(VOVWORLD) - នៅថ្ងៃទី ៣១ ខែកក្កដា នាយករដ្ឋមន្ត្រីម៉ាឡេស៊ី លោក Anwar Ibrahim បានឲ្យដឹងថា ប្រធានាធិបតីអាមេរិក លោក ដូណាល់ ត្រាំ បានបញ្ជាក់ថា លោកនឹងចូលរួមកិច្ចប្រជុំកំពូលសមាគមប្រជាជាតិអាស៊ីអាគ្នេយ៍ (អាស៊ាន) លើកទី៤៧ ដែលគ្រោងនឹងប្រព្រឹត្តិទៅនៅប្រទេសម៉ាឡេស៊ីក្នុងខែតុលាខាងមុខ។

(VOVWORLD) - លោកឯកអគ្គរដ្ឋទូត Do Hung Viet ប្រធានបេសកកម្មអចិន្ត្រៃយ៍វៀតណាមនៅអង្គការសហប្រជាជាតិបាន អះអាងនូវគោលជំហរដ៏ខ្ជាប់ខ្ជួនរបស់វៀតណាមក្នុងការគាំទ្រដំណោះស្រាយរដ្ឋពីរ និងសមាជិកភាពពេញលេញនៅអង្គការសហប្រជាជាតិសម្រាប់ប៉ាឡេស្ទីន; សម្ដែង នូវចំណងសាមគ្គីភាពយ៉ាងជ្រាលជ្រៅមុនក៏ដូចជាក្រោយ ចំពោះការតស៊ូដើម្បីយុត្តិធម៌ របស់ប្រជាជនប៉ាឡេស្ទីន។

(VOVWORLD) - វៀតណាមត្រៀមខ្លួនជាស្រេចចូលរួមក្នុងយន្តការធានាបទឈប់បាញ់រវាងកម្ពុជានិងថៃ។ នេះត្រូវបានបញ្ជាក់ដោយនាយករដ្ឋមន្ត្រីវៀតណាមលោក ហ្វាម មិញជីញ នៅក្នុងការសន្ទនាតាមទូរស័ព្ទជាមួយនាយករដ្ឋមន្ត្រីម៉ាឡេស៊ីលោក Anwar Ibrahim កាលពីល្ងាចថ្ងៃទី ៣០ ខែកក្កដា តាមសំណើរបស់ភាគីម៉ាឡេស៊ី។

(VOVWORLD) - នាព្រឹកថ្ងៃទី ៣១ ខែកក្កដា នៅទីក្រុង Hue ក្រសួងនគរបាលវៀតណាម បានសម្របសម្រួលជាមួយមជ្ឈិមសម្ព័ន្ធសមាគមនារីវៀតណាម មជ្ឈិមសម្ព័ន្ធយុវជនកុម្មុយនិស្តហូជីមិញ និងគណៈកម្មាធិការប្រជាជនទីក្រុង Hue ដើម្បីរៀបចំពិធីបំផុសខែសកម្មភាពប្រយុទ្ធប្រឆាំងការជួញដូរមនុស្សឆ្នាំ ២០២៥; ជួយជ្រោមជ្រែងទិវាពិភពលោកប្រយុទ្ធប្រឆាំងការជួញដូរមនុស្ស (៣០ កក្កដា) និងទិវាប្រជាជនទាំងមូលតស៊ូប្រយុទ្ធប្រឆាំងការជួញដូរមនុស្ស។

(VOVWORLD) - គណៈកម្មការអឺរ៉ុប (EC) កាលពីថ្ងៃទី ៣០ ខែកក្កដា បានឲ្យដឹងថា ប្រទេសសមាជិកចំនួន ១៨ នៃសហភាពអឺរ៉ុប (EU) បានដាក់ពាក្យខ្ចីប្រាក់យ៉ាងហោចណាស់ ១២៧ ពាន់លានអឺរ៉ូ (១៤៥,៧៤ ពាន់លានដុល្លារ) ពីមូលនិធិសកម្មភាពសន្តិសុខសម្រាប់អឺរ៉ុប (SAFE) ដើម្បីបង្កើនការចំណាយលើវិស័យការពារជាតិ ក្នុងបរិបទមានអស្ថេរភាពសន្តិសុខសកល។

