(VOVWORLD) - ដាឡាតគឺជាតំបន់ដីមានអាកាសធាតុត្រជាក់អំណោយផលសម្រាប់ដើមឈើហូបផ្លែជាច្រើនប្រភេទ។ ក្នុងនោះ ផ្លែទន្លាប់ដាឡាត់ គឺជាប្រភេទផ្លែឈើពិសេសប្រចាំតំបន់ដែលភ្ញៀវទេសចរសុទ្ធតែនិយមចូលចិត្ត។ ពីប្រភេទផ្លែឈើនេះ ប្រជាជនក្នុងតំបន់បានកែច្នៃទៅជាមុខម្ហូបឆ្ងាញ់ពិសេស ដែលសក្តិសមសម្រាប់ភ្ញៀវទេសចរទិញធ្វើជាអំណោយ។

(VOVWORLD) - ក្នុងរយៈពេលប៉ុន្មានឆ្នាំថ្មីៗនេះ ម៉ាកយីហោទេសចរ ណ៍ Vung Tau ត្រូវបានរីកសាយភាយដោយទទួលបានការកោតសរសើរជាច្រើនពីភ្ញៀវទេសចរជាតិនិងអន្តរជាតិ ដោយសារមិនត្រឹមមានទេសភាពស្រស់ស្អាត ការការពារបរិស្ថានត្រូវបានធ្វើយ៉ាងល្អប៉ុណ្ណោះទេ ថែមទាំងបានបង្ហាញតាមរយៈ គុណភាពសេវាកម្ម កន្លែងស្នាក់នៅនិងភាពស្និទ្ធស្នាលរបស់ប្រជាជនទៀតផង។ ទាំងអស់នេះក៏ជាកត្តាអំណោយផលនិងសមស្របដើម្បី Ba Ria-Vung Tau បង្កើតប្រភេទទេសចរណ៍សន្និសីទ-សិក្ខាសាលា (MICE) ទន្ទឹមនឹងប្រភេទទេសចរណ៍អេកូឡូស៊ីសហគមន៍និងសម្រាកលំហែកាយ។

(VOVWORLD) - Con Dao មានទីតាំងស្ថិតនៅខេត្ត Ba Ria-Vung Tau នៃប្រទេសវៀតណាម។ ដោយមានបរិស្ថានស្រស់បំព្រង ខ្យល់អាកាសបរិសុទ្ធ ទេស ភាពធម្មជាតិ រមណីដ្ឋានជាទីមនោរម្យ ជាពិសេស អស់រយៈពេលជាច្រើនឆ្នាំជាប់ៗគ្នាទីតាំងនេះ ត្រូវបានទស្សនាវដ្តីទេសចរណ៍ពិភពលោក បោះឆ្នោតជ្រើសតាំងជាកន្លែងដែលមានទឹកសមុទ្រខៀវស្រងាត់បំផុត និងជាប្រជុំកោះអាថ៌កំ បាំងបំផុតនៅលើពិភពលោក។ ហេតុដូច្នេះ Con Dao បានក្លាយទៅជាគោលដៅទេសចរណ៍គួរឲ្យទាក់ទាញទាំងភ្ញៀវទេសចរក្នុងស្រុកនិងបរទេសផងដែរ។ ទន្ទឹមជាមួយគ្នានោះ ការអភិវឌ្ឍប្រកបដោយចីរភាពនៃវិស័យទេសចរណ៍ក៏ដូចជាការថែរក្សាបរិស្ថាននិងប្រព័ន្ធអេកូឡូស៊ីពពួកសត្វគឺជាទិសដៅអភិវឌ្ឍន៍ របស់ខេត្ត នាពេលបច្ចុប្បន្នក៏ដូចជាប៉ុន្មានឆ្នាំខាងមុខផងដែរ។

