(VOVWORLD) - តបតាមការអញ្ជើញរបស់ប្រធានរដ្ឋសភាវៀតណាម លោក Vuong Dinh Hue ប្រធានរដ្ឋសភានៃសាធារណៈរដ្ឋសិង្ហបុរីលោក Tan Chuan-Jin និងភរិយាបានអញ្ជើញដឹកនាំគណៈប្រតិភូរដ្ឋសភានៃសាធារណរដ្ឋសិង្ហបុរីមកបំពេញទស្សនកិច្ចជាផ្លូវការនៅវៀតណាមពីថ្ងៃទី ១៨ ដល់ថ្ងៃទី ២០ ខែឧសភា ឆ្នាំ ២០២២។ នេះគឺជាដំណើរទស្សនកិច្ចលើកទី ២ របស់ថ្នាក់ដឹកនាំជាន់ខ្ពស់នៃប្រទេសទាំងពីរ ចាប់តាំងពីដើមឆ្នាំ២០២២ រហូតមកដល់បច្ចុប្បន្ន (បន្ទាប់ពីដំណើរទស្សនកិច្ចផ្លូវរដ្ឋនៅប្រទេសសិង្ហបុរីរបស់ប្រធានរដ្ឋវៀតណាម លោក Nguyen Xuan Phuc ក្នុងខែកុម្ភៈ ឆ្នាំ២០២២)។ ដំណើរទស្សនកិច្ចនេះបានបង្ហាញពីការប្តេជ្ញាចិត្តយ៉ាងមុតមាំ របស់ភាគីទាំងពីរក្នុងការពង្រឹងភាពជាដៃគូយុទ្ធសាស្ត្រវៀតណាម-សឹង្ហបុរី និងកិច្ចសហប្រតិបត្តិការយ៉ាងជិតស្និទ្ធ ឆ្ពោះទៅរកការស្តារឡើងវិញ ក្រោយជំងឺរាតត្បាតកូវីដ-១៩។

(VOVWORLD) - ប្រធានរដ្ឋសភាវៀតណាម លោក Vuong Dinh Hue ដឹកនាំគណៈប្រតិភូជាន់ ខ្ពស់រដ្ឋសភាវៀតណាម កំពុងអញ្ជើញបំពេញទស្សនកិច្ចជាផ្លូវការនៅឡាវ តបតាម ការអញ្ជើញរបស់ប្រធានរដ្ឋសភាឡាវ លោក Saysomphone Phomvihane ចាប់ពីថ្ងៃទី ១៥ ដល់ថ្ងៃទី ១៧ ខែឧសភា។ ដំណើរទស្សនកិច្ចនេះ បានបង្ហាញពីការគោរព ការ ជឿទុកចិត្តផ្នែកនយោបាយពិសេស និងអាទិភាពខ្ពស់របស់បក្សនិងរដ្ឋវៀតណាមក្នុងការពង្រីងនិងលើកកម្ពស់ដោយឥតឈប់ឈរនូវទំនាក់ទំនងពិសេសវៀតណាម-ឡាវ។

(VOVWORLD) - ក្នុងក្របខ័ណ្ឌនៃដំណើរទស្សនកិច្ចការងារនៅសហរដ្ឋអាមេរិក នាថ្ងៃទី ១១ ឧសភា នាយករដ្ឋមន្ត្រីវៀតណាម លោក Pham Minh Chinh បានអញ្ជើញថ្លែងសុន្ទរកថាដ៏សំខាន់នៅមជ្ឈមណ្ឌលសិក្សាស្រាវជ្រាវយុទ្ធសាស្ត្រ និងអន្តរជាតិសហរដ្ឋអាមេរិក (CSIS) អំពីភាពស្មោះត្រង់ ទំនុកទុកចិត្ត និងការទទួលខុសត្រូវក្នុងការកសាងពិភពលោកមួយឱ្យកាន់តែល្អប្រសើរឡើងពីមួយថ្ងៃទៅមួយថ្ងៃ។

