(VOVWORLD) - ជាមួយនឹងវាលស្មៅពណ៌បៃតងដ៏ធំល្វឹងល្វើយ អាកាសធាតុបរិសុទ្ធរួមជាមួយទេសភាពស្រស់បំព្រង តំបន់ទេសចរណ៍ជាតិ Moc Chau នៅខេត្ត Son La គឺជាគោលដៅកំសាន្តរបស់អ្នកទេសចរជាច្រើនរូប។ មកដល់ Moc Chau ក្រៅពីការទស្សនាកំសាន្តនិងដកបទពិសោធន៍នៅតាមកន្លែងល្បីៗ ជាច្រើនដូចជា ចំការតែរូបបេះដូង ល្បាក់ទឹក Yem ដ៏ស្រស់ស្អាតមក អ្នកទេសចរក៏អាចទៅទស្សនាចំការស្ត្រប៊ឺរី Chimi - Farm ដើម្បីបេះផ្លែនិងទិញយកទុកពិសារដោយរីករាយនិងចូលរួមក្នុងពិធីបុណ្យប្រពៃណី ភ្លក់មុខម្ហូបប្រពៃណីដែលរៀបចំដោយជនជាតិភាគតិចក្នុងតំបន់តែម្តង។

(VOVWORLD) - ស្ថិតនៅភាគខាងកើតនៃកោះ Cat Ba ក្នុងទីក្រុង Hai Phong ឈូងសមុទ្រ Lan Ha ធ្លាប់ត្រូវបានគេប្រដូចជា “ឋានសួគ៌ដែលត្រូវបានបំភ្លេច ចោលអញ្ជឹង”។ ប៉ុន្តែឥឡូវ ឋានសួគ៌ដ៏អស្ចារ្យនេះកំពុងធ្វើឲ្យអ្នកគ្រប់គ្នាដែលចូលចិត្តធ្វើដំណើរទេសចរណ៍និងស្រឡាញ់ធម្មជាតិ មានការភ្ញាក់ផ្អើលយ៉ាងខ្លាំង។

(VOVWORLD) - មហោស្រព “អាវផាយ Hue” នឹងក្លាយជាចំណុចលេចធ្លោពិសេសមួយនៅឯព Festival Hue ២០២០ ដែលប្រព្រឹត្តទៅនៅដើមខែកញ្ញាឆ្នាំ ២០២០។ មិនត្រឹមតែប៉ុណ្ណោះ មហោស្រព អាវផាយ នឹងក្លាយជាព្រឹត្តិការណ៍បន្តបន្ទាប់តាមរយៈ បណ្តាពិធីបុណ្យប្រចាំឆ្នាំរបស់ខេត្ត Thua Thien Hue។ តាមរយៈពិធីបុណ្យទាំងនេះ បានរួមចំណែកក្នុងការលើកកម្ពស់ពាណិជ្ជសញ្ញានិងជាអត្តសញ្ញាណវប្បធម៍នៃ អាវផាយ Hue ក៏ដូចជា អាវផាយប្រពៃណីរបស់វៀតណាមនៅលើទ្វីបទាំង ៥។ គោលដៅដែលទីក្រុង Hue ចង់ឆ្ពោះទៅការថែរក្សាសម្រស់វប្បធម៌នៃអាវផាយរបស់វៀតណាមហើយទន្ទឹមនឹងនោះ ផ្សព្វផ្សាយវប្បធម៌និងបង្កើតផលិតផលទេសចរណ៍ដ៏វិសេសវិសាលនេះផងដែរ។

