យុទ្ធជនដែលឈរជើងនៅតំបន់កោះសមុទ្រភាគនិរតីនៃមាតុភូមិ ឆ្ពោះទៅមហាសន្និបាតបក្សលើកទី ១៤។ រូបថត៖ VOV

ទោះបីជាស្ថិតរយៈចម្ងាយប្រហែល ១០០ គីឡូម៉ែត្រពីដីគោកក៏ដោយ ប៉ុន្តែក្នុងនាប៉ុន្មានឆ្នាំថ្មីៗនេះ កោះណាមយូនៅតែកត់ត្រានូវការអភិវឌ្ឍយ៉ាងខ្លាំងក្លា នៅពេលដែលសម្ភារបរិក្ខារ និងហេដ្ឋារចនាសម្ព័ន្ធនៅលើកោះត្រូវបានវិនិយោគនិងសាងសង់ដោយសមកាលកម្ម ជាមួយនឹងប្រព័ន្ធកំពង់ផែ ផ្លូវចរាចរណ៍ជុំវិញកោះ សាលារៀន និងមណ្ឌលសុខភាព។ អាស្រ័យហេតុនេះ ជីវភាពខាងសម្ភារៈ និងស្មារតីរបស់កម្មាភិបាល យុទ្ធជន និងប្រជាជននៅលើកោះកាន់តែប្រសើរឡើង។ កត្តាទាំងនេះ ធ្វើឱ្យប្រជាជននៅលើកោះមានទំនុកចិត្តកាន់តែខ្លាំងលើភាពជោគជ័យនៃមហាសន្និបាតលើកទី ១៤ របស់បក្ស ដែលនឹងបើកចេញឱកាសថ្មីៗ ដើម្បីឱ្យតំបន់សមុទ្រភាគនិរតីនៃមាតុភូមិ បន្តបោះជំហានទម្លុះទម្លាយ និងអភិវឌ្ឍន៍ឈានទៅមុខជាមួយប្រទេសទាំងមូល។

លោកគ្រូ ហ្វាម ហា នាយកសាលាបឋមសិក្សា អាន សឹន អនុតំបន់ អានសឹនតំបន់ពិសេស កៀនហាយ បានសម្តែងថា៖

«ក្នុងនាមជាបក្ខជននិងជាពលរដ្ឋម្នាក់ រូបខ្ញុំផ្ទាល់ពិតជាមានជំនឿជាក់យ៉ាងខ្លាំងលើភាពជោគជ័យនៃមហាសន្និបាតបក្សលើកទី ១៤ ហើយតាមរយៈមហាសន្និបាតបក្សនេះ យើងនឹងមានការទម្លុះទម្លាយលើការអភិវឌ្ឍសេដ្ឋកិច្ច ជាពិសេសគឺការយកចិត្តទុកដាក់ចំពោះប្រជាជននៅតំបន់ដាច់ស្រយាល តំបន់ព្រំដែន និងជាពិសេសគឺប្រជាជននៅតាមឃុំកោះ ដើម្បីអភិវឌ្ឍសេដ្ឋកិច្ចឱ្យបានរឹងមាំ»។

ប្រជុំកោះណាំយូ នៅខេត្តអានយ៉ាង។ រូបថត៖ VOV

ចែករំលែកក្តីជឿទុកចិត្តនេះ អនុសេនីយ៍ឯក ហូ ស្វឺន ទ្រឿង ស្នងការនយោបាយនៃស្ថានីយរ៉ាដា ៦២៥ កងវរសេនាធំ ៥៥១ តំបន់លេខ ៥ កងទ័ពជើងទឹក ដែលកំពុងឈរជើងនៅឃុំកោះ ទៀន ហាយ ខេត្ត អាន យ៉ាង បានចែករំលែកថា៖

«ខ្ញុំជឿជាក់ថា មហាសន្និបាតតំណាងទូទាំងប្រទេសលើកទី ១៤ របស់បក្ស នឹងបន្តអះអាងនូវគោលមាគ៌ាដ៏ត្រឹមត្រូវ ហើយមានការផ្លាស់ប្តូរថ្មីយ៉ាងខ្លាំងក្លាបន្ថែមទៀតក្នុងផ្នត់គំនិតអភិបាលកិច្ចជាតិ ការអភិវឌ្ឍមនុស្ស និងការកសាងប្រកបដោយចីរភាពសម្រាប់ជំនាន់អនាគត។ ខ្ញុំក៏ជឿជាក់ដែរថា ក្រោមការដឹកនាំ និងទិសដៅអភិវឌ្ឍន៍របស់បក្ស វិស័យអប់រំនឹងរីកចម្រើន ក៏ដូចជានឹងអភិវឌ្ឍប្រជាជនវៀតណាមលើគ្រប់ជ្រុងជ្រោយ។ មនុស្សគឺជាឫសគល់ ហើយប្រជាជនគឺជាឫសគល់ ដូច្នេះនៅពេលដែលវិស័យអប់រំរីកចម្រើន និងមនុស្សត្រូវបានអភិវឌ្ឍយ៉ាងពេញលេញ នោះប្រទេសជាតិនឹងមានភាពរុងរឿង»៕