(VOVWORLD) - ទីភ្នាក់ងារសារព័ត៌មានកម្ពុជា (AKP) បានដកស្រង់សម្តីរបស់អ្នកនាំពាក្យក្រសួងការពារជាតិកម្ពុជា លោកស្រី ម៉ាលី សុជាតា កាលពីថ្ងៃទី ៣០ កក្កដា បានឲ្យដឹងថា រដ្ឋមន្ត្រីក្រសួងការពារជាតិកម្ពុជា លោក ទៀ សីហា ជាមួយសមភាគីថៃ នឹងធ្វើជាសហអធិបតីនៃកិច្ចប្រជុំគណៈកម្មាធិការព្រំដែនចម្រុះរវាងប្រទេសទាំងពីរ ដែលគ្រោងនឹងប្រព្រឹត្តិទៅនៅប្រទេសកម្ពុជា នៅថ្ងៃទី៤ ខែសីហា។

(VOVWORLD) - រដ្ឋបាលសហរដ្ឋអាមេរិករបស់លោកប្រធានាធិបតី Donald Trump កាលពីថ្ងៃទី ៣០ ខែកក្កដា បានប្រកាសអត្រាពន្ធដែលប្រទេសនេះនឹងអនុវត្តចំពោះដៃគូសេដ្ឋកិច្ចសំខាន់ៗមួយចំនួនចាប់ពីថ្ងៃទី ១ ខែសីហា។ តាមនោះ ចាប់ពីថ្ងៃទី ១ ខែសីហា សហរដ្ឋអាមេរិកនឹងដាក់ពន្ធ ២៥% លើទំនិញនាំចូលពីប្រទេសឥណ្ឌាដែលជាមហាអំណាចសេដ្ឋកិច្ចទី ៥ របស់ពិភពលោក។ ក្រៅពីអត្រាពន្ធនេះ ប្រធានាធិបតីអាមេរិកក៏បានឲ្យដឹងថា នឹងមាន "ទណ្ឌកម្ម" មួយទៀតសម្រាប់ឥណ្ឌា ដោយសារតែឥណ្ឌាទិញប្រេងនិងឧស្ម័នពីរុស្ស៊ី ប៉ុន្តែមិនទាន់បង្ហើបពីការពិន័យជាក់លាក់នោះឡើយ។

(VOVWORLD) - នាព្រឹកថ្ងៃទី ៣០ ខែកក្កដា ក្រុមផលិតភាពយន្តឥណ្ឌានៃគម្រោងភាពយន្តអន្តរជាតិ SILAA បានមកដល់ខេត្ត Quang Tri ដោយមានផែនការថតភាពយន្តនៅទីតាំងសំខាន់ៗជាច្រើនក្នុងខេត្ត ចាប់ពីថ្ងៃទី ៣១ ខែកក្កដា ដល់ថ្ងៃទី ១២ ខែសីហា ឆ្នាំ ២០២៥។

(VOVWORLD) - នាព្រឹកថ្ងៃទី៣០ ខែកក្កដា នៅទីស្នាក់ការក្រសួងការពារប្រទេសវៀតណាម លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាម បានអញ្ជើញជាអធិបតីក្នុងពិធីទទួលបដិសណ្ឋារកិច្ចចំពោះគណៈប្រតិភូក្រសួងការពារជាតិឥណ្ឌូនេស៊ី ដឹកនាំដោយលោករដ្ឋមន្ត្រី Sjafrie Sjamsoeddin មកបំពេញទស្សន កិច្ចជាផ្លូវការនៅវៀតណាមចាប់ពីថ្ងៃទី ២៩ ដល់ថ្ងៃទី ៣០ ខែកក្កដា។

(VOVWORLD) - នេះជាសំណើរបស់អគ្គលេខាបក្សកុម្មុយនិស្ត វៀតណាមលោក តូ ឡឹម ក្នុងជំនួប ធ្វើការជាមួយអនុគណៈកម្មការទទួលបន្ទុកឯកសារ តំណាងអចិន្ត្រៃយ៍មកពីអនុគណៈ កម្មការនៃមហាសន្និបាតបក្សលើកទី១៤ និងគណៈកម្មាធិការដឹកនាំការបូកសរុប ៤០ ឆ្នាំនៃបុព្វហេតុផ្លាស់ប្ដូរថ្មី ដើម្បីត្រៀមរៀបចំឯកសារសម្រាប់មហាសន្និបាតបក្សលើក ទី១៤ ដែលប្រព្រឹត្តទៅនៅព្រឹកថ្ងៃទី ៣០ កក្កដា នៅទីស្នាក់ការមជ្ឈិមបក្ស (ទីក្រុង ហាណូយ)។ អញ្ជើញចូលរួមមាននាយករដ្ឋមន្ត្រីវៀតណាមលោក ហ្វាម មិញជីញ ផងដែរ។