មេដឹកនាំស.ប.ប.កូរ៉េ លោក Kim Jong-un ស្វាគមន៍ប្រធានាធិបតីរុស្ស៊ី លោក Vladimir Putin នៅអាកាសយានដ្ឋានអន្តរជាតិក្រុងព្យុងយ៉ាង។ រូបថត៖ KCNA។

នេះជាដំណើរទស្សនកិច្ចលើកដំបូងរបស់លោកប្រធានាធិបតី Putin ទៅកាន់ស.ប.ប.កូរ៉េ ក្នុងរយៈពេល២៤ឆ្នាំកន្លងទៅ។ យោងតាមអត្ថបទមួយរបស់ទីភ្នាក់ងារសារព័ត៌មាន KCNA មុននឹងដំណើរទស្សនកិច្ចនេះ លោកប្រធានាធិបតី Putin បានឲ្យដឹងថា ដំណើរទស្សនកិច្ចរបស់លោកទៅកាន់ស.ប.ប.កូរ៉េ នឹងនាំឲ្យកិច្ចសហប្រតិបត្តិការទ្វេភាគីឡើងដល់កម្ពស់ថ្មី ជាមួយនឹងកិច្ចខិតខំប្រឹងប្រែងរួមរបស់ប្រទេសទាំងពីរ ជួយអភិវឌ្ឍកិច្ចសហប្រតិបត្តិការស្មើភាពនិងមានផលប្រយោជន៍ទៅវិញទៅមក ពង្រឹងអធិបតេយ្យភាពនិងធ្វើឱ្យស៊ីជម្រៅថែមទៀតទំនាក់ទំនងពាណិជ្ជកម្ម សេដ្ឋកិច្ច និងកិច្ចការមនុស្សធម៌។ ប្រទេសទាំងពីរក៏នឹង "បង្កើតយន្តការពាណិជ្ជកម្ម និងការទូទាត់ជំនួស ដែលមិនស្ថិតក្រោមការគ្រប់គ្រងរបស់លោកខាងលិច រួមគ្នាប្រឆាំងនឹងការរឹតបន្តឹងឯកតោភាគីខុសច្បាប់ និងបង្កើតរចនាសម្ព័ន្ធសន្តិសុខប្រកបដោយសមភាព និងមិនអាចកាត់ផ្តាច់បាន៕