(VOVWORLD) - នៅចំពោះមុខផលប៉ះពាល់អវិជ្ជមាន ពីការរីករាលដាលដ៏ស្មុគស្មាញនៃជំងឺរាតត្បាតកូវីដ-១៩ផងនិងការប្រែប្រួលភូមិសាស្ត្រនយោបាយអន្តរជាតិផង ដែលភាគច្រើនទាក់ទងនឹងវិបត្តិរុស្ស៊ី-អ៊ុយក្រែន រដ្ឋាភិបាលជាច្រើនលើពិភពលោកកំពុងប្រញាប់ប្រញាល់ដាក់ឲ្យដំណើរការនូវវិធានការឆ្លើយតបយ៉ាងប្ដូរផ្ដាច់ក្នុងគោលដៅចម្បងគឺ ការពង្រឹងនិងរក្សាសន្ទុះស្ដារសេដ្ឋកិច្ច ដែលទើបតែចាប់ផ្តើមឡើងវិញកាលពីចុងឆ្នាំមុននិងដើមឆ្នាំនេះ។

(VOVWORLD) - រដ្ឋាភិបាលវៀតណាមបានបើកដំណើរការសកម្ម ភាពទេសចរណ៍ឡើងវិញ សម្រាប់ភ្ញៀវទេសចរអន្តរជាតិក្នុងលក្ខខណ្ឌធម្មតា ចាប់ពីថ្ងៃទី ១៥ ខែមីនា ឆ្នាំ ២០២២ ដោយបើកចេញ "ឱកាសមាស" សម្រាប់ស្តារការអភិវឌ្ឍទេសចរណ៍របស់វៀតណាម ក្នុងដំណាក់កាលរៀនរស់ធម្មតាជាមួយនឹងជំងឺរាតត្បាតកូវីដ ១៩។ យ៉ាងណាមិញ ផ្នែកទេសចរណ៍កំពុងខិតខំប្រឹងប្រែងជាមួយក្រសួងនិងមូលដ្ឋាននានា ដើម្បីដាក់ពង្រាយសកម្មភាពជាច្រើន កសាងរូបភាពប្រទេសវៀតណាម ជាគោលដៅទេសចរណ៍ប្រកបដោយភាពរួសរាយរាក់ទាក់និងសុវត្ថិភាព ដើម្បីប្តេជ្ញាសម្រេចបានគោលដៅទទួលភ្ញៀវអន្តរជាតិចំនួន ៥ លាននាក់ក្នុងឆ្នាំ ២០២២។

(VOVWORLD) - នាថ្ងៃទី ១៦ ខែមីនា សម័យសួរដេញដោល និងឆ្លើយសំណួរដេញដោលលើកដំបូងនៃគណៈកម្មាធិការអចិន្ត្រៃយ៍រដ្ឋសភាវៀតណាម នីតិកាលទី ១៥ បានប្រព្រឹត្តិទៅតាមទម្រង់ផ្ទាល់នៅវិមានរដ្ឋសភា នៃទីក្រុងហាណូយ ដោយតភ្ជាប់តាមប្រព័ន្ធអនឡាញទៅកាន់គណៈប្រតិភូសមាជិករដ្ឋសភាចំនួន ៦២ ក្រុមនៅតាមខេត្ត ក្រុងនានាចំណុះមជ្ឈឹម។

(VOVWORLD) - រុស្ស៊ីនិងអ៊ុយក្រែនកំពុងដំណើការកិច្ចចរចាលើកទី ៤ តាមទម្រង់អនឡាញ បន្ទាប់ពីបានអនុវត្តន៍កិច្ចចរចាផ្ទាល់ចំនួន ៣លើករួចមក។ ទោះបី ជាបទឈប់បាញ់និងការដកទ័ពមិនទាន់ត្រូវបានសម្រេចក៏ដោយ ប៉ុន្តែការដែលភាគីទាំងពីរបានដំណើរការកិច្ចចរចាជាបន្តបន្ទាប់ រួមទាំងផ្សាយចេញសេចក្តីប្រកាសវិជ្ជមានមួយចំនួន ហាក់ដូចជាផ្តុំឡើងក្តីសង្ឃឹម ក្នុងការស្វែងរកផ្លូវចេញសម្រាប់វិបត្តិម៉ូស្គូ-គៀវអញ្ជឹង។

