(VOVWORLD) - ទោះបីជាបានប្រារព្ធក្នុងបរិបទដែលសន្តិសុខ និងសេដ្ឋកិច្ចសង្គមរបស់ពិភពលោកកំពុងមានការប្រែប្រួលយ៉ាងស្មុគស្មាញជាច្រើនក្តី ប៉ុន្តែកិច្ចប្រជុំកំពូលនៃប្រទេសឧស្សាហកម្មឈានមុខគេរបស់ពិភពលោក (G7) កំពុងប្រព្រឹត្តទៅនៅសាធារណរដ្ឋសហព័ន្ធអាល្លឺម៉ង់ ទាក់ទាញការយកចិត្តទុកដាក់ជាពិសេសពីសហគមន៍អន្តរជាតិ។ ក្នុងនោះ សាធារណជនបានផ្តោតការយកចិត្តទុកដាក់បំផុតចំពោះដំណោះស្រាយ និងជំហានបន្ទាប់ដែលមេដឹកនាំ G7 បានដាក់ចេញដើម្បីដោះស្រាយនូវបញ្ហាប្រឈមជាបន្តបន្ទាប់ទាក់ទងនឹងសន្តិសុខ សេដ្ឋកិច្ច ការទូត ជាដើម ដែលពិភពលោកកំពុងប្រឈមមុខ។

(VOVWORLD) - ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់ រដ្ឋសភាវៀត ណាមកំពុងអញ្ជើញទៅបំពេញទស្សនកិច្ចជាផ្លូវការនៅហុងគ្រីចាប់ពី ថ្ងៃទី ២៦ ដល់ថ្ងៃទី ២៨ ខែមិថុនា តបតាមការអញ្ជើញរបស់ប្រធានរដ្ឋសភាហុងគ្រី លោក László Kövér។ ដំណើរទស្សនកិច្ចជាមួយនឹងសកម្មភាពជាច្រើនលើកនេះ បានរួមចំណែកធ្វើឲ្យស៊ីជម្រៅថែមទៀតនូវទំនាក់ទំនងភាពជាដៃគូគ្រប់ជ្រុងជ្រោយ និងទំនាក់ទំនងសភាដ៏ល្អប្រសើររវាងវៀតណាមនិងហុងគ្រី ក្នុងបរិបទដែលប្រទេស ទាំងពីរកំពុងស្ថិតក្នុងដំណាក់កាលស្តារសេដ្ឋកិច្ចឡើងវិញ ក្រោយជំងឺរាតត្បាតកូវីដ ១៩។

(VOVWORLD) - នាថ្ងៃទី ២៤ មិថុនា កាលពី ៥៥ ឆ្នាំមុន វៀតណាម-កម្ពុជាបានបង្កើតទំនាក់ទំនងការទូត។ នាពេលនោះលោកប្រធានហូជីមិញ បានអះអាងថា នេះគឺជាព្រឹត្តិការណ៍ប្រវត្តិសាស្ត្រក្នុងទំនាក់ទំនងទ្វេភាគី ដែលជាកត្តាវិជ្ជមានក្នុងការរក្សាសន្តិភាពនៅឥណ្ឌូចិន និងអាស៊ីអាគ្នេយ៍។ ការបង្កើតទំនាក់ទំនងការទូតរវាងប្រទេសទាំងពីរគឺជាសញ្ញាដ៏រស់រវើកនៃទំនាក់ទំនងមិត្តភាពយ៉ាងជិតស្និទ្ធ និងសាមគ្គីភាពតស៊ូប្រយុទ្ធ។ ឆ្លងកាត់រយៈពេល ៥៥ ឆ្នាំ ទំនាក់ទំនងមិត្តភាពនេះកាន់តែអភិវឌ្ឍន៍ពីមួយថ្ងៃទៅមួយថ្ងៃ ដោយនាំមកនូវផលប្រយោជន៍ដ៏ធំធេងសម្រាប់ប្រជាជាតិទាំងពីរ។