(VOVWORLD) - ការមូលបង្កាចនិងបំផ្លើសការពិត អំពីស្ថានភាពសេរីភាពសារព័ត៌មានក្នុងប្រទេសវៀតណាម គឺជាល្បិចកល់មួយដែលតែងតែត្រូវបានអង្គការ និងក្រុមជ្រុលនិយមមួយចំនួនដែលខ្វះសុច្ឆន្ទៈចំពោះប្រទេសវៀតណាមប្រើប្រាស់ ក្នុងនោះមានអង្គការអ្នកកាសែតគ្មានព្រំដែន (RSF) ផងដែរ។ នៅថ្ងៃទី ៣ ខែឧសភា ឆ្នាំ ២០២២ អង្គការ RSF បានប្រកាសម្តងទៀតនូវអ្វីដែលហៅថា “តារាងចំណាត់ថ្នាក់ប្រចាំឆ្នាំអំពីសេរីភាពសារព័ត៌មាន” សម្រាប់រៀបចំណាត់ថ្នាក់សេរីភាពសារព័ត៌មានទូទាំងពិភពលោក ដែលក្នុងនោះមានព័ត៌មានមិនពិតអំពីស្ថានភាពសេរីភាពសារព័ត៌មានរបស់សារព័ត៌មានវៀតណាម។ នេះត្រឹមតែជាល្បែងចាស់គំរិលដែលត្រូវបានសរសេរឡើងវិញ ដើម្បីបន្ទាបកេរ្តិ៍ឈ្មោះសិទ្ធិមនុស្សវៀត ណាមក្នុងឆាកអន្តរជាតិប៉ុណ្ណោះ។

(VOVWORLD) - ក្នុងសុន្ទរកថាបិទសន្និបាតលើកទី៥នៃគណៈកម្មាធិការមជ្ឈិមបក្សកុម្មុយនិស្តវៀតណាមអាណត្តិទី ១៣ នាថ្ងៃទី ១០ ឧសភា ឆ្នាំ ២០២២ លោកអគ្គលេខាបក្ស Nguyen Phu Trong បានធ្វើការសង្ខេបលទ្ធផលសំខាន់ៗ ដែលសន្និបាតសម្រេចបានក្នុងបញ្ហាគ្រប់គ្រង និងប្រើប្រាស់ដីធ្លី បញ្ហាកសិកម្ម កសិករ និងជនបទ ការអភិវឌ្ឍន៍សេដ្ឋកិច្ចសមូហភាព ការកសាងអង្គការបក្សថ្នាក់មូលដ្ឋាន និងបក្ខជន និងគោលជំហរបង្កើតគណៈកម្មាធិការដឹកនាំការប្រយុទ្ធប្រឆាំងអំពើពុករលួយថ្នាក់ខេត្ត។

(VOVWORLD) - តបតាមការអញ្ជើញរបស់ប្រធានាធិបតីសហរដ្ឋអាមេរិក លោក Joseph Robinette Biden Jr.(Joe Biden) នាយករដ្ឋមន្ត្រីវៀតណាមលោក Pham Minh Chinh បានអញ្ជើញទៅបំពេញទស្សនកិច្ចនៅសហរដ្ឋអាមេរិក និងអង្គការសហប្រជាជាតិចាប់ពីថ្ងៃទី ១១ ដល់ថ្ងៃទី១៧ ខែឧសភា។ ក្នុងដំណើរទស្សនកិច្ចនេះ នាយករដ្ឋមន្ត្រី លោក Pham Minh Chinh និងមេដឹកនាំនៃបណ្តាប្រទេសអាស៊ាននឹងចូលរួមកិច្ចប្រជុំកំពូលពិសេស ដើម្បីអបអរសាទរខួប ៤៥ ឆ្នាំ នៃភាពជាដៃគូអាស៊ាន-អាមេរិក ក្នុងអំឡុងថ្ងៃទី ១២ និង១៣ ខែឧសភា នៅទីក្រុង Washington DC នៃសហរដ្ឋអាមេរិក។

(VOVWORLD) - ខ្លឹមសារមួយក្នុងចំណោមខ្លឹមសារសំខាន់ៗដែលត្រូវបានលើកយកមកពិភាក្សានៅក្នុងសន្និបាតមជ្ឈិមលើកទី ៥ នីតិកាលទី ១៣ ដែលកំពុងប្រព្រឹត្តទៅនៅទីក្រុងហាណូយ គឺគម្រោងបង្កើតគណៈកម្មាធិការដឹកនាំការប្រយុទ្ធប្រឆាំងអំពើពុករលួយនិងភាពអសកម្មថ្នាក់ខេត្ត។ សាធារណៈមតិជនជឿជាក់ថា នេះគឺជាជំហានបន្តប្រកបដោយជោគជ័យនូវគំរូគណៈកម្មាធិការមជ្ឈិមដឹកនាំការប្រយុទ្ធប្រឆាំងអំពើពុករលួយ ដែលបានដំណើរការប្រកបដោយប្រសិទ្ធភាពក្នុងរយៈពេលកន្លងមក។ ហើយការបង្កើតគណៈកម្មាធិការដឹកនាំថ្នាក់ខេត្តត្រូវបានចាត់ទុកថា ជាវិធានការដ៏មានប្រសិទ្ធភាពដើម្បីឲ្យទាំងអស់គ្នាស្រុះចិត្តគំនិតក្នុងការប្រយុទ្ធប្រឆាំងអំពើពុករលួយ។