(VOVWORLD) - Moc Chau គឺជាតំបន់ទេសចរណ៍គួរឲ្យទាក់ទាញមួយនៃខេត្ត Son La ដែលជាខេត្តព្រៃភ្នំស្ថិតនៅភាគខាងជើងវៀតណាម។ ការធ្វើដំណើរទៅកាន់ Moc Chau តែងនៅរដូវក្តៅឬរដូវរងារ ពេលដែលផ្ទៃមេឃធ្លាក់អ័ព្ទពណ៌សឬពន្លឺព្រះអាទិត្យបញ្ចេញពន្លឺមាសនៅឯជើងព្រៃ គឺសុទ្ធតែធ្វើឱ្យអ្នកទេសចរស្រស្រឡាំងកាំង ដោយសារសម្រស់ធម្មជាតិដ៏ស្រស់ស្អាតរបស់ Moc Chau។ មានចម្ងាយប្រហែល ១៩០ គីឡូម៉ែត្រពីទីក្រុងហាណូយ ដោយមានអាកាសធាតុត្រជាក់ពេញមួយឆ្នាំ Moc Chau គឺជាទិសដៅទេសចរណ៍គួរឲ្យចាប់អារម្មណ៍សម្រាប់ភ្ញៀវទេសចរនៅទូទាំងប្រទេស ក្នុងដំណើរកម្សាន្តចុងសប្តាហ៍ នៅតំបន់ភាគពាយព្យដ៏មនោរម្យនេះ។

(VOVWORLD) - សាលាភូមិនៅខេត្ត Binh Thuan តែងតែបានផ្សារភ្ជាប់ជាមួយ នឹងប្រវត្តិនៃការធ្វើចំណាកស្រុក ការរុករកដីធ្លីនិងការកកើតភូមិស្រុក ដើម្បីបង្កើតឡើងលក្ខណៈពិសេសនៃវប្បធម៌ប្រវត្តិសាស្រ្តនិងស្ថាបត្យកម្មនៃតំបន់ដីនេះ។ នៅពេលបានទៅទស្សនាប្រព័ន្ធសាលាភូមិនៅ Binh Thuan អ្នកទេសចរអាចមានឱកាសស្វែងយល់បន្ថែមអំពីតម្លៃវប្បធម៌ពិសេសនៃប្រព័ន្ធកេរដំណែលដ៏វិសេសវិសាលនេះ។

(VOVWORLD) - ផ្សារណាត់ Ha Lau នៅឃុំ Ha Lau ស្រុក Tien Yen ខេត្ត Quang Ninh មានអាយុកាលតាំងពី ៦០ ឆ្នាំនៃសតវត្សរ៍មុន។ នេះជាកន្លែងជួបជុំ ជួញដូរកសិផលរបស់ប្រជាជនជនរួមជាតិ Dao Thanh Y, Tay និង San Chiជាដើម។ ឆ្លងកាត់តាមពេលវេលា ផ្សារណាត់នេះហាក់ដូចជាថមថយបន្តិចម្តងៗ។ រហូតដល់ចុងឆ្នាំ ២០១៨ គណៈកម្មាធិការប្រជាជនស្រុក Tien Yen ខេត្ត Quang Ninh បានស្តារផ្សារនេះឡើងវិញ ក្លាយជាកន្លែងបង្អង់ដំណើរសម្រាប់ភ្ញៀវទេសចរ។

(VOVWORLD) - Tien Yen គឺជាទឹកដីដែលមានការប្រសព្វគ្នានៃវប្បធម៌របស់ក្រុមជនជាតិភាគតិចជាច្រើននៅភាគឦសាន្ត ខេត្ត Quang Ninh។ ឆ្លងកាត់ពេលវេលា នៃការរួមបញ្ចូលរវាងអន្តរវប្បធម៌បានបង្កើតលក្ខណៈពិសេសសម្រាប់តំបន់ដីនិងប្រជាជន Tien Yen - ជាកន្លែងប្រសព្វទន្លេ និងផ្លូវនៅភាគឦសាន។ ចាប់តាំងពីឆ្នាំ ២០១៧ សប្តាហ៍វប្បធម៌និងកីឡាបណ្តាជនជាតិខេត្ត Quang Ninh ត្រូវបានរៀបចំជារៀងរាល់ឆ្នាំ ហើយបានក្លាយជាទីមកដល់សម្រាប់វប្បធម៌ និងផ្សព្វផ្សាយភាពស្រស់ស្អាតបែបប្រពៃណីនៃទឹកដីនិងមនុស្សនៅភាគឦសាត្តខេត្ត Quang Ninh ផងដែរ។

