រូបថត៖ Wilson Center

យោងតាមសេចក្តីប្រកាសរបស់បែលហ្ស៊ិក ប្រទេសកំពុងកាន់តំណែងជាប្រធានក្រុមប្រឹក្សាសហភាពអឺរ៉ុប (EU) បានឲ្យដឹងថា ការចរចាលើកដំបូងស្តីពីដំណើរការចូលជាសមាជិករបស់បេក្ខភាពអ៊ុយក្រែន និងម៉ុលដូវ៉ា ត្រូវបានចាប់ផ្តើមនៅលុចសំបួនាថ្ងៃទី ២៥ មិថុនា។ នេះគឺជាលទ្ធផលនៃកិច្ចព្រមព្រៀងដ៏លំបាកមួយ បន្ទាប់ពីប្រទេសសមាជិកសហភាពអឺរ៉ុបទាំង ២៦ បានបញ្ចុះបញ្ចូលហុងគ្រីឱ្យបោះបង់ការរារាំងដំណើរការនេះ។

ទាក់ទិននឹងបញ្ហាអ៊ុយក្រែន កាលពីម្សិលមិញ ក្នុងជំនួបជាមួយអគ្គលេខាធិការអង្គការសន្ធិសញ្ញាអាត្លង់ទិកខាងជើង (ណាតូ) លោក Jens Stoltenberg នៅទីក្រុងប៉ារីស ដើម្បីត្រៀមរៀបចំខ្លឹមសារសម្រាប់កិច្ចប្រជុំកំពូលណាតូ ដែលប្រព្រឹត្តទៅចាប់ពីថ្ងៃទី ៩ ដល់ ១១ ខែកក្កដា នៅសហរដ្ឋអាមេរិក ប្រធានាធិបតីបារាំងលោក Emmanuel Macron បានឲ្យដឹងថា ជម្លោះរុស្ស៊ី-អ៊ុយក្រែន និងការរក្សាការជួយឧបត្ថម្ភសន្តិសុខសម្រាប់អ៊ុយក្រែននឹងក្លាយទៅជាប្រធានបទអាទិភាពចម្បងក្នុងសន្និសីទនេះផងដែរ៕