(VOVWORLD) - ដោយមានវត្ថុតាំងជាង ១ម៉ឺន អំពីតំបន់ Tay Nguyen ដែល ភាគច្រើនជាវត្ថុបុរាណធ្វើពីកុលាលភាជន៍នោះ អ្នកប្រមូលវត្ថុបុរាណ Vo Minh Luan នៅទីក្រុង Buon Ma Thuot ខេត្ត Dak Lak កំពុងមានផែនការចង់បង្កើត “ ផ្ទះដាក់តាំងក្រឡ” មួយដើម្បីរក្សាតម្លៃវប្បធម៌នៃតំបន់ Tay Nguyen សម្រាប់មនុស្សជំនាន់ក្រោយ។ ទន្ទឹមជាមួយគ្នានេះ លោក Vo Minh Luan ក៏ចង់ប្រែក្លាយកន្លែងនេះ ទៅជាសារមន្ទីរនៃតំបន់ Tay Nguyen ដែលតាំងបង្ហាញនូវស្នាដៃសិល្បៈកុលាលភាជន៍ទៀតផង។

(VOVWORLD) - ដោយមានទីតាំងស្ថិតនៅលើផ្លូវ Phu Dong Thien Vuong នៃទីក្រុង Da Lat ខេត្ត Lam Dong, មជ្ឈមណ្ឌលវិបស្សនា Van Hanh គឺជាទីសក្ការៈបូជាសម្រាប់ព្រះសង្ឃ ដូនជី ពុទ្ធបរិស័ទ និងភ្ញៀវទេសចរមកពីគ្រប់ទិសទី ដើម្បីទស្សនាធ្វើសក្ការៈបូជាហើយទីនេះ ត្រូវបាន ចាត់ទុកថាជាសំណង់វប្បធម៌ដ៏វិសេសវិសាល ដែលបង្ហាញពីស្ថាបត្យកម្មដោយឡែកនៃព្រះពុទ្ធសាសនា ហើយក៏ជាអាសយដ្ឋានមួយដែលមិនអាចរំលងបានសម្រាប់ភ្ញៀវទេសចរពេលដែលមកដល់ទីក្រុង Da Lat ម្តងៗ។

(VOVWORLD) - ទីរួមស្រុក Moc Chau ខេត្ត Son La មានភាពល្បីឈ្មោះតាំងពីយូរណាស់មកហើយថាជាតំបន់ដីពេញទៅដោយស្ពៃខៀវផ្កាសនិងចំការតែលាតសន្ធឹងខៀវស្រងាត់។ ថ្មីៗនេះ នៅលើផែនទីទេសចរណ៍ Moc Chau ក៏បានលេចចេញនូវឈ្មោះភូមិ Na Ka ដែលជាកន្លែងមានជ្រលងភ្នំដាំផ្លៃផ្លាំ (ភាសាវៀត ណាមហៅថាផ្លែ Man និងឈ្មោះវិទ្យាសាស្រ្តៈ Prunus domestica) ដ៏ស្អាតអស្ចារ្យ។ អញ្ជើញមកទស្សនាភូមិ Na Ka នាពេលនេះគឺចំទៅនឹងរដូវប្រមូលផលផ្លែផ្លាំ ហើយអ្នកនឹងលង់អារម្មណ៍ជាពុំខាន ចំពោះផ្ទាំងទស្សនីយភាពដ៏ស្រស់ស្អាត នៃតំបន់ភ្នំភាគពាយព្យ ស្រូបយកខ្យល់បរិសុទ្ធ និងរីករាយបេះផ្លែផ្លាំនៅលើមែក ឈើផងដែរ។

(VOVWORLD) - “ផ្លូវផែនទី” ជាផ្លូវធំមួយនាំទៅកាន់ Cu Lao Rua នៅឃុំ Thanh Hoi ទីរួមស្រុក Tan Uyen ខេត្ត Binh Duong។ ឈ្មោះ “ផ្លូវផែនទី” ត្រូវបានប្រជាជននៅទីនេះដាក់ចាប់តាំងពីលោក Mai Song Be អតីតប្រធានសមាគមអ្នកកាសែតខេត្ត Dong Nai បាននាំយកផ្ទាំងគំនូរសេរ៉ាមិចចំនួន ៤០ ផ្ទាំង ដែលបានបោះពុម្ពលើផែនទីនូវសមុទ្រនិងកោះ មកតាំងបង្ហាញនៅទីនេះ ក្នុងខែមេសាឆ្នាំ ២០១៩។