(VOVWORLD) - ក្នុងប៉ុន្មានថ្ងៃកន្លងមកនេះ នៅចំពោះមុខការវិវឌ្ឍន៍ដ៏ស្មុគស្មាញនៅអ៊ុយក្រែន រដ្ឋាភិបាលវៀតណាមបានដាក់ពង្រាយជើងហោះហើរដើម្បីដឹកពលរដ្ឋត្រឡប់មកប្រទេសវិញ ព្រមទាំងផ្ដល់ការជួយឧបត្ថម្ភជាកន្លែងស្នាក់នៅ អាហារនិងលក្ខខណ្ឌចាំបាច់ផ្សេងទៀតក្នុងអំឡុងពេលប្រជាពលរដ្ឋធ្វើដំណើរពីអ៊ុយក្រែនទៅប្រទេសជិតខាង ដើម្បីត្រឡប់មកវៀតណាមវិញ។ ការយកចិត្តទុកដាក់ដោយទាន់ពេលវេលានេះ បានរួមចំណែកជួយសហគមន៍វៀតណាមនៅអ៊ុយក្រែនកាត់បន្ថយការលំបាក រំលេចនូវគុណស្រ័យជនរួមជាតិ ហើយពង្រឹងចំណងសាមគ្គីភាពជាតិផងដែរ។

(VOVWORLD) - នៅថ្ងៃទី ១០ ខែមីនា ជំនួបចរចាថ្នាក់រដ្ឋមន្ត្រីការបរទេសរវាងរុស្ស៊ី និងអ៊ុយក្រែន បានបញ្ចប់ដោយគ្មានវឌ្ឍនភាពណាមួយលើបទឈប់បាញ់ឡើយ លើកលែងតែការ ដែលរុស្ស៊ីនឹងបើកច្រករបៀងមនុស្សធម៌ដែលអនុញ្ញាតឲ្យជម្លៀសប្រជាជនអ៊ុយក្រែនចេញពីទីក្រុងចំនួន៥នៃប្រទេសនេះ។ វាដូចជាឆាប់ពេកដើម្បីវិនិច្ឆ័យលើយថាទស្សន៍ នៃជម្លោះនៅអ៊ុយក្រែន ប៉ុន្តែច្បាស់ណាស់ថា ការដែលតំណាងនៃភាគីទាំងពីរបានជួប ចរចាគ្នាបីលើកជាបន្តបន្ទាប់ ក្នុងរយៈពេលជាង ១០ ថ្ងៃ រួមជាមួយនឹងការខិតខំប្រឹង ប្រែងការទូតដែលត្រូវបានដាស់តឿនដោយភាគីពាក់ព័ន្ធនោះ បានបង្ហាញឲ្យឃើញថា ទ្វារនៃកិច្ចសន្ទនាដើម្បីដោះស្រាយជម្លោះដោយសន្តិវិធី មិនទាន់បិទនៅឡើយ ទោះបីជានៅតែមានការលំបាកច្រើននៅខាងមុខក៏ដោយ។

(VOVWORLD) - រដ្ឋាភិបាលវៀតណាមមានគោលបំណងបង្កើតការលោតផ្លោះក្នុងកំណែទម្រង់រដ្ឋបាលនៅឆ្នាំ ២០២២ ជាពិសេសការកែទម្រង់បែបបទរដ្ឋបាលសម្រាប់ប្រជាជននិងអង្គភាពអាជីវកម្ម។ ទន្ទឹមនឹងនោះ គឺការលើកកម្ពស់ប្រសិទ្ធភាពនៃការគ្រប់គ្រងនិងអភិបាលកិច្ចរបស់ប្រទេសជាតិ ក្រសួង ស្ថាប័ន សាខា និងមូលដ្ឋាន ដើម្បីជំរុញនិងកៀងគរប្រភពធនធានទាំងអស់សម្រាប់ការអភិវឌ្ឍប្រទេសជាតិ។

(VOVWORLD) - វៀតណាមកំពុងផ្តល់អាទិភាពខ្ពស់បំផុតក្នុងការធានាសន្តិសុខ និងសុវត្ថិភាពអំពីអាយុជីវិត ទ្រព្យសម្បត្តិ និងផលប្រយោជន៍ស្របច្បាប់ដ៏ត្រឹមត្រូវជូនពលរដ្ឋ និង នីតិបុគ្គលវៀតណាមនៅអ៊ុយក្រែន។ ក្នុងរយៈពេលប៉ុន្មានថ្ងៃកន្លងទៅ កិច្ចការនេះកំពុងត្រូវបានអនុវត្តន៍ជាបន្ទាន់យ៉ាងប្ដូរផ្ដាច់ និងប្រកបដោយប្រសិទ្ធភាព ក្នុងនោះមានការរៀបចំជើងហោះហើរជម្លៀសប្រជាពលរដ្ឋឲ្យវិលត្រឡប់មកប្រទេសវិញផងដែរ។

(VOVWORLD) - ក្នុងបរិបទដែលសន្ទុះនៃការស្តារឡើងវិញពីផលប៉ះពាល់បណ្តាលពីជំងឺរាតត្បាតកូវីដ ១៩ នៅតែមិនទាន់ច្បាស់លាស់ ប៉ុន្តែសេដ្ឋកិច្ចពិភពលោកក៏កំពុងប្រឈមមុខនឹងបញ្ហាប្រឈមធំមួយទៀតពីវិបត្តិរុស្ស៊ី-អ៊ុយក្រែន ដែលជាប្រទេសពីរដើរតួនាទីយ៉ាងសំខាន់ក្នុងការផ្គត់ផ្គង់ទំនិញអន្តរជាតិ។ ហេតុដូច្នេះ ទោះបីជាហានិភ័យនៃការធ្លាក់ចុះសេដ្ឋកិច្ចមិនអាចកើតឡើងក៏ដោយ ប៉ុន្តែសេដ្ឋកិច្ចពិភព លោកត្រូវបានព្យាករណ៍ថានឹងប្រឈមមុខនឹងការលំបាកធ្ងន់ធ្ងរជាច្រើនពីវិបត្តិដែលមិនអាចកំណត់ទីបញ្ចប់បាននេះ។

(VOVWORLD) - តំបន់ដីសណ្តទន្លេ Cuu Long ជាមជ្ឈមណ្ឌលដ៏ធំនៃការផលិតស្រូវ ផ្លែឈើ វារីវប្បកម្ម ការនេសាទ និងកែច្នៃជលផល ដែលរួមវិភាគទានដ៏ធំធេងក្នុងការនាំចេញកសិផល រុក្ខាផល និងជលផលរបស់វៀតណាម។ ទោះជាយ៉ាងណាក៏ដោយ នេះក៏ជាតំបន់មួយដែលកំពុងប្រឈមមុខនឹងបញ្ហាធំៗជាច្រើនដែរ រួមទាំងការប្រែប្រួលអាកាសធាតុ និងការតភ្ជាប់តំបន់សម្រាប់ការអភិវឌ្ឍ។ នៅឯកិច្ចប្រជុំជំរុញការអភិវឌ្ឍកសិកម្មប្រកបដោយចីរភាពនៅតំបន់ដីសណ្ដទន្លេ Cuu Long ដើម្បីសម្របខ្លួនយ៉ាងសកម្មទៅនឹងបម្រែបម្រួលអាកាសធាតុដែលបានប្រព្រឹត្តិទៅកាលពីចុងសប្តាហ៍កន្លងទៅនៅខេត្ត Kien Giang នាយករដ្ឋមន្ត្រីវៀតណាមលោក Pham Minh Chinh និងអង្គប្រជុំបានលើកឡើងមតិយោបល់ជាច្រើនដើម្បីពង្រីកយ៉ាងពេញលេញនូវសក្តានុពលអភិវឌ្ឍនៃតំបន់។