(VOVWORLD) - ចាប់ពីថ្ងៃទី ២៤ ខែកក្កដា ភ្ញៀវទេសចរពេលបានធ្វើទស្សនានៅឯកេរដំណែលពន្ធនាគារ Hoa Lo នឹងអាចចូលរួមក្នុងដំណើរកម្សាន្តនាពេលរាត្រីដោយមានឈ្មោះថា “រាត្រីដ៏ពិសិដ្ឋ-បញ្ចាំងពន្លឺដ៏ភ្លឺចិញ្ចាចនៃស្មារតីវៀត ណាម”។ ក្នុងដំណើរកម្សាន្តនេះ អ្នកទេសចរនឹងឆ្លងកាត់នូវមនោសញ្ចេតនាជាច្រើនពីអារម្មណ៍អាណិតអាសូរ ពីស្ថានភាពទុក្ខលំបាកនៃរបបពន្ធនាគារអាណានិគមនិយម រហូតដល់ កោតសរសើរនូវឆន្ទៈមោះមុត និងពលីកម្មដ៏វីរភាពរបស់វីរបុរសនិងយុទ្ធជនពលី ដែល ឈ្មោះរបស់ពួកគេ បានក្លាយជាផ្នែកមួយនៃប្រវត្តិសាស្ត្រជាតិ។

(VOVWORLD) - តំបន់ទេសចរណ៍ Mui Ne ខេត្ត Binh Thuan ត្រូវបាន ទទួលស្គាល់ថាជាតំបន់ទេសចរណ៍ជាតិនាខែសីហា ឆ្នាំ ២០២០កន្លងមក។ ប្រការនេះ តម្រូវឲ្យខេត្ត Binh Thuan មិនត្រឹមតែផ្តោតលើការវិនិយោគក្នុងការកែលម្អប្រព័ន្ធហេដ្ឋារចនាសម្ព័ន្ធទេសចរណ៍ ឆ្លើយតបតាមលក្ខណៈវិនិច្ឆ័យនៃតំបន់ទេសចរណ៍ជាតិប៉ុណ្ណោះទេ ថែមទាំងធានានូវភាពសុខដុមរមនា រវាងការអភិ វឌ្ឍន៍សេដ្ឋកិច្ចនិងអភិរក្សវប្បធម៌ជនជាតិដើមទៀតផង។ ធ្វើបានដូច្នេះ តំបន់ទេសចរណ៍ Mui Ne ទើបបង្កើតឡើងលក្ខណៈពិសេសដោយឡែកដែលទាក់ទាញភ្ញៀវទេសចរនិងបង្កើតឡើងចំណុចលេចធ្លោនៅលើផែនទីទេសចរណ៍របស់ប្រទេសវៀតណាម។

(VOVWORLD) - ផ្សារអណ្តែតទឹក Cai Rang ជាគោលដៅទេសចរណ៍គួរឲ្យទាក់ ទាញមួយនៃទីក្រុង Can Tho។ ទីតាំងនេះ ធ្លាប់ត្រូវបានទស្សនាវដ្តីទេសចរណ៍រ Rough Guide (អង់គ្លេស) បោះឆ្នោតជាទីផ្សារមួយក្នុងចំណោមទីផ្សារគួរឱ្យចាប់អារម្មណ៍បំផុតទាំង ១០ នៅលើពិភពលោក។ ដើម្បីថែរក្សាលក្ខណៈពិសេសនៃផ្សារអណ្តែតទឹកក៏ដូចជាទាក់ទាញភ្ញៀវទេសចរ ទីក្រុង Can Tho កំពុងអនុវត្តគម្រោង “អភិរក្សនិងអភិវឌ្ឍន៍ផ្សារអណ្តែតទឹក Cai Rang” ក្នុងទិសដៅប្រកប ដោយភាពសុខដុមរមនា។