(VOVWORLD) - វៀតណាមតែងតែយកចិត្តទុកដាក់លើការងារលើកកម្ពស់ ការពារសិទ្ធិនិងផលប្រយោជន៍របស់ជនពិការ ដោយឈរលើមូលដ្ឋានសមភាព មិនរើសអើង ហើយតែងតែរួមបញ្ចូលបញ្ហានេះក្នុងក្របខ័ណ្ឌនៃការអភិវឌ្ឍប្រទេសជាតិ។ ប្រការនេះមិនត្រឹមតែត្រូវបានអគ្គទីប្រឹក្សា អនុប្រធានបេសកកម្មវៀតណាមប្រចាំនៅអង្គការសហប្រជាជាតិលោកស្រី Le Thi Minh Thoa អះអាងក្នុងសន្និសីទលើកទី ១៥ នៃប្រទេសសមាជិកនៃអនុសញ្ញាស្តីពីសិទ្ធិជនពិការ (CRPD) ដែលប្រព្រឹត្តទៅពីថ្ងៃទី ១៤ ដល់ថ្ងៃទី ១៦ មិថុនា ឆ្នាំ ២០២២ នៅទីក្រុងញូវយ៉ក សហរដ្ឋអាមេរិកប៉ុណ្ណោះទេ ថែមទាំងត្រូវបាន វៀតណាមអនុវត្តន៍តាមស្ថានភាពជាក់ស្តែងទៀតផង។

(VOVWORLD) - អង្គការពាណិជ្ជកម្មពិភពលោក (WTO) ទើបតែបានអនុម័តលើកិច្ចព្រមព្រៀងជា ប្រវត្តិសាស្ត្រមួយ ដែលត្រូវបានគេចាត់ទុកថា អាចជួយផ្លាស់ប្តូរជីវភាពរបស់មនុស្ស ជាច្រើនលើទូទាំងពិភព លោក។ កិច្ចព្រមព្រៀងដែលសម្រេចបានបន្ទាប់ពីការចរចាជា ច្រើនថ្ងៃ គឺជាជោគជ័យរួមសម្រាប់ប្រជាជននៅតាមប្រទេសនិងដែនដីទាំងអស់។ លទ្ធ ផលដែលសម្រេចបាននោះ ក៏ជាសក្ខីភាពនៃកំណែទម្រង់ដ៏ខ្លាំងក្លារបស់អង្គការ ពាណិជ្ជកម្មសកលមួយនេះក្នុងការដោះស្រាយបញ្ហាបន្ទាន់នៃសម័យកាលផងដែរ។

(VOVWORLD) - ក្នុងឱកាសរំលឹកខួបលើកទី ៩៧ ទិវាសារព័ត៌មានបដិវត្តន៍ វៀតណាម (២១ មិថុនា ១៩២៥ - ២១ មិថុនា ២០២២) សមាជិកគណៈកម្មាធិការមជ្ឈិមបក្ស អគ្គនាយកនៃវិទ្យុសម្លេងវៀតណាម លោក Do Tien Sy បានអញ្ជើញរំលឹកឡើងវិញនូវការរួមចំណែកដ៏ធំធេងរបស់សារព័ត៍មានចំពោះបុព្វហេតុ ការ ពារនិងកសាងប្រទេសជាតិ។ ទន្ទឹមនឹងនោះ មានការវាយតម្លៃ និងយោបល់យ៉ាងជ្រាលជ្រៅលើនិន្នាការអភិវឌ្ឍន៍នៃសារព័ត៌មាន ក៏ដូចជាតម្រូវការ និងទំនួលខុសត្រូវសង្គមរបស់អ្នកសារព័ត៌មានក្នុងសម័យបច្ចុប្បន្ន ពោលគឺជាសម័យផ្ទុះឡើងបច្ចេកវិទ្យា និងព័ត៌មាន។

(VOVWORLD) - ប្រធានរដ្ឋសភានៃសាធារណៈរដ្ឋម៉ូសំប៊ិក លោកស្រី Esperanca Laurinda Francisco Nhiuane Bias ដឹកនាំគណៈប្រតិភូរដ្ឋសភាម៉ូសំប៊ិក កំពុងមកបំពេញ ទស្សនកិច្ចជាផ្លូវការនៅវៀតណាម តបតាមការអញ្ជើញរបស់ប្រធានរដ្ឋសភាលោក Vuong Dinh Hue។ ប្រព្រឹត្តទៅមិនយូរប៉ុន្មានក្រោយពីជំនួបសន្ទនាតាមប្រព័ន្ធវីដេអូ រវាងអគ្គលេខាបក្សកុម្មុយនិស្តវៀតណាម លោក Nguyen Phu Trong និងប្រធាន គណៈបក្សរណសិរ្សរំដោះម៉ូសំប៊ិក (FRELIMO) និងជាប្រធានា ធិបតី ម៉ូសំប៊ិក លោក Filipe Jacinto Nyusi ដំណើរទស្សនកិច្ចនៅ វៀតណាមរបស់លោកស្រីប្រធានរដ្ឋសភា ម៉ូសំប៊ិក បានបញ្ជាក់ពីនិន្នាការសហប្រតិបត្តិការថ្មីក្នុងទំនាក់ទំនងទ្វេភាគី។

