(VOVWORLD) - សេចក្តីសម្រេចចិត្តរបស់ការិយាល័យនយោបាយស្តីពីការកសាង និងអភិវឌ្ឍន៍ទីក្រុង Da Nang ដល់ឆ្នាំ ២០៣០ ដោយមានចក្ខុវិស័យដល់ឆ្នាំ ២០៤៥ កំណត់គោលដៅដល់ឆ្នាំ ២០៣០ ទីក្រុង Da Nang សម្រេចបានការសាងសង់ទីក្រុងឆ្លាតវៃ តភ្ជាប់បណ្តាញទីក្រុងឆ្លាតវៃទាំងក្នុងប្រទេសនិងក្នុងតំបន់អាស៊ាន។ ដើម្បីសម្រេចបាននូវគោលដៅនេះ ទីក្រុងបានបង្កើតគម្រោងផ្លាស់ប្តូរឌីជីថលដល់ឆ្នាំ ២០២៥ ចក្ខុវិស័យដល់ឆ្នាំ ២០៣០ ដោយកំណត់ការផ្លាស់ប្តូរឌីជីថលជាកម្លាំងចលករក្នុងការបង្កើតចំណុចលោតផ្លោះលើគ្រប់វិស័យ ឆ្ពោះទៅការកសាងទីក្រុង Da Nang ទៅជាប្រព័ន្ធអេកូឡូស៊ីទំនើប ឆ្លាតវៃ និងជាទីតាំងគួរឲ្យចង់រស់នៅ។

(VOVWORLD) - វង្សត្រកូលគ្រួសារ Vang ស្វ័យគ្រប់គ្រងនៅឃុំ Ta Tong ខេត្ត Lai Chau បានបង្កើតឡើងជាង ៥ ឆ្នាំមកហើយ។ ចាប់តាំងពីបង្កើតឡើងរហូតមកដល់បច្ចុប្បន្ន រួមជាមួយនឹងការរក្សាសន្តិសុខ សណ្តាប់ធ្នាប់ វង្សត្រកូលគ្រួសារ Vang បានក្លាយជាចំណុចភ្លឺស្វាង ដែលត្រួសត្រាយក្នុងចលនារួមគ្នាអភិវឌ្ឍន៍សេដ្ឋកិច្ច លុបបំបាត់ភាពអត់ឃ្លាន និងកាត់បន្ថយភាពក្រីក្រនៅក្នុងមូលដ្ឋាន។

(VOVWORLD) - ដោយមានផ្ទៃដីលាតសន្ធឹងលើជម្រាលភ្នំពីកម្ពស់ ១.០០០ ម៉ែត្រទៅ ២.០០០ ម៉ែត្រពីលើនីវ៉ូទឹកសមុទ្រ ព្រៃឈើបុរាណនៅខេត្ត Son La កំពុងស្ថិតក្នុងរដូវប្រមូលផល។ ពីប្រភេទរុក្ខជាតិព្រៃមួយ ក្នុងរយៈពេលប៉ុន្មានឆ្នាំកន្លងមកនេះ ផ្លែ Son tra (ឈ្មោះឡាតាំង Fructus Crataegi) បានក្លាយទៅជារុក្ខជាតិដែលមានអត្ថប្រយោជន៍ទ្វេរដង គឺនៅពេលដែលវាផ្តល់ផលល្អ និងថែរក្សាព្រៃឈើផង និងនាំមកនូវផលប្រយោជន៍សេដ្ឋកិច្ចដល់ប្រជាជននៅតំបន់ព្រៃភ្នំនៅទីនេះផងដែរ។

(VOVWORLD) - ដោយមានគោលដៅ “យកប្រជាជននិងសហគ្រាសជាមជ្ឈភាពសម្រាប់បម្រើ” ក្នុងរយៈពេលកន្លងមក ទីក្រុងហាណូយបានធ្វើសាមញ្ញបនីយកម្ម និងលុបចោលបែបបទរដ្ឋបាលរាប់រយផងដែរ។ ស្ថានភាពជាក់ស្តែងនោះ មិនត្រឹមតែជួយប្រជាជន និងសហគ្រាសកាត់បន្ថយពេលវេលា និងចំណាយក្នុងការអនុវត្តបែបបទរដ្ឋបាលប៉ុណ្ណោះទេ ថែមទាំងបង្កើតជួរកម្មាភិបាល និងនិយោជិកប្រកបដោយស្មារតីទទួលខុសត្រូវ និងមានក្រមសីលធម៌សេវាសាធារណៈទៀតផង។

(VOVWORLD) - នាពេលថ្មីៗនេះ ទីក្រុងហាណូយ គណៈកម្មាធិការប្រជាជនខ័ណ្ឌ Tay Ho ទើបតែបានប្រកាសអំពីគម្រោងផែនការលម្អិតរបស់មជ្ឈមណ្ឌលនៃឧបទ្វីប Quang An ដែលក្នុងនោះចំណុចលេចធ្លោជាងគេគឺរោងមហោស្រព Opera ដែលសាងសង់បណ្តែតលើបឹង Dam Tri ដែលជាបឹងស្ថិតក្នុងចំណោមប្រជុំ បឹងខាងលិច។ ប្រសិនបើសំណង់នេះត្រូវបានបង្ហើយ នឹងក្លាយជាសំណង់មានលក្ខណៈអន្តរជាតិ បង្កើតឡើងចំណុចរំលេចនៃវប្បធម៌និងលើកកម្ពស់ឋានៈរបស់រដ្ឋធានី។