(VOVWORLD) - នាថ្ងៃទី ៤ ឧសភា ប្រធានគណៈកម្មការអឺរ៉ុប (EC) លោកស្រី Ursula von der Leyen បានប្រកាសពីសំណើរសម្រាប់កញ្ចប់ទណ្ឌកម្មថ្មីតម្រង់លើរុស្ស៊ី ជាពិសេសការ ដាក់ទណ្ឌកម្មលើវិស័យប្រេងឧស្ម័នរបស់រុស្ស៊ី។ នេះគឺជាកញ្ចប់ទណ្ឌកម្មទី៦ ដែល សហភាពអឺរ៉ុប (EU) បានដាក់លើរុស្ស៊ី ចាប់តាំងពីពេលដែលប្រទេសនេះ បើកប្រតិបត្តិ ការយោធាពិសេសនៅអ៊ុយក្រែន។ មុននោះ បណ្តាប្រទេសសហភាពអឺរ៉ុបបានជួបប្រជុំ គ្នាដើម្បីដោះស្រាយការលំបាករបស់ប្លុកក្នុងវិស័យថាមពល។ ទោះជាយ៉ាងណាក៏ ដោយ EU ក៏កំពុងប្រឈមមុខនឹងបញ្ហាលំបាកទាំងក្នុងរយៈពេលខ្លីនិងរយៈពេលវែង ផងដែរ។

(VOVWORLD) - បន្តបង្កើនការកសាង កែតម្រូវបក្សនិងប្រព័ន្ធនយោបាយគឺជាខ្លឹមសារសំខាន់មួយដែលត្រូវបានលើកយកមកពិភាក្សានៅក្នុងសន្និបាតលើកទី ៥ នៃគណៈកម្មាធិការមជ្ឈិមបក្ស នីតិកាលទី ១៣ ដែលកំពុងប្រព្រឹត្តទៅនៅទីក្រុងហាណូយ។ ក្នុងសុន្ទរកថាបើកសន្និបាតនេះ អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong បានលើកឡើងនិងក្រើនរំលឹកនូវបញ្ហាសំខាន់ៗជាច្រើនអំពីការកសាងបក្សនិងប្រព័ន្ធរដ្ឋាភិបាល ដើម្បីឆ្លើយតបនឹងតម្រូវការអភិវឌ្ឍន៍របស់ប្រទេសជាតិក្នុងរយៈពេលខាងមុខ ដែលបានចែងក្នុងគម្រោងស្តីពីការកសាងអង្គការបក្សនិងបក្ខជន; គម្រោងបង្កើតគណៈកម្មាធិការដឹកនាំថ្នាក់ខេត្តទទួលបន្ទុកការប្រឆាំងអំពើពុករលួយ អសកម្ម; របាយការណ៍ស្តីពីការត្រួតពិនិត្យការដឹកនាំរបស់ការិយាល័យនយោបាយនិងគណៈលេខាក្នុងឆ្នាំ២០២១។

(VOVWORLD) - ការអភិវឌ្ឍនសេដ្ឋកិច្ចឌីជីថលគឺជាទិសដៅមួយ ព្រមទាំងជាគោលដៅអភិវឌ្ឍន៍ដ៏សំខាន់របស់វៀតណាម។ តាមនោះ សេដ្ឋកិច្ចឌីជីថល រួមជាមួយរដ្ឋាភិបាលឌីជីថល និងសង្គមឌីជីថល គឺជាសសរស្តម្ភមួយក្នុងចំណោមសសរស្តម្ភទាំងបីនៃការផ្លាស់ប្តូរឌីជីថល ដែលជានិន្នាការដ៏មានសារៈសំខាន់ជាសកល ដែលត្រូវបានរដ្ឋាភិបាលកំណត់យ៉ាងច្បាស់លាស់។ ក្នុងរយៈពេលប៉ុន្មានឆ្នាំកន្លងទៅ រដ្ឋាភិបាល សហគមន៍ធុរកិច្ច និង សេដ្ឋកិច្ចគ្រប់សមាសភាពបានខិតខំប្រឹងប្រែងជាច្រើនដើម្បីអនុវត្តន៍ជាក់ស្ដែងគោលដៅអភិវឌ្ឍន៍សេដ្ឋកិច្ច ឌីជីថល។