ប្រជាជនកូរ៉េខាងត្បងតាមដានព័ត៌មានស្ដីអំពីការសាកល្បងគ្រាប់បែករបស់ស.ប.បកូរ៉េតាមទូរទស្សន៍ (រូបថត៖Kyodo/TTXVN)

(VOVworld) - នាថ្ងៃទី២៧ មករា ថ្លែងមតិនៅសន្និសីទកាសែតបន្ទាប់ពីជំនួបជាមួយ
រដ្ឋមន្រ្តីការបរទេសអាមេរិកលោក John Kerry ដែលកំពុង បំពេញទស្សនកិច្ចនៅប៉េ
កាំង រដ្ឋមន្រ្តីការបរទេសចិនលោក Wang Yi បានឲ្យដឹងថា ក្រុមប្រឹក្សាសន្តិសុខ
អ.ស.បគប្បីមានសកម្មភាពជាបន្តហើយអនុម័តលើសេចក្ដីសំរេចចិត្តថ្មីអំពីស.ប.ប
កូរ៉េក្រោយពីការសាកល្បងនុយក្លេអ៊ែរលើកទី៤របស់ប្រទេសនេះកាលពីថ្ងៃទី៦
មករា កន្លងទៅ។តាមលោក Wang Yi ថា សេចក្ដីសំរេចចិត្តថ្មីត្រូវការឆ្ពោះទៅការនាំបញ្ហានុយក្លេអ៊ែរលើឧបទ្វីបកូរ៉េវិលត្រឡប់រកតុចរចារវិញ ជំនួសធ្វើឲ្យភាពតានតឹង
កើនឡើងឬបង្កភាពស្មុគស្មាញនៅឧបទ្វីបនេះ ។លោករដ្ឋមន្រ្តីការបរទេសចិនក៏
បានលើកច្បាស់ថា ការសាកល្បងនុយក្លេអ៊ែរនាពេលកន្លងទៅរបស់ព្យុងយ៉ាង
បានរំលោភបំពានទៅលើសេចក្ដីសំរេចចិត្តរបស់ក្រុមប្រឹក្សាសន្តិសុខអ.ស.ប
ហើយគំរាមកំហែងប្រព័ន្ធមិនរីកសាយភាយអាវុធនុយក្លេអ៊ែររបស់អន្តរជាតិ
ហេតុនេះហើយចិនប្រឆាំងជំទាស់ទង្វើរនេះ៕