(VOVWORLD) - កិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង (MLC) លើកទី៧ ទើបតែបានបញ្ចប់នៅទីក្រុង Bagan ប្រទេស មីយ៉ាន់ម៉ា ដោយមានការចូលរួមពីប្រទេសកម្ពុជា ឡាវ មីយ៉ាន់ម៉ា ថៃ ចិន និងវៀតណាម។ ឆ្លងកាត់ការរៀបចំឡើងចំនួន ៧លើកមក យន្តការកិច្ចសហប្រតិបត្តិការ MLC បានបង្ហាញឱ្យឃើញលក្ខណៈប្រសិទ្ធភាព កិច្ចសហប្រតិបត្តិការប្រកបដោយបរិយាប័ន្នលើគ្រប់វិស័យ រួមចំណែកជាវិជ្ជមានដល់ការអភិវឌ្ឍសេដ្ឋកិច្ច-សង្គមនៃប្រទេសសមាជិក កសាងសហគមន៍អាស៊ាន និងអនុវត្តន៍គោលដៅអភិវឌ្ឍន៍ប្រកបដោយចីរភាពឆ្នាំ ២០៣០។

(VOVWORLD) - កាលពីចុងសប្តាហ៍កន្លងទៅ នៅខេត្ត Dak Lak បានប្រព្រឹត្តទៅសន្និសីទបូកសរុប ការអនុវត្តសេចក្តីសម្រេចចិត្តលេខ ១០ (ឆ្នាំ២០០២) និងសេចក្តីសន្និដ្ឋានលេខ ១២ (ឆ្នាំ២០១១) របស់ការិ យាល័យនយោបាយ ស្តីពីការអភិវឌ្ឍសេដ្ឋកិច្ចសង្គម និង ការធានាការពារជាតិសន្តិសុខនៅតំបន់ Tay Nguyen។ ទិសដៅសំខាន់ៗសម្រាប់ ការអភិវឌ្ឍន៍តំបន់ Tay Nguyen នាពេលខាងមុខ ត្រូវបានលើកឡើងដោយឈរលើ ស្មារតីថា ការអភិវឌ្ឍតំបន់ Tay Nguyen យ៉ាងឆាប់រហ័ស ប្រកបដោយនិរន្តរភាពគឺ ជាការទទួលខុសត្រូវរបស់គ្រប់កម្រិត ផ្នែកនិងប្រព័ន្ធនយោបាយទាំងមូល។

(VOVWORLD) - កិច្ចប្រជុំកំពូលសហភាពអឺរ៉ុប (EU) ទើបតែបានប្រព្រឹត្តទៅកាលពីសប្តាហ៍មុន នៅទីក្រុងប្រ៊ុចសែល ប្រទេសបែលហ្សិក។ បញ្ហាពង្រីកប្លុកជាថ្មីម្តងទៀត ត្រូវបាន យកមកពិភាក្សាដោយក្លាយទៅជាចំណុចស្នូលនៃកិច្ចប្រជុំ ហើយជម្លោះនៅអ៊ុយក្រែន គឺត្រឹមតែសំដៅធ្វើឲ្យស្របច្បាប់នូវតម្រូវការកាន់តែខ្លាំងក្លារបស់អឺរ៉ុបអំពីអធិប តេយ្យ ភាពប៉ុណ្ណោះ។

