(VOVWORLD) - តំបន់ទេសចរណ៍ Mui Ne ខេត្ត Binh Thuan ត្រូវបាន ទទួលស្គាល់ថាជាតំបន់ទេសចរណ៍ជាតិនាខែសីហា ឆ្នាំ ២០២០កន្លងមក។ ប្រការនេះ តម្រូវឲ្យខេត្ត Binh Thuan មិនត្រឹមតែផ្តោតលើការវិនិយោគក្នុងការកែលម្អប្រព័ន្ធហេដ្ឋារចនាសម្ព័ន្ធទេសចរណ៍ ឆ្លើយតបតាមលក្ខណៈវិនិច្ឆ័យនៃតំបន់ទេសចរណ៍ជាតិប៉ុណ្ណោះទេ ថែមទាំងធានានូវភាពសុខដុមរមនា រវាងការអភិ វឌ្ឍន៍សេដ្ឋកិច្ចនិងអភិរក្សវប្បធម៌ជនជាតិដើមទៀតផង។ ធ្វើបានដូច្នេះ តំបន់ទេសចរណ៍ Mui Ne ទើបបង្កើតឡើងលក្ខណៈពិសេសដោយឡែកដែលទាក់ទាញភ្ញៀវទេសចរនិងបង្កើតឡើងចំណុចលេចធ្លោនៅលើផែនទីទេសចរណ៍របស់ប្រទេសវៀតណាម។

(VOVWORLD) - ផ្សារអណ្តែតទឹក Cai Rang ជាគោលដៅទេសចរណ៍គួរឲ្យទាក់ ទាញមួយនៃទីក្រុង Can Tho។ ទីតាំងនេះ ធ្លាប់ត្រូវបានទស្សនាវដ្តីទេសចរណ៍រ Rough Guide (អង់គ្លេស) បោះឆ្នោតជាទីផ្សារមួយក្នុងចំណោមទីផ្សារគួរឱ្យចាប់អារម្មណ៍បំផុតទាំង ១០ នៅលើពិភពលោក។ ដើម្បីថែរក្សាលក្ខណៈពិសេសនៃផ្សារអណ្តែតទឹកក៏ដូចជាទាក់ទាញភ្ញៀវទេសចរ ទីក្រុង Can Tho កំពុងអនុវត្តគម្រោង “អភិរក្សនិងអភិវឌ្ឍន៍ផ្សារអណ្តែតទឹក Cai Rang” ក្នុងទិសដៅប្រកប ដោយភាពសុខដុមរមនា។

(VOVWORLD) - មកដល់តំបន់ព្រៃភ្នំ Bac Yen នៃខេត្ត Son La ក្រៅពីរកឃើញនិងទទួលបទពិសោធន៍ដោយឆ្លងកាត់ “ឆ្អឹងខ្នងដាយណូស័រ” ឋានសួគ៌ពពក Ta Xua, ឆ្នេរថ្មបុរាណ Khe Ho, ល្អាងភ្នំ A Phu, បឹងផ្កាឈូក Hua Nhan មក ឥឡូវភ្ញៀវនេះ ភ្ញៀវទេសចរក៏អាចធ្វើដំណើរទៅដល់ Pu Nhi Farm នៅឃុំ Phieng Ban ដើម្បីរីករាយគយគន់សម្រស់ព្រៃភ្នំរហោស្ថាន។ កន្លែងនេះ មានទេសភាពដ៏អស្ចារ្យអាកាសធាតុត្រជាក់ស្រួល ខ្យល់បរិសុទ្ធស្រស់ស្រាយ ដែលជាកន្លែងគួរឱ្យចាប់អារម្មណ៍សម្រាប់ការទស្សនាដកពិសោធន៍និងការសម្រាកលំហែកាយក្នុងអំឡុងពេលរដូវក្តៅ។

(VOVWORLD) - Binh Phuoc គឺជាខេត្តមួយស្ថិតនៅតំបន់អាស៊ីអាគ្នេយ៍ដែលល្បីឈ្មោះដោយមានដងព្រៃឈើដ៏ធំល្វឹងល្វើយ ដែលមានទេសភាពធម្មជាតិរហោស្ថាននិងតំបន់ប្រវត្តិសាស្ត្រដែលមានមនុស្សតិចតួចណាស់ស្គាល់ដល់។ សោភណ្ឌភាពរបស់ខេត្ត Binh Phuoc មានទីវាលល្ហល្ហេវ ហើយកំពុងលេចឡើងជាកន្លែងគួរឱ្យចាប់អារម្មណ៍សម្រាប់ការទស្សនានិងស្វែងរករបស់ភ្ញៀវទេសចរទាំងក្នុងនិងក្រៅប្រទេស។

(VOVWORLD) - ភូមិ Dong Ngu ឃុំ Ngu Thai ស្រុក Thuan Thanh ខេត្ត Bac Ninh ជាកន្លែងល្បីឈ្មោះជាមួយនឹងក្រុមសម្តែងល្ខោនអាយ៉ងទឹក Dong Ngu។ ឆ្លងកាត់ការឡើងចុះនៃពេលវេលា រហូតមកដល់បច្ចុប្បន្ន Dong Ngu នៅតែជាវង់សម្តែងល្ខោនអាយ៉ងទឹកមួយក្នុងចំណោមក្រុមសម្តែងល្ខោនអាយ៉ងទឹកប្រជាប្រិយទាំង ១៤ ក្នុងប្រទេសនៅតែដំណើរការជាមួយនឹងឈុតសម្តែងវិសេសវិសាលជាច្រើននិងសម្បូរបែប។ ទាំងអស់នេះបានបញ្ជាក់ពីភាពរឹងមាំយូរអង្វែងនៃប្រភេទសិល្បៈដ៏វិសេសវិសាលនេះ។