(VOVWORLD) - បន្ទាប់ពីទទួលបានជោគជ័យពីការសម្តែងលើកដំបូងក្នុងឆ្នាំ ២០២១ ថ្មីៗនេះ ការប្រគុំតន្ត្រី "ដើម្បីហាណូយមួយគួរជាទីរស់នៅ" ដោយមានការចូលរួមពីក្រុមតន្ត្រីជាច្រើន ដូចជាក្រុមតន្ត្រីចម្រៀងចម្រុះ SamSung Harmony Thai Nguyen ក្រុមតន្ត្រីចម្រៀងចម្រុះ Da Dang បានបន្តរៀបចំនៅ Complex 01, Tay Son, Hanoi - ជាលំហពហុមុខងារក្នុងគោលបំណងផ្លាស់ប្តូរពីរោងចក្រចាស់ ដើម្បីបង្ហាញសារនៃការអភិរក្ស និងពង្រីកបរិយាកាសសាធារណៈធម្មជាតិនៅទីក្រុងហាណូយ។

(VOVWORLD) - នៅសល់តែ ២ ថ្ងៃទៀតប៉ុណ្ណោះ គឺនៅថ្ងៃទី ៥ ខែកញ្ញា សិស្សានុសិស្សវៀតណាមរាប់លាននាក់នឹងទៅសាលាដើម្បីចូលរួមពិធីបើកបវេសន កាលឆ្នាំសិក្សាថ្មី ២០២២-២០២៣ ក្នុងនោះមានទាំងកុមារនៅតាមស្រុកព្រំដែនមួយចំនួននៃខេត្ត Son La ផងដែរ។ ដើម្បីអាចមានលក្ខណៈទៅរៀនបាន ក្នុងប៉ុន្មានឆ្នាំកន្លងមកនេះ ប្អូនៗកុមារនៅតំបន់ព្រំដែនខេត្ត Son La បានទទួលជំនួយពីគម្រោង “ចិញ្ចឹមប្អូនកុមារ Moc Chau”។ គម្រោងនេះគឺជាការរួមបញ្ចូលគ្នារវាងសម្ព័ន្ធយុវជននគរបាលខេត្ត Son La ជាមួយមន្ទីរអប់រំនៅតាមស្រុកជាប់ព្រំដែន។ មកទល់នឹងពេលនេះ គម្រោងបានផ្តល់អាហារថ្ងៃត្រង់ដល់កុមារជិត ២០០០នាក់ ដោយបន្តសរសេរក្តីស្រមៃចង់ទៅសាលារៀនរបស់សិស្សានុសិស្សជាច្រើននៅតំបន់ព្រំដែននៃខេត្ត Son La។

(VOVWORLD) - ការផ្សព្វផ្សាយផលិតផល OCOP តាមរយៈទីផ្សារពាណិជ្ជកម្មអេឡិចត្រូនិក e-commerce គឺជាដំណោះស្រាយដ៏មានប្រសិទ្ធភាពមួយដើម្បី ជួយឱ្យផលិតផលខិតទៅជិតជាមួយអ្នកប្រើប្រាស់មួយចំនួនធំ។ ក្នុងរយៈពេលកន្លងមក ខេត្ត Quang Ninh បានខិតខំប្រឹងប្រែងក្នុងការបង្កើតបណ្តាញ ចែកចាយឌីជីថល ការដាក់ពង្រាយអាជីវកម្មនៅលើទីផ្សារពាណិជ្ជកម្មអេឡិច ត្រូនិក e-commerce ដើម្បីលក់ចេញផលិតផលក្នុងតំបន់។

(VOVWORLD) - ក្នុងរយៈពេលប៉ុន្មានឆ្នាំកន្លងមកនេះ កសិកម្មរួមបញ្ចូលគ្នាជាមួយនឹងទេសចរណ៍ដកពិសោធន៍បាននាំមកនូវផលប្រយោជន៍សេដ្ឋកិច្ចសម្រាប់អង្គភាព និងគ្រួសារកសិករជាច្រើននៅក្នុងខេត្ត Son La។ ការចូលរួមដោយផ្ទាល់របស់ប្រជាកសិករបានបង្កើតនូវភាពសម្បូរបែប និងភាពទាក់ទាញសម្រាប់ផលិតផលទេសចរណ៍ ជួយភ្ញៀវទេសចរឱ្យសម្របខ្លួនក្នុងជីវភាពរស់នៅប្រចាំថ្ងៃរបស់ប្រជាជនក្នុងតំបន់ ហើយទន្ទឹមនឹងនោះនាំមកនូវប្រាក់ចំណូលស្ថិរភាពសម្រាប់ប្រជាកសិករ។

(VOVWORLD) - នៅខេត្ត Tien Giang គំរូចាប់ផ្តើមនៃការចិញ្ចឹមសត្វក្តាន់ សម្រាប់លក់របស់លោក Nguyen Hoang Viet (នៅភូមិ Phu Thanh A ឃុំ Phu Kiet ស្រុក Cho Gao) ត្រូវបានគេស្គាល់ដល់យ៉ាងទូលំទូលាយនាពេលថ្មីៗនេះ ដោយ សារនាំមកនូវប្រសិទ្ធភាពសេដ្ឋកិច្ចខ្ពស់។ រហូតមកដល់បច្ចុប្បន្ន គំរូនេះត្រូវបានយុវជនក្នុងតំបន់រៀនសូត្រនិងធ្វើតាម បង្កើតឥទ្ធិពលវិជ្ជមានក្នុងចលនាចាប់ផ្តើមអាជីវកម្មក្លាយជាអ្នកមានក្នុងចំណោមយុវជននៅជនបទ Tien Giang។