(VOVWORLD) - នៅទីក្រុងហូជីមិញមានកេរដំណែលប្រវត្តិសាស្ត្រជាតិពិសេសមួយ ជាទីកន្លែងដែលលោកប្រធានហូជីមិញបានស្នាក់នៅរយៈពេល ៩ ខែ មុនពេលលោកចាកចេញដើម្បីស្វែងរកគោលមាគ៌ាជួយសង្គ្រោះជាតិ។ នោះជាផ្ទះ ១-២-៣ Quai Testard, ផ្សារ Cho Lon ហើយបច្ចុប្បន្នជាផ្ទះលេខ ៥ វិថី Chau Van Liem សង្កាត់ ១៤ ខ័ណ្ឌទី ៥។ ផ្ទះតូចសាមញ្ញមួយខ្នងនេះ បានរក្សានូវស្លាក់ស្នាមរបស់លោកប្រធាន ក្នុងដំណើរការទៅស្វែងរកផ្លូវសង្គ្រោះជាតិដ៏មហិមា ហើយបច្ចុប្បន្នត្រូវបានគេប្រសិទ្ធនាមដោយការគោរពនិងស្និទ្ធស្នាលបំផុតគឺ “ផ្ទះលោកអ៊ំហូ”។

(VOVWORLD) - ខេត្ត Nghe An ជាខេត្តមួយស្ថិតនៅភាគកណ្តាល ដែលពោរពេញទៅដោយខ្យល់និងពន្លឺព្រះអាទិត្យ គឺជាកន្លែងបង្កើតឡើងវីរបុរសនិងឥស្សរៈជនល្បីឈ្មោះ ជាច្រើនក្នុងនោះមានលោកប្រធានហូជីមិញផងដែរ។ ស្រុក Nam Dan ខេត្ត Nghe An ដែលជាស្រុកកំណើតរបស់លោកប្រធានហូជីមិញ គឺជាកន្លែងសម្រាប់ថែរក្សាវត្ថុអនុស្សាវរីយ៍ ឯកសារ និងវប្បធម៌ប្រវត្តិសាស្រ្តស្តីពីកុមារ ភាពរបស់លោកប្រធានហូជីមិញ។

(VOVWORLD) - ក្នុងប៉ុន្មានថ្ងៃនេះ រួមជាមួយប្រទេសជាតិទាំងមូល ទីក្រុង ហូជីមិញកំពុងរៀបចំនូវសកម្មភាពជាច្រើនដើម្បីអបអរសាទរខួបលើកទី ៤៥ នៃទិវារំដោះភាគខាងត្បូង ឯកភាពប្រទេសជាតិ (៣០ មេសា ១៩៧៥ - ៣០ មេសា ២០២០)។ ភ្ញៀវទេសចរជាតិនិងអន្តរជាតិជាច្រើននាក់ និងប្រជាជនទីក្រុងបានធ្វើដំណើរទៅទស្សនា “អាស័យដ្ឋានក្រហម” មួយចំនួនដែលភ្ជាប់ជាមួយប្រពៃណីបដិវត្តរបស់ទីក្រុង បំពាក់ឈ្មោះលោកប្រធានហូជីមិញ ដូចជាវិមានឯករាជ្យ កំពង់ផែ Nha Rong និងផ្លូវរូងក្រោមដី Cu Chi ជាដើម ដើម្បីរួមគ្នា រំលឹកឡើងវិញនូវប្រវត្តិសាស្រ្តដ៏រុងរឿងរបស់ប្រទេសជាតិ និងតបស្នងសងគុណចំពោះអ្នកដែលបានពលីកម្មដើម្បីឯករាជ្យនិងសេរីភាពជូនមាតុភូមិ។