(VOVWORLD) - ទីក្រុងហាណូយមានភាពស្រស់ស្អាតបំផុតហើយក៏គួរឲ្យទាក់ ទាញបំផុតគឺក្នុងអំឡុងពេលឈានចូលរដូវស្លឹកឈើជ្រុះ (សរទរដូវ)។ សម្រស់នៃរដូវស្លឹកឈើជ្រុះរបស់ហាណូយ មានសម្រស់ដោយឡែករបស់ខ្លួន ពេលខ្លះហាក់ដូចជាបង្កប់នូវភាពខ្មាស់អៀន ពេលខ្លះផ្អែមល្ហែម ហើយពេលខ្លះពាសពេញដោយភាពស្រស់ឆើយឆាយ។ សរទរដូវនាំយកនូវរសជាតិដ៏កក់ក្តៅនៃរដូវកាលដ៏ស្រស់ស្អាតបំផុតប្រចាំឆ្នាំ ជាមួយពណ៌មាសនៃពន្លឺព្រះអាទិត្យ។

(VOVWORLD) - ធ្លាប់បានគេស្គាល់ដល់ជាតំបន់ដែលមានឧត្តមភាពក្នុងការអភិវឌ្ឍឧស្សាហកម្ម ប៉ុន្តែ ខេត្ត Dong Nai នៅមានគុណសម្បត្តិជាច្រើនទៀតក្នុងការអភិវឌ្ឍន៍វិស័យ ទេសចរណ៍ ជាពិសេសគឺអេកូទេសចរណ៍តែម្តង។ តំបន់អេកូទេសចរណ៍គួរឲ្យទាក់ទាញនិងពោរពេញទៅដោយលក្ខណៈស្រស់ស្អាតនៅខេត្ត Dong Nai បានផ្តល់ជូនភ្ញៀវទេសចរនូវបទពិសោធន៍គួរឱ្យចាប់អារម្មណ៍។

(VOVWORLD) - ចាប់តាំងពីរដូវស្លឹកឈើជ្រុះនៃបដិវត្តខែសីហា នាឆ្នាំ ១៩៤៥ មក ទីលាន Ba Dinh បានក្លាយជាទីកន្លែងជិតស្និទ្ធនិងពិសិដ្ឋសម្រាប់ប្រជាជនទីក្រុងហាណូយនិងប្រជាជនទូទាំងប្រទេស។ នេះជាទីលានធំជាងគេក្នុងប្រទេស វៀតណាម ដែលមានទីតាំងស្ថិតនៅលើវិថី Hung Vuong ខ័ណ្ឌ Ba Dinh ហើយនេះក៏ជាកន្លែងមានវិមានតម្កល់សពលោកប្រធានហូជីមីញផងដែរ។ ទីលាន Ba Dinh មានទីតាំងស្ថិតនៅក្នុងតំបន់បេតិកភ័ណ្ឌប្រវត្តិសាស្ត្រ-វប្បធម៌ Ba Dinh និងបានក្លាយជាសាក្សីរួមដំណើរជាមួយពេលវេលា ដើម្បីចារឹកនិងរក្សាទុកស្លាក ស្នាមនៃប្រវត្តិសាស្រ្ត។ កន្លែងនេះក៏ជាបេះដូងនៃរដ្ឋធានី និងជាមោទនភាពរបស់ប្រជាជនរដ្ឋធានីនិយាយដោយឡែកនិងប្រជាជនវៀតណាមទាំងមូលនិយាយរួម។

(VOVWORLD) - ភូមិរបរ Kim Son នៅខេត្ត Ninh Binh ជាភូមិល្បីឈ្មោះតាំងពីយូរណាស់មកហើយ ដោយមុខរបរដាំដើមកក់និងធ្វើផលិតផលសិប្បកម្មពីដើម កក់។ ដើមកក់មានវត្តមាននៅលើតំបន់ដី Kim Son ជិតពីរសតវត្សរ៍ ហើយឆ្លងកាត់រាប់រយឆ្នាំ ប្រជាជននៅទីនេះបានបង្កើតឡើងវាលកក់ធំល្វឹងល្វើយលើតំបន់ដីល្បប់។ ដោយរស់នៅក្នុងលំយោលនៃភូមិប្រកបមុខរបរសិប្បកម្មធ្វើពី កក់បែបប្រពៃណីសិប្បករធ្វើកក់នៅ Kim Son ជាមួយបាតដៃប៉ិនប្រសប់ប្រកបដោយទេពកោសល្យរបស់ខ្លួន បានបង្កើតឡើងផលិតផលសិប្បកម្មពីកក់ជាច្រើន ដែលបំពេញតាមតំរូវការរបស់អតិថិជនទាំងក្នុងស្រុកនិងបរទេសទៀត ផង។

(VOVWORLD) - ស្ថិតនៅចម្ងាយ ១១០ គីឡូម៉ែត្រ ពីទីក្រុង Tuyen Quang តំបន់ទេសចរណ៍ធម្មជាតិ Na Hang ដោយមានទេសភាពស្រស់បំព្រង កំពុងជាទិសដៅគួរឲ្យទាក់ទាញសម្រាប់ភ្ញៀវទេសចរជាច្រើនរូប។ មិនត្រឹមតែមានទេសភាពធម្មជាតិដ៏អស្ចារ្យប៉ុណ្ណោះទេ Na Hang ថែមទាំងជាកន្លែងរក្សាតម្លៃវប្បធម៌ប្រពៃណីរបស់បណ្តាជនជាតិភាគតិចនៅទីនេះទៀតផង។