រដ្ឋមន្ត្រីការបរទេសអាមេរិក លោក Mike Pompeo

នាថ្ងៃទី ១១ ខែមករា រដ្ឋមន្ត្រីការបរទេសអាមេរិក លោក Mike Pompeo បានមកដល់បារ៉ែន ដែលជាទីកន្លែងបង្អង់ដំណើរដើមដំបូងរបស់លោក ក្នុងដំណើរទស្សនកិច្ចនៅបណ្ដាប្រទេស ឈូងសមុទ្រពែក្សក្រោមការគ្រប់គ្រងរបស់របបរាជាធិបតេយ្យ។

ដំណើរទស្សនកិច្ចរបស់ លោក Mike Pompeo នៅតំបន់ ឈូងសមុទ្រពែក្ស សំដៅរំងាប់អារម្មណ៍សម្ព័ន្ធមិត្តអាមេរិក ក្រោយពីពេលប្រធានាធិបតីអាមេរិក លោក Donald Trump បានសម្រេចចិត្តដកទ័ពចេញពីស៊ីរី។

មុនពេលទៅបារ៉ែននោះ លោក Mike Pompeo បានទៅហ្ស៊កដានី អ៊ីរ៉ាក់ អេហ្ស៊ីប ហើយគ្រោងនឹងធ្វើទស្សនកិច្ចនៅប្រទេសជាសមាជិកចំនួន ៥ ទៀត នៃក្រុមប្រឹក្សា សហប្រតិបត្តិការឈូងសមុទ្រពែក្ស (GCC) ផងដែរ៕