ກອງ​ປະ​ຊຸ​ມ​ທົ່ວ​ປະ​ເທດ​ເຊື່ອມ​ຊຶມ​ມະ​ຕິ​ຂອງ​ກົມ​ການ​ເມືອງ

ບັນດາຜູ້ແທນເຂົ້າຮ່ວມກອງປະຊຸມ (ພາບ: nhandan.vn)

ຕອນເຊົ້າວັນທີ16 ກັນຍາ, ກົມການເມືອງ, ຄະນະເລຂາທິການ ສູນກາງພັກຄອມມູນິດ ຫວຽດນາມ ໄດ້ຈັດກອງປະຊຸມທົ່ວປະເທດ ເຊື່ອມຊຶມ, ຜັນຂະຫຍາຍປະຕິບັດມະຕິສຳຄັນ 4 ສະບັບຂອງກົມການເມືອງ. ທ່ານເລຂາທິການໃຫຍ່ ໂຕເລິມ, ທ່ານປະທານປະເທດ ຫວຽດນາມ ເລືອງເກື່ອງ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ກໍໄດ້ເຂົ້າຮ່ວມ. ໃນທົ່ວປະເທດມີຜູ້ແທນ ກວ່າ 1,2 ລ້ານຄົນໄດ້ເຂົ້າຮ່ວມແບບທາງໄກ.

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເຊື່ອມຊຶມມະຕິສະບັບເລກທີ 71

ນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຊື່ອມຊຶມຫົວຂໍ້ທຳອິດກ່ຽວກັບເນື້ອໃນຈຸດສຸມ, ແກ່ນສານຂອງມະຕິສະບັບທີ 71 ຂອງກົມການເມືອງ ວ່າດ້ວຍການບຸກທະລຸໃນການພັດທະນາການສຶກສາ ແລະ ບຳລຸງສ້າງ ແລະ ໂຄງການຈັດຕັ້ງປະຕິບັດມະຕິ. ທ່ານກ່າວວ່າ:

“ພວກເຮົາຕ້ອງບຳລຸງສ້າງພົນລະເມືອງທົ່ວໂລກ ບໍ່ພຽງແຕ່ຮູ້ພາສາ ຫວຽດ ເທົ່ານັ້ນ ຫາກຍັງຕ້ອງຮູ້ພາສາທີ່ໄດ້ນຳໃຊ້ທົ່ວໄປຈຳນວນໜຶ່ງຄື ອັງກິດ ແລະ ພາສາອື່ນໆ. ນອກຈາກນັ້ນແລ້ວ, ຕ້ອງຍົກປັນຍາປະດິດເຂົ້າໃນການສຶກສາຂັ້ນມັດທະນົມ. ພວກເຮົາພວມຄົ້ນຄວ້າ ແລະ ຊີ້ນຳນຳປັນຍາປະດິດເຂົ້າຫຼັກສູດຂອງ ປໍ 1 ດ້ວຍຈິດໃຈແມ່ນ “ທັງຮຽນທັງຫຼີ້ນ”; ຕ້ອງຂຸດຄົ້ນການບັນເທິງ, ແຕ່ເພີ່ມທະວີລັກສະນະສຶກສາ. ນັ້ນແມ່ນການປ່ຽນແປງໃໝ່ທີ່ມີຄວາມສຳຄັນຍິ່ງ”.

ໃນກອງປະຊຸມ, ບັນດາຜູ້ແທນຍັງໄດ້ຮັບຟັງການສະເໜີກ່ຽວກັບມະຕິສະບັບເລກທີ 72 - NQ/TW ວ່າດ້ວຍບາງມາດຕະການບຸກທະລຸ, ເພີ່ມທະວີການປ້ອງກັນ, ເບິ່ງແຍງດູແລ ແລະ ຍົກສູງສຸຂະພາບຂອງປະຊາຊົນ; ມະຕິສະບັບເລກທີ 59 ຂອງກົມການເມືອງກ່ຽວກັບການເຊື່ອມໂຍງເຂົ້າກັບສາກົນໃນສະພາບການໃໝ່ ແລະ ໂຄງການຈັດຕັ້ງປະຕິບັດມະຕິ ແລະ ການລາຍງານບາງເນື້ອໃນຫຼັກຂອງມະຕິສະບັບເລກທີ 70 ຂອງກົມການເມືອງ ວ່າດ້ວຍການຮັບປະກັນຄວາມໝັ້ນຄົງດ້ານພະລັງງານແຫ່ງຊາດຮອດປີ 2030, ວິໄສທັດຮອດປີ 2045./.