(VOVWORLD) - ប្រធានរដ្ឋវៀតណាមលោក Nguyen Xuan Phuc កំពុងអញ្ជើញបំពេញទស្សនកិច្ចផ្លូវរដ្ឋនៅសិង្ហបុរី តបតាមការអញ្ជើញរបស់ប្រធានាធិបតីនៃសាធារណរដ្ឋសិង្ហបុរីលោកស្រី Halimah Yacob។ ដំណើរទស្សនកិច្ចនេះប្រព្រឹត្តទៅក្នុងបរិបទដែលទំនាក់ទំនងមិត្តភាពប្រពៃណីនិងភាពជាដៃគូយុទ្ធសាស្ត្ររវាងប្រទេសទាំងពីរកំពុងរីកចម្រើនយ៉ាងល្អប្រសើរលើគ្រប់វិស័យ ដែលបង្កើតសន្ទុះសម្រាប់ការអភិវឌ្ឍទំនាក់ទំនងទ្វេភាគីឡើងកំពស់ថ្មី ជាពិសេសលើវិស័យសេដ្ឋកិច្ច ក្នុងបរិបទដែលកិច្ចព្រមព្រៀងពាណិជ្ជកម្មសេរីជំនាន់ថ្មីជាច្រើនដែលមានការចូលរួមរបស់ វៀតណាមនិងសិង្ហបុរីបានចូលជាធរមាន។

(VOVWORLD) - សៀវភៅ “ទ្រឹស្តីនិងការអនុវត្តជាក់ស្តែងមួយចំនួនអំពី សង្គមនិយមនិងមាគ៌ាឈានឡើងសង្គមនិយមនៅវៀតណាម” របស់អគ្គលេខាគណៈកម្មាធិ ការមជ្ឈិមបក្សកុម្មុយនិស្តវៀតណាម លោក Nguyen Phu Trong ទើបតែត្រូវបានចេញផ្សាយកាលពីថ្ងៃទី ៩ ខែកុម្ភៈ បានទាក់ទាញចំណាប់អារម្មណ៍ពិសេសរបស់អ្នកវិទ្យាសាស្ត្រ អ្នកស្រាវជ្រាវទ្រឹស្តី កម្មាភិបាល បក្ខជនប្រជាពលរដ្ឋទូទាំងប្រទេស។ ទឡ្ហីករណ៍ក្នុងសៀវភៅអំពីសង្គមនិយមនិងមាគ៌ាឈានឡើងសង្គមនិយមបានបង្ហាញយ៉ាងច្បាស់និងធ្វើឲ្យកាន់តែស៊ីជម្រៅនូវអត្តចរិតនិងតម្លៃស្នូលនៃលទ្ធិសង្គមនិយម លើវិស័យនយោបាយ សេដ្ឋកិច្ច ការកសាងបក្ស និងប្រព័ន្ធនយោបាយ វប្បធម៌ សង្គម ការពារជាតិ សន្តិសុខ និងកិច្ចការបរទេស។

(VOVWORLD) - ឆ្នាំ ២០២២ មានអត្ថន័យដ៏សំខាន់ចំពោះវៀតណាម ដោយបានបង្កើតកម្លាំងចលករ ដើម្បីបំពេញរាល់គោលដៅយុទ្ធសាស្ត្រ និងផែនការអភិវឌ្ឍន៍សេដ្ឋកិច្ចសង្គមសម្រាប់អាណត្តិ ៥ ឆ្នាំ ចាប់ពីឆ្នាំ ២០២១ ដល់ឆ្នាំ ២០២៥ និងចក្ខុវិស័យដល់ឆ្នាំ ២០៣០។

(VOVWORLD) - មួយសប្តាហ៍ បន្ទាប់ពីការប្រកាសដកកងទ័ពរុស្ស៊ីចេញពីតំបន់ព្រំដែនមួយចំនួនជាមួយអ៊ុយក្រែន ភាពតានតឹងនៅតែបន្តគ្រប់ដណ្តប់តាមបណ្តោយព្រំដែនរវាងប្រទេសជិតខាងទាំងពីរដែលធ្លាប់ជាផ្នែកមួយរបស់សហភាពសូវៀត។ ស្ថានភាពជាក់ស្តែងនេះបង្ហាញថា ដើម្បីកាត់បន្ថយភាពតានតឹងនិងឈានទៅដល់ដំណោះស្រាយចុងក្រោយសម្រាប់វិបត្តិ ភាគីទាំងអស់ត្រូវខិតខំប្រឹងប្រែងបន្ថែមទៀត ដើម្បីយកឈ្នះរាល់បញ្ហាប្រឈមដែលកំពុងមានស្រាប់។

(VOVWORLD) - នាព្រឹកថ្ងៃទី២១ ខែកុម្ភៈ នៅទីក្រុងហាណូយ គណៈ កម្មាធិការអចិន្រ្តៃយ៍រដ្ឋសភាវៀតណាមបានរៀបចំកិច្ចប្រជុំបូកសរុបនិងដាក់ពង្រាយការងារឆ្នាំរបស់ក្រុមប្រឹក្សាប្រជាជននៃបណ្ដាខេត្ត ក្រុងភាគខាងជើង ដើម្បីពង្រីកប្រសិទ្ធភាពឲ្យបានខ្ពស់បំផុតនូវតួនាទីនិងឋានៈរបស់ស្ថាប័នអំណាចរដ្ឋប្រចាំមូលដ្ឋាន។ ផ្ដើមពីនោះ អាចពង្រីកប្រៀបខ្លាំងនៃមូលដ្ឋាននីមួយៗ ចូលរួមចំណែកជាមួយប្រទេសទាំងមូលអនុវត្តន៍គោលដៅអភិវឌ្ឍសេដ្ឋកិច្ចសង្គម។

(VOVWORLD) - ចាប់ពីថ្ងៃទី១៧ដល់ថ្ងៃទី១៩ ខែកុម្ភៈ ឆ្នាំ២០២២ អនុប្រធានប្រតិបត្តិគណៈកម្មាធិការអឺរ៉ុប (EC) លោក Frans Timmermans បានអញ្ជើញមកបំពេញទស្សនកិច្ចនៅវៀតណាមតបតាមការអញ្ជើញរបស់ឧបនាយករដ្ឋមន្រ្តីរដ្ឋាភិបាលលោក Le Van Thanh។ ក្នុងបរិបទដែលជម្ងឺរាតត្បាតវិវឌ្ឍន៍យ៉ាងស្មុគស្មាញ និងការប្រកួតប្រជែងភូមិសាស្ត្រយុទ្ធសាស្ត្រលើទូទាំងសកលលោកកាន់តឹងតែងឡើងៗ ដំណើរទស្សនកិច្ចដោយមានរបៀបវារៈគ្របដណ្ដប់លើខ្លឹមសារសំខាន់ជាច្រើននេះ បានបង្ហាញសារជាថ្មីម្ដងទៀតនូវការគោរពរបស់ភាគីទាំងពីរចំពោះការជំរុញ ពង្រឹងទំនាក់ទំនងភាពជាដៃគូនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម-EU ឲ្យកាន់តែជាក់ស្ដែងនិងមានប្រសិទ្ធភាពថែមទៀត។

(VOVWORLD) - នៅពេលដែលសៀវភៅ “ទ្រឹស្តីនិងការអនុវត្តជាក់ស្តែងមួយចំនួនស្តីពីសង្គមនិយមនិងមាគ៌ាទៅកាន់សង្គមនិយមនៅ វៀតណាម” និពន្ធឡើងដោយអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong ត្រូវបានបង្ហាញផ្សព្វផ្សាយ អ្នកសរសេរប្លុកមួយចំនួន (blogger) ដែលមានអាសយដ្ឋាននៅក្រៅប្រទេសចាត់ទុកថា ទឡ្ហីករណ៍និងខ្លឹមសារនៅក្នុងសៀវភៅនេះគឺហួសសម័យ ខ្វះមូលដ្ឋានវិទ្យាសាស្ត្រ ហើយថា ការជ្រើសរើសឈានឡើងសង្គមនិយមវៀតណាមគឺជាកំហុសមួយដែរ។ ទឡ្ហីករណ៍ទាំងនេះមានគោលបំណងធ្វើឲ្យរង្គោះរង្គើរជំនឿអំពីគោលដៅឧត្តមគតិរបស់បក្សនិងអនុវត្តន៍យុទ្ធសាស្ត្រ “ការវិវត្តដោយសន្តិភាព” របស់កងកម្លាំងអរិភាពចំពោះវៀតណាម។

(VOVWORLD) - កិច្ចប្រជុំទូទាំងប្រទេសតាមអនឡាញស្ដីពីការបូកសរុបរយៈពេល ២០ ឆ្នាំ នៃការអនុវត្តសេចក្តីសម្រេចចិត្តលេខ 13-NQ/TW ស្តីពីសេដ្ឋកិច្ចសមូហភាព និងបូកសរុបរយៈពេល ១០ ឆ្នាំនៃការអនុវត្តច្បាប់ស្តីពីសហករណ៍ឆ្នាំ ២០១២ បានប្រព្រឹត្តិទៅនាថ្ងៃទី ១៥ កុម្ភៈ ឆ្នាំ ២០២២ នៅទីក្រុងហាណូយ។ នេះគឺជាព្រឹត្តិការណ៍ដ៏សំខាន់ សំដៅជំរុញខ្លាំងការអនុវត្តគោលការណ៍របស់បក្សកុម្មុយនិស្តវៀតណាមអំពីការអភិវឌ្ឍសេដ្ឋកិច្ចសមូហភាព និងសហករណ៍របស់វៀតណាមក្នុងដំណាក់កាលថ្មីផងដែរ។

(VOVWORLD) - នាពេលថ្មីៗនេះ រដ្ឋបាលរបស់លោកប្រធានាធិបតី Joe Biden បានប្រកាសយុទ្ធសាស្ត្រថ្មីមួយអំពីតំបន់ឥណ្ឌាប៉ាស៊ីហ្វិកប្រកបដោយសេរី និងបើកចំហ ដែលជាផ្នែកមួយនៃកិច្ចខិតខំប្រឹងប្រែងដើម្បីបញ្ជាក់ពីសារៈសំខាន់របស់តំបន់នេះ។ សារពីសហរដ្ឋ អាមេរិក និងប្រទេសស្ថិតក្នុងក្រុម “Quad” ឆ្លុះបញ្ចាំងពីការប្តេជ្ញាចិត្ត ក្នុងការប្រដេញតាមការកសាងតំបន់ឥណ្ឌាប៉ាស៊ីហ្វិកប្រកបដោយសេរីនិងបើកចំហ លើគ្រប់វិស័យ ចាប់ពីសន្តិសុខ រហូតដល់សេដ្ឋកិច្ច។

(VOVWORLD) - វៀតណាមកំពុងបង្ហាញឲ្យឃើញពីការខិតខំប្រឹងប្រែងយ៉ាងខ្លាំងក្នុងការពន្លឿនដំណើរការស្តារទាំងម៉ាក្រូសេដ្ឋកិច្ចនិង មីក្រូសេដ្ឋកិច្ច។ ចាប់ពីដើមឆ្នាំ ២០២២ មក គោល នយោបាយថ្មីត្រូវបានរដ្ឋាភិបាល ដាក់ពង្រាយជាបន្តបន្ទាប់ដើម្បីដោះស្រាយចំណុច កកស្ទះក្នុងការបើកចំណាយដើមទុនវិនិយោគសាធារណៈ កសាងហេដ្ឋារចនាសម្ព័ន្ធ ហើយជំរុញការការប្រើប្រាស់ទំនិញ។