(VOVWORLD) - សម័យប្រជុំលើកទី៣ រដ្ឋសភាវៀតណាមនីតិកាលទី១៥ បានបិទបញ្ចប់នា រសៀលថ្ងៃទី១៦ មិថុនា នៅទីក្រុងហាណូយ។ សេចក្ដីសម្រេចសំខាន់ៗជាច្រើនត្រូវ បានរដ្ឋសភាអនុម័ត ដើម្បីដោះស្រាយបញ្ហាជាក់ស្តែងដែលបានដាក់ចេញ ដោះស្រាយការលំបាកឧបសគ្គ រួមចំណែកដល់ការស្តារនិងអភិវឌ្ឍន៍សេដ្ឋកិច្ចសង្គម។ ការសម្រេចចិត្តទាំងនេះមិនត្រឹមតែមានអត្ថន័យសម្រាប់ការអភិវឌ្ឍប្រទេសជាតិក្នុងឆ្នាំ២០២២ប៉ុណ្ណោះទេ ថែមទាំងសម្រាប់ដំណាក់កាលឆ្នាំ២០២១-២០២៥ និងឆ្នាំបន្ទាប់ទៀតផង។

(VOVWORLD) - ការអភិវឌ្ឍដ៏សម្បើមបំផុតមួយក្នុងប្រវត្តិសាស្ត្រមនុស្សជាតិ គឺការបង្កើតអ៊ីនធឺណិត និងការអភិវឌ្ឍ Cyberspace (គឺជាការប្រើប្រាស់ បណ្តាញកុំព្យូរទ័រ និងមធ្យោបាយទំនាក់ទំនងផ្សេងៗដូចជានៅលើទូរស័ព្ទ ដែលមានការតភ្ជាប់គ្នាដោយប្រព័ន្ធអ៊ិនធឺណេត និងឌីជីថល….)។ គោលគំនិតនេះនាំមកនូវអត្ថប្រយោជន៍ដ៏ធំ សម្បើម ជួយលើកកំពស់គុណភាពជីវភាពរបស់មនុស្ស។ ដូចបណ្តាប្រទេសផ្សេងទៀតក្នុងពិភពលោកដែរ វៀតណាមបានកសាងប្រព័ន្ធច្បាប់ស្តីពីសិទ្ធិ និងសេរីភាពលើបណ្តាញអ៊ីនធឺណិត ដើម្បីធានាសិទ្ធិនិងសេរីភាពជាមូលដ្ឋានរបស់មនុស្ស លើកកម្ពស់នូវសមត្ថភាពក្នុងការទទួលនិងប្រើប្រាស់សិទ្ធិមនុស្សនៅលើបណ្តាញអ៊ីនធឺណិត ខណៈពេលដែលកាត់បន្ថយ និងលុបបំបាត់ ផលប៉ះពាល់អវិជ្ជមានរបស់អ៊ីនធឺណិតនៅលើមនុស្ស។ ប្រព័ន្ធច្បាប់នេះគឺសមស្របទាំងស្រុងជាមួយនឹងបណ្តាអនុសញ្ញាអន្តរជាតិស្តីពីសិទ្ធិមនុស្ស ដែលវៀត ណាមបាននិងកំពុងចូលរួម។

(VOVWORLD) - នាថ្ងៃទី ១៤ មិថុនា ធនាគារពិភពលោក (WB) បានប្រកាសរបាយការណ៍បច្ចុប្បន្នភាពម៉ាក្រូសេដ្ឋកិច្ចវៀតណាមខែមិថុនា ឆ្នាំ ២០២២ ដោយបានវាយតម្លៃថាសេដ្ឋកិច្ចវៀតណាមនៅតែកំពុងស្ដារឡើងវិញយ៉ាងសកម្ម។