តុលាការ Baghdad ចេញផ្សាយបទបញ្ជាចាប់ខ្លួនអភិបាលរងតំបន់ស្វយ័តជន Kurd

(VOVworld) – នាថ្ងៃទី ១៩ តុលា តុលាការមួយនៅរដ្ឋធានី Baghdad ប្រទេសអ៊ីរ៉ាក់ បានចេញផ្សាយបទបញ្ជាចាប់ខ្លួនអភិបាលរងតំបន់ស្វយ័តជន Kurd ឬហៅថា Kurdistan លោក Kosrat Rasul ដោយការចោទប្រកាន់ «បង្ករឿងហេតុសំដៅប្រឆាំង ជំទាស់បណ្ដាកងកំលាំងប្រដាប់អាវុធអ៊ីរ៉ាក់»។ ក្នុងបទបញ្ជានេះ តុលាការបានឲ្យដឹង ថា៖ លោក Rasul បានហៅកងកំលាំងអ៊ីរ៉ាក់និងប៉ូលីសសហព័ន្ធគឺ «បណ្ដាកំលាំង ទន្ទ្រានកាន់កាប់»។ តាមមាត្រាលេខ ២២៦ ក្រមច្បាប់ព្រហ្មទ័ណ្ឌរបស់អ៊ីរ៉ាក់ថា៖ ពាក្យ សំដីរបស់លោក Rasul អាចត្រូវបានកាត់ទោសដាក់ពន្ធនាគារដល់ ៧ ឆ្នាំ ឬ ពិន័យជា ប្រាក់៕