(VOVWORLD) - ក្នុងអំឡុងពេល ១០ ឆ្នាំ ចាប់តាំងពីឆ្នាំ ២០១២ មក ការងាប្រយុទ្ធប្រឆាំងអំពើពុករលួយរបស់វៀតណាម ទទួលបានវឌ្ឍនភាពយ៉ាងខ្លាំងក្លា និងសម្រេចបានលទ្ធផលសំខាន់ៗជាច្រើន គ្រប់ជ្រុងជ្រោយនិងច្បាស់លាស់ រួមចំណែកយ៉ាងសំខាន់ក្នុងការការពារមូលដ្ឋានមនោគមវិជ្ជារបស់បក្ស ការពារ របបសង្គមនិយម ដូចទៅនឹងការវាយតម្លៃនៅក្នុងសន្និសីទជាតិបូកសរុបការ ងារប្រយុទ្ធប្រឆាំងអំពើពុករលួយរយៈពេល១០ឆ្នាំ ២០១២ - ២០២២ ដែលប្រព្រឹត្តិទៅនាថ្ងៃទី ៣០ ខែមិថុនា ឆ្នាំ ២០២០ និងឆ្នាំ ២០២២ នៅទីក្រុងហាណូយ។ ការសុក្រិតយន្តការបង្ការប្រឆាំងយ៉ាងតឹងរឹង គឺជាកត្តាឈានមុខនៃការកំណត់ភាពជោគជ័យនៃការងារបង្ការប្រឆាំងអំពើពុករលួយរបស់វៀតណាម។

(VOVWORLD) - នៅក្នុងវេទិកាវិនិយោគទីក្រុង Da Nang ឆ្នាំ ២០២២ ដែលបានប្រព្រឹត្តទៅនាពេល ថ្មីៗនេះ ក្រោមការធ្វើសាក្សីរបស់នាយករដ្ឋមន្ត្រីវៀតណាម លោក Pham Minh Chinh គម្រោងរាប់សិបត្រូវបានផ្តល់វិញ្ញាបនបត្រចុះបញ្ជីការវិនិយោគ និងអនុម័តលើគោលការណ៍វិនិយោគដែលមានតម្លៃរាប់រយលានដុល្លារអាមេរិក។

(VOVWORLD) - ទោះបីជាបានប្រារព្ធក្នុងបរិបទដែលសន្តិសុខ និងសេដ្ឋកិច្ចសង្គមរបស់ពិភពលោកកំពុងមានការប្រែប្រួលយ៉ាងស្មុគស្មាញជាច្រើនក្តី ប៉ុន្តែកិច្ចប្រជុំកំពូលនៃប្រទេសឧស្សាហកម្មឈានមុខគេរបស់ពិភពលោក (G7) កំពុងប្រព្រឹត្តទៅនៅសាធារណរដ្ឋសហព័ន្ធអាល្លឺម៉ង់ ទាក់ទាញការយកចិត្តទុកដាក់ជាពិសេសពីសហគមន៍អន្តរជាតិ។ ក្នុងនោះ សាធារណជនបានផ្តោតការយកចិត្តទុកដាក់បំផុតចំពោះដំណោះស្រាយ និងជំហានបន្ទាប់ដែលមេដឹកនាំ G7 បានដាក់ចេញដើម្បីដោះស្រាយនូវបញ្ហាប្រឈមជាបន្តបន្ទាប់ទាក់ទងនឹងសន្តិសុខ សេដ្ឋកិច្ច ការទូត ជាដើម ដែលពិភពលោកកំពុងប្រឈមមុខ។

(VOVWORLD) - ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់ រដ្ឋសភាវៀត ណាមកំពុងអញ្ជើញទៅបំពេញទស្សនកិច្ចជាផ្លូវការនៅហុងគ្រីចាប់ពី ថ្ងៃទី ២៦ ដល់ថ្ងៃទី ២៨ ខែមិថុនា តបតាមការអញ្ជើញរបស់ប្រធានរដ្ឋសភាហុងគ្រី លោក László Kövér។ ដំណើរទស្សនកិច្ចជាមួយនឹងសកម្មភាពជាច្រើនលើកនេះ បានរួមចំណែកធ្វើឲ្យស៊ីជម្រៅថែមទៀតនូវទំនាក់ទំនងភាពជាដៃគូគ្រប់ជ្រុងជ្រោយ និងទំនាក់ទំនងសភាដ៏ល្អប្រសើររវាងវៀតណាមនិងហុងគ្រី ក្នុងបរិបទដែលប្រទេស ទាំងពីរកំពុងស្ថិតក្នុងដំណាក់កាលស្តារសេដ្ឋកិច្ចឡើងវិញ ក្រោយជំងឺរាតត្បាតកូវីដ ១៩។

(VOVWORLD) - នាថ្ងៃទី ២៤ មិថុនា កាលពី ៥៥ ឆ្នាំមុន វៀតណាម-កម្ពុជាបានបង្កើតទំនាក់ទំនងការទូត។ នាពេលនោះលោកប្រធានហូជីមិញ បានអះអាងថា នេះគឺជាព្រឹត្តិការណ៍ប្រវត្តិសាស្ត្រក្នុងទំនាក់ទំនងទ្វេភាគី ដែលជាកត្តាវិជ្ជមានក្នុងការរក្សាសន្តិភាពនៅឥណ្ឌូចិន និងអាស៊ីអាគ្នេយ៍។ ការបង្កើតទំនាក់ទំនងការទូតរវាងប្រទេសទាំងពីរគឺជាសញ្ញាដ៏រស់រវើកនៃទំនាក់ទំនងមិត្តភាពយ៉ាងជិតស្និទ្ធ និងសាមគ្គីភាពតស៊ូប្រយុទ្ធ។ ឆ្លងកាត់រយៈពេល ៥៥ ឆ្នាំ ទំនាក់ទំនងមិត្តភាពនេះកាន់តែអភិវឌ្ឍន៍ពីមួយថ្ងៃទៅមួយថ្ងៃ ដោយនាំមកនូវផលប្រយោជន៍ដ៏ធំធេងសម្រាប់ប្រជាជាតិទាំងពីរ។

(VOVWORLD) - វៀតណាមតែងតែយកចិត្តទុកដាក់លើការងារលើកកម្ពស់ ការពារសិទ្ធិនិងផលប្រយោជន៍របស់ជនពិការ ដោយឈរលើមូលដ្ឋានសមភាព មិនរើសអើង ហើយតែងតែរួមបញ្ចូលបញ្ហានេះក្នុងក្របខ័ណ្ឌនៃការអភិវឌ្ឍប្រទេសជាតិ។ ប្រការនេះមិនត្រឹមតែត្រូវបានអគ្គទីប្រឹក្សា អនុប្រធានបេសកកម្មវៀតណាមប្រចាំនៅអង្គការសហប្រជាជាតិលោកស្រី Le Thi Minh Thoa អះអាងក្នុងសន្និសីទលើកទី ១៥ នៃប្រទេសសមាជិកនៃអនុសញ្ញាស្តីពីសិទ្ធិជនពិការ (CRPD) ដែលប្រព្រឹត្តទៅពីថ្ងៃទី ១៤ ដល់ថ្ងៃទី ១៦ មិថុនា ឆ្នាំ ២០២២ នៅទីក្រុងញូវយ៉ក សហរដ្ឋអាមេរិកប៉ុណ្ណោះទេ ថែមទាំងត្រូវបាន វៀតណាមអនុវត្តន៍តាមស្ថានភាពជាក់ស្តែងទៀតផង។

(VOVWORLD) - អង្គការពាណិជ្ជកម្មពិភពលោក (WTO) ទើបតែបានអនុម័តលើកិច្ចព្រមព្រៀងជា ប្រវត្តិសាស្ត្រមួយ ដែលត្រូវបានគេចាត់ទុកថា អាចជួយផ្លាស់ប្តូរជីវភាពរបស់មនុស្ស ជាច្រើនលើទូទាំងពិភព លោក។ កិច្ចព្រមព្រៀងដែលសម្រេចបានបន្ទាប់ពីការចរចាជា ច្រើនថ្ងៃ គឺជាជោគជ័យរួមសម្រាប់ប្រជាជននៅតាមប្រទេសនិងដែនដីទាំងអស់។ លទ្ធ ផលដែលសម្រេចបាននោះ ក៏ជាសក្ខីភាពនៃកំណែទម្រង់ដ៏ខ្លាំងក្លារបស់អង្គការ ពាណិជ្ជកម្មសកលមួយនេះក្នុងការដោះស្រាយបញ្ហាបន្ទាន់នៃសម័យកាលផងដែរ។