາກໝັ້ນສຸກ. ມາຢ້ຽມຢາມແຫ່ງນີີ້, ແຂກທ່ອງທ່ຽວ ຈະໄດ້ຮັບຊົມຄວາມງາມທຳມະຊາດ ຂອງເຂດພູຜາປ່າໄມ້ ເຕິຍບັກ ທາງທິດຕາເວັນຕົກສຽງເໜືອຂອງ ຫວຽດນາມ, ໄດ້ສູບເອົາອາກາດທີ່ປອດໂປ່ງ ແລະ ໄດ້ເດັດເອົາໝາກໝັ້ນເທິງງ່າພວມສຸກ.

(VOVWORLD) - ເສັ້ນທາງແຜນທີ່ແມ່ນເສັ້ນທາງຕົ້ນຕໍເຂົ້າໄປ ເກາະຣົ່ວ ຢູ່ຕາແສງ ແທັ້ງໂຮ້ຍ ເທດສະບານ ເຕິນອວຽນ ແຂວງ ບິ່ງເຢືອງ. ເສັ້ນທາງແຜນທີ່ໂດຍແມ່ນຊາວທ້ອງຖິ່ນຢູ່ແຫ່ງນີ້ ໄດ້ຕັ້ງຊື່ໃຫ້ເສັ້ນທາງນັບຕັ້ງແຕ່ລຸງ ມາຍຊົງແບ໊ ອະດີດປະທານສະມາຄົມນັກຂ່າວແຂວງ ດົ່ງນາຍ ໄດ້ນຳພາບແຕ້ມ 40 ແຜ່ນເຮັດດ້ວຍເຄື່ອງປັ້ນດິນເຜົາ ພິມແຜນທີ່ກ່ຽວກັບເຂດທະເລໝູ່ເກາະ ມານີ້ວາງສະແດງ ໃນເດືອນ ເມສາ ປີ 2019

(VOVWORLD) - ຢູ່ນະຄອນ ໂຮ່ຈີມິນ ມີຮ່ອງຮອຍສະຖານປະຫວັດສາດ ລະດັບຊາດພິເສດ ເຊິ່ງແມ່ນແຫ່ງທີ່ປະທານ ໂຮ່ຈີມິນ ໄດ້ຢູ່ເປັນເວລາ 9 ເດືອນ ກ່ອນທີ່ອອກເດີນທາງໄປຕ່າງປະເທດ ເພື່ອຊອກຫາເສັ້ນທາງກູ້ຊາດ. ນັ້ນແມ່ນເຮືອນເລກທີ 1 – 2 - 3 ກວາຍແຕັດເຕີດ, ເຈິເຫຼີນ, ປະຈຸບັນແມ່ນເຮືອນເລກທີ 5 ຖະໜົນ ເຈົາວັນລຽມ ຂຶ້ນກັບຕາແສງ 14 ເມືອງ 5. ເຮືອນຫຼັງນ້ອຍທີ່ລຽບງ່າຍນີ້ ໄດ້ເປັນອະນຸສອນຂອງເພິ່ນ ບົນເສັ້ນທາງອອກໄປຕ່າງປະເທດ ເພື່ອຊອກຫາເສັ້ນທາງກູ້ຊາດ ປັດຈຸບັນຖືກເອີ້ນດ້ວຍຊື່ ເປັນໜ້າເຄົາລົບ ແລະ ໃກ້ຊິດທີ່ສຸດ ນັ້ນແມ່ນ “ເຮືອນລຸງ ໂຮ່”

(VOVWORLD) -ເຂດປູຊະນີຍະສະຖານລະດັບຊາດພິເສດປ່າ ເຈິ່ນຮຶງດ້າວ ນອນຢຸ່ຕີນພູ ຊາມກາວ ຂຶ້ນກັບບໍລິເວນສອງຕາແສງ ຕາມກີມ ແລະ ຮວາຖ໋າມ ເມືອງ ງວຽນບິ່ງ ແຂວງ ກາວບັ່ງ. ຫ່າງຈາກນະຄອນ ກາວບັ່ງ ປະມານ 50 ກິໂລແມັດ ໄປທາງທິດຕາເວັນຕົກສຽງໃຕ້, ນີ້ແມ່ນບ່ອນເກັບຮັກສາລະບົບບັນດາປູຊະນີຍະສະຖານ ຕິດພັນກັບໄລຍະປະຫວັດສາດສຳຄັນພິເສດ ຂອງການປະຕິວັດ ຫວຽດນາມ ແລະ ມາຮອດປັດຈຸບັນ ໄດ້ກາຍເປັນສະຖານທີ່ແດງ ໃນການເດີນທາງກັບຄືນສູ່ດິນແດນ ກາວບັ່ງ

(VOVWORLD) -ເງະອານ ເຊິ່ງແມ່ນແຂວງຢູ່ພາກກາງຫວຽດນາມ ທີ່ເຕັມໄປດ້ວຍແດດຮ້ອນເອົ້າ ແລະ ລົມແຮງ ທັງເປັນດິນແດນທີ່ສັກສິດ ໃຫ້ກຳເນີດບັນດານັກວິລະຊົນ, ບູລຸດຜູ້ທີ່ມີຊື່ສຽງ ໃນນັ້ນມີທ່ານປະທານ ໂຮ່ຈີມິນ. ເມືອງ ນາມດ່ານ ເຊິ່ງແມ່ນບ້ານເກີດຂອງປະທານ ໂຮ່ຈີມິນ ແມ່ນແຫ່ງເກັບຮັກສາບັນດາວັດຖຸພັນ ເອກະສານ ວັດທະນະທຳ ປະຫວັດສາດ ໃນຄາວເຍົາໄວຂອງປະທານ ໂຮ່